محاولة لفهم ما يجري الآن ..

بعد البوست ده حافتح بوست بتاع دورة متقدمة في التأمين ... بتخيل لي الامر ده اصبح ضرورة

بسم الله

طيب في الاول خلونا نثبت الاساسيات

الموقع ده الاسم المسجل ليه والشغالين بيه هو www.sudaneseonline.com
طبعا الانترنت للبعرف في عضمها لا تعرف الاحرف وتتعامل فقط بالاقام واي اسم بتاع موقع عنده في خلفيته ارقام نعرف بال IP والاسم بتاع الموقع يعرف بالـ Hostname

يعني
الـ Hostname بتاع الموقع ده = www.sudaneseonline.com

طيب الـ IP المربوط مع الاسم ده شنو ؟
معلومة هنا ممكن يربط اكثر من IP مع Hostname ويحصل توزيع احمال في ما بيناتها عند الضغط او السقوط

الـ IP حق الموقع ده حسب الجهات المتخصصة هو : 72.46.153.102


يعني

www.sudaneseonline.com = 72.46.153.102

ده بصورة رسمية

جابني الطريق

قلته اسلم

رمضان كريم مقدما

طيب

الان عند كتابة الـ Hostname بتاع سودانيز اون لاين بوديك للصفحة دي

http://72.52.172.147/~vb3bda3/vb/index.php

بعد الـ http وتفاصيلها طوالي بنلقى ارقام مكتوب وهي 72.52.172.147
ودي الارقام الشغال بيها الموقع الفتحناه

لو قارنا الارقام دي مع الارقام الادتنا ليها المواقع المتخصصة والقالت انو دي ارقام سودانيز اون لاين نشوف حا نلقى شنو


72.52.172.147 = 72.46.153.102

طبعا ما بتساو غير الرقمين الاولين 72 باقي الارقام كلها مختلف

طيب كيف ؟
ما الخواجة قال انو 72.46.153.102 دي ارقام سودانيز اون لاين كيف الكمبوتر المجنون ده يدينا ارقام تانية ؟؟!!

الحاصل انو في اعادة توجيه redirect بحصل بعد كتابة اسم الموقع على العنوان الجديد ده 72.52.172.147

طيب

الـ اعادة توجيه redirect بحصل كيف وبحصل من منو ومنو البعملة وبي ياتو طريقة ده حا نفصل فيه لي قدام

الان عاوزين نعرف الرقمين البقو متشاركين في موقنا ده بودونا وين وتابعين لي منو وشنو
زيادة عليهم رقم الموقع الشغالين منو الان ( الاحتياطي ) والبحمل اسم www.electronicsudan.com والبفتح لينا سودانيز اون لاين الشغالين عليها دي

الـ IP بتاعو =173.192.6.235

وبعد ما نبدا نشتغل عليه بحولنا هو ذاتو لـ IP تاني وده الاي بي حق الشيرفر الشغال وده ما مربوط مع هوست نيم ده شغال بقلوبال اي بي global IP address طوالي

ويا بكري : الاي بي حق السيرفر ظاهر في العنوان فوق بركبوك تاني باصغر سيكول انجكشن SQL injection لاذم تخفيه انت مسجل العنوان ده www.electronicsudan.com ونحن شغالين منو .. اعمل في مكان الاستضافة المسجل فيه العنوان صفحة صغيرة HTML عادية وخليها تشتغل هي واعمل فيها فريم داخلي يعرف فيه الموقع ده .. مع انو دي طريقة بسيطة اكنها افضل من اعادة التوجيه العاملو ده

يعني بقينا شغالين على 4 IP

!!!!!!!!

دي طوبتي

واصل واعى تغيب

هارون ومحمد ابراهيم حبابكم


يا محمد ابراهيم

حا اطول .. الموضوع ده طويل النفس جدا ... وحا نمشي فيه خطوة خطوة

لعل بكري والمسئولين من خلفه عن الموقع يستفيدوا

لاننا كرهنا البلي


وبالمناسبة يا بكري .... ما كل انو التامين والحماية بتكون تقنية او تكنولوجيا ... في الاساس واولا لابد من الحماية الفيزيائية لحاجاتك كلها .. يعني منو العنده الصلاحيات وبتتغير بتين الصلاحيات دي .. لانو اغلب الاختراقات ما تقنية .. اغلبها كان تصدق او لا تصدق فيزيائية .. يعني سرقة او خيانة بالدرب العديل يعين ممكن تكون تفريط منك في الباس ويرد .. او تسرب معلومة ومنضمة كتيرة .. او خيانة راسها عديل

