Post: #1
Title: عودة الضرائب مرة اخرة ... على المغتربين تبني موقف واضح .
Author: الرفاعي عبدالعاطي حجر
Date: 07-23-2011, 09:09 PM
Parent: #0
والله عندكم رأي آخر .
.......................حجر.
|
Post: #2
Title: Re: عودة الضرائب مرة اخرة ... على المغتربين تبني موقف واضح .
Author: محمد العوض
Date: 07-24-2011, 07:59 AM
Parent: #1
الرفاعي حجر
اصلا الضرائب ما وقفت اطلاقا
ولازلنا ندفع وطالما كرار وامثالة موجودين
في جهاز حلب المغتربين من اموالهم بالباطل
فلن يقف تدفق هذا النهر
رغم انني لست طبيبا او مهندسا او من ذوي الشهادات العليا
التي منحتني لها جمهورية السودان فلازال علي ان ادفع طالما
انني مغترب ولن اعطي تاشيرة خروج من بلدي ان لن ادفع ‘‘‘ عجبي
|
Post: #4
Title: Re: عودة الضرائب مرة اخرة ... على المغتربين تبني موقف واضح .
Author: عماد حسين
Date: 07-24-2011, 11:18 AM
Quote: عودة الضرائب مرة اخرة ... على المغتربين تبني موقف واضح .
والله عندكم رأي آخر .
.......................حجر. |
يا حجر.. عساك بخير
الحاصل شنو يا زول
لينا 8 سنة ما نزلنا البلد..
أها.. ياهو المرض القديم وللا في حاجة زادت
نرجو التفصيل لو عندك معلومات زياد
يديك العافية
|
Post: #5
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-24-2011, 11:32 AM
Parent: #4
حبيبنا الرفاعي ...سلام ...
كدي اول ادينا النجيضة على قول الجماعة ..
زمن الضرايب كنا بنعمل التوكيل بــ 10 ريال كرسوم طباعة ..اها لمن شالوا الضرايب المجرمين جابوها في التوكيلات وفي رسوم الاجراءات الاخرى ..شغل بتاع محلسة ..
|
Post: #6
Title: Re: عودة الضرائب مرة اخرة ... على المغتربين تبني موقف واضح .
Author: طارق جبريل
Date: 07-24-2011, 11:42 AM
Parent: #5
عشان يغطوا العجز يا حبيب
لازم يرجعوا الضرائب وحا تكون اكتر من زمان
|
Post: #7
Title: Re: عودة الضرائب مرة اخرة ... على المغتربين تبني موقف واضح .
Author: عماد حسين
Date: 07-24-2011, 11:48 AM
Parent: #6
Quote: حبيبنا الرفاعي ...سلام ...
كدي اول ادينا النجيضة على قول الجماعة ..
زمن الضرايب كنا بنعمل التوكيل بــ 10 ريال كرسوم طباعة ..اها لمن شالوا الضرايب المجرمين جابوها في التوكيلات وفي رسوم الاجراءات الاخرى ..شغل بتاع محلسة ..
|
يعني قاعد تدير اعمالك بالتوكيلات؟
بالله يا ود القاضي.. عندك اعمال قدر ده في السودان؟
|
Post: #8
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-24-2011, 11:57 AM
Parent: #7
ياعمدة ياحبيبنا ...سلامات
Quote: يعني قاعد تدير اعمالك بالتوكيلات؟
بالله يا ود القاضي.. عندك اعمال قدر ده في السودان؟ |
هو انا لو عندي اعمال المقعدني ساكي الجينات شنو ؟!!
توكيلات جمع توكيل ..توكيل تسجيل قطعة ..توكيل عرس ..توكيل بيع عودة تذكرة ..اى حاجة من هذا القبيل الجيعان ..
التوكيل ياعماد قبل الغاء الضرايب كان بــ 10 ريال وبعد الغاءها بقى بــ 110 ريال ..شفت اللعب على الدقون كيف !! ..
عليك الله شوف لي موضوع الجينات وشوف جذوري عايز اهج عليهم انا بلدكم دي مابتخارج معاى كلو كلو ..
|
Post: #9
Title: Re: عودة الضرائب مرة اخرة ... على المغتربين تبني موقف واضح .
