Post: #1
Title: الطفأ النور منو المرة دي!؟
Author: قيقراوي
Date: 07-16-2011, 02:43 PM
Parent: #0
بوست فااااارغ
يمنع دخول العميغين و الاذكياء*
-------
مشتاقين ياخ
قلنا نخش نونسوا ؤ كدي
بس
( بفتح الباء )
* ديل - زي اخوي الكاشف ود القاضي واااحد - بصعّبوا علي ادار ةالبوست دا
|
Post: #2
Title: Re: الطفأ النور منو المرة دي!؟
Author: قيقراوي
Date: 07-16-2011, 03:00 PM
Parent: #1
------
ما شاء الله .. ما شاء الله!
كل التاوقوا بالرقراق ديل عميغين يا اذكياء!؟
طيب بالله ادخلوا افرزوا لينا ديل من ديلا!؟
|
Post: #3
Title: Re: الطفأ النور منو المرة دي!؟
Author: طه إبراهيم عبد الله
Date: 07-16-2011, 03:33 PM
Parent: #2
تحياتي الطيبة يا قيقا
والحمد لله الهجمة الوقعت علي سودانيز ما رجعتك كيلوبايت
..
أكيد الناس زعلانين أعضاء وغير أعضاء
دحين بي طريقتك حقت السهل الممتنع سوق البوست دا بي مهل وبعيد من الدقداق
وارسم البسمة والبهجة والفرفشة
..
باي ذا وي
أنا عميغ ،، والله صحي
والتحية للناس الولعو النور
|
Post: #7
Title: Re: الطفأ النور منو المرة دي!؟
Author: قيقراوي
Date: 07-16-2011, 06:50 PM
Parent: #3
Quote:
باي ذا وي
أنا عميغ ،، والله صحي
والتحية للناس الولعو النور
|
من غير حليفةياخ مصدقينك
العميغين من كتابتم باينين
لوووووووول
التحية للشفوت اولاد النور ...
الاوقدوا شموع البورد و خلوا جذوتو متقدة ..
و كلنا بكري
المافي شنو!؟
تحياتي
ماشين في السكة نمد
|
Post: #4
Title: Re: الطفأ النور منو المرة دي!؟
Author: قيقراوي
Date: 07-16-2011, 03:38 PM
Parent: #2
انتو ياناس المركز مابتكلموا ناس الهامش بعودة سودانيز ولا شنو ؟!!!!
يا مهمش تعال نحكي ليك قصة الكديسة و الفار بجاي :
قليك كديسة و فار راكبين ليهم مركب، في نص ص ص البحر
الكديسة قالت للفار : ما غبرتنا ياخ!
الفار رد بمطقيته المعهودة* :
عليك الله يا ابو كديس اسي في نص ص ص البحر دا الغبار يجي من وين!؟
فرد الكديسة - التي يبدو لي انه من مؤسسي مؤسسة الجلابة :
برا فصاحتكم دي ما في شئ بخلينا ناكلكم!
-----
طبعاً في الصراع الوجودي المجسّد في " توم & جيري "
اخوك منحاز لجيري دون مواربة .. لأنو الاذكى على الاطلاق
مع انو مرات مرات حقاااااااار!! .. صايكولجية الفار المقهور ؤ كدا
لكن ياخ ما مهمش جسدياً و بنيويناً!
دا غير انو الاضعف في حلقة البقاء و النظام الغذائي الاحيائي ياخ! ..
يعمل شنو بس!؟
( بكسر الباء )
|
Post: #5
Title: Re: الطفأ النور منو المرة دي!؟
Author: محمد البشرى الخضر
Date: 07-16-2011, 04:48 PM
Parent: #4
ازيك يا قيقرا | Quote: اخوك منحاز لجيري دون مواربة .. لأنو الاذكى على الاطلاق |
اها انا عكسك تماما
اغلب الاحيان اجدني منحاز لتوم لأنو دايما السينارست بجعله موضع سخرية جيري
ومسألة ذكاء جيري دي بروباقندا ساي, لو تركوا الامور تسير على طبيعتها حتما مصير جيري امعاء توم من اول يوم
|
Post: #6
Title: Re: الطفأ النور منو المرة دي!؟
Author: البدري عبد الله
Date: 07-16-2011, 05:26 PM
Parent: #5
السلام عليكم ايها الرهط
.