طيب الـ IP المعروف للموقع sudaneseonline بصورة رسمية والقلنا انه : 72.46.153.102

تفاصيله دي ياها

البلد الفيها الـ IP: هي United States
الولاية : غير معروفة
المدينة : Las Vegas
العنوان البريدي : 89119
خط عرض :36.0877
خط طول :-115.1485
رمز المنطقة :702

خريطة المكان


العنوان




ملحوظة
العنوان وخريطة المكان قد تكون غير صحيحة او دقيقية لاسباب تقنية او تحايل

ويا بكري غير عناوين الابلودر حق الصور عشان يشتغل

تسلم يا ود المبارك
نتمنى أن لا يبخل من يقدر على تقديم ما يدعم وجود هذا المنبر

تحياتي واحترامي

Quote: عد البوست ده حافتح بوست بتاع دورة متقدمة في التأمين

شكر وليد
حمد الله على سلامة العودة للموقع
وفي الانتظار وقائمة المنتظرين

يا وليد انت بقيت تشوف

Quote: اغلبها كان تصدق او لا تصدق فيزيائية .. يعني سرقة او خيانة بالدرب العديل يعين ممكن تكون تفريط منك في الباس ويرد .. او تسرب معلومة ومنضمة كتيرة .. او خيانة راسها عديل

المعلومات دي مرقت من حوش بكري الكان محله بأريزونا


بالدرب عديل كده


بعد ده يا بكري ورينا المكتمو في حشاك

مرحب المسافر

انا بشوف

انت كيف ؟

تسلم يالسنده

مرحب بله

تسلم ويديك العافية

كيفك يا وليد
خليني احكيلك عاللي جرى
وامسح دموعي بمنديلك عاللي جرى
اللي جرى 000 الجماعة ادوا ليك صاحبك مسخو باسورد
وجروا بيهو جنس جري



واصل يا حبيب
متابعين

سلامات يا شفت
في معلومه ذكرت هنا في الموقع دا قبل فترة في احد البوستات . اظن . وليس كل الظن اثم انها قادت الهكر للاستيلاء علي الدومين
مفاد المعلومه بقول انه الشركة البتعامل معاها الموقع متوقفه عن العمل وانه كل التحديثات الحاليه اجتهاد من بكري
قول لي كيف ساعدت ؟ اقول ليك بمجرد الاستيلاء علي الدومين ببقي صعب جدا انه بكري يثبت ملكيتو للدومين
وحتي لما يثبت الملكيه بكون حصل حاجات كتيره في المده دي .

ولي يا حبيب
غايتو علمه واسع
اخوك بيقرأ في الكلام الفوق دة زي البياكل ليه في سفنجة ومفتكرها حرف قراصة

ايها المغاربي الما نصيح

Quote: ولي يا حبيب غايتو علمه واسع اخوك بيقرأ في الكلام الفوق دة زي البياكل ليه في سفنجة ومفتكرها حرف قراصة

الله يجازي محنك ياخ!!

انا غايتو باكل في سفنجات وليد دي .. لكن عاااارف اني باكل في سفنجات ساااي!







-----

ولي يل ولي

واصل و ما تفاصل

كل سفنجة بناكل بنستفيد بشكل ما .. ان شاء احساس شبع زائف ساي
المافي شنو!؟

واله يا قيقا لمن وصلت حتة الاي بي دي مسكت اصبع رجلي الصغير ليه ما عارف
يا زول سفنجة ولا قراصة بقت ما فارقة
علمه واسع بالحيل














معليش يا ولي ياخي
اخوك زول من الدهماء ساكت
واصل في علمك السمح دة

يُرفع من أجل الدهماء!!

Quote: يُرفع من أجل الدهماء!!

