Post: #1
Title: جابت ليها كفوف كمان!!
Author: Hussein Mallasi
Date: 07-18-2011, 10:02 AM
|
Post: #2
Title: Re: جابت ليها كفوف كمان!!
Author: humida
Date: 07-18-2011, 10:06 AM
Parent: #1
مرة كنت في كافتيريا الامريكي ( الجامعة الاهلية ) .. و الناس جايطة و صوت المسجل عالي جدا .. و كل زول مركز في ورقته ..
في خضم ذلك .. بت وولد بتناقشو .. طاااااااااااااخ لطشتو ليك كف ..
شفت الحركة بتاعت الافلام ديك .. لمن تحس انه الصوت قطع .. و بقى في هدوء عجيب .. و صبت مطرة ..
|
Post: #3
Title: Re: جابت ليها كفوف كمان!!
Author: Hussein Mallasi
Date: 07-18-2011, 10:39 AM
Parent: #2
لو كنت رئيساً لتحرير صحيفة الصفع تلك؛ لقمت
برفت الصافعة و لو كانت تملك الصحيفة بمن فيها.
|
Post: #4
Title: Re: جابت ليها كفوف كمان!!
Author: Hussein Mallasi
Date: 07-18-2011, 11:19 AM
Parent: #3
بذا تكون الصحيفة و الصافعة قد نجحتا في
تحويل الصحافة من مهنة المتاعب لمهنة المصافع!
|
Post: #5
Title: Re: جابت ليها كفوف كمان!!
Author: Hussein Mallasi
Date: 07-18-2011, 11:31 AM
Parent: #2
Quote: في خضم ذلك .. بت وولد بتناقشو .. طاااااااااااااخ لطشتو ليك كف ..
شفت الحركة بتاعت الافلام ديك .. لمن تحس انه الصوت قطع .. و بقى في هدوء عجيب .. و صبت مطرة .. |
يا حميدة حركات زي دي في الأفلام ذاتو خلوها!
|
Post: #6
Title: Re: جابت ليها كفوف كمان!!
Author: esam gabralla
Date: 07-18-2011, 11:42 AM
Parent: #5
يا حسين ديل منو زميلكم و زميلتكم ديل؟
حقو تفكر في الاعتزال ... ده ما مستوى يليق بيك
|
Post: #7
Title: Re: جابت ليها كفوف كمان!!
Author: منال
Date: 07-18-2011, 11:46 AM
Parent: #5
وهو سكت ليها ؟؟؟
يعنى مالصق ليها كفين ؟؟ غايتو لو مالصق ليها يكون يستاهل
غايتو انا كان حمرو لي ساى الدموع تجى جاريه 
|
Post: #8
Title: Re: جابت ليها كفوف كمان!!
Author: قيقراوي
Date: 07-18-2011, 11:50 AM
Parent: #7
Quote:
يعنى مالصق ليها كفين ؟؟ غايتو لو مالصق ليها يكون يستاهل
|
لوووووووووب
كدا يعني الحاجات ح تبقى كويسة!؟
-------
قلتي لي بهناك الحاجات ح تبقى كويسة كيف بدوني!؟
ياخ اكوس من ( الكان ) عندهم دا تاني تبقى كويسة كيفن عاد!؟
|
Post: #10
Title: Re: جابت ليها كفوف كمان!!
Author: منال
Date: 07-18-2011, 11:55 AM
Parent: #8
Quote: قلتي لي بهناك الحاجات ح تبقى كويسة كيف بدوني!؟
ياخ اكوس من ( الكان ) عندهم دا تاني تبقى كويسة كيفن عاد!؟ |
النبى ياقيقا ماشفت الهكر قال شنو ؟؟ قال قيقراوى ماعندو موضوع مبارى البنات وبوستاتهم
ويمكن دى الحاجه الوحيده الصدق فيها
يا اخوى فك دربى احسن ماتكرهنى الكتابه لو لو سمحت ,,,,,,,
|
Post: #14
Title: Re: جابت ليها كفوف كمان!!
Author: قيقراوي
Date: 07-18-2011, 01:20 PM
Parent: #10
Quote:
يا اخوى فك دربى احسن ماتكرهنى الكتابه لو لو سمحت ,,,,,,,
|
شنو العملتيها لي بنات و دربي!؟
مش انت كتبتي الكلام دا
Quote: Quote: غايتو
بهناك ما مشيت كلو كلو و الله |
طيب البكتب بهناك منو عشان الحاجات تبقى كويسه ؟؟ |
Re: معاً من أجل توسيع هامش ####### التعبير بحوش بكري ...
كان سألتك؟
انا برضو الماسك دربك!؟
------
كلام البهناك قريتو ..
برضو رأي ..
و رايك اعلاه برضو رأي
|
Post: #9
Title: Re: جابت ليها كفوف كمان!!
Author: Hussein Mallasi
Date: 07-18-2011, 11:52 AM
Parent: #7
| Quote: حقو تفكر في الاعتزال ... ده ما مستوى يليق بيك |
نعم .. فالمستوى قطعاً لا يليق بي أو حتى بك؛ إلا أن الحل ليس
في الاعتزال؛ بل في مواجهة النماذج الصافعة بكل الحسم بل و البتر.
|
Post: #11
Title: Re: جابت ليها كفوف كمان!!
Author: محمد إبراهيم علي
Date: 07-18-2011, 12:23 PM
Parent: #9
تضامني الكامل مع الشقيق واقول ليهو حقك ما تخليهو
السباحة عكس التيار دائما بتادي لمشاكل
حسين لو عندك الشمار كامل رسلو في المسنجر بعد يرجع
|
Post: #12
Title: Re: جابت ليها كفوف كمان!!
Author: وجدان جمال
Date: 07-18-2011, 12:29 PM
Parent: #11
ياحسين سمعت تحت تحت انو المصفوع دا عضو هنا !!!!!!!!!!!!!!
الله يكضب الشينة بس
|
Post: #13
Title: Re: جابت ليها كفوف كمان!!
Author: Hussein Mallasi
Date: 07-18-2011, 01:11 PM
Parent: #12
| Quote: حسين لو عندك الشمار كامل رسلو في المسنجر بعد يرجع |
لا أملك معلومات غير ما ورد في القصاصة أعلاه؛ عليه يحول الطلب لوجدان جمال.
|
Post: #15
Title: Re: جابت ليها كفوف كمان!!
Author: Hussein Mallasi
Date: 07-18-2011, 01:26 PM
Parent: #13
| Quote: ياحسين سمعت تحت تحت انو المصفوع دا عضو هنا !!!!!!!!!!!!!! |
إن كان ذلك كذلك فسيتضاعف سخطي على الصافعة و على رئيس التحرير.
|
Post: #16
Title: Re: جابت ليها كفوف كمان!!
Author: منال
Date: 07-18-2011, 07:25 PM
Parent: #15
غايتو خفة الدم الكتيره كعبه خلاث ,,,,,,,
|
Post: #17
Title: Re: جابت ليها كفوف كمان!!
Author: محمد إبراهيم علي
Date: 07-18-2011, 07:38 PM
Parent: #16
| Quote: اها النقوله ليك عديل انا بقصد عشان الحاجات تبقى كويسه دى بتكتبه انت ده |
منال روقي المنقة
في واحد بكتب الفورة مليون هل نقدر نقول ده تمبس ؟
|
Post: #18
Title: Re: جابت ليها كفوف كمان!!
Author: قيقراوي
Date: 07-18-2011, 07:50 PM
Parent: #16
Quote:
غايتو لكن
اها النقوله ليك عديل انا بقصد عشان الحاجات تبقى كويسه دى بتكتبه انت ده
وبيغادى بكتبه جلابى وافتخر القال قرا معاى جامعة الخرطوم ,,, اها معناها شنو ياخوى
فهمتنى ولا ازيدك من الشعر بيت ,,,,
|
هي دي الكنتة يعني!؟
اقسم بالله العظيم ثلاثاً ما دخلت بهناك و لا شفت ... و لا عندي الزمن لي كدا
الا بعد طبارك وعدني و لَ هو هددني بانو ح يجيب لي لو ما مشيت عدلت اسي!؟
يا ستي و الله ما حصل مسكت دربك و لا درب غيرك
لو ما كفتك الحليفة دي اها تاني اعمل ليك شنو عشان تصدقي!؟
--------
سم سانين ياخ " عشان الحاجات تبقى كويسة " دي كلمات القديسة صفية
ما بتعرفيها!؟
في ناس خاتين صورتا عدييييل خليك من كلمات بس!!