Author: صديق الموج
Date: 07-24-2011, 12:07 PM
Parent: #8
السفارات مازالت تتحصل من المغترب 100 رسوم سلام
شفتو اللعب على الدقون
كرار شنو واطفال شنو ...
حقو الناس تشوف الفيل الضلله خلوها...
العيب من هذه الحكومة التى لم تراعى فينا لا الا ولاذمة
هذا الجهاز المعيب ماهم الا اداة طيعة فى يد طغاة ظلمة،،،
|
Post: #10
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-24-2011, 12:12 PM
Parent: #9
حبيبنا صديق الموج ..سلامات وبركة الرجعة ..
Quote: السفارات مازالت تتحصل من المغترب 100 رسوم سلام
شفتو اللعب على الدقون |
قبل ايام اولادي وصلوا من السودان تخيل دفعوهم رسوم مغادرة ( 70 جنيه ) بالجديد لكل جواز !!!حتى الرضيع دفع رسوم المغادرة ..ولمن اعترضت زوجتي الضابط في المطار قال ليها الزيادة دي بسيطة فالزيادة الكبيرة قادمة ...
|
Post: #11
Title: Re: عودة الضرائب مرة اخرة ... على المغتربين تبني موقف واضح .
Author: عبدالله احيمر
Date: 07-24-2011, 12:52 PM
Parent: #10
Quote: قبل ايام اولادي وصلوا من السودان تخيل دفعوهم رسوم مغادرة ( 70 جنيه ) بالجديد لكل جواز !!!
حتى الرضيع دفع رسوم المغادرة ..ولمن اعترضت زوجتي الضابط في المطار قال ليها الزيادة دي بسيطة فالزيادة الكبيرة قادمة ... |
حجــر
كيف حالك
ياود القاضي واحـد اولادو اشــروا في آخر الاسـبوع الفات
دفعـوا فـووق الـ 100 لكل جواز
ودي أظنها الزيادة الوســط والكبيرة لســع او كما قال
|
Post: #12
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-24-2011, 12:59 PM
Parent: #11
حبيبنا احيمر ...سلام ..
Quote: ياود القاضي واحـد اولادو اشــروا في آخر الاسـبوع الفات
دفعـوا فـووق الـ 100 لكل جواز |
واغرب حاجة مافي ليها ايصال ولا اورنيك - حسب إفادة ام العيال -
|
Post: #13
Title: Re: عودة الضرائب مرة اخرة ... على المغتربين تبني موقف واضح .
Author: الصادق يحيى عبدالله
Date: 07-24-2011, 01:10 PM
Parent: #12
ود القاضي و اخرين
الرفاعي اثار قضية و لم يوضح جوانبها على اهميتها و انتهى به الامر مختفيا.
كل عام اقوم بسداد الاتي:
80 ريال خدمات
281 ريال ضرائب
733 ريال زكاة.
هذا العام و من اسبوع فقط طلعت الزكاة عندي 0.00 ريال، فخرجت من الجهاز ضاحكا.
|
Post: #14
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-24-2011, 01:13 PM
Parent: #13
الصادق ..سلام ..
دي زكاة ولا جزية ؟!!!!
|
Post: #15
Title: Re: عودة الضرائب مرة اخرة ... على المغتربين تبني موقف واضح .
Author: ود الباوقة
Date: 07-24-2011, 02:04 PM
Parent: #14
مية في المية عندك اسطول نقل
بري ....
|
Post: #16
Title: Re: عودة الضرائب مرة اخرة ... على المغتربين تبني موقف واضح .
Author: محمد قسم الله محمد
Date: 07-24-2011, 02:17 PM
Parent: #15
Quote:
مية في المية عندك اسطول نقل
بري .... |
المغتربين ديل من يهبشوهم في القروش يتجننو ..
تلقي الواحد كانز قروش وكروش ..
يسألوهو من الزكاه يدعَّي بالخراب وأكل الويكاب ..