ود الصائم يغازل نفسه
ـــــــ

في انتظارك يا شفت

طارق جبرين وودالصايم
رغم اني ما فاهم ابو النوم
لكن واضح انو كلام مفيد
طالما فيهو خرط واحداثيات واي بي

يا سلام يا اولاد
ولى ود الحلــة فى نسخته الاصلية
من هنــا نبدأ الدرس الاول فى تقنية وتأمين الانترنت

يرفع حتى يصل صاحب البوست وليد

ويا ريت لو توسعت شويه في نوع وشكل الحماية
وكيف تتم

تقديرنا

حبيايبنا الوفقو بدون فرز خصوصا القاعدين ساااااااااااااي

حا اجيكم بالدور واحد واحد

اكرر بعد البوست ده حا افتح بوست عن دورة متقدمة عن التأمين .. وما اقصده هنا تامين السيرفرات وخصوصا الوب منها ... ما قصدي تأمين الاجهزة الشخصية


المهم

يظهر انو المشكلة في طريقها الى الحل لانه الموقع بتاع سودانيز اون لاين وقف اعادة التحويل للموقع بتاع الهكر

وكمان المضيف ( Hosting ) بتاعو شكله وقفو وسحب من الصفحة الرئيسية
واحتمال يكون وقف صلاحيات دخوله على موقه الشخصي
وما حزف المنتدى الكان شغال ... اعتقد عشان يستخدم كدليل ضده لاحقا

نواصل

طيب
الـ IP بتاع الهكر .. الكان معمول عليه تحويل 72.52.172.147

دي تفاصيله


الدولة : United States
الولاية / المنطقة :MI
المدينة : Lansing
كود البريد :48917
خط العرض :42.7257
خط الطول :-84.636
كود المنطقة :517


الخريطة




الصورة

سلامات يا ولي دا شغل جميل جدا ..
من فترة طويلة جدا في محاولة بتاعت واحد من مطاريد البورد .. كان بحاول بي كل جهدو إنو يستولى على الموقع ..
يكتب في القوقل ويسال في طوب الأرض بتاع قوقل ..
اظنو اخيرا لقى ليهو طريقة .. مناسبة انو يعمل بيها حاجة ...

الملحوظة المهمة:
طبعا كالعادة لي فترة طويلة جدا من دخول البورد اي كان البورد .. لكن يبدو وكما يقول بعض المثقفاتية أن مياها كثيرة مرت من تحت السيرفر ..
يعني بي صورة أوضح كان هناك بورد للهكر مفتوح سبيل .. يعني تجي تلقى كيبوردك مربوط بي حبل ومدلدل ويدوك كيبورد احتياطي في حال انك فتحت ليك بوستين تلاتة اربعة بوستات وعلقت علي العضو المكجنو وواقف ليك في حلقك ..
من الناحية دي وصلني ما وصلني من طتابات مرة بي اسم تمبس .. ومرة بي اسم جلابي شنو كدا ما عارف ..
فأنا احب اشكر الزول المسكين دا .. نيابة عن كل الشفاته في أمدرمان .. وعن كل الشفاته في اولاد قلبه وفي موقع سودانيزاونلاين ..
لانو لو كان انا مشيت كتبت ليهو في المنبر السبيل داك .. كان الواحد بقى زيو ويزو .. واحد
لكن اها الحمد لله الواحد يدو اترفعت شوية من العطلة بتاعت الكم يوم ..
فيا اخينا القاعد هنا دا معانا وتمبس دا ممتعك لي جنى جناك .. اظهر ياخ وبان ..
ويا الوهم التاني الشاتك بكري من هنا .. إنت لو ما بتقدر على تمبس دا .. البوديك تجري وراهو شنو ؟؟

معليش يا وليد .. بس في اوهام كدا انا ما عارف الانترنت دا بكري جابو ليهم من ووين ..
وبالمناسبة دي
واصل في مسالة التوجيه دي .. وبي طريقة مملة جدا .. ولو بكري بيسمع الكلام دا ما كان حصل الحصل ..
تحياتي للكل

الموقع الشغال الان www.electronicsudan.com

الاي بي بتاعه 173.192.6.235

تفاصيله


الدولة :United States
الولاية / المنطقة : TX
المدينة : Dallas
كود البريد : 75207
خط العرض : 32.7825
خط الطول : -96.8207
كود المنطقة : 214

الخريطة


الموقع

الـ IP الرابع
ياخذ نفس تفاصيل الثالث

البلد والمدينة والخريطة ... الخ

الـ IPs الثالث والرابع والذان مربوطان مع الاسم www.electronicsudan.com مملوكان لبكري ابوبكر

يعملان من موزع خدمة ISP باسم SoftLayer Technologies



اما IP المربوط مع www.sudaneseonline.com

فهو مملوك لنفس شركة توزيع الخدمة ISP باسم Versaweb, LLC

اما الـ IP بتاع الهكر فهو مملوك لـ OrionCities من موزع خدمة SourceDNS

طيب التفاصيل بتقول

السيرفر انضرب من الزول ده


Amr Ahmed
[email protected]

