Post: #1
Title: البشير يستخدم مرتزقة لقتال المواطنين بجبال النوبة
Author: نزار يوسف محمد
Date: 07-17-2011, 02:23 PM
الحركة الشعبية لتحرير السودان
ولاية جنوب كردفان/ جبال النوبة
البشير يستخدم مرتزقة لقتال المواطنين بجبال النوبة
وردت إلينا معلومات مؤكدة مفادها بأن قوات بيتر قديت ( أحدي المليشيات الجنوبية) تتجمع الان بمنطقة ( الكيلك) لمعاودة الهجوم علي منطقة ( كرنقو) بجنوب كردفان علماً بأن هذه القوات "المرتزقة" قد هاجمت المنطقة الاسبوع المنصرم من هذا الشهر ( العاشر من يوليو2011م)،وتصدي لها ثوار الجيش الشعبي بجنوب كردفان وكبّدهم خسائر فادحة في الارواح ولاذوا بالفرار مخلفين ورائهم (11) قتيل وعدد من الجرحي من بينهم قائد العملية توماس بييل،وقد تم التعرف علي القتلي من خلال "ملامحهم".
كما وردت معلومات مؤكدة تشير الي وصول مليشيات "جنجويد" من أصول تشادية ونيجيرية الي منطقتي " المجلد وبليلة" في طريقها الي جبال النوبة ،بينما رصدت المصادر وصول مليشيات من الصومال عبر مطار كسلا ،في طريقها الي الأبيض.
أن الحركة الشعبية بجنوب كردفان إذ تدين وتستنكر هذا التصرف غير المسئول من حكومة البشير لإستخدامها "مرتزقة" لقتال المواطنين المتطلعين للحرية والعدالة بجنوب كردفان تحذّرمن مغبة ما تقوم به هذه العناصر العميلة وسترد الصاع صاعين.
النضال مستمر والنصر أكيد ،،
المناطق المحررة
17-7-2011
|
Post: #2
Title: Re: البشير يستخدم مرتزقة لقتال المواطنين بجبال النوبة
Author: عبدالعزيز حسين عبدالرحيم
Date: 07-17-2011, 05:34 PM
Parent: #1
هلا كومريد
يلا الحقنا بصور هولاء المرتزقة لو سمحت
وبرضه ما تنسى كمان تورينا الصورة دي من وين
لو الصورة ما ظهرت كلمان نرسلها ليك بالميل رغم انك عارفها وحافظها
|
Post: #3
Title: Re: البشير يستخدم مرتزقة لقتال المواطنين بجبال النوبة
Author: محمد طه الحبر
Date: 07-17-2011, 05:43 PM
Parent: #2
أها جنس الكلام دة ياهو البخلي ناس البورد الجديد يضحكوا علينا !!
أرحمونا يرحمكم الله !
مرتزقة مرة واحدة ؟؟؟
و النووي متين إن شاء الله ؟؟
|
Post: #4
Title: Re: البشير يستخدم مرتزقة لقتال المواطنين بجبال النوبة
Author: نزار يوسف محمد
Date: 07-17-2011, 10:26 PM
Parent: #3
الأخ محمد طه
ما هو تعريف المرتزقة ؟
" من يضحك أخيرا يضحك كثيرا "
|
Post: #6
Title: Re: البشير يستخدم مرتزقة لقتال المواطنين بجبال النوبة
Author: عبدالعزيز حسين عبدالرحيم
Date: 07-18-2011, 05:19 AM
Parent: #5
كومريد أب دليبة
يا أخ ليك تحياتي
بالجد الكيزان ديل ما قاعدين يضحكوا لكن قاعدين يضحكونا ويضحكوا فيكم الناس
| Quote: " من يضحك أخيرا يضحك كثيرا " |
وأنتو متين ضحكتوا ووين الشله باقان في السمسم تور ووقع وهسع كل زول بسن في سكينة وجاي عليه وحا يحملوه اي غلطة وأي حاجه كعبة حا يقولوا كله من باقان أمال انت قايل شنو وبرضه تابعه عرمان هسع وين وعامل شنو ما معروف مزبلة التاريخ زاتها ما رضيانه بيه الحلو وين في كركور لابد وكل يوم اكعب من القبله وعقار الكان بهدد بي اجتياح الخرطوم لبد وعمل مجنون بقى في نفسه وأنتو بقيتو لايصين وأنت تهرطق مرتزقة وصوماليين وباميه يازول اللحق نفسك
سمعت النكتة الضحكوا بيها الناس الكيزان على الحركة الشعبية
أسمع قال ليك ناس الحركة الشعبية قالوا عاوزين يضحكوا اخيرا بعد الانفصال أتفقوا مع الكيزان انو العملة ما تتبدل تتداول العملة الحالية للسودان في الجنوب والشمال ويأخروا حكاية العملة دي شوية وفكوا اشاعات انهم عندهم مشكلة في طباعة العملة وحا تتاخر وهم طابعنها ومجهزنها قبل فترة طويلة ومنتظرين الانفصال عشان يجهجهوا ليك الكيزان والشعب السوداني في الشمالي ويخلوا عملتهم في الواطه وماشين في خطتهم بعد الانفصال اعلنوا عن عملتهم الجديدة وخرقوا الاتفاق طوالي الكيزان ما كضبوا قالوا برضه حا نغيير العملة 
مساكين ناس الحركة الشعبية ما عارفين الكيزان كانوا عارفين عملتهم موجودة ومخزنة وين ومرصوصة كيف
قال ليك شنو خلي الجنية في الشمال يقع عشان الشعب يثور ، هسع انقلب عليهم الامر وعملتهم اللسه ما أتداولت بقت في الواطه ومافي دولار واحد بجي إلا من الشمال وقروش الشمال الجديدة حا تبقى عندهم زي الدولار يا حليلهم ولي هسع مخلوعين وكان عاوزين يضحكوا ما عارفين يسوو شنو
|
Post: #7
Title: Re: البشير يستخدم مرتزقة لقتال المواطنين بجبال النوبة
Author: حامد بدوي بشير
Date: 07-18-2011, 06:01 AM
Parent: #6
كومريد نزار،
الزول الاسمو عبدالعزيز دا أنا ما بعرفو، بس بالله لو من معارفك، انصحو.