ياناس شنو يعني ضريبه ؟؟ شوية ريالات ..
ماهو في السودان بيدفعوها وهم أحوج ما يكون لكل مليم..
الغايظني ..
المغترب يتجابن في شوية ريالات .. لكن الريالات دي ممكن يدفع أكتر منها في حفلة شاي وبوبار..
كونوا صريحين..
ود الباوقه .. رأيك شنو؟؟
|
Post: #17
Title: Re: عودة الضرائب مرة اخرة ... على المغتربين تبني موقف واضح .
Author: عرفة محمد سعيد
Date: 07-24-2011, 03:06 PM
Parent: #16
Quote: قبل ايام اولادي وصلوا من السودان تخيل دفعوهم رسوم مغادرة ( 70 جنيه ) بالجديد لكل جواز !!!
حتى الرضيع دفع رسوم المغادرة ..ولمن اعترضت زوجتي الضابط في المطار قال ليها الزيادة دي بسيطة فالزيادة الكبيرة قادمة ... |
Quote: ياود القاضي واحـد اولادو اشــروا في آخر الاسـبوع الفات
دفعـوا فـووق الـ 100 لكل جواز
ودي أظنها الزيادة الوســط والكبيرة لســع او كما قال |
سلام للجميع
قبل اسبوع فقط وصلنا من السودان والغريبة ماكان في رسوم مغادرة (ممكن حسب الخطوط ) الله اعلم
وقبل اسبوع فقط تأشيرة الخروج للجواز الواحد ب 64 جنيه ومعاها ايصال لاستلام الجواز بعد ساعة
لكن بلد مكْار زي السودان ده نتوقع منه اي حاجة..
|
Post: #18
Title: Re: عودة الضرائب مرة اخرة ... على المغتربين تبني موقف واضح .
Author: ود الباوقة
Date: 07-24-2011, 03:14 PM
Parent: #16
| Quote: ود الباوقه .. رأيك شنو؟؟ |
والله يا ودقسم الله
المغتربين يكفيهم انهم عايشين اهلهم
في السودان
وعايشين جيرانهم
وعايشين اصدقائهم
كفاية عليهم يا اخ
انت الظاهر عليك اليومين ديل ضارب الهمبريب ...
|
Post: #19
Title: Re: عودة الضرائب مرة اخرة ... على المغتربين تبني موقف واضح .
Author: محمد إبراهيم علي
Date: 07-24-2011, 03:15 PM
Parent: #16
ايوة رشهم يا محمد قسم الله
ديل كلهم موظفين ومليانين كروش وقروش وكاتبين في الجواز المهنة عامل والواحد تلقاهو شغال في مطار (جدة) اخر انبساط
انا من المغضوب عليهم حيث ان المهندسين لم يعفو من الضريبة في القرار الفات
فلازلت ادفع ضرائب وزكاة ورسوم خدمات وبطاقة المغتربين والالزامية وحق بتاع تصوير الورق وحق ناس البوليس باورنيك 15 وبدون اورنيك زاتوو
اقترح انو المغتربين يعملو عودة جماعية عشان بكرة نلقى الحكومة كلها واقفة في السفارة السعودية
|
Post: #24
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-25-2011, 09:04 AM
Parent: #19
Quote: انا من المغضوب عليهم حيث ان المهندسين لم يعفو من الضريبة في القرار الفات
فلازلت ادفع ضرائب وزكاة ورسوم خدمات وبطاقة المغتربين والالزامية وحق بتاع تصوير الورق وحق ناس البوليس باورنيك 15 وبدون اورنيك زاتوو |
انت مهندس وراتبك لايقل 32 الف ريال مفروض تشارك في صندوق اعمار الشمال مش تدفع ضرايب ولا زكاة !!!..(ربنا يزيدك)
ـــــــــــــــــ
موضوع الراتب ده وراني ليهو ودالصايم بتاع الرياض ..
|
Post: #20
Title: Re: عودة الضرائب مرة اخرة ... على المغتربين تبني موقف واضح .