ما بتذكر عدد المرات الاستخدمتها فيها بالضبط .. لكن بكل الاحوال لا شئ جمب " المافي شنو " و سم سانين .. و عييييك من الكلامات الممكن تمسكيها علي
مرة واحدة اسي متذكرا في بوست دينا خالد عن اسباب رجعتي هنا
حسين ملاسي بالجد آسف على الخرمجة دي
لكن بالجد متفاجئ باني متهم بترصد عديييييل! و هكر كمان!؟
لك ان تتأمل او تزعل مني
لكن مضطر اخاك لا بطل
|
Post: #19
Title: Re: جابت ليها كفوف كمان!!
Author: منال
Date: 07-18-2011, 07:59 PM
Parent: #18
Quote: هي دي الكنتة يعني!؟
اقسم بالله العظيم ثلاثاً ما دخلت بهناك و لا شفت ... و لا عندي الزمن لي كدا
الا بعد طبارك وعدني و لَ هو هددني بانو ح يجيب لي لو ما مشيت عدلت اسي!؟
يا ستي و الله ما حصل مسكت دربك و لا درب غيرك
لو ما كفتك الحليفة دي اها تاني اعمل ليك شنو عشان تصدقي!؟ |
لاحولااااااا
انا مالى اليومين دى متغمصانى روح شريرة ؟ كلو من الهكر
قيقا يا اخوى ماتزعل منى النبى بعتزر ومنك السماح وامسحه فينى الليله الزعله وقعت فيك
والله ماكان القصد ولا المضمون وتانى ماتحلف وما تفك دربى
اها قبلت اعتزارى ولا نجيب ود البشرى واسطه ؟؟؟
|
Post: #20
Title: Re: جابت ليها كفوف كمان!!
Author: Hussein Mallasi
Date: 07-18-2011, 10:02 PM
Parent: #19
الواحد ما فضل ليهو إلا ينادي ليكم (الصافعة) لتعيد هذا البوست لمساره!
|
Post: #21
Title: Re: جابت ليها كفوف كمان!!
Author: قيقراوي
Date: 07-18-2011, 10:19 PM
Parent: #20
|
Post: #22
Title: Re: جابت ليها كفوف كمان!!
Author: دينا خالد
Date: 07-19-2011, 04:31 AM
Parent: #21
وما علاقة شقيق رئيس التحرير بالجريدة ؟؟
او بالمؤسسة كما قال !
شغال هناك ؟؟
لو كان ذلك كذلك فدا اخير منو الكف ّ!
رئيس التحرير ما ح يقدر يعمل حاجة فى الحالة دى
لانو هو الغلطان ..
ـــــــــــــــــ
واوع يكون من رؤساء التحرير المطوليييين لسانهم فى الفساد ّّ!
|
Post: #23
Title: Re: جابت ليها كفوف كمان!!
Author: MOHAMMED ELSHEIKH
Date: 07-19-2011, 05:22 AM
Parent: #22
كامل التضامن من أجل الشقيق "الصحافي" على وزن " الخال ال.........شنو دااااك"
ومن ثم قيقراوي
ومرورا بمنال
حسين ياخ مشتاقين وقريبا جدا معاكم جهز العممالناصعة.
|
Post: #24
Title: Re: جابت ليها كفوف كمان!!
Author: أحمد محمد عمر
Date: 07-19-2011, 06:51 AM
Parent: #23
لوووووووول
كامل التضامن مع المترصد قيقراوي
يا شماتة أبلة ظاظا فيك
عليك الله هسة (فك دربي) دي ما أخير منها الصفعة ؟
فكوا دربنا وجعتوا قلبنا حتى كـلبنا أكل جرجير
أنا غايتو غير معني بمداخلة منال الأخيرة ولا المعدلة
الكلام التلقائي دة بيكون صادق ياخ
كدي النبي فيكم أجدعوا لينا الرابط بتاع قيقراوي مباري البنات دة
ولا أقول ليكم
عارفكم غتيتين .. بمشي أنكتو براي
يا حلاة كمان رفع الصورة عشان يرجع البوست لي مسارو
هو المولد دة بيتفوت ؟
|
Post: #25
Title: Re: جابت ليها كفوف كمان!!
Author: محمد عبد الماجد الصايم
Date: 07-19-2011, 08:41 AM
Parent: #24
غايتو قيقراوي طلع خسران أكتر من (المصفوع)!!
|
Post: #26
Title: Re: جابت ليها كفوف كمان!!
Author: HAIDER ALZAIN
Date: 07-19-2011, 08:56 AM
Parent: #25
انا لله وانا اليه راجعون ..
رغم اني داخل في اضراب عن الكتابة ..
لكن الـكاااااااك دي ما بتتفوت كلو كلو
|
Post: #28
Title: Re: جابت ليها كفوف كمان!!
Author: EMU إيمو
Date: 07-19-2011, 09:04 AM
Parent: #25
| Quote: غايتو قيقراوي طلع خسران أكتر من (المصفوع)!! |
الروح تروح والصفع ما بروح
الناس ما بتريح
|
Post: #27
Title: Re: جابت ليها كفوف كمان!!
Author: Asim Fageary
Date: 07-19-2011, 09:00 AM
Parent: #7
| Quote: غايتو لو مالصق ليها يكون يستاهل |
كان من حقو يلصق ليها !!! (كان يلصق ليها ما عارف)
|
Post: #29
Title: Re: جابت ليها كفوف كمان!!
Author: على محمد الخير
Date: 07-19-2011, 09:15 AM
Parent: #27
يعنى هسى دخلنا البوست ابكفووف وصفيع ده ... ولحدى الان لا عرفنا الصافعة ولا المصفوع ...ولا عرفنا نشجب ولا ندين ...
وبالله عليكم لما تعرفوا من الصافع ومن المصفوع ادونا خبر وبعداك بنحدد موقفنا من مثل هكذا تصرفات...
|
Post: #31
Title: Re: جابت ليها كفوف كمان!!
Author: Hussein Mallasi
Date: 07-19-2011, 09:23 AM
Parent: #29
حدثنا الخبر عن أن رئيس التحرير قد تدخل و عقد اجتماعاً طلب فيه من المعتدية
الاعتذار و لكنها رفضت الأمر الذي دفع المعتدى عليه للالتجاء للقضاء .. فتأمل!!
|
Post: #30
Title: Re: جابت ليها كفوف كمان!!
Author: قيقراوي
Date: 07-19-2011, 09:17 AM
Parent: #27
استاذنا عاصم
لك التحية ياخ
Quote:
| Quote: غايتو لو مالصق ليها يكون يستاهل |
كان من حقو يلصق ليها !!! (كان يلصق ليها ما عارف)
|
ما دخلني البوست دا الا التعليق على الحتة دي
لكن شوف اسي دخلت وين!؟
----
نحب ننتهز هذه السانحة و نحي اختنا منال .. لا شئ يستحق الاعتذار ياخ!
القصة هي تعليق على تعليقك ما اكتر .. لا شئ شخصي و لا ترصد هناك ..
Quote: | Quote: يعنى مالصق ليها كفين ؟؟ غايتو لو مالصق ليها يكون يستاهل |
لوووووووووب
كدا يعني الحاجات ح تبقى كويسة!؟ |
Re: جابت ليها كفوف كمان!!
و بالمرة ياخ نحب نشكر كل من تضامن .. و من شمت ساااي برضو
و العقبة عندكم في التهكيرات
المافي شنو!؟
نذكركم بس ..
قيقا محض ذاكرة
و كراع الهكر جيابة
|
Post: #32
Title: Re: جابت ليها كفوف كمان!!