امسك الخيط ده يا بكري
احتمال يلفق



http://www.sailing.cs.cmu.edu/people.html

http://www.cs.cmu.edu/~amahmed/



ملاحظة يا بكري هامة :

قد يكون تشابه اسماء ودومينات ساي ... وما بالضرورة يكون ياهو ده الزول الطقشك 100%

الهكر وقف موقعه القديم

العاوز يدخلو يدخل من هنا


http://72.52.172.147/~vb3bda3/vb/############.php?f=2

كلام نوفل ده مهم جد

Quote: سلامات يا شفت في معلومه ذكرت هنا في الموقع دا قبل فترة في احد البوستات . اظن . وليس كل الظن اثم انها قادت الهكر للاستيلاء علي الدومين مفاد المعلومه بقول انه الشركة البتعامل معاها الموقع متوقفه عن العمل وانه كل التحديثات الحاليه اجتهاد من بكري قول لي كيف ساعدت ؟ اقول ليك بمجرد الاستيلاء علي الدومين ببقي صعب جدا انه بكري يثبت ملكيتو للدومين وحتي لما يثبت الملكيه بكون حصل حاجات كتيره في المده دي .

طيب

قبيل قلت حا افصل في موضوع اعادة التوجيه ده Redirection

وطبعا طلبات اخونا تمبس ( زوج الدكتورة ) اوامر

طيب عشان نفهم اعادة التوجية وشرحها وشرط طرق علمها لابد من فهيم تقنية عمل مواقع الانترنت ووما تتكون


موقع الانترنت حسب فهمي الخاص يتكون من ثلاث عناصر اساسية ( ده فمي انا ما فهم العلم والكتب )

1- الاستضافة Hosting
2- تسجيل الاسم والنطاق Website name registration
2- الموقع نفسه، نص برمجي وقواعد بيانات ( Script and databases )

الاستضافة هو المكان الذي يوضع فيه النص البرمجي وقواعد البيانات ثم تمنح IP عالمي وثابت Global IP address وطبعا الـ IPsالثابته والعالمية يتم منحها باجراءات معقدة جدا ويتم توزيعها من قبل منظمةIANA وهي اختصار لـ Internet Assigned Numbers Authority على منظمات اخري حسب المنطقة والاقليم لتقوم بدورها بتوزيعها على الدول

عليه وبصورة مبسطة اي موقع على الانترنت لابد وان يكون له IP عالمي وثابت يعرف به .. وتتم استضافة المواقع بثلاث طرق .. المشاركة .. او السيرفرات الخاصة لدي موزعي خدمة الانترنت ISP يكون تحت ادارتها ومسئوليتها لكن مخصص للجهة المعنية وحدها بالكامل .. او سيرفرات خاصة في مكان خاص بك تمنح ارقام عالمية وتكون تحت ادارتك المباشرة .. اعتقد ان بكري يعمل بالطريقة الثالثة

تسجيل الاسم والنطاق وهو الاسم الذي يعرفه المستخدم العادي على الانترنت للمواقع مثل http://www.google.com/ وقوقل دي لانها محرك بحث كبير فعندها كم سير وبالتالي كم IP ادرس .. المهم بعد كتابة قوقل على منطقة العنوان في المستعرض تتحول الى ارقام IP وده واحد منها 74.125.224.84 ثم تبحث عن الصفحة وتاتيك بها في مستعرضك ..

الجهة المسئولة عن تسجيل الاسامي عالميا هي ايكان ICANN‏ وهي ختصار لـ Internet Corporation for Assigned Names and Numbers ولكل كل دولة منظمة مسئولة عن تسجيل نطاقات تلك الدول مثلا نطاق السودان هو .sd ومسئولة عنه الجمعية السودانية للانترنت SIS وهي اختصار لـSudan internet society

الموقع نفسه، نص برمجي وقواعد بيانات : وده باب لوحده ما يهمنا منه هو الشكل والاخراج للموقع الذي يظهر للمتصفح وقد يكون هذا الموقع ثابت يعتمد على الـ HTML فقط وقد يكون يعتمد على لغات برمجة متقدمة CGI PHP ASP ASP.NET الخ وقد يكون نصي او قد يكون يعتمد في خلفيته على قاعدة بيانات ... وقد يكون موقع اخباري او قد يكون شخصي او قد يكون منتدى حوار او مدونة او موقع تفاعل اجتماعي ... كل هذا يعتمد على كيفية عرض المعلومات وادخالها في الموقع اعتمادا على لغة البرمجة المستخدمة فيه او قواعد البيات التي يحفظ فيها معلوماته ويستعرضها منها ...