Author: عماد حسين
Date: 07-24-2011, 03:29 PM
Parent: #12
| Quote: موضوع الجينات وشوف جذوري عايز اهج عليهم انا بلدكم دي مابتخارج معاى كلو كلو .. |
دق علي يا فايز.. عندي ليك 3 ظروف أدوات.. وريني أرسلها ليك كيف
كان مفترض أرسل ليك 5 لكن نحنا هسع طلبنا 100 عينة لمشروع السودان
ولما تجي ما بنقصر معاك تب
| Quote: واغرب حاجة مافي ليها ايصال ولا اورنيك - حسب إفادة ام العيال |
أحسن ياخدوها من غير ايصال.. عشان دمهم ما يفور، وما يحصل ليهم الحصل لــ (أحدهم) في سواكن
قال ليك في سواكن.. يقول ليك مثلاً جيب 11 ألف (بالقديم) ويديك ايصال بي 10 ألف
واحددفع 11 وأدوهو ايصال بي 10 قام زعل..
وطوالي قال ليهم: ده شنو
قالوا ليهو: مالك؟ الحاصل شنو؟
قال ليهم: كيف أديك 11 وتديني ابصال بي 10 ؟
قالوا ليهو: يا زول خلي اللماضة، انتا ما داير تتخارج من هنا وللا شنو
أوكما قال
ههههههههههههههههههههه
|
Post: #21
Title: Re: عودة الضرائب مرة اخرة ... على المغتربين تبني موقف واضح .
Author: عبدالله احيمر
Date: 07-24-2011, 04:05 PM
Parent: #20
| Quote: ماكان في رسوم مغادرة (ممكن حسب الخطوط ) |
رســوم المغادرة ليها شــهور مافي
ما عارف بقـت ضمن التذكـرة ولا اتلغـت
صاحبي القال اولادو اتصلوا عليهـو وقال دفعـوا فوق المية
ديل ح يصـلوا يـوم الخميس , أهـا يوم الجمعة بجيب ليك النجيضة
( الفـرق مشــى وين )
انا طبعـا مصدقك تماما لكن في حاجة غريبة و معلومات متضاربة
بس و انتي غادرتي السـودان قريب , ما في حاجة تانية تحت أي مســمى
|
Post: #22
Title: Re: عودة الضرائب مرة اخرة ... على المغتربين تبني موقف واضح .
Author: محمد إبراهيم علي
Date: 07-24-2011, 05:38 PM
Parent: #21
في حاجة ما مفهومة بتحصل
انا كنت في السودان في شهر 3 وما دفعت رسوم مغادرة (طيران ناس)
اولادي جو بعدي في نهاية شهر 3 وما دفعوا رسوم مغادرة (السعودية)
الصورة التحت دي بتوضح انو طيران ناس والسعودية بيخلصو رسوم المغادرة مع التذكرة
ناس بتخلص تقريبا 130 ريال = رسوم مغادرة 55 ريال + دمغة 75 (دمغة شنو ما معروفة وعلى فكرة دي اضيفت قريب دا)
والسعودية 49 ريال
الـ 49 ريال = 35000 جنيه (بسعر البنك)
غايتو يا طيران ناس يا حكومتنا واحد فيهم بكروت في المغتربين وبدفعهم ما يقارب 81 ريال في كل تذكرة
منبر الجن ده ما فيهو واحد شغال في المطار يجي يورينا لي لما نسافر بطيران ناس بندفع زيادة 81 ريال في كل تذكرة؟
|
Post: #23
Title: Re: عودة الضرائب مرة اخرة ... على المغتربين تبني موقف واضح .
Author: محمد عبد الماجد الصايم
Date: 07-25-2011, 08:57 AM
Parent: #22
رسوم المغادرة حسب تذكرة الطيران .. والله أعلم!
لأنو لي فترة طويلة ما دفعت حاجة في المطار!!
الدفع الجد بكون في المغتربين!!
_
ود القاضي دا بكون محسوب مع الأجانب
|
Post: #25
Title: Re: عودة الضرائب مرة اخرة ... على المغتربين تبني موقف واضح .