Author: HAIDER ALZAIN
Date: 07-19-2011, 09:30 AM
Parent: #30
Quote: قيقا محض ذاكرة
و كراع الهكر جيابة
|
لوووووووووووول
قروب الرائع اساسي
سارت بخبره الركبان :)
|
Post: #33
Title: Re: جابت ليها كفوف كمان!!
Author: Hussein Mallasi
Date: 07-19-2011, 09:38 AM
Parent: #32
يا لحديديتها .. صفعت الشقيق و ضربت بطلب رئيس التحرير الحائط!
|
Post: #34
Title: Re: جابت ليها كفوف كمان!!
Author: محمد عبد الماجد الصايم
Date: 07-19-2011, 09:56 AM
Parent: #33
في احتمال تكون ستانلس ستيل؟
|
Post: #35
Title: Re: جابت ليها كفوف كمان!!
Author: أمير فتحي
Date: 07-19-2011, 10:53 AM
Parent: #34
| Quote: في احتمال تكون ستانلس ستيل؟ |
وفي رواية الشريك الخفي ...دا مابوار نصاح
|
Post: #36
Title: Re: جابت ليها كفوف كمان!!
Author: ابراهيم عوض عمر
Date: 07-19-2011, 03:41 PM
Parent: #35
ملاسى إن شاء الله الصفعة الجاية ليك انت يا ناقل الميتة والرزيلة ..
|
Post: #37
Title: Re: جابت ليها كفوف كمان!!
Author: Hussein Mallasi
Date: 07-19-2011, 05:44 PM
Parent: #36
لن تتجرأ .. إذ ستكون على يقين بأنها سوف لن تأمن العقاب!
|
Post: #38
Title: Re: جابت ليها كفوف كمان!!
Author: عمر عبد الله فضل المولى
Date: 07-19-2011, 05:47 PM
Parent: #37
يا لك من رجل بائس وكاذب اشر
|
Post: #39
Title: Re: جابت ليها كفوف كمان!!
Author: د.محمد حسن
Date: 07-19-2011, 05:52 PM
Parent: #38
كفوف
كراسي
تراشق وعنف لفظي
تهديد
بذاءة
فقر
غلاء
انعدام مؤسسية في كل شيء
استيراد طماطم ولحوم من اثيوبيا
خشخمية صحيفة يومية
ظروف من البشير للوزراء عشان تساعدهم
اضرابات اطباء عشان المواهي
اضرابات معلمين عشان المواهي
فضل شنو تاني من السوء
عليك الله ما تتامل
|
Post: #40
Title: Re: جابت ليها كفوف كمان!!
Author: Kostawi
Date: 07-19-2011, 05:57 PM
Parent: #37
|
Post: #41
Title: Re: جابت ليها كفوف كمان!!
Author: بله محمد الفاضل
Date: 07-19-2011, 06:19 PM
Parent: #40
إلا من رحم ربي
كلو مصفوع
يدري
أو لا يدري..
|
Post: #42
Title: Re: جابت ليها كفوف كمان!!
Author: Elawad
Date: 07-19-2011, 10:15 PM
Parent: #41
يا كوستاوي الكلام دا ياخي مستحيل زول يفتكر كاتبه ملاسي. معقولة ملاسي يكتب حيث أقدمت امرأة قيادية بالصحيفة بصفع شقيق رئيس التحرير؟
|
Post: #43
Title: Re: جابت ليها كفوف كمان!!
Author: محى الدين ابكر سليمان
Date: 07-20-2011, 03:21 AM
Parent: #42
كنت فاكر روحى براى بفهم فى اللغة "الأناضولية".
ياخى سيب بخل ال..."لى بالى بالك" وارحم من يضطر لمطالعة فساءك"هذا" بنقطة أو شولة.
يالهوى...
"العربية" راحت فى الكازوزة ياقدعان, كنا بنطلع "الخلاء" فى "قفا" بالاباريق, شكلها جابت ليها "جرايد".
|
Post: #44
Title: Re: جابت ليها كفوف كمان!!
Author: Asim Fageary
Date: 07-20-2011, 07:03 AM
Parent: #43
سلام يا قيقراوي
والله لقيتك صائد لغة خطيرة
Quote: دخلني البوست دا الا التعليق على الحتة دي
لكن شوف اسي دخلت وين!؟
|
|
Post: #45
Title: Re: جابت ليها كفوف كمان!!
Author: طارق ميرغني
Date: 07-20-2011, 09:13 AM
Parent: #44
| Quote: لن تتجرأ .. إذ ستكون على يقين بأنها سوف لن تأمن العقاب! |
انت ذاتك البجيبك ليها شنو ؟
مش هم جنب المحطه الوسطي ؟؟
تحياتي ملاسي
|
Post: #49
Title: Re: جابت ليها كفوف كمان!!
Author: singawi
Date: 07-20-2011, 11:20 AM
Parent: #45
العزيز عاصم فقيري
النية زاملة سيدا يا حبيب
أول مرة أشوف ليك فاول جوة خط ستة
بتستحق كرت أياً كان لونو
تحياتي
|
Post: #46
Title: Re: جابت ليها كفوف كمان!!
Author: Hussein Mallasi
Date: 07-20-2011, 10:51 AM
Parent: #43
كدت أن أرد على أبكر بما فيه و لكني آثرت أن لا أفعل.
|
Post: #47
Title: Re: جابت ليها كفوف كمان!!
Author: Hussein Mallasi
Date: 07-20-2011, 11:00 AM
Parent: #40
إن كنت لا تملك الشجاعة على أن تنسب لنفسك
ما تكتب - يا كوستاوي - فلا تظن أن الجميع مثلك!
|
Post: #48
Title: Re: جابت ليها كفوف كمان!!
Author: عبدالعزيز حسين عبدالرحيم
Date: 07-20-2011, 11:08 AM
Parent: #47
| Quote: كدت أن أرد على أبكر بما فيه و لكني آثرت أن لا أفعل. |
الحمد لله الما فعلت لأنك كنت وضيوفك حا تخشوا البوست مقفلين نخرينكم
--------
تحياتي وأحترامي واتشرفت وسعدت بلقياك
|
Post: #50
Title: Re: جابت ليها كفوف كمان!!
Author: محمد يوسف الزين
Date: 07-20-2011, 11:46 AM
Parent: #48
الناس المداومين في الاساءة للزميل ملاسي في بوستاتو ديل، بدوني انطباع واحد بس في كل مرة!،انو لسة في المدرسة الابتدائية!
شئ سخيف وطفولي
|
Post: #51
Title: Re: جابت ليها كفوف كمان!!
Author: ابراهيم قناوي
Date: 07-20-2011, 12:19 PM
Parent: #50
Quote: الناس المداومين في الاساءة للزميل ملاسي
في بوستاتو ديل، بدوني انطباع
واحد بس في كل مرة!،انو لسة في المدرسة الابتدائية!
شئ سخيف وطفولي |
شكراً أستاذ محمد يوسف الزين
فقد عبرت عني تماماً
______________________________
التحية للأستاذ حسين ملاسي
وهو ينظر لشانئيه من عليائه
|
Post: #52
Title: Re: جابت ليها كفوف كمان!!
Author: أمير فتحي
Date: 07-20-2011, 01:18 PM
Parent: #51
Quote: التحية للأستاذ حسين ملاسي
وهو ينظر لشانئيه من عليائه |
ويتأمل
|
Post: #53
Title: Re: جابت ليها كفوف كمان!!
Author: محمد يوسف الزين
Date: 07-20-2011, 01:24 PM
Parent: #52
العبرة ما في الدفاع عن ملاسي يا قناوي يا زميل
ما محتاج الراجل دا
العبرة في انو الحركات دي جد "سخيفة" و "طفولية"
شكراً لكـ
|
Post: #54
Title: Re: جابت ليها كفوف كمان!!
Author: Hussein Mallasi
Date: 07-20-2011, 01:53 PM
Parent: #53
طلب منها أن تعتذر .. رفضت .. فسكت!
|
Post: #55
Title: Re: جابت ليها كفوف كمان!!