اها موقعنا ده يعتمد مزيج بين موقع اخباري ومنتدى حوار والاساس فيه لمنتدى الحوار
اللغة المستخدمة هي : CGI وهي لغة قديمة شوية في طريقها للانقراض .. لكن تتصوروا انو دي ميزتها المنعتها من الاختراق الحقيقي طيلة الفترة الماضية ( حتى الان لم يحدث اختراق حقيقي لسودانيز اون لاين ) لانه مراجع اللغة دي قليلة والمتبحرين فيها برضو قلال ومافي ناس كتار عارفين شغراتها ... موقع بكري انضرب بعد ما حول للـ PHP واستخدامه لانجن حديثه وجميلة في واجهة الموقع ومكان عرض الاخبار بدون ما يقفل ثغراتها

انت وكت دا فهمك في العلم الاسفيري ؟؟!! القاعدلها في وزراة التربية شنو؟

_____________________________
طلعت طاقات مهدره ساكت يا وليد





كلامك تحليلي و تعليمي كمان

Quote: طيب قبيل قلت حا افصل في موضوع اعادة التوجيه ده Redirection وطبعا طلبات اخونا تمبس ( زوج الدكتورة ) اوامر

عليك الله دي اخلاق دي ..؟

طيب

من الشح الفوق وبما انو الموقع ده شغال تيكه يظهر انو الاختراق حدث في مستوى الاسم فقط ( احتمال اول )
احتمال تاني : يكون حدث اختراق للسيرفر وزرع ملفات فيه لكن لم يحدث اختراق للنص البرمجل الاساسي
احتمال تالت يكون حدث اختراق للنص البرمجي وقاعد البيانات ودع انا مستبعدو


في ظني الاختراق كان على مستوى الاسم فقط ولم يحدث اختراق للسيرفرات التي فيها الموقع وبالتاي لم يحدث اختراق للموقع نفسو نص برمجي وقواعد بيانات ( ممكن يحدث اختراق للسيرفر ولا يحدث اختراق للموقع الموجود داخل السيرفر )

طبعا بقودنا لي شي
1) خط النار الحامي الموقع وقاعدة البيانات شغال كويس
2) بكري ما شغال كويس وما حافظ باسويرداتو كويس
3) ضرورة اعادة تسجيل الموقع عند شركة تانية بدل الشركة الوقفت دي ( ما عارف الاجراءات شنو ) عشان تكون مسئولة عن قواعد بياناتها

الحاصل كما اسلفنا هو اعادة تحويل وربط اسم الموقع sudaneseonline.com مع IP تاني في مكان تاني في مدينة تانية Redirect

وده بتم بطرق مختلف
اولها انو تتحصل على اسم الدخول وكلمة السر التي تخص تسجيل الاسم .. الشركة التي تشترى منها الاسم تعطيك لوحة تحكم لتفاصيل الاسم والاسماء الفرعية والبريد الالكترونية المربوط مع هذا الاسم ... الخ
واحد من مميزات لوحة التحكم هذه هي اعادة التحويل الى موقع اخر

والسيناريو ده بكون في حالة انو الهاكر تحصل على اسم الدخول وكلمة سر لوحة التحكم هذه .. بصورة فيزيائية .. سرقة... تفريط .. منضمة .. خيانة ... الخ
او بصورة تقنية عن طريق تكنيك الصياد او الصيد Phishing Technique Two - Phishing Through Port Redirection

ما حا نشرح التقنية دي بتفصيل عشان الناس ما تتعلم تهكير :: بتتلخص في انو بكود برمجي صغير يكمن هذا النص امام البورد المخصص لصفحات الانترنت في السيرفرات وهو بورد معروف رقمه للمتخصصين .. ثم يصتاد اي محاولة دخول للموقع عبر هذا البورد ويحولها الى سيرفر اخر في مكان اخر

الاحتمال التاني بكون بدخول السيرفر والتعديل في ملف htaccess ودي طريقة معروقة وقديمة لكنها تحتاج الى مبرج جيد انا بستبعدها لانه لو الهاكر وصل داخل السيرفر ويستطيع ان يعدل في ملف htaccess معناتا كان بامكان حزف قاعدة البيانات التي هي اساس الموقع ومخزن بياناته ومعلوماته

الاحتمال الثالث انه يكون وصل لحدي النص البرمجي للموقع وعدل في header بتاع الصفحة الرئيسية وعمل منو اعادة تحويل
وده معناتا الهكر شغال على السيرفر زي الشغال على جهازه الشخصي
وطبعا ده احتمال بعيد جدا

.