Author: فايزودالقاضي
Date: 07-25-2011, 09:06 AM
Parent: #23
| Quote: لأنو لي فترة طويلة ما دفعت حاجة في المطار!! |
بكون الجماعة بتاعين الميزانيات المرصودة موصنهم عليك ...
انت ياخدوا منك ولا يدوك ؟!!
|
Post: #26
Title: Re: عودة الضرائب مرة اخرة ... على المغتربين تبني موقف واضح .
Author: عبدالله احيمر
Date: 07-25-2011, 10:12 AM
Parent: #25
Quote: المغتربين ديل من يهبشوهم في القروش يتجننو ..
تلقي الواحد كانز قروش وكروش ..
يسألوهو من الزكاه يدعَّي بالخراب وأكل الويكاب ..
ياناس شنو يعني ضريبه ؟؟ شوية ريالات ..
ماهو في السودان بيدفعوها وهم أحوج ما يكون لكل مليم..
الغايظني ..
المغترب يتجابن في شوية ريالات .. لكن الريالات دي ممكن يدفع أكتر منها في حفلة شاي وبوبار..
كونوا صريحين.. |
يا محمد
هم عندهم قروش عشـان يهبشوهم فيها ؟ بعدين الحكومة خلت ليهم شــنو ما هبشتم فيه
بداية من قراية الأولاد انلى العلاج مع ملاحظة ان بعضهم ما قادر يجدد اقامتو او جوازو
اما قولك بتاع يتجابن وما ادراك فـدا يدخـل في باب البهتان للأغلبية او الناس الحولك
لكن بالله أنظــر أبعد من محيطك وشـوف أحوال الكثير من المغتربين
|
Post: #27
Title: Re: عودة الضرائب مرة اخرة ... على المغتربين تبني موقف واضح .
Author: الرفاعي عبدالعاطي حجر
Date: 07-25-2011, 01:14 PM
Parent: #26
طبعا ليس في غيابي اي اختفاء , القصة هي الاتجاه لفرض ضرائب وعالية جدا وشاملة الجميع
يعني الجاي اكبر ذلك ما وردني ممن لا اشك في صدقه ومن داخل المكاتب المغلقة جداً فليس
بالامر من اختفاء بقدرما طرح ما يجول في خواطر الفيل وعساها تكون ضربة استباقية تحبس
البوم في مرماه النتن .
.................................................حجر.
|
Post: #28
Title: Re: عودة الضرائب مرة اخرة ... على المغتربين تبني موقف واضح .
Author: الفاتح شلبي
Date: 07-25-2011, 01:55 PM
Parent: #27
| Quote: ..ولمن اعترضت زوجتي الضابط في المطار قال ليها الزيادة دي بسيطة فالزيادة الكبيرة قادمة ... |
الاخ حجر وضيوفه
تحياتي ,,,
آخر كلام منطقي وموضوعي وصلني من السودان, أن المبالغ التى يجمعها الجماعة فى كل موقع, يوزع على من بالموقع ... مثلاً رسوم المغادرة فى المطار يتم توزيعها على التماسيح فى الموقع ... والمبالغ التى تجمع بالسفارات من مسميات تعرفونها جيداً شئ سلام وشئ حرب وشئ دمغة جريح وزكاة ... هذهـ المبالغ لا تخرج من السفارات الا وهي متجهة الى جيوب بعض التماسيح الصغار الذين يجيدون توزيعاً عادلاً ما بينهم وهم مستعدون للموت دون هذهـ المبالغ ... وجاهزون منذ الان بآليات تمكنهم ربط سداد هذهـ المبالغ بكافة الإجراءات التى يتكرمون بها لعامة المغتربين
آل عودة الضرائب آل ... الضرائب تفرض من قبل الدول ... ونحن ما عندنا دولة ... نحن عندنا عصابات منظمة تنظيم جيد سمها مافيا أو أي اسم لائق
|
Post: #29
Title: Re: عودة الضرائب مرة اخرة ... على المغتربين تبني موقف واضح .
