Post: #1
Title: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 04:43 PM
انا اخترت الموضوع ده تحديدا لانو شايف فيو السبب الجعل المتابعين لمنبر سودانيز اون لاين يحقدو على المنبر على الرغم من اتفاقهم على اهم يدرو فيه من نقاشات وهو تغير النظام وارساء وتتدعيم الديمقراطيه
الكتابه الغير مسوله من بعض كتاب المنبر فرقت الناس داخل المنبر وخقلت للمنبر و للكتاب عداوه خارج المنبر وده كان ممكن نتفاداو لو الاستاذ بكرى طبق القوانين بتاعت المنبر على كل المشاركين واتاح الفرصه لكل الناس العايزه تتداخل انو تشارك
الموضوع الدار فى المنبر المهكر يوضح الكلام الذكرتو اعلا ه
واليكم الموضوع
اعترض احدهم على تسمية احد المشاركين لنفسه بالجلابى متهما ايها بانه عنصرى فرد عليه مبررا تسميته لنفسه بالجلابى
قائلا:-
انت عارف ياحبيب اسمي ده انت قايلني ما قاصدو ؟؟؟؟ قاصد الناس ديل عديل الشابكننا جلابة جلابة قدو اضاننا بيها .... ياخي اقول لك حاجة والله انا لا عنصري ولا لي علاقه بالعنصرية من بعيد ولا قريب .... لكن انت دايرني اشوف الناس اشتموا في اهلي وقبيلتي واقول ياخي معليش ديل ما تتكلم معاهم لانهم ديل مناضلين.... صدقني ديل هم الافقدوا النضال زاتو من محتواه .... وديل هم السبب بقاء الانقاذ في الحكم 22سنة ..... ياخينا اسمع مني نحن لمن كنا طلاب الكيزان ديل كانوا البدافعوا عنهم هم اسي البتباكوا ونحن مهمشين وما الا ذلك ..... شوف كلنا متفقين بانو نظام المؤتمر الوطني هو اسوأ نظام يحكم السودان من الاستقلال .... لكن مادام بقت قبلية وهامش ومركز وقبيلتي وقبيلتك الاصبحت كانها ايدولوجيا .... بقول طوالي العرجة لي مراحة ..... ونمشي شفت نحن ديل زاتنا المشردين من 15 سنة نقيف انا ونافع في خندق واحد شفت كيف ؟؟؟؟
|
Post: #2
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 04:45 PM
Parent: #1
اولا مصطلح الجلابة ما مقصود به قبيلة بعينها , انت هسى كلامك دا ردة فعل على افكار تراجى وهى حرة فى ما تعتقد , وحتى لو فرضنا جدلا بصحتها لا تضيف شئ ايجابى فى ظل الوضع القائم بقدر ما تزيد الطين بله , نحن فى وقت فى اشد الحوجة للملمة ما بعثره الكيزان , والله البلد دى فيها خير كتير لو احترمنا بعضنا البعض واتفقنا مافى فاضين لامريكا ذاتا .
خليك من كلام تراجى دا وتعال نعمل كلنا من اجل وطن لنا جميعا يسوده العدل والمساواة وطن عاتى وطن خير ديمقراطى
|
Post: #3
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 04:48 PM
Parent: #2
فرد الجلابى قائلا
ياخينا الموضوع مش كلام تراجي وبس الموضوع اصبح شعار لما يسمون انفسهم بناس الهامش .... يعني لو مشيت دخلت منر السودان الجديد ..... وفي المرحوم سودانيزاونلاين ده زاتو بكتبوا بعنصريه تزكم الانوف .... من غير رادع ولا رقيب ....وكلكم مافي حد منكم دخل انتقد هذا الاسلوب القذر .... نعم المقصود بالجلابة مصطلح لقبائل الشمال .... فهل انا مسؤول عن تاريخ قبل قرن .؟؟؟؟؟ ولو فرضنا ذلك ....هل انا في مرة ذكرت سوءات الثورة المهدية ... هل يحق لي اليوم ان اذهب وانتقم من التعايشه لما عاناه اجدادي من اكبر مجزرة حدثت في التاريخ الحديث ؟؟؟؟
اتفق معك بان عدونا الحقيقي الان هم الكيزان ...لكن باي شكل من الاشكال لن نترك اصحاب العقد .... والذين يحسون بالدونية بالطلوع علي اكتافنا لتحقيق مبتغاهم ..... نعم نحن نعاني من هذا النظام وجروته ونتفق مع كل الشرفاء من اجل وطن يسع الجميع بناء علي المواطنة لا القبيلة ولا التنظيم ....