.
.
.
ياخ اول مرة الواحد يعرف انكم ناس مهمين ..وكمان الواحد بيشتاق ليكم ..دي مصيبة شنو يا اخوانا دي؟
|
Post: #11
Title: Re: الطفأ النور منو المرة دي!؟
Author: قيقراوي
Date: 07-17-2011, 08:00 AM
Parent: #6
Quote:
ياخ اول مرة الواحد يعرف انكم ناس مهمين ..
وكمان الواحد بيشتاق ليكم ..
دي مصيبة شنو يا اخوانا دي؟
|
و الله كونو تشتاق لينا فدي بنقدر نمشيها ليك عاااادي
لكن كمان تتهمنا بالاهمية عدييييل كدا .. دي بنعتبرا اهانة منك بس
فااا شنو؟
اتصلح معانا يا عمك
----
المصائب لا تأتي فرادي ياخ!
اجاركم الله في مصيبة الشوق
و بالجمبة كدا :
هو برا الشوق دا البالينا شنو هو!؟
لا شوفة تبل الشوق .. لا رداً يطمن
اريتك انت طيب .. انا البي كلوووو هين .. اللخ اللخ
|
Post: #8
Title: Re: الطفأ النور منو المرة دي!؟
Author: قيقراوي
Date: 07-16-2011, 10:27 PM
Parent: #5
ابو حتوت يا حبة
Quote:
اها انا عكسك تماما
اغلب الاحيان اجدني منحاز لتوم لأنو دايما السينارست بجعله موضع سخرية جيري
ومسألة ذكاء جيري دي بروباقندا ساي, لو تركوا الامور تسير على طبيعتها حتما مصير جيري امعاء توم من اول يوم
|
بما انو البوست ما زال طفلون يحبو ..
و مازالنا في أول ساعات الليل ؤكدا
و الفورة ما معروفة .. و ابلصعة ما معروف وين ...
ح احكي ليك حلقة من سلسلة الصراع التاريخي بين ثوماس الشهير بـ ( توم ) و حبيب ألبي جيري ( الذكي ) جداً جداً حتى آدم بتاعم ..
مرة و الممرات كثيرة ... وكذا المرارات بينهم ..
سقطوا عن شاهق ما .. بين عمارات تحت الانشاء ..
جيري - لانو ذكي جداً - طوالي تساءل، و جاتو العلامة الحبيبة دي ( ؟ )
اما توماس اب راسن مكودس، الملان مخاتة ساي دا، ما جاتو اي فكرة او سؤالز بل انخلع ( بس )!
و اكيد جاتو علامة ابليس* دي ( ! )
اها
حبيب ألبي في أول نتوء بارز في اقرب حيطة، شنكل ليك المعقوفة فو .. ونجى
اما اب دقنوس داك لحدي ما قرب يلزم الجابرة، راو دا ما جاب شئ!
في الآخر - زي الساعة اطناشر كدا - فكر في سؤال! .. قام تنى راس التعجب لعقفة السؤال.
لكن لمن خلص خلاص، كان بلعب في الزمن الضائع ..
بالضبط زي ما بصحفوها ناس الكورة ( مش الزمن المحسوب بدل الضائع )!
كان وكتها وصل لمستقرن لهو في الجابرة الواحدة دي!
بلطف الله ما اتوسد تقيلة .. و برا ثبات أجر كمان! ..
يحمد ربو ساي على المنح و العطايا الكتيرة الما عاوز يستفيد منها دي ..
ح ينقرض قريييييب دا لو دي طريقتو ..
