Post: #1
Title: بسبب انقطاع المياه نساء وادمدنى يخرجن الى الشوارع احتجاجا
Author: النصرى أمين
Date: 07-20-2011, 05:43 PM
الما مصدقنى يتصل على معارفو او قرايبو عشان يتاكد...
رجال الشرطة استخدمو البمبان لتفريق المتظاهرات ....
احياء كثيرة (منها حى المدنيين) محروم من مياه المواسير منذ اكثر من اسبوع ..
كثير من الاسر ظلت تعتمد على مياه التانكر لسد احتياجاتها ....
|
Post: #2
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: Elbagir Osman
Date: 07-20-2011, 06:12 PM
Parent: #1
لهن التحية
الباقر موسى
|
Post: #3
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: محمد حسن العمدة
Date: 07-20-2011, 06:24 PM
Parent: #2
| Quote: احياء كثيرة (منها حى المدنيين) محروم من مياه المواسير منذ اكثر من |
عارف يا النصري المدنين دي لو نايم وفكيت حجر بقع في النيل !!!
لكن عادي جدا الموية في مدني وتحديدا مناطق المدنين وود كنان والعشير والدباغة على طول في مشاكل مع ان اكبر مكاتب للري موجودة في مدني !!!
|
Post: #4
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: Alshafea Ibrahim
Date: 07-20-2011, 07:34 PM
Parent: #3
تحياتي يالنصري
بالذات ودمدني نصيبها من بواقي مشروع الجزيرة المرحوم صفر ، دخل البترول صفرين ، الجبايات كلها (صرة في خيط) من مدني للخرطوم ، لا تغير خرطوش موية ولا بلف ولا محول كهرباء ولا سلك ، عمود الكهرباء يقع بسبب الريح وكم يوم حتى يتغير .... أقسم بالله سنة 2009 (ضرب) بلف قدام بيتي كم يوم الموية نازلة أم بارونا ... لمن طلعوه .. شكلو تقريبا ليهو (50) سنة تحت الأرض ؟؟؟ وكمان واحد من العمال شالو وقال لي خليهو عندك أمانة ؟؟؟ باعو (سكراب) ؟؟؟
تتأخر من سداد الموية بتاع (العجلة) يحفر ويقطع دون نقاش؟ يأخذوا حقهم مقدم ... تتطلع الشارع ممنوع ، مدني مثل غيرها نصف الموجودين فيها عساكر شيء شعبي وشيء نظامي ، تدخل محل فوال ما تلقى ليك مش كرسي مافي موطء قدم تدخل ... كل واحد شايل (صحن) عسكري وراء عسكري ، أكلهم (بوش) وشرابهم موية (برميل) ولا يملكون حق (السفة) دونهم السجاير ، المفروض يطلعوا الشارع قبل نساء ودمدني أو ينضموا لهن ؟؟؟ العجيب كل عسكري معلق على جيب بدلتو صورة البشير وشعار الموتمر اللا وطني ؟؟؟
التحية لنساء ورجال مدني البعبع الذي تخشاه الكيزان ....
الشفيع
|
Post: #5
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: النصرى أمين
Date: 07-20-2011, 08:21 PM
Parent: #4
التحية لنساء مدنى يا الباقر
ولكل رجالها واطفالها
التحية لها تلك المدينة العزيزة ....
|
Post: #6
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: النصرى أمين
Date: 07-20-2011, 08:43 PM
Parent: #5
سلام يا عمدة
والله العظيم زمان كنا نمشى مدنى (فى السبعينيات والتمانينات) ونستغرب من شوارع الظلط
وسواد لونها والاضاءة الليلة ..
ازكر ان هناك شارع معين كان يدهشنى من جودة الاسفلت بتاعو ولمن سالت قالو ليك انو
كل الشوارع التى تودى للمستشفى تتم صيانتها بصورة استثنائية وتتم اسفلتها كل فترة قصيرة..
اما الموية فى المواسير فحدث عنها ولا عجب ...
كانت تجى مندفعة وقوية زى قوة مياه الشلال ..
مشيت ليها قبل كم سنة
لقيتها منتهية راقدة رز.....
تم القضاء عليها تماما بواسطة لصوص العصر
|
Post: #7
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: النصرى أمين
Date: 07-20-2011, 08:46 PM
Parent: #6
ازيك يا الشفيع
متابع دائما كتاباتك وغضبتك الصادقة لما يحدث فى الجزيرة ...
لصوص الزمن عملو فيها العمائل..
ربنا ينتقم منهم دنيا واخرة ....
اكتر من 10 سنين ودولارات البترول شغالة تش ..
القروش دى مشت وين؟ وصرفوها فى شنو؟
الاجابة طبعا معروفة بس هى اسئلة تهكمية لا غير ...
دلوقت القروش كملت والنقاطة وقفت .....
اها مواسير الموية دى يلقوها ليها اسبيرات من وين ؟
ان شاء الله تنفعهم صناعة السلاح والطيارات بدون طيار ...
اقترح عليهم يفكفكو الطيارات ويصهرو الحديد بتاعها ويعمل منها مواسير
للموية وخزانات ....
|
Post: #8
Title: Re: بسبب انقطاع المياه نساء وادمدنى يخرجن الى الشوارع احتجاجا
Author: النصرى أمين
Date: 07-21-2011, 04:57 PM
Parent: #7
حليل مدنى وحليل ناسا
زمان كنا فى حالة مناقرة بيننا نحن الامدرمانيين و اصحابنا المدنيين..
كانو دائما يدعون ان مدنى احسن من الخرطوم من حيث الخدمات والنظافة والنظام ..
وان سكان المدينة اكثر تحضرا ومدنية من ناس امدرمان ......
دلوقت ما فرقت ....
هم عطشانين ونحن زاتنا ناس امدرمان عطشانين
المصائب تجمع المصابين
|
|