وواصل سعيك
|
Post: #7
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:03 PM
Parent: #3
لن نخرج الي الشارع ما دام ناس مصطفى محمود وتراجي مرطبين في بلاد الفرنجة والقوها .... مناضلين قالوا دايرين الناس تطلع الشارع انزلو من ابراجكم الكرتونية وتعالوا معانا هنا تندقوا وتتسجنو ووتتبهدلو زينا ... غير كده افتح الله ... ومتين ياتراجي يا اختي ناس الهامش غيروا نظام .... ما ياه الجلابة ديل زاتم البقيفو في وجه المدع لاي نظام
فرد الاخر عليه قائلا
التعامل بردة الفعل بخلى الزول افكارو متناقضة يصعب الحوار فى ظل هذا الوضع , تراجى تراجى دا شنو دا
|
Post: #8
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:05 PM
Parent: #7
ما تفتكر الناس دي دايشة و غايبة ، الناس الهنا دي و ما تغرك الألفاظ و الدور بتاع الكوميديا الداخلة فيهو ، والله الناس دي واعية وعارفة كل حاجة بتحصل في بلادها و عارفة تصدق منو و تكذب منو و عارفة متين تطلع الشارع ، طيب ياخي انا اسألك سؤال منطقي في الوقت الحالي دة تفتكر لو طلعنا الشارع الحيجي دة حيعمل لينا شنو ، ياخي عندك سالم محمد سالم دة قاعد يحرش في الناس ليهو مليون سنة و هو كان من أركان الإتحاد الإشتراكي ، مش دة بتاع شمولية برضو ولا أنا غلطان !!؟؟؟ إشمعنى يعني هناك حلال و هنا تبقى دكتاتورية و يحرض الناس تطلع الشارع ، والباقين منو من المناضلين ، مش ياهم ناس تراجي و مصطفى محمود ؟؟ و معاوية عبيد الصائم ؟؟ اسا عليك الله في ذمتك ديل ناس انا اباريهم؟؟؟
و كمان الكيزان بهناك متخلفين و عبطاء ناس علاء الدين و ود الباوقة و عوارتو كع و هيع و ماعارف شنو !!
يا مان نحن لسة متفرجين و صدقني يوم نطلع المرة دي حيكون طوفان شامل ، حنخمهم ليك من الترابي مرورا بي الصادق المهدي و نطلع هناك نجازف مولانا الميرغني معاهم و كان لي نقد دة اصلا ما منو خوف لأنو وجودو زي عدمو وواااااحد
اما ناس تراجي و سالم احمد سالم و مصطفى محمود و معاوية عبيد فديل عندنا ليهم برنامج خاص مع اخونا بتاع البرمجة داك
|
Post: #4
Title: Re: بعض من المواضيع الجاده التى تدور فى المنبر المهكر
Author: محمد طه الحبر
Date: 07-17-2011, 04:49 PM
Parent: #2
صراحة أعجبتني الكثير من كتاباتهم و الكثير من أفكارهم ...
|
Post: #5
Title: Re: بعض من المواضيع الجاده التى تدور فى المنبر المهكر
Author: تبارك شيخ الدين جبريل
Date: 07-17-2011, 04:59 PM
Parent: #4
طيب ما تجوا بيهناك تقولوا الكلام دا ....
