Post: #1
Title: ميـاه صالحـة للأكل - توجـد صـورة
Author: Abureesh
Date: 07-24-2011, 11:50 AM
هسى المديدة دى لو سخنوها ما ممكن يملحوا بيها عصـيـدة رمضان؟
يللا يا نسـوان قوموا إتلحلحوا.. أصلو الإختراعات دى بتجى كيف؟
إقتراح لسلطات مياه الخرطوم.. مياه الأمطار الراكدة فى الشوراع أقل عكورة من النيل، لذلك يمكن سحب هـذه
المياه وإدخالها الشبكة العامة.. تكونوا ضربتم عصفورين بحجر - التالت أصلوا مضروب من زمان ومات.
|
Post: #2
Title: Re: ميـاه صالحـة للأكل - توجـد صـورة
Author: فايزودالقاضي
Date: 07-24-2011, 12:06 PM
Parent: #1
| Quote: ميـاه صالحـة للأكل |
ياقريبي والله ده ابلغ تعبير قريتو لحال المويه ..
عادت بي الذاكرة لسواكن المدينة ..كنا نفرح لمن يجي موسم الامطار والسقا والتناكر تجينا بموية السيل ..تخيل موية السيل مرغوبة اكتر من الموية النضيفة شكلاً والمالحة طعماً وكنا نفرح لمن بتاع السقا يقول لينا مويتو موية سيل..وكنا نشرب الكدر بطمئنينا وكنا نخاف نبلع اى بذرة خوف انو تقوم في بطنا شجرة لخصوبة الارض البطنية ووجود الطمي فيها ..
هسه ناس المركز بيعانوا مما ظللنا نعاني منه منذ خليقة ارضنا وانضمام السودان لها ..ياسبحان الله !!!
عد من عد فقرا ..
|
Post: #3
Title: Re: ميـاه صالحـة للأكل - توجـد صـورة
Author: Abureesh
Date: 07-24-2011, 02:19 PM
Parent: #2
فايـز
إدم منوم منك.. كريتوم كايفيتوم هليت
|
Post: #4
Title: Re: ميـاه صالحـة للأكل - توجـد صـورة
Author: عبدالله احيمر
Date: 07-24-2011, 02:37 PM
Parent: #3
يا ابو ريش
الموية الصالحة للأكل ومشــبعة دي عرفناها
بس لو في طفـل إحتاج ملح ترويه يحلو ليهـو بشــنو ؟
|
Post: #5
Title: Re: ميـاه صالحـة للأكل - توجـد صـورة
Author: Abureesh
Date: 07-24-2011, 03:41 PM
Parent: #4
***بس لو في طفـل إحتاج ملح ترويه يحلو ليهـو بشــنو ؟***
عبدالله،
لو فى طفل إحتاج ملح تروية (مع إنى ما عارف ملح تروية معناها شنو) لكن الموية النضيفـة ممكن يشتروها
ليه من عفراء مول، ولو مافى خبز فى بيتهم ممكن كمان من نفس المول يشتروا ليه كيك..
أقول شنو يعنى يا احيمـر..
.
|
|