أمة لا تسأل، و لا تبحث عن اجوبة .. للن تعمر
لكن جيري غير
يتبع ..
في ذكاء الفئران
stay tuned
او كما قال
----------
* و العهدة على سيدنا محسن ود البتولا هنا زهرة الغَرَق
|
Post: #9
Title: Re: الطفأ النور منو المرة دي!؟
Author: بدر الدين احمد موسى
Date: 07-17-2011, 05:09 AM
Parent: #8
قيقراوينا النحرير????!!!!!!
ياخ ندهتك تلحقني في البوست بتاعي المعنون:"ووووووين......... العلمانية!" لكنك فتحت لي
ليه ياخ "مع اني من ناسك"?
ياخ شفت العلمانية اتلحست و بقى بدلها الدولة المدنية و انت ساكت ساكت!
يعني عمك نقد تعب و معاه الامام الصادق و تتلهف كدة ساكت?
ولا شكرا?
كدة ما بصير يا قيقراوي ?
----
لو ما الهكر كنت كتبت ليك الايميل بتاعي عشان نتناقش ياخ!
|
Post: #10
Title: Re: الطفأ النور منو المرة دي!؟
Author: ناصر احمد الامين
Date: 07-17-2011, 06:15 AM
Parent: #9
كان الحكاية طفيان نور ساكت كان بلعناها
_____________________________
قيقا و الرهط ... سلامون عليكون
|
Post: #14
Title: Re: الطفأ النور منو المرة دي!؟
Author: قيقراوي
Date: 07-17-2011, 10:21 AM
Parent: #10
Quote:
كان الحكاية طفيان نور ساكت كان بلعناها
|
اها الحكاية شنو طيب!؟ 
----
و عيكمممممم السلامو ياخ
و الله مشتاقين
وينك يا رومانسي ياخ!؟
ابقى لي داخل يا حبيب
|
Post: #12
Title: Re: الطفأ النور منو المرة دي!؟
Author: قيقراوي
Date: 07-17-2011, 09:56 AM
Parent: #9
Quote:
ياخ ندهتك تلحقني في البوست بتاعي المعنون:"ووووووين......... العلمانية!" لكنك فتحت لي
ليه ياخ "مع اني من ناسك"?
|
كل ما سألت عليك .. صدوني حورااااسك
شالو شنو كدا ما عارف .. اللخ اللخ حتى :
مع اني من ناسك
اما بعد
اخوك غاتس بجاي : الهوس اللا ديني
و هنا قيقراوي يا جابر الخواطر*
انت ما بتجيش بغادي ليه؟
ابأ تعالا بأأ ياخ!
----------
جابر الخواطر = moderate muslims
|
Post: #13
Title: Re: الطفأ النور منو المرة دي!؟
Author: بدر الدين احمد موسى
Date: 07-17-2011, 10:07 AM
Parent: #12
قيقراوي
تحياتي
سليت روحي ياخ و انا منتظر ردك لكن شوتك طلعت ااااوت!
ركز يا قيقراوي ياخ ركز في الشموليات! والله بعد دا الا اجيب ليك رابط و اخلي العجاجة تقوم!
افهمني ياخ!
| Quote: انت ما بتجيش بغادي ليه؟ |
ما رسلو لي الباسورد عاد اجي كيف?
|
Post: #15
Title: Re: الطفأ النور منو المرة دي!؟
Author: قيقراوي
Date: 07-17-2011, 11:42 AM
Parent: #13
Quote:
ركز يا قيقراوي ياخ ركز في الشموليات! والله بعد دا الا اجيب ليك رابط و اخلي العجاجة تقوم!
|
اركز كيف عاد و الهوس متشالبني!؟
واحد مطلعني ( مُنكر ) و التاني ( جابر خواطر )!!؟
شفت ليك جنس ورطة!؟
-------
Quote:
ما رسلو لي الباسورد عاد اجي كيف?