ولاّ خايفين من الألفاظ البذيئة وساقط القول زي الشامي ...
... المهم
|
Post: #6
Title: Re: بعض من المواضيع الجاده التى تدور فى المنبر المهكر
Author: محمد طه الحبر
Date: 07-17-2011, 05:02 PM
Parent: #5
في الوقت الحالي نكتفي بالفرجة ...
ولكن ندرس فكرة الإنضمام للثوار في حال لم يتكرم علينا بكري بتوضيح لما يحدث ...!!
هل تبارك شيخ الدين المتواجد في ذاك المنبر هو انت ؟؟؟
|
Post: #9
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:07 PM
Parent: #6
نحن نطلع الشارع , نقلع حقنا فى التعبير والخروج الى الشارع , اى زول يجى , متى ما الناس حست بانو الحاجات ما مشة كويس نطلع ونعسكر فى الشارع الى ان ياتى من نريده , الموضوع ببساطة كدا , لانو انت شايف الكيزان باعوا الجنوب , وهسى جايبين 10مليون مصرى , وعارضين باقى البلد فى المزاد. وفى النهاية هم الناس , دايرين نعيش بصوره محترمة وبى كرامة ,ودايرين بلدنا تكون فوق .
|
Post: #10
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:09 PM
Parent: #9
صدقني انا ما تتخيل باني بتعامل برد الفعل وزعلان بالعكس والله انا فيري ريلاكس .... بس هناك خلط باين لكل ما يسمون انفسهم بجماعة الهامش ..... عندما يتحدثون عن هذه الظغمة الحاكمة ينسبونها لدولة الجلابة .... وده تحليل فطير جدا جدا ... والانقاذ دي اكتر الناس الذين اكتووا بنارها هم الجلابة ديل زاتهم .... والناس الدخلوا غرف الاشباح ومكاتب الامن ودهاليزها هم نفسهم الجلابة ديل .... طيب باي منطق انت جايي تنسب لي هذه الحكومة ؟؟؟؟ اها ناس الهامش ديل هم زاتم الاستخدمتم الانقاذ لتاديب كل من يخرج من طوعها عندما كانت الانقاذ في بهو عجرفتها وجبروتها .... ياخي نحن لو عازين نلعب سياسة نبعد عن ترهات القبيلة والحكم الاجماعي علي المجتمع دون دراسة الواقع دراسة دقيقة .... انا لمن اتحدث عن تراجي واشباهها لا اتحدث في شخصها وهي مثال للوبي مشبع بثقافة كره الجلابة لانهم ينظرون اليكم كعبيد .... ودي المصيبة الحقيقية .... بعدين انت عايزني باي فهم اقتنع بكلامك ؟؟؟؟ الكيزان في نظري هم العدو الحقيقي وده مفرغ منو وهم الذين اوصلونا لهذا الدرك السحيق ولا يساورني في ذلك ادنى شك .... ولكن ايضا لدي تقديراتي الشخصيىة واعرف متى اخرج للشارع لاقول لا .... ولن اخرج بامر من يجلسون تحت الهواء البارد ليروا عبر الميديا ... سيول عرمرم من الثوار يرددون الشعب يريد اسقاط النظام
|
Post: #11
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:11 PM
Parent: #9
و يحضرني في موضوع الجلابة و أهل الهامش موضوع وزير المالية وهو من أهل الهامش فقام بعلاج ابنه في امريكا من ثقب في الأذن بمبلغ في حدود الأربعين الف دولار في حين والد طفل من الجلابة يصعد اعلى صهريج و يحاول الإنتحار لأنه لا يملك مبلغ العملية الجراحية
|
Post: #13
Title: Re: بعض من المواضيع الجاده التى تدور فى المنبر المهكر
Author: تبارك شيخ الدين جبريل
Date: 07-17-2011, 05:13 PM
Parent: #9
| Quote: هل تبارك شيخ الدين المتواجد في ذاك المنبر هو انت ؟؟؟ |
طبعاً مافي طريقة لتأكيد هذه المعلومة غيري أنا ... وأنا تساورني الشكوك ...