Author: صديق_ضرار
Date: 07-26-2011, 12:25 PM
Parent: #26
سلام حجر والأخوان
سنة 90 سألت شويفع أفندى فى الكاونتر فى جدة :
إنت صحى حيعيدوا الضرائب تانى ؟
قام قال لى : دا دعايات ناس المعارضة ال########ين .
على العموم ما فوتها ليه ، لكن برضوا كنت ممغوس
بعدها بى كم سنة :
وأنا أشوف بعض الشبان الذين خلف الشبابيك وهم يتأمرون فى خلق الله
ويردوا بكل قلة أدب واستفزاز للخلق
المهم ضاقت روحى ولازم أوسع ليها
وطبعا لازم أوسع ليها من النوع دا :
محلولة دايما بى رجالها
وبقيـت بـراكا حدا الأسـد . . الشـعب قصـدك كلـه جــد
أفيال تخـاف قحـة شــبل . . وانت بتعـوعـى قصد أسـد
ـــــــــــــــــــــــــــــــــ
جعـلوك إمـام والصـولجان . . موصـول بإيـدك ومنعـقـد
سنـو الشـريعـة مضـللين . . يفتـى التـرابى ويجتـهــد
قانـون حمـاية المفسـديـن . . لا ليـه حجـة ولا سـنــد
محـروس بأمن المجـرمـين . . ومنـو البنـازع وينتـقــد
ــــــــــــــــــــــــــــــــ
قلـنا لـيك إتـنـازل أمـان . . نصحـوك وقالـوا كلام حسـد
ملوا ليـكا راسـك بالهـوس . . ومشـيت تبـرطـع فى البـلد
جريت حريمنا مـن البيـوت . . لدفـاعـك الشـعبـى النكــد
ماختيت عجـوزة ولا مريض . . أو طـفل يـادابـو اتـولــد
ــــــــــــــــــــــــــــــــــ
فضفضت جيـشنا المنضـبط . . سخّـرتـو للكـيـزان عضـد
تسريح معـاش ، أو إغتـيال . . ضبـاتنا أصـبحـوا بالعــدد
وصـبرنا ، أيـوب إستجـار . . شــادّين حبـلنا من المســد
لاكـين لـقـينـا الملـتحـين . . خمّـوا الـقلـيل الاتـوجـد
ــــــــــــــــــــــــــــــــــ
نآكل وتزرعـوا صـاغـرين . . حكـمك تشـدّ الـمـا شـهد
تعـروا ونكـون متلبســين . . ممــا صنعتـوا وممـا ورد
تيفـودك الضـارى المخـيف . . فيـروسه سـارح فى الكـبد
وأنيمـيا من عـدم الرغـيف . . وملاريـا نيـران فى الجسـد
ــــــــــــــــــــــــــــــــ
وتقـول كمان شدّوا الحـزام . . ويـنا البطـون الدايـرة شـد
ما جسومنا نحلت لى عضـام . . داخـريــنا لـى ود اللحـد
وجنيـهنا داك اللكـان دهب . . الأهـيف أب فقـــرة وزرد
خفّـض قـواه من الغضـب . . من قـت زكـاته جمـل حمد
ـــــــــــــــــــــــــــــــ
فى جنـوبنا يا دابو السـلام . . تمـت شـروطـه وانعـقـد
طبّـيت ورافـع الانقسـام . . أوصـدت بابـه الـى الأبـد
كنـا البنـاوى اللاجئـيـن . . سـودانا رغـم المـر صمد
اللـيلة نحـنا مشــرديـن . . فى كل دولـة تلاقـى فـرد
ـــــــــــــــــــــــــــــــــ
كتـرت مدايـح السـائلين . . ظهـرت عـمم ما لـيها حـد
ودقـن فى فاسـق لا ركع . . لـى ربـه مـرة ولا سجــد
وجباة ضرايبك فى السفارة . . أفنـديـة فى التمـريـن جـدد
لابسـين ملافـح أمـهاتم . . الــزى مـوحــد ومتـحـد
ــــــــــــــــــــــــــــــــ