Quote: في ظني الاختراق كان على مستوى الاسم فقط ولم يحدث اختراق للسيرفرات التي فيها الموقع

هلا ولي
اذا الاختراق كان علي مستوي الاسم فقط
كيف نفسر الحصل امبارح ؟

Quote: كل سفنجة بناكل بنستفيد بشكل ما .. ان شاء احساس شبع زائف ساي المافي شنو!؟

هاهاهاهاهاهاهاهاهاها

بالهنا يا قيقا


هاهاهاهاهاهاهاهاهاهاه

طارق جبريل يا صديقي

شبعت ولا ازيدك سفنجات

هاهاهاهاهاهاهاهاهاها

اخبارك ياخ

نوفل سلامات

ملاحظتك سليمة وفي محلها وهي السبب في انو الموقع ما يرجع حتى الان بالاسم المعروف بيه

مرحب الامين عثمان

Quote: الجماعة ادوا ليك صاحبك مسخو باسورد

تصدق مسخو جاب لي الهواء

الهكر بهناك رشاني عشانو

مرحب نبيلو


اخبارك

حصل شنو امبارح ؟!

Quote: حصل شنو امبارح ؟!

راجع الخاص في الفيسبوك

تسلم نبيل

السلام عليكم الشفت

ورينا الناس ديل عملوا شنو امس

كان الهاكر ينشل باسويرد احد الاعضاء ويقدل بيه

الحص امس دا شنو خصوصا انو اخونا منتصر حاول يدخل بي باسويردو وتعذر عليه

في النهايه دخل مع الداخلين اصحاب الاسماء السوداء غير المرخصه وبي اسمه المعروف

يا ود لاالخليفة
كلمني نبيل هسع بالكلام ده انا ما كنت حاضرو

وده بغير مفاتيح اللعب

ده بعني واحد من الاتنين


الخيانة اتوسعت
او انو يا حبيبنا الموقع والسير حقات بكري ديل مركوبات للطيش

يعني ده تهكير راسو عديييييييييييييييييييل


المستغرب ليه وكت الهاكر ده متحكم في الموقع قدر ده
ما حزف الداتا بيز ليه ؟

ولا يكون حزفها يا الله وبكري شغال كل مرة يرجع الباك اب ؟؟؟!!!

عموما انا حا امسح الموقع ده
واطلع كلي عيوبه البرمجية والتامينية

بعد ازنك يا بكري
واذا سمحت لي

Quote: Quote: ما عندي فكرة والله .. لكن عشان تفكيرك ما يمشي لي بعيد أنا إتعلمت ( الإقتباس ) قبل أيام من بوست البشاري .. إحتمال الهكر نسى الماسورة فاتحة لمن الموية جات عزيزي منتصر السؤال دا كنت داير اسالو لي ود المعيلق الفوق دا باعتبار انو زول جا لمن لقى الباب فاتح وما اظن كنت القى منو رد مع الجوطه الحصلت امس وسؤالي دا سؤال استفهامي ولسي سؤال تجريمي باعتبارك ولدنا وبي باسويردك استغربت دخولك باسم اسود كالهاكر بعدين يا ود ابوي نحن ناس رجرجه ساي علاقتنا بالكمبيوتر كوبي وبيست في انتظار وليد الشفت ليجاوب عما حدث امس في بوسته ودا لا يمنع انو الشفت رعاع زينا كده

الرعاع

يا ود الخليفة ونبيلو انا كتبت الكلام ده فوق باللون الاحمر

Quote: ويا بكري : الاي بي حق السيرفر ظاهر في العنوان فوق بركبوك تاني باصغر سيكول انجكشن SQL injection لاذم تخفيه انت مسجل العنوان ده www.electronicsudan.com ونحن شغالين منو .. اعمل في مكان الاستضافة المسجل فيه العنوان صفحة صغيرة HTML عادية وخليها تشتغل هي واعمل فيها فريم داخلي يعرف فيه الموقع ده .. مع انو دي طريقة بسيطة اكنها افضل من اعادة التوجيه العاملو ده

وبكري ما اشتغل بي

علاقة سودانيز اون لاين بالراي العام شنو ؟