ربما كنت أنا ... ربما أكون ...
__________________________________
| Quote: نحن نطلع الشارع , نقلع حقنا فى التعبير والخروج الى الشارع , اى زول يجى , متى ما الناس حست بانو الحاجات ما مشة كويس نطلع ونعسكر فى الشارع الى ان ياتى من نريده , الموضوع ببساطة كدا , لانو انت شايف الكيزان باعوا الجنوب , وهسى جايبين 10مليون مصرى , وعارضين باقى البلد فى المزاد. وفى النهاية هم الناس , دايرين نعيش بصوره محترمة وبى كرامة ,ودايرين بلدنا تكون فوق . |
تمويه يا معاذ .... تلقاك البتكتب بى اسم "الجلابي" زاتو ... ولاّ "غتيت بن دغيل" ... ولاّ أيّ واحد بيغادي ...
... المهم .....
|
Post: #14
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 05:18 PM
Parent: #13
يا تبارك انا اسمى معتز وليس معاذ
ولو عايز اكتب بهناك بكتب باسمى وما محتاج لاسم تانى
|
Post: #15
Title: Re: بعض من المواضيع الجاده التى تدور فى المنبر المهكر
Author: أمجد الزين
Date: 07-17-2011, 05:19 PM
Parent: #9
Quote:
هل تبارك شيخ الدين المتواجد في ذاك المنبر هو انت ؟؟؟ |
بالانابة
اكيد لا
|
Post: #12
Title: Re: بعض من المواضيع الجاده التى تدور فى المنبر المهكر
Author: صبري طه
Date: 07-17-2011, 05:11 PM
Parent: #5
لك التحية أخي تبارك ...
Quote: طيب ما تجوا بيهناك تقولوا الكلام دا ....
ولاّ خايفين من الألفاظ البذيئة وساقط القول ...
... المهم |
المهم: كيف لي أن أشترك في منتدى حوار وأشارك فيه بالمواضيع والمُداخلات في مُختلف أنواع القضايا وأنا أعلم علم اليقين أن نطاقه مسروق ؟!
ولك ودي ،،،
|
Post: #16
Title: Re: بعض من المواضيع الجاده التى تدور فى المنبر المهكر
Author: محمد طه الحبر
Date: 07-17-2011, 05:28 PM
Parent: #12
و كيف تعلم أنه مسروق أخي صبري ؟؟؟؟ ما دليلك على ذلك ؟؟؟
ما يدريك ان بكري باع النطاق ؟؟؟
مالم يتكرم علينا بكري بتصريح ينفي أو يؤكد سرقة النطاق ففي إعتقادي أن من حق الجميع المشاركة و الإشتراك..
|
Post: #17
Title: Re: بعض من المواضيع الجاده التى تدور فى المنبر المهكر
Author: تبارك شيخ الدين جبريل
Date: 07-17-2011, 05:34 PM
Parent: #12
| Quote: وأنا أعلم علم اليقين أن نطاقه مسروق ؟! |
كدى ورينا ... "علم اليقين" دا جبتو من وين؟
انا قاعد مرابط هنا بقرا في هرطقات البطل وكوستاوي والبشاري وزيد وعبيد من الناس ...
وعارف انو "الدومين نيم" مسجل بى طريقة مشروعة بى اسم زول محدد ... وإلاّ كان رجع خلال ساعات ...
بكري أبوبكر معتم على المعلومات ... والمجهول المشار له باسم "الهكر" برضو معتم على المعلومات ...
انت لا سرقت لا سرقو منك ... متنازل عن حقك في التعبير على أي أساس؟
لو المسألة مسألة مبدأ ... مالو ... برضو راي ...