Author: محمد حيدر المشرف
Date: 07-20-2011, 03:46 PM
Parent: #54
Quote: إن كنت لا تملك الشجاعة على أن تنسب لنفسك
ما تكتب - يا كوستاوي - فلا تظن أن الجميع مثلك! |
أها انا فهمت من الاشارات والايماءات وما تخفى العيون الهنا ..
انو فى واحده سيده أو آنسه - ضربت الاخ زميل المنبر "على ميرغنى" كف ..
وأن الموضوع "أسعد" على نحو ما زميل المنبر "ملاسى"
فقرر الاشاره اليه بخائنه بصريه "غمزه" فى المنبر ..
الكلام ده لو ما صاح .. اكتبو انو ما صاح و that is all
|
Post: #56
Title: Re: جابت ليها كفوف كمان!!
Author: Hussein Mallasi
Date: 07-20-2011, 04:24 PM
Parent: #55
بحذلقته المعهودة اقتبس اقتباساً ثم أردفه بما لا علاقة له بالاقتباس .. فتأمل!
|
Post: #57
Title: Re: جابت ليها كفوف كمان!!
Author: محمد حيدر المشرف
Date: 07-20-2011, 04:40 PM
Parent: #56
على بالحلال لم اكن أقل حذلقه فى حياتى من المداخله أعلاه !!
|
Post: #58
Title: Re: جابت ليها كفوف كمان!!
Author: Hussein Mallasi
Date: 07-20-2011, 04:44 PM
Parent: #57
و الحال كذلك ففالج لا تعالج!
|
Post: #59
Title: Re: جابت ليها كفوف كمان!!
Author: محمد حيدر المشرف
Date: 07-20-2011, 04:53 PM
Parent: #58
يا ملاسى ..
ياخى عليك الله جاوب ..
كلامى ده صاح ولا غلط ؟!!..
الله يهدينا ويهديك يا حسين ..
عندى كم بوست تانى واجازتى بتنتهى بعد بكره !!
|
Post: #60
Title: Re: جابت ليها كفوف كمان!!
Author: احمد الأمين على إدريس
Date: 07-20-2011, 05:45 PM
Parent: #59
| Quote: طلب منها أن تعتذر .. رفضت .. فسكت! |
ملاسى بعد التأملات يسير فى الاتجاه الصحيح نحو القصة القصيرة
|
Post: #61
Title: Re: جابت ليها كفوف كمان!!
Author: ابراهيم قناوي
Date: 07-20-2011, 06:04 PM
Parent: #60
Quote: العبرة ما في الدفاع عن ملاسي يا قناوي يا زميل
ما محتاج الراجل دا
العبرة في انو الحركات دي جد "سخيفة" و "طفولية"
شكراً لكـ |
هو كذلك يا عزيزي
فالأستاذ ملاسي لا يحتاج لمن يدافع عنه
ولكن الترصد والتشفي يصيب المرء
بالغثيان مما يفوت علينا متعة
متابعة بوستات ملاسي
فأنا صراحة أتابع كتاباته بشدة
له التحية
والسلام
|
Post: #62
Title: Re: جابت ليها كفوف كمان!!
Author: عمر عبد الله فضل المولى
Date: 07-20-2011, 06:09 PM
Parent: #61
حسين ملاسي رجل بائس وكذاب اشر
|
Post: #63
Title: Re: جابت ليها كفوف كمان!!
Author: عبدالعزيز حسين عبدالرحيم
Date: 07-20-2011, 06:25 PM
Parent: #62
| Quote: حسين ملاسي رجل بائس وكذاب اشر |
يا زول أنت البؤس ما فارقك شبر
كان انت ولا كان الزول البكتب بي أسمك
|
Post: #64
Title: Re: جابت ليها كفوف كمان!!
Author: محمد حيدر المشرف
Date: 07-20-2011, 06:35 PM
Parent: #63
عموما نأسف على ازعاج استمتاعكم بهذا المقال الدسم ..
المجد لله فى الاعالى وبالناس المسره
وعلى الارض السلام ..
|
Post: #65
Title: Re: جابت ليها كفوف كمان!!
Author: عبدالعزيز حسين عبدالرحيم
Date: 07-20-2011, 07:02 PM
Parent: #64
الزول السمج أصلو ما بشوف نفسه سمج بفتكر نفسه ظريف ومفرح الناس
دمك تقيل
|
Post: #66
Title: Re: جابت ليها كفوف كمان!!
Author: محمد عثمان ابراهيم
Date: 07-21-2011, 01:11 AM
Parent: #65
| Quote: بخائنه بصريه "غمزه" |
بالله الغمزة اسمها باللغة العربية (خائنة بصرية)، ولا دة اسم جديد؟
|
Post: #67
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 06:49 AM
Parent: #66
الاستاذ الصحفى الكبير محمد عثمان ابراهيم ..
تحياتى ..
وياها قدرتى اللغويه المسقوفه بحدود علاقتى غير المهنيه بالكتابه .. ودى ميزة حوش بكرى الخلانا نكتب مع اساتذه كبار زيكم انت وحسين ملاسي ..
ونقبل تصويباتكم يا آل الصحافه ..
ما قلت لى رأيك فى هذا البوست/الشمار
عبدالعزيز ..
أفهم أن تدافع عن صديقك او كاتبك حسين ملاسي وموضوعه هنا ولكن ..
لم يك هناك داع على الاطلاق للاساءة لى ..
طرحت رأيا واضحا ..
وتلقيت ردودا لا تمت بصله كاتهامى بالحذلقه من قبل صاحب البوست .. وبالسماجه منك .. بالاضافه لجملة " فالج لا تعالج " ...
ولا يهمنى غير انو لا داعى للعداوات البلاصالح دى
تحياتى
|
Post: #68
Title: Re: جابت ليها كفوف كمان!!
Author: عبدالعزيز حسين عبدالرحيم
Date: 07-21-2011, 07:31 AM
Parent: #67
ياسيد المشرف
هسع القاصدك منو
علي العموم التعليق بتاعي كان لمحي الدين ابكر ولو أنت شايفو مناسب معاك مبروك عليك
| Quote: ولا يهمنى غير انو لا داعى للعداوات البلاصالح دى |
عفواً يا أخوي نحنا ردودك وكتابتك بنمر فيها ساي لا بنقرى ليك ولا بنهبب ولا فاضين ليها خليك من نفتش لي عداوة معاك
بعدين أنت زعلان ليه ؟
|
Post: #69
Title: Re: جابت ليها كفوف كمان!!
Author: Hololy
Date: 07-21-2011, 08:00 AM
Parent: #67
....| Quote: ....بخائنه بصريه "غمزه" |
....
....
....| Quote: .....بالله الغمزة اسمها باللغة العربية (خائنة بصرية)، ولا دة اسم جديد؟ |
....
.......
....
....
....قديما قالت.....
....
....(العرب العاربه ....و المستعربه ...و المستعبسين .....ثم ....و المتنكرين في شكل برغل ....)
....
....(.....لغة ما لغتك .... انطلق فيها ......ام فكٌو .....)
....
...
...انت يا محمد عثمانهم ..... او يا ادروبهم ....الذي كان !!!!!
....
........ عرفناك ...تركت .... صاحبي ادروب ...و ... واليت وجهك ... شطر البحر....
...
...اها ...كمان
...ماك من الناس الفوق ديل و الا شنو؟؟؟؟؟
...
______________
....حاشيه ....
...
...المتنكرين في شكل برغل ديل ..... ناس النبي لوط .... و جماعتو....
....
...
|
Post: #70
Title: Re: جابت ليها كفوف كمان!!