الكيزان ما ناقصين بوق دعائي. عندهم من الفضائيات والإذاعات والهتيفة ما يكفيهم ويزيد.
وإمبارح دي كان الإسمو الأصم - بتاع مفوضية الانتخابات - بقول في نفس الكلام دا في إحدى القنوات الفضائية الكيزانية.
قول ليهو يريح نفسو ويريحنا.
مافي تعيينات جديدة للأبواق.
|
Post: #8
Title: Re: البشير يستخدم مرتزقة لقتال المواطنين بجبال النوبة
Author: عماد حسين
Date: 07-18-2011, 06:31 AM
Parent: #7
مرة نووي، ومرة كيماوي، ومرة مرتزقة
كان كدة.. أحسن لينا الهكر
هههههههههههههههههههه
|
Post: #9
Title: Re: البشير يستخدم مرتزقة لقتال المواطنين بجبال النوبة
Author: عبدالعزيز حسين عبدالرحيم
Date: 07-18-2011, 06:39 AM
Parent: #7
دا شنو يا المفكر
| Quote: الزول الاسمو عبدالعزيز دا أنا ما بعرفو، بس بالله لو من معارفك، انصحو. |
دا شنو يا قريبي نكرتني حطب نحنا مش طلعنا قرايب الليله كديستك قامت عليك ونكرتني وضحكت علي اخيراً
| Quote: الكيزان ما ناقصين بوق دعائي. عندهم من الفضائيات والإذاعات والهتيفة ما يكفيهم ويزيد. |
طيب ما تتم جمايلك وتقول للكومريد دا خلاص الجنوب بباح قرنق هلك باقان في السمسم وسيلفاكير تعبان والحلو في الكركور وعرمان سكران وعقار خايف راجي الدور
بوق يا المفكر بوق شنو يا أخي أنتو ريحتو وفرحتو الكيزان في راسم هسع عليك الله جنس الكوجان والسجم البعمل فيه نزار دا ما يخلي الغنماية تقرقر يقول ليك مرتزقة صوماليين هو قايل الناس زيك كدا قاعدين ما عارفين حاجة أنت قايل جنوب كردفان دي زي زمان الزول هسع ممكن يسافر جنوب كردفان يفطر فيها ويرجع يتغدى في بيته هسع اديك تسعة تلفونات لناس في جنوب كردفان يوروك الحاصل بالضبط شنو
Quote: وإمبارح دي كان الإسمو الأصم - بتاع مفوضية الانتخابات - بقول في نفس الكلام دا في إحدى القنوات الفضائية الكيزانية.
|
خليك من الأصم كدي أمشي أسال ناس الحركة الشعبية من مقلب الكيزان بتاع العملة دا يازول ديل لي هسع مهجومين ومخلوعين والكيزان عاملين رايحين وجادين وكمان زعلانين وقالوا ليك ناس الحركة خرقوا الاتفاق
Quote: قول ليهو يريح نفسو ويريحنا.
مافي تعيينات جديدة للأبواق. |
يا مفكر يا أخي مالك علي حارمني من الضحك 
أسمع أديك فكرة خلاص انصح لينا كومريد أب دليبة نزار دا يخلي الشغلانة المهببة دي ويكتب قصص لانو مؤلف بارع والسنة الجايه ختوه في الدور بتاع الجايزه
|
Post: #12
Title: Re: البشير يستخدم مرتزقة لقتال المواطنين بجبال النوبة
Author: Al-Shaygi
Date: 07-18-2011, 11:24 PM
Parent: #3
والله يا محمد طه الحبر نفسي ألاقيك (فيس تو فيس)
ما تخاف
بس عشان أتونس معاك وأعرف أنت كيف بتفكر.....!!!!!
وكيف بتقيم الأمور حولك وكيف رؤيتك لأحوال عباد الله الماعندهم كيل لدى المؤتمر الوطني وهم يشكون أمر كيلهم لله الواحد القهار الذي تؤمن به ولا ينتابني شك في ذلك ولكنك ..... لا أدري ما أقول ..... أخشى أن تصيبني شائكة...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #13
Title: Re: البشير يستخدم مرتزقة لقتال المواطنين بجبال النوبة
Author: نزار يوسف محمد
Date: 07-19-2011, 11:27 AM
Parent: #12
الشايقى
اتفق معك فى مقابلة هؤلاء وجها لوجه
فاةلا وأخيرا يهمنا تحريك البك الساكنة .
|
|