لاكين الراي دا ما يوحي ليك بانو الناس البتكتب بى هناك ما عندها مبادئ ...
كل الحاصل اختلاف في وجهات النظر ... والمبادئ لا تتجزأ ...
عشان كلامك ما يبقى ابتزاز اخلاقي على طريقة المشروع السياسي الجديد بتاع الليبراليين القادننا بيهو قايلين روحم اكتشفوا الذرة ...
... المهم ....
|
Post: #18
Title: Re: بعض من المواضيع الجاده التى تدور فى المنبر المهكر
Author: محمد طه الحبر
Date: 07-17-2011, 05:41 PM
Parent: #17
إذا كان بكري باع النطاق فلمن ؟؟؟؟ و لماذا ؟؟؟
اسئلة تحتاج إلى إجابات عاجلة !!
|
Post: #19
Title: Re: بعض من المواضيع الجاده التى تدور فى المنبر المهكر
Author: تبارك شيخ الدين جبريل
Date: 07-17-2011, 06:03 PM
Parent: #18
انتقال ملكية النطاق بطريقة مشروعة ... لا تعني بالطرورة بيع النطاق ....
هنالك ما يسمّى Domain Backorder تستطيع به تسجيل النطاق باسمك خلال ثلاث ساعات تجديد ... إذا لم يجدد المالك الأصلي بالسرعة المطلوبة ...
وهنالك أشياء أخرى ... فلو كان هنالك حق قانوني ... لظهر الآن ...
... المهم ......
|
Post: #20
Title: Re: بعض من المواضيع الجاده التى تدور فى المنبر المهكر
Author: صبري طه
Date: 07-17-2011, 06:27 PM
Parent: #19
Quote: و كيف تعلم أنه مسروق أخي صبري ؟؟؟؟ ما دليلك على ذلك ؟؟؟
ما يدريك ان بكري باع النطاق ؟؟؟
مالم يتكرم علينا بكري بتصريح ينفي أو يؤكد سرقة النطاق ففي إعتقادي أن من حق الجميع المشاركة و الإشتراك.. |
لك التحية أخي الحبر ...
وإذا باع بكري النطاق ... فما منطقك في وجودنا بالمشاركات حتى تاريخه ؟!
ويا عزيزي الخروف دة ما إلاّ يقول باع عشان يعرفوهو خروف ... لا يختلف اثنان أن نطاق المنبر تعرّض لسرقة ...
أعلاها درجة حاجة اسمها "القنص" ويتم القنص في حالة عدم تجديد صاحب النطاق لنطاقه بعد انتهاء مدّة الاشتراك ...
فهل تمّ قنص النطاق بعد انتهاء مدّة الاشتراك مُباشرة ؟!
الإجابة على هذا السؤال من الأخ بكري ستُحدّد الآلية التي تمّ بها الاستيلاء على النطاق ...
وفي كل الأحوال "كلو عند العرب صابون" فقد تمّ التحايل على النطاق سوى عن طريق القنص أو الهاكينج ...
أمّا بخصوص إنو بكري يكون باع النطاق ...
إنت لو اقتنعت بي دي بستناك عشان تجي تقنعني بيها ...
ولك ودي ،،،
|
Post: #21
Title: Re: بعض من المواضيع الجاده التى تدور فى المنبر المهكر
Author: motaz ali
Date: 07-17-2011, 06:34 PM
Parent: #20
يا جماعه فى سوال ملح جدا
انتو وين بكرى ابوبكر وليه ما ادلى باى تصريح حتى الان يوضه فيو الحاصل ؟
|
Post: #22
Title: Re: بعض من المواضيع الجاده التى تدور فى المنبر المهكر
Author: صبري طه
Date: 07-17-2011, 08:17 PM
Parent: #21
| Quote: كدى ورينا ... "علم اليقين" دا جبتو من وين؟ |
على حسب علمي ببواطن مثل هذه الأمور وهذا هو المراد ...