Author: ابراهيم قناوي
Date: 07-21-2011, 08:31 AM
Parent: #69
أخي محمد حيدر المشرف
سلامات
حسب معرفتي اللغوية المحدودة جداً
أقول إنك من الذين تستهويني
طريقتكم في الكتابة
وأن الخائنة البصرية
هي معنى خائنة الأعين
وفي القصة المشهورة
أن النبي عليه أفضل الصلاة والسلام كان جالساً
مع أصحابه رضوان الله عليهم
فجاء رجل من المشركين وتحدث مع النبي صلى الله عليه وسلم
ثم ذهب. فقال النبي صلى الله عليه وسلم: وددت لو أن أحدكم
قام فقتله، فقال رجل من الصحابة: هلا أومأت لي يا رسول الله
(أي لو أشرت لي بإشارة خفية يعني ممكن تكون غمزة)
فقال صلى الله عليه وسلم: ما كان لنبي أن تكون له
خائنة أعين.
(أي أن اللغة الخفية من الإشارات والغمز لا تليق
بمقام النبوة)
تحياتي يا المشرف
______________________________
عبد العزيز أخوي ياخي المشرف دة
كلامو كويس مالك مسخن نفسك معاهو كدة
خليك كوووول يا حبيب
وتحياتي
|
Post: #71
Title: Re: جابت ليها كفوف كمان!!
Author: عبدالعزيز حسين عبدالرحيم
Date: 07-21-2011, 08:54 AM
Parent: #70
نديدي إبراهيم قناوي
أطيب تحايا وأحترام ليك
Quote: عبد العزيز أخوي ياخي المشرف دة
كلامو كويس مالك مسخن نفسك معاهو كدة
خليك كوووول يا حبيب
|
أنا كول وكان مسخن بي زول ياهو أبكر دا وربنا ما يسمعك الزول دا بقول شنو واللفاظه وعنصريته كمان وكل ما يجي هنا يشتمنا ويسبنا ومره طلعنا اولاد حرام وشتم جدودنا
وانا ما قاصد المشرف ولا أساءت ليه وكان هو براه شاكي او معتقد في أنه سمج ودمه تقيل لبس الطاقية
|
Post: #72
Title: Re: جابت ليها كفوف كمان!!
Author: ابراهيم قناوي
Date: 07-21-2011, 09:09 AM
Parent: #71
حبيبنا عبد العزيز
تحياتي يا زول يا رايق
ولو تابعنا سيل العنصرية في المنبر
دة لإنجرفن في أوحال ما أنزل الله بها من سلطان
ولكن أحياناً يجب الإعراض عن الإساءات
زي ما بعمل أستاذنا ملاسي
فهو يتعالى فوق إساءاتهم
وكما أضاف أخونا امير فتحي
تسلم يا غالي
|
Post: #73
Title: Re: جابت ليها كفوف كمان!!
Author: محمد عثمان ابراهيم
Date: 07-21-2011, 09:53 AM
Parent: #72
Quote:
الاستاذ الصحفى الكبير محمد عثمان ابراهيم ..
تحياتى ..
وياها قدرتى اللغويه المسقوفه بحدود علاقتى غير المهنيه بالكتابه .. ودى ميزة حوش بكرى الخلانا نكتب مع اساتذه كبار زيكم انت وحسين ملاسي ..
ونقبل تصويباتكم يا آل الصحافه
|
يا محمد حيدر المشرف
أنا ما صححت أي حاجة لأني ببساطة ما عارف ولم أسمع من قبل بأن الغمزة اسمها خائنة بصرية، لذلك سألت بس طلباً للعلم.
أما حكاية علاقتك غير المهنية بالكتابة فمما لا يحتاج لشرح.
مع احترامي
Quote: انت يا محمد عثمانهم ..... او يا ادروبهم ....الذي كان
عرفناك ...تركت .... صاحبي ادروب ...و ... واليت وجهك ... شطر البحر.... !!!!!
|
Hololy
أكتب الكلام أعلاه بوضوح فقد أرد عليك، أما بقية مداخلتك فهي بالتأكيد تخصك وحدك نسأل الله لك الستر والمغفرة.
|
Post: #74
Title: Re: جابت ليها كفوف كمان!!
Author: بدر الدين اسحاق احمد
Date: 07-21-2011, 09:54 AM
Parent: #70
شكراً الرفيق قيقراوى على ارجاع البوست الى مساره
|
Post: #75
Title: Re: جابت ليها كفوف كمان!!
Author: داليا حافظ
Date: 07-21-2011, 11:52 AM
Parent: #74
المحير في الخبر العاملين الكانوا عايزين يضربوا عن العمل لأنو شقيق رئيس التحرير أدهو كف .!
|
Post: #76
Title: Re: جابت ليها كفوف كمان!!
Author: Hussein Mallasi
Date: 07-21-2011, 01:29 PM
Parent: #75
بل المحير صرف النظر عن الإضراب دون زوال الداعي!
|
Post: #77
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 01:48 PM
Parent: #76
استاذنا الصحفى الكبير ..
محمد عثمان ابراهيم
احتراماتى
Quote: أنا ما صححت أي حاجة لأني ببساطة ما عارف ولم أسمع من قبل بأن الغمزة اسمها خائنة بصرية، لذلك سألت بس طلباً للعلم.
أما حكاية علاقتك غير المهنية بالكتابة فمما لا يحتاج لشرح.
|
يا للتواضع يا استاذ !!
ويقينى أنك وددت الاشاره الى أن التعبير الصحيح لل "غمزه" هو "خائنة الأعين" والتى حولتها علاقاتنا المافيشه باللغه ل "خائنه بصريه" ..
وده ياهو النقد البنحتاجو نحو كتابه معافاة ..
شكرا يا استاذى ..
ودمت بخير
|
Post: #78
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 01:57 PM
Parent: #77
شكرا يا أستاذ عبدالعزيز ..
وإن حرمتنا من شرف متابعتك لما أكتب .. وقطعا كان ذلك ليزيدنى شرفا أن تتابع ما أكتب وأن ننافس استاذنا ملاسي فى نصيب من متابعيه ومتابعى بوستاته الدسمه ومقالاته فى الصحف والمنابر الالكترونيه ..
ف .. شكرا
شكرا جزيلا على تكبد عناء الرد وعلى التوضيح وعلى مرورك الساى بما أكتب ..
Quote: عفواً يا أخوي نحنا ردودك وكتابتك بنمر فيها ساي لا بنقرى ليك ولا بنهبب ولا فاضين ليها خليك من نفتش لي عداوة معاك
|
|
Post: #79
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 02:08 PM
Parent: #78
عزيزي ابراهيم قناوى ..
تحياتى وكيفك وكيف كيفك ..
ياخى والله حسين ملاسي ده بنتداخل معاهو مره مرتين فى السنه ..
وذلك بنية أن نرد جميل السخريه التى يتحفنا بها لاذعا و "دغيل"
وكل ذلك أعده شيئا من المخاشنات الاسفيريه .. ولا يتعداها
ويعلم الله الود الشخصى الذى أحمله له ودونما معرفه شخصيه حتى ..
اما الاخ عبدالعزيز ..
ف " ورطنى معاهو " طريقة المنبر فى اظهار الردود ..
فالرد المعنى يظهر كرد مباشر لمحمد حيدر المشرف .. وهو يعنى شخصا آخر لا أستحضر أسمه
وكلكم أخوان وجديرون بالاحتفاء ..
وتعلم تقديرى الشديد لك يا عزيزي ..
ولا أعلم من اين أتى ذاك الوجه الضاحك أعلاه!!
|
Post: #80
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 02:11 PM
Parent: #79
وبعد ممارسة كل النزق أعلاه ..
أجد أن من الحكمه العوده لمسار البوست الرئيسى ..
وهو ضرب احداهن لشقيق رئيس التحرير لصحيفة سياسيه ما ..
واصلو وسنتابع معكم
|
Post: #82
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 02:17 PM
Parent: #80
وقال: هلا أومأت لى يا رسول الله !!
|
Post: #81
Title: Re: جابت ليها كفوف كمان!!
Author: أمير فتحي
Date: 07-21-2011, 02:15 PM
Parent: #78
Quote: شكرا جزيلا على تكبد عناء الرد وعلى التوضيح وعلى مرورك الساى بما أكتب ..
|
ياسلام يامشرف ياخ
غايتو في تلاته أنا حاسدم علي الشيوعيين ديل إن كانو كذلك
هذا المشرف و (الزميلين) الجميلين عماد عيدروس وخضر حسين خليل رد الله غربتيهما
رغم إختلاف الأيدلوجيا تتكيف لكتاباتهم...لوووولز
|
Post: #83
Title: Re: جابت ليها كفوف كمان!!
Author: محمد حيدر المشرف
Date: 07-21-2011, 02:30 PM
Parent: #81
أمير !!!!
يا زول ده كلام شنو !!
ضربت التأمين ياخ ..
وده حسن ظن ليس الا يا عزيزي ..
|
Post: #84
Title: Re: جابت ليها كفوف كمان!!
Author: أمير فتحي
Date: 07-21-2011, 02:45 PM
Parent: #83
والله جد
|
Post: #85
Title: Re: جابت ليها كفوف كمان!!
Author: ابراهيم قناوي
Date: 07-21-2011, 02:53 PM
Parent: #84
شكراً ود المشرف
ولك من الود والتقدير
فوق ما تتصور
ونشكرك حتى تستغيث
والقول ما قلت فلندع البوست
لمساره الطبيعي
ومرحباً بأستاذنا ملاسي
ونأسف على جنوح مركب البوست
ومتابعين
|
Post: #86
Title: Re: جابت ليها كفوف كمان!!
Author: Hololy
Date: 07-22-2011, 07:43 PM
Parent: #85
|
Post: #87
Title: Re: جابت ليها كفوف كمان!!
Author: Hololy
Date: 07-22-2011, 08:09 PM
Parent: #86
.....Quote:
........| Quote: ....بخائنه بصريه "غمزه" |
....
....
....| Quote: .....بالله الغمزة اسمها باللغة العربية (خائنة بصرية)، ولا دة اسم جديد؟ |
....
.......
....
....
....قديما قالت.....
....
....(العرب العاربه ....و المستعربه ...و المستعبسين .....ثم ....و المتنكرين في شكل برغل ....)
....
....(.....لغة ما لغتك .... انطلق فيها ......ام فكٌو .....)
....
...
...انت يا محمد عثمانهم ..... او يا ادروبهم ....الذي كان !!!!!
....
........ عرفناك ...تركت .... صاحبي ادروب ...و ... واليت وجهك ... شطر البحر....
...
...اها ...كمان
...ماك من الناس الفوق ديل و الا شنو؟؟؟؟؟
...
______________
....حاشيه ....
...
...المتنكرين في شكل برغل ديل ..... ناس النبي لوط .... و جماعتو...
..... |
.....
....
...
.....
....Quote:
....أكتب الكلام أعلاه بوضوح فقد أرد عليك، أما بقية مداخلتك فهي بالتأكيد تخصك وحدك نسأل الله لك الستر والمغفرة. |
....
......
...ما هو الغير الواضح ...في الكلام الفوق ده ...???????...
...انا غايتو شايفو واضح .... لكن برضو حدًد ... الما مفهوم فيهو شنو ... ؟؟؟؟ عشان نسترسل اكتر...
...
...(...قالوا الطشاش في صحف العمايا ....غمزه مطرًفه....)
...
....بعدين حكاية مداخله تخصًك ...و تخصًني .....ده كلام هباب و مهبب .... ببساطه ... لانو المنبر ...اسمو المنبر العام ... ما المنبر الخاص ....
... حتي من يكتب و يلصق ما يكتبه علي سطح شاشته ... مباشره بعدها يصبح قارئ من و مع العامه ... فانسانا من الكلام الني ....بتاع خصوصيه و بطيخ ده ..
...
...و انت يا كافي البلا .... و كصحفي ... هسع في البوست ده .....كوووولو ...و الاتجاوزت عددية قارئيه ال 3600...و بتناول قضيه من صميم مهنتك ....
...و مهنيتك بالصفع و الدوس عليها بالجزمه القديمه ...في الزمن المنحط ده ما في حاجه استفزًتك بالتعليق ...و ربنا ما فتح عليك بحتة بصيره صغييييره ....
...غير غمزة وطرفة ... ود المشرف دي..؟؟؟؟؟؟؟ ...
....
...
... لا و كمان ....بتطلب للاًخرين الستر و المغفره ... و تستكثرها علي ذاتك .... ???????.
...
...غايتو ربنا يستر حالنا و حالك ...
...
... و الاً ..اقول ليك ...
...
... الله هوينيني ...هوًنيهو ...
...
...الله فرًجيني ... فرجيهو ...
...
...الله اغفريني ..اغفريهو..... ( الحقوق محفوظه .... للادروبات .... و عمدتهم...و عمودياتم)..
...
...قول امين ...
....و لو ما عايز تقول ....براحتك... عشان ما نبخًس الناس حق ...امنياتم ...
...
...بعدين ياخي حكاية ....( فقد ترد) ...او....( فقد لا ترد) ... ما اعتقد انو القارئ ... محتاج يعرفا ....
....فـــ كي بوردك .... عندك .....و مافي زول شايل عليك سوط ..... عايز ترد ... رد .... ما عايز .... براحتك .... برضو
....فارحم نفسك ... ياخ ...
...
...
|
Post: #88
Title: Re: جابت ليها كفوف كمان!!
Author: عوض محمد احمد
Date: 07-22-2011, 08:45 PM
Parent: #87
Quote: ...و انت يا كافي البلا .... و كصحفي ... هسع في البوست ده .....كوووولو ...و الاتجاوزت عددية قارئيه ال 3600...و بتناول قضيه من صميم مهنتك ....
...و مهنيتك بالصفع و الدوس عليها بالجزمه القديمه ...في الزمن المنحط ده ما في حاجه استفزًتك بالتعليق ...و ربنا ما فتح عليك بحتة بصيره صغييييره ....
...غير غمزة وطرفة ... ود المشرف دي..؟؟؟؟؟؟؟ ... |
كلام فى الصمبم
|
Post: #89
Title: Re: جابت ليها كفوف كمان!!
Author: محمد حيدر المشرف
Date: 07-22-2011, 09:06 PM
Parent: #88
يا جماعه الخير ..
لا أعتقد أن وضع "الخائنه البصريه" -إجتهادا- فى مقابل "الغمزه" مسأله بسيطه !!
والا ما استرعت انتباه استاذنا الصحفى محمد عثمان ابراهيم ..
ماهو كل يوم فى كم ألف فى العالم ممكن يدو كم ألف زيهم كفوف ..
و ك "شمار" قد يثير ذلك شهية الكتابه ..
لكن ..
كم يمكن أن يتكرر استخدام "خائنه بصريه" تعبيرا عن "غمزه"
هذا هو السؤال ؟!
..
وبعدين العربى ده يجتهد فيه كل من هب ودب ولا شنو ؟!
العربى ده عندو اسيادو اسياد الشى ذاتو
ولا انتو فاكرنو لعب ساى ؟!!
|
Post: #90
Title: Re: جابت ليها كفوف كمان!!
Author: بدر الدين اسحاق احمد
Date: 07-22-2011, 09:19 PM
Parent: #89
لا حولالالالالالالالالالالالالالا
قلنا من قبل ان مفردة ( ســاى ) مترعة بالجمال وممتلئة بكثير من المعانــى فما تنتقصو من جلال قدرها
حســى يا المشرف مفردة ( سـاى ) فى السياق دا بتعنى شنو ؟
|
Post: #91
Title: Re: جابت ليها كفوف كمان!!
Author: Hololy
Date: 07-22-2011, 09:45 PM
Parent: #90
.....
......Quote: ماهو كل يوم فى كم ألف فى العالم ممكن يدو كم ألف زيهم كفوف ..
و ك "شمار" قد يثير ذلك شهية الكتابه .. |
....
...]big]...
....دي ضيف عليها ...شهية الشعر ... و وله ... الشعراء .....و الشمار و الجمجارين ..... ذوبانهم في روموش جكساياتهم ...
....مع كفكفة وكفيت امرؤ القيس في دباديب عيون سلمي ...الحجازيه .... حجازية العينين ....وردية الحشا ... و الا بقول شنو هو؟؟؟؟
....
....وكاف و كفكاف ... وكفو ...بكفها ... و كافي كفوف الناس من كفها .... انهمل ....و هاك يا كفيت !!!!!!
....
.....
....
.
.
.
.
.
.
.
.
.
.
.
.
...خطرفه
......ما هي العلاقه بين عيون المها ... و عيون الحجازيه (حجازية العينين) ...و غمزة او خائنة بصرية ود المشرف....
...وكف بت بوست ملاسي ....وعيون سلمي بت امرؤ القيس ....و كفيتو..الكتير... ....
....مع
.... الوجوه الغامزه البتطل لينا في بعض الاحيان في سودانيز اون لاين ؟؟؟؟؟
...
.......هناك جائزه قيًمه جدا لمن يعرف .... و الله صحي ...
..
..
..
..
..
..
..
..عوض يا صديق .... شكرا ليك..
..
..
|
Post: #92
Title: Re: جابت ليها كفوف كمان!!
Author: عوض محمد احمد
Date: 07-22-2011, 09:45 PM
Parent: #89
Quote: كم يمكن أن يتكرر استخدام "خائنه بصريه" تعبيرا عن "غمزه"
هذا هو السؤال ؟! |
ود المشرف
سلام
و السؤل الاهم كم صحفى يصفع حتى يبلغ النصاب الكافى لزملائه للتضامن معه و لو بالفاظ جوفاء عوضا عن نقاش متنطع حول اللغة لا داع له
|
Post: #93
Title: Re: جابت ليها كفوف كمان!!
Author: أمين محمد سليمان
Date: 07-22-2011, 10:25 PM
Parent: #92
Quote: ودى ميزة حوش بكرى الخلانا نكتب مع اساتذه كبار زيكم انت وحسين ملاسي ..
ونقبل تصويباتكم يا آل الصحافه ..
|
ده كلام يا محمد حيدر ؟ ياخي أنا صحفي و أستاذ أكبر من محمد عثمان إبراهيم و من ملاسي ( و في بعض الروايات الضعيفه من مصطفي البطل ذات نفسو ) فكيف ما تذكرني مع الناس دي ؟
إستوساخك لي بقي بائن بينونة كبري ، غفر الله لنا و لك يا أخا العرب ( وجه باسم به (خائنة أعين ) ) !!
--------
Hololy يا حبيبنا
رغم انك مقل في الكتابه لكن بحب كتابتك جدا ، فبالله ياخي ما تبل محمد عثمان إبراهيم ده : الزول ده صحبي و أنا ما بستحمل في أصحابي ، بالذات من الناس الأنا معصور عليهم زيك كده .
لو كانت الماسنجرات شغاله ، كنت رسلت لسته باسماء أصحابي الما بستحمل فيهم كلمة ( ( وجه باسم ليست به (خائنة أعين ) ) !!
|
Post: #94
Title: Re: جابت ليها كفوف كمان!!
Author: عمر عبد الله فضل المولى
Date: 07-23-2011, 08:08 AM
Parent: #93
كامل التضامن مع الاخ الفاضل حيدر المشرف ضد هذا الصحفي البائس واقول البائس لانه لو لم يكن كذلك لما تعامل مع ود المشرف بهذه الطريقة البائسة
وتبا للبائس ملاسي صاحب البوست
|
Post: #95
Title: Re: جابت ليها كفوف كمان!!
Author: محمد حيدر المشرف
Date: 07-23-2011, 07:37 PM
Parent: #94
عمر يا عزيزى ..
كيفك وكيف كيفك ..
من المعانى اللطيفه التى خطرت لى وأنا أقرأ تضامنك الجميل أعلاه ..
انو كويس الواحد يكون عندو اخوان "حريقه وقايمه" وزى الليله وبكره و .. لابسين المرقع
كانو لابسين المرقع !!...
محمد احمد عوض آ عمر ..
وكان جزارا بزنكى أمدرمان .. وكان فنانا .. يغنى " عندى كلمه أحب أقولها .. عن مصيري وعن مصيرك "
" ومن دموع البهجه فينا, ضحكت الاحزان معانا "
" ومن ثقافه ملت عقولنا"
" ومن ثقافه ملت عقولنا"
يغنيها ممسكا بساطور !!
ونغنيها اطفالا فى "أمبده" و "الثورات" و "فريق السوق"
وفى البال "مى" و أين مى آآ عمر !!
ومحمد أحمد عوض يغنى ..
"ومن ثقافه ملت عقولنا" !!
وأطفالا ب "فريق السوق" نغنيها و "نشيل" و .. الكبير الله
أهاا يا عمر .. استسهال درب الثقافه بركوب اللغه ..
دى ياها ذاااتها الدخلت فينا فينا وما طلعت ..
وكل من زاد عن عمرنا سنة !!
فاخرنا "بالثقافه"
واصفر خداه من قطة عااابره ..
او زى ما اشار "البرغوثى"
اهااا تضامنك ده عفوى ودغرى وجميل وزى طبعك ك "أنصارى" آآ عمر ..
وفكرتى تبقى السخريه من كل متجبر قوى ..
وحتى يعرف انو الله واحد ..
شفت الكلام ده كيف آآ صديق !!
تحياتى ..
|
Post: #96
Title: Re: جابت ليها كفوف كمان!!
Author: عمر عبد الله فضل المولى
Date: 07-23-2011, 09:51 PM
Parent: #95
عزيزي محمد حيدر المشرف
تقبل تحياتي الطيبات العاطرات لشخصك الكريم
والله هذا الرجل لو وجه لشخصي اساءة بالغة لما غضبت وحتى البائس ملاسي وانا ارد عليه لا لاني غاضب منه فقط لانه اختار هذا الطريق واحببت ان ازوده منه حتى يرهق الاعجل منا .... فهذا الملاسي البائس يظن انه ذكيا وساخرا بقيامه ببعض الامور الفهلوانية للنيل من من الاخرين بطريقة فجة وسمجة .... حيث انه ادعى اول دخولي المنبر ان هنالك شخصا يكتب باسمي اخذين في الاعتبار انني لم التقي هذا الملاسي وجها لوجه حتى الان فلا اعرفه ولا يعرفني فانا لا اسكن العاصمة حتى بل اول مرة دخلت العاصمة في سنة 1998م لدخول الجامعة يعني اهل عوض كرت كرتونة ثم تخرجت وجلست بعد التخرج فترة لاداء واجبات اخرى ان كانت دراسية بعد الجامعة او غيرها وكل نشاطي كان محصورا في الجامعات كناشط في طلاب حزب الامة وكيان الانصار ولست كادرا خطابيا حتى لاكون مشهورا .... ورغم ان تخصصي ليس اعلاميا الا انني قررت ان امارس الصحافة كطريق لمواصلة النضال ضد الطغمة الفاسدة ولاني كنت احب الكتابة فوجدت ان هنالك قيدا صحيفا يجب ان يتوفر لكل من يطلب هذه المهنة فسالت فقيل ان لم تكن متخصص اعلام يجب ان تتدرب في صحيفة لمدة ستة اشهر فتدربت في صحيفة الحرية وكان رئيس تحريرها وقتها الاستاذ سعد الدين ابراهيم وطوال فترة التدريب كنت في قسم التحقيقات وكنت مرات اذهب للجزيرة واغيب فترة طويلة واعود لمواصلة المشوار حتى اكملت الستة اشهر وجلست للامتحان وحصلت على شهادة السجل الصحفي ويا فرحة لم تكتمل بعدها بفترة غادرت السودان ولم ارجع حتى كتابة هذه السطور.... فكيف طابت نفس الملاسي الكذاب الاشر والبائس ان يقول هنالك من يكتب باسم عمر عبد الله...؟ ولكن لا تستغرب فالرجل قصده الغرض حيث لا خلاف شخصي بيننا لهذا دائما احب ان ابادله الغرض ومرات بزيادة والفرق بيننا انني برشو مباشرة اما هو بحاول يتذاكى ويعمل فيها مفتح لاداء دوره القذر هل تعلم ان هذا البائس فتح اربعة بوستات في هذا المنبر منذ دخولي كلها باسمي ..... اقسم بالله مرات اضحك حتى اكاد اسقط من على الكرسي الذي اجلس عليه ... مرددا ما بال هذا الرجل الذي لاح في راسه الشيب يخوض حرب بائسة مع شخص بسيط كشخصي .... اسف للاطالة يا عزيزي المشرف المهم زي ما يقول تبارك لو ان هذا الصحفي تعامل مع شخصي لربما لم ارد عليه كما فعل بعض المتداخلين في هذا البوست مدافعين عن البائس ملاسي كانه حمل وديع وضحية.... ولكني غضبت جدا لانه مارس دوره البائس مع شخص في مقامك فكان الاحرى به ان لم يكن يتابع كتاباتك ان يكلف نفسه مزيدا من البحث عنك ليعرف من انت وما هو الاسلوب المناسب لمخاطبتك ....
|
Post: #97
Title: Re: جابت ليها كفوف كمان!!