مافيـش كلام غـير الدفع . . وتقـول سـلام مـا بتلقـى رد
نفخة أباطـرة ورا الطيق . . أهـلا ومـرحــب يـا عمـد
إالزامنا بالتحويل سخيف . . فى قراره مهـما السـوق سـود
ما كفاية تلزمنا بضريبة . . وحـق زكــاة ورسـوم تهــد
ـــــــــــــــــــــــــــــــ
إضـافة المولود مئـات . . توثــيق مئـاتـك ويـا مـدد
توكيل بشى وسؤال بشى . . وفـضــى جـيبك دون تعـد
وفرضت باب لتبرعـات . . حـوت الغـريب من كل بنـد
الشرطة فى الخرطوم جياع . . والتـرعة نشـفت فى الرهـد
ـــــــــــــــــــــــــــــــ
وكمان تقـول قد اكتفـينا . . وانت بتطـارد فيـنا طــرد
بقفا الريال بتسيل ريالـتك . . وتمـلا خشــمك بالـزبــد
شركـت لـيه بكل وسيلة . . وقلـت عـاشـقه ومافـى ند
صدرت زيتنا وبعت سكـر . . قصـبه أخضـر ، ما اتحصد
ــــــــــــــــــــــــــــــ
والمتخلف الضاربه الحصار . . وتحـت الشمش شقيان يكـد
لو جاكا يسـتخرج وثـيقة . . " شـباك تلاتـة " تقوله سـد
الـزول معـرض للقبـض . . قانـون صريـح شـادد شدد
خلـينا كـدى بس بالعـقل . . كيفـن يسـد وانـت بتقـد
ـــــــــــــــــــــــــــــــ
بقـر الحلب فى الاغتراب . . للثــورة اكـتر مـن سـند
ومال الشهـيد يا محسنـين . . ما برضه ملـوال قـد شهـد
ملـوال أخـوى وكمان ألير . . والمانـقو زمبـيرى الخـلد
من دمّى دمّه ومن عضـاى . . وقلبـنا من بـدرى اتحــد
ـــــــــــــــــــــــــــــــ
والمستشهدين هنا فى الشمال . . الـراحوا سمبـلة أو عمـد
والراحوا فى التعذيب شمار . . والطـالب البـطل الصـمد
شالـوه أمـنك فى الفجـر . . يوميـن معـاهـم بس أخـد
جابوه جثـة وقالوا جنـدى . . أكــان بنـضف فى فـرد
ــــــــــــــــــــــــــــــ
جرحوا أمه فى عز حشاها . . وبـطن أمـه بطـرانة بتـلد
لو كتلـوا بالتعذيب محـمد . . مليــون محـمد بتـولــد
روحـه حلـت فى سمـانا . . وجرحه نــوّر فـى البـلد
أصـبح مزار كل العـذارى . . قبـره فــتّح حقــل ورد
كـل القبـيلة بقت قبـيلته . . وسمّوا إسـمه علـى الـولد
ـــــــــــــــــــــــــــــــ
وقـت لـينا نحنا المنقذين . . ألـزم حـدودك يــا ولـد
محلولة دايما بـى رجالـها . . ومافـى غـيرهم لـيه يـد
وتراكا المشيت على اللسـد . . والشعـب لىخطـوك رصـد
أفـيال تخـاف قحة شـبل . . وانت بتعـوعى قصـد أسـد
ـــــــــــــــــــــــــــــــ
واتحـدى . . . لو تمس . . شـعراى من لــبد اللســد
خنـزير عديل مشى للأسد . . واب لـبـدة لـيه لبـد لـبـد
وكلاب تجهـز فى الحنوط . . وتقـرا الـوصـية على الولد
خنزير حمـار مشى للأسد . . خنـزير بليــد مشـى للأسد
وزرافة ماسكة فى يد خروف . . وعبـلانـج براقـص فى قرد
* * *
ـــــــــــــــــــــــــــــــــــــ
|
Post: #30
Title: Re: عودة الضرائب مرة اخرة ... على المغتربين تبني موقف واضح .