Quote: انا قاعد مرابط هنا بقرا في هرطقات البطل وكوستاوي والبشاري وزيد وعبيد من الناس ...
وعارف انو "الدومين نيم" مسجل بى طريقة مشروعة بى اسم زول محدد ... وإلاّ كان رجع خلال ساعات ...
بكري أبوبكر معتم على المعلومات ... والمجهول المشار له باسم "الهكر" برضو معتم على المعلومات ... |
هذه ليست هرطقات إنما بدائل عشان الناس تشارك زي ما إنت مُشارك ...
أمّا ما حدث للنطاق فراجع ردّي على الأخ الحبر ...
وأزيدك من الشعر بيت لو تمّ قنص النطاق فعلى النطاق السلام !!!
وهذا بالنسبة لي فيه ضرر خاصة وأن الامتداد .com أميز امتداد ... ويمكن تخفيف الضرر على وجه السرعة باستخدام النطاق البديل sudaneseonline.biz مع تكثيف الميتا تاج لاسم الموقع باللغة العربية "سودانيز أونلاين" ...
| Quote: انت لا سرقت لا سرقو منك ... متنازل عن حقك في التعبير على أي أساس؟ |
مُش هسّي أنا قاعد أعبّر ... مين قال ليك أنا تنازلت عن حقي ...
بالعكس لا يمكنني المُشاركة في منبر حوار يتبع لمن استحوذ على النطاق بطرق ملتوية ... وقد رفع راية الانتصار على مالكه الأول مع إساءات واضحة وأنا ما عندي قنبور عشان أقول دي حرّية تعبير ...
لماذا لم يقم بشراء نطاق آخر ليعبّر كيفما شاء وبحرّية تامة ضد الأخ بكري ومن معه من أعضاء ؟!
Quote: لو المسألة مسألة مبدأ ... مالو ... برضو راي ...
لاكين الراي دا ما يوحي ليك بانو الناس البتكتب بى هناك ما عندها مبادئ ...
كل الحاصل اختلاف في وجهات النظر ... والمبادئ لا تتجزأ ...
عشان كلامك ما يبقى ابتزاز اخلاقي على طريقة المشروع السياسي الجديد بتاع الليبراليين القادننا بيهو قايلين روحم اكتشفوا الذرة ... |
لم أقصد بأن من يُشارك "بي غادي" ليس له مبدأ ...
لأنني لم أشترط عليه أو يشترط عليه صاحب الموقع ألاّ يُشارك إذا تمّت سرقة النطاق ... شفت كيف يا حبيب !!!
ولكن المُشاركة الجادة هي نصرة لمن قام بالتخريب ورفع راية الانتصار منذ الأيام الأولى مع وابل من الإساءات لمنسوبي سودانيز أونلاين ...
ولك كل الود والتقدير ،،،
ــــــــــــــــ
|
Post: #23
Title: Re: بعض من المواضيع الجاده التى تدور فى المنبر المهكر
Author: تبارك شيخ الدين جبريل
Date: 07-18-2011, 00:00 AM
Parent: #22
| Quote: بالعكس لا يمكنني المُشاركة في منبر حوار يتبع لمن استحوذ على النطاق بطرق ملتوية |
انت لا زلت أسير فرضيات أخلاقية غير مؤسسة ... ما تراه أنت التواء، ليس بالضرورة كذلك ...
لك يا صديقي أن تختار أخلاقياتك ومنبر تعبيرك بالطريقة التي تراها مناسبة ...
ولكن إطلاق الأحكام الأخلاقية على "من استحوذ على النطاق بطرق ملتوية" لا يجوز ...
خصوصاً أنك لا تعلم من؛ ولا كيف تمت الإستحاذة على النطاق ...
(والجاوب بلا ... نيابةً عني دا حقو يراجع نفسو ... انا شخصيا براجع نفسي قبل الإجابة بلا أو نعم)
... المهم ....
|
|