Post: #1
Title: عطالى السودان من الشباب ..الارجنتين كوبا البرازيل تشيلى تناديكم
Author: النصرى أمين
Date: 07-22-2011, 06:57 PM
والمكسيك وفنزويلا والاكوادور وكوبا وترنداد وحتى هاييتى المنتهية احسن من القعاد ساكت و
ومعايشة الاحباط والضياع .....
اللبنانين خلو بلدهم الجميلة وهاجرو الى بلاد الله الواسعة وهاهم الان يتحكمون فى مصائر الناس
فى البلاد التى هاجروا اليها .....
اطلعو مجاهدين من اجل انفسكم ومستقبلكم ....
اذا لم تجنو اى شئ من الطلعة دى فستخرجو بخبرات وتجارب تشد عودكم اذا رجعتو الى بلادكم .....
العنوان :-مافى اى زول او دولة بتناديكم ....الحاجة الوحيدة البتناديكم هى انو الوضع ده لازم يتغير
(تغيير النظام لن يحل مشاكلكم المستعجلة والملحة)
اطلعو فالحركة فيها البركة .....
(التعديل لاضافة حرف)
|
Post: #2
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: النصرى أمين
Date: 07-22-2011, 07:06 PM
Parent: #1
معظم هذه الدول الوصول اليه ليس صعبا والتاشيرات غير مستحيلة(خاصة للرعيل الاول)
امرقو ....
انفعو نفسكم
واهلكم .....
|
Post: #3
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: النصرى أمين
Date: 07-22-2011, 07:12 PM
Parent: #2
اذا كنت اب لشباب عمره تجاوز العشرين
اراه امامى يوميا ....
محبط
ضايع
ويائس
لاعمل ولا زواج ولا مستقبل ....
لقلت له
" يا ولدى اطلع واسعى لمستقبلك وحقق احلامك..امشى اى حتة ..انا عافى منك..
ربنا يسدد خطاك ويفتحها عليك ....كل الدايرو منك انك تتزكر اننا نحبك
وفى انتظارك طال الزمن او قصر..
|
Post: #4
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: Nasr
Date: 07-23-2011, 03:18 AM
Parent: #3
صدقت يا النصري
لا شلت يداك
قال تعالي
إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَاءتْ مَصِيرًا
والله خايف عليهم من ظلم النفس
وسجن المكان إختيارا لا جبرا
|
Post: #5
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: النصرى أمين
Date: 07-23-2011, 04:50 AM
Parent: #4
سلام يا ناصر
الاحباط شعور قاتل ومدمر ...اى واحد فينا بتمر عليه فترات بكون محبط....
لكن لمن يكون الاحباط ملازم للانسان كظله فدى مصيبة وكارثة ....
الاولاد ديل ما عندهم ذنب انهم جو فى الزمن الصعب ...
حرام يقضو شبابهم بدون امل وبلا مستقبل....
حكى لى الصديق يوسف امين انه فى زيارته للسودان بعد غيبة طويلة كانت
لديه صعوبة فى التعرف على الناس ...
مرة وهو بين اصدقائه دخل عليهم رجل كبير السن وبدا يقلد فى يوسف وهو متاثر
الجماعة سالو يوسف "عرفتو الزول ده؟" يوسف قال ليهم "كيف ياخ!! ده عم ابراهيم ....
لجم الجميع وقالو ليوسف ده ما عم ابراهيم ..ده ولده محمد ...صاحبك ودفعتك فى المدرسة...
|
Post: #6
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: على محمد على بشير
Date: 07-23-2011, 06:39 AM
Parent: #5
Quote: مرة وهو بين اصدقائه دخل عليهم رجل كبير السن وبدا يقلد فى يوسف وهو متاثر
الجماعة سالو يوسف "عرفتو الزول ده؟" يوسف قال ليهم "كيف ياخ!! ده عم ابراهيم ....
لجم الجميع وقالو ليوسف ده ما عم ابراهيم ..ده ولده محمد ...صاحبك ودفعتك فى المدرسة... |
|
Post: #7
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: محمد الجيلى
Date: 07-23-2011, 07:32 AM
Parent: #6
Quote: العنوان :-مافى اى زول او دولة بتناديكم ....الحاجة الوحيدة البتناديكم هى انو الوضع ده لازم يتغير
(تغيير النظام لن يحل مشاكلكم المستعجلة والملحة)
اطلعو فالحركة فيها البركة ..... |
|
Post: #8
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: عبداللطيف محجوب
Date: 07-23-2011, 09:45 AM
Parent: #1
والله أحييك يا نصري .. دا أحسن بوست أتعمل في تاريخ سودانيز أون لاين في السنوات الفاتت دي
|
Post: #9
Title: Re: عطالى السودان من الشباب ..الارجنتين كوبا البرازيل تشيلى تناديكم
Author: النصرى أمين
Date: 07-24-2011, 00:57 AM
Parent: #8
الاعزاء
على بشير
محمد الجيلى
عبداللطيف محجوب
بارك الله فيكم وشكرا جزيلا على مروركم الكريم .....
قبل اكثر من 20 سنة ..وصلنا فى امريكا شاب سودانى طموح من اوربا ..
حكى لنا قصته ...وحلمه ان يصل الى امريكا ارض الفرص ....
قال انه قضى اكثر من سنتين حارم نفسه من كل شئ حتى يوفر
قيمة التزكرة و متطلبات السفر .... عايش على الرغيف والبطاطس ...
عندما اكتمل المبلغ المطلوب ...سافر ولكن للاسف تم ارجاعه من حيث اتى..
رجع مرة اخرى للبطاطس والرغيف لسنتين اخرتين ..هذه المرة نجح فى الوصول
الى امريكا ....
سالت عنه قبل سنين ..عرفت انه استطاع ان يجمع ثروة كبيرة فى امريكا ورجع
للسودان واصبح من اكبر تجارة معدات البناء ....
مثل هذه الروح القتالية اذا ما اتوفرت فى الشاب احسن له ان يبقى فى السودان
ويدمر مع المدمرين .....
الخروج هو الخيار الافضل والاحسن لكن .....
لابد ان يسلح الشاب نفسه بالصبر وقوة التحمل والاستعداد للتضحية والمعاناة ...
|
|