Author: سيف اليزل الماحي
Date: 07-24-2011, 07:51 AM
Parent: #96
.
| Quote: لن تتجرأ .. إذ ستكون على يقين بأنها سوف لن تأمن العقاب! |
مؤسف يا حسين أنك تستقوي عليها هنا، دون مبرر وبلا سبب "معلوم" خلا أنها إمرأة ،
حتى أنني وجدت أنك ستتردد كثيرا أن تكتب " لن يتجرأ" في حال إن كان "أحدهم" في مكانها!
ويحك يا بن ملاسي .. فقد خزلتني يا رجل!
قبل فترة وابان إضرابات الأطباء الشهيرة قيل أن "أحدهم" قد "تجرأ" أيضا بصفع طبيبة،
فما وجدنا لك همة تعادل عنوانك الباسل هذا: جابت ليها كفوف كمان!!
وتقول: إذ ستكون على يقين بأنها سوف لن تأمن العقاب!
أخشى ما أخشاه يا حسين أن تكون من الذين حين أعيتهم الهزائم لم يتبقى لهم من سبيل إلا قهر النساء،
فتراهم على يقين حتى اوان المعارك التي لاتخصهم يعلنون يقينا أن الغلبة لهم معشر الرجال، وأنها لن تأمن العقاب!
تستفزهم صفعة النساء، على خدود الرجال،
ولا يندى لهم جبين حين تطعن إمرأة في صدرها بمدية رجل!
.
|
Post: #99
Title: Re: جابت ليها كفوف كمان!!
Author: ابراهيم قناوي
Date: 07-24-2011, 08:41 AM
Parent: #97
الأخ عمر عبد الله فضل المولى
السلام عليكم
ولعلك طيب يا اخوي
فقط حبيت أعلق على كلامك هنا وشاكر لك
تفهمك لموقفي
Quote: المهم زي ما يقول تبارك لو ان هذا الصحفي تعامل
مع شخصي لربما لم ارد عليه كما فعل بعض المتداخلين
في هذا البوست مدافعين عن البائس ملاسي كانه
حمل وديع وضحية.... |
في الإقتباس أعلاه يا عزيزي يظهر أنني ضمن
المقصودين بالدفاع عن الأستاذ ملاسي
وأحب أن أؤكد أنه ليس بحمل وديع
وقد أكدت أنه قادر على الدفاع عن نفسه
وأحب أيضاً أن أؤكد أنني لا أعرفه معرفة
شخصية ولم ألتقيه حتى كتابة هذه السطور
وعليه فإن دفاعي كان محصوراً في عدم
إستهداف الناس بصورة شخصية
ولم أكن أعرف (ربما لقلة دخولي للمنبر)
بالحيثيات التي ذكرتها وقطعاً أخي الكريم
لو كنت قرأت للأستاذ ملاسي أي شئ يمسك
شخصياً لوقفت مدافعاً عنك لا لمعرفة بل
إحقاقاً للحق.
آسف للإطالة وأرجو أن أكون قد أوصلت فكرتي
شاكراً لك تفهمك وتواضعك بتجاوز الأذى
الذي يصيبك في نفسك ودفاعك عن أستاذنا المشرف
لك وله التحايا والسلام
|
Post: #98
Title: Re: جابت ليها كفوف كمان!!
Author: داليا حافظ
Date: 07-24-2011, 08:29 AM
Parent: #96
| Quote: بل المحير صرف النظر عن الإضراب دون زوال الداعي! |
| Quote: طلب منها أن تعتذر .. رفضت .. فسكت! |
القدرت أقراهو من كلامك إشارتك لتنفذ قيادية في الصحيفة لدرجة صفعها لشقيق رئيس التحرير دون أن يتخذ
الأخير أي إجراء ضدها..، وغض النظر عن تنفذ القيادية وحديديتها ـ كماأشرت ـ موقف رئيس التحرير(الظاهر) فيه عدم تحيز لشقيقه وهذا يحسب له..، فشقيق رئيس التحرير ليس مسمى وظيفي ولا يعطيه ميزة إضافية، والعاملين مفروض يطالبوا في الأول بتحقيق في الموضوع قيل التفكير في الإضراب ..، كي لا تفهم الأمور في إطار النفاق والمجاملات ..
(قد يكون شقيق رئيس التحرير مظلوم لكن التعامل معه على أنه شقيق رئيس التحرير يظلمه أكثر..)
|
Post: #100
Title: Re: جابت ليها كفوف كمان!!
Author: محمد حيدر المشرف
Date: 07-24-2011, 03:27 PM
Parent: #98
الاخ العزيز عمر ..
تحياتى ..
وفى تقديري ألا تذاكى فى الموضوع ولا حتى شبة تذاكى ..
فخط "ملاسي" العام فى المنبر هو محاولات مستمره لستر سوؤة الانتماء للنظام الحاكم
أو ستر عورة "اللاموقف" تجاه الشموليه على أقل تقدير ..
وفى المسأله, أن العديدين ينتمون صراحة لهؤلاء اللصوص ..
بوعى انتهازى ووعى ناقص وبلاوعى ..
والذين هم بلاوعى تراهم يجاهرون وقد يفاخرون بهذا الانتماء المذموم ..
وكذلك أصحاب الوعى الناقص .. وإن تحاومت فى دواخلهم الشبهات تجاه ما يحدث, فيصيبهم جراء ذلك شيئا من الارتباك ..
لنأتى أخيرا لاصحاب الوعى الانتهازى ..
ولا يمكن قراءتهم من مدخل "التذاكى" ولا و - بالتأكيد- "الذكاء" أو حتى شبهاته..
أقرأهم فقط من مدخل "الانتهاز" ليس إلا ..
وأود الاشاره لموقفى المتسامح تجاه العالمين عدا اللصوص والقتله وال########ين ..
ومنهم - وأعنى العالمين - الانتهازيين من يحاولون ستر سوؤاتهم .. ففى ذلك اقرار بالسوؤه .. وخضوع لشهوة التحرك فى محيط نظيف
وما "الاكاذيب" الا محاولات مستميته للقاء "القبول" الاجتماعى فى الحيز الانسانى المعافى ..
وذلك - فى تقديرى - كل مافى الامر
ولا تذاكى ولا يحزنون ..
هى شهوة ليس الا ..
تحياتى ..
|
Post: #101
Title: Re: جابت ليها كفوف كمان!!
Author: Hussein Mallasi
Date: 07-24-2011, 03:37 PM
Parent: #100
وصفته بالمتحذلق فغضب!!
|
Post: #102
Title: Re: جابت ليها كفوف كمان!!
Author: عمر عبد الله فضل المولى
Date: 07-24-2011, 07:09 PM
Parent: #101
انت رجل بائس فلا اظن ان رجل في مقامه يغضب منك فلا تتوهم
|
Post: #103
Title: Re: جابت ليها كفوف كمان!!
Author: Rawia
Date: 07-24-2011, 08:58 PM
Parent: #102
البوست دا فيري إنترستنق
حاجزة لي مداخلة واااااحدة في الربع الاخير منه
آفتر يو ريفيل هار نيم
|
|