Author: الرفاعي عبدالعاطي حجر
Date: 07-26-2011, 12:44 PM
Parent: #29
صديق ضرار
تحياتي
نرجع لما كتبت لاحقاً , لكن ذكرتني غسان كنفاني في موت سرير رقم 12
والشخصية بتاعت محمد علي اكبر الذي رفض ان يقال له محمد علي بتاتاً
ولا يلتفت ولا يعبر من ينادي بمحمد علي ... هكذا اصر ان يُنادى كاملاً
محمد علي اكبر والرواية تستحق القراية مع مجموعة القصص القصير .
سؤالي له يعني كدا صديق_ ضرار وليس صديق ضرار .اوووع يكون بعد حادث
الضرائب طلبت بالتفريق بين صديق وضرار خوف المغالاة في الاتاوات .
..............................................حجر.
|
Post: #31
Title: Re: عودة الضرائب مرة اخرة ... على المغتربين تبني موقف واضح .
Author: صديق_ضرار
Date: 07-29-2011, 10:42 AM
Parent: #30
سلامات حجر
لا والله . دا عمك المهندس بكرى
زمان كان كاتب الإسم بالإنجليزى ،
قلنا ليه عربه يا أخ
قام عربه لينا بى داشية دايشة
فاستحينا نقول ليه صلحها ،
خفنا يحرد ويضبحها
زمان يا حجر أيام حكومة عبود فى واحد من ناس داش
هو مفتش تعليم ، وأخوه فى وزارة التربية
هو إسمه .... داش وأخوه إسمه .... داش
وكان مسافر من بلد إقليمية إلى الخرطوم
لزيارة أخيه داش التانى
فرسل ليه تلغراف وكانت التلغرافات بالإنجليزى
فكتب فيه :
Dash
Dash is dashing tomorrow >
Dash
تصور المسألة دى أعتبرت زموز لتحرك كتيبة بانقلاب
وقبضوا ليك داش الخرطوم على داش الإقليم
بعدين إكتشفوا إنه الحكاية أسماء ولإختصار التلغراف
من ناحية القيمة المادية حصلت المسألة دى
ويممكن برضه تكون قصة مؤلفة من الأساتذة ومتداولة بينهم
وسمعناها ونحن فى التدريس
وكانوا جميعهم أساتذتنا وإخواننا الأكبر وآبائنا
ذلك هو التدريس يا ولدى حجر
كما درسنا أبن عمك وإبننا أحمد حجر
وأخباره كيف
أكتب لى تلفون أو أى عنوان له عل إيميلى
[email protected]
|
Post: #32
Title: Re: عودة الضرائب مرة اخرة ... على المغتربين تبني موقف واضح .
Author: خالد درق
Date: 07-29-2011, 01:50 PM
Parent: #31
الاخوان المتداخلين .. سلام ورمضان كريم
تخيلوا ...
قبل اسبوع ذهبت الى المغتربين لحصول على تاشيرة الخروج التى ليس له اى معنا ..
وقفت عند الشباك لستخراج برنت ..
طلع عندى زى 300 دولار باقلى ضرائب
و260 ريال زكاة
و160 جنيه سودانى خدمات
قلت للموظفة ياخى مافى تجيل منها شوية بس قالت ما فى طريق قلت طيب ممكن تعطينى الاوراق ..
اخذت الاوراق وذهبت الى مدير الضرائب ومدير الذكاة والخدمات وعملت تاجيل بنصف المبلغ اوكى ولما رجعت الى الموظفة مرة ثانية لدفع احتجت وقالت منوا العمل التجيل دا وعشان شنوا قلت ليه ياخى انا شرحت اليهم الحاصل وبعدين انا حا امشى دبى واتم الباقى فى القنصلية انتى مشكلتك شنوا ... قالت الواحد يجى الاجازة ويقعد يصرف ويجامل وبعدين لما يجى يمشى يجى يقول ما عند قروش ويعمل حجج ..
والله العظيم انا ممكن كنت اصل معها الى ابعد شى واتصرف باى حاجه بس قلت يالله دا حقد منها وسكت وخلصت اوراقى وعملت تاشيرة الخروج وغادرت الحمدالله ...
اه ريكم فى جنس دا شنوا حقد ولا شى اخر..
مودتى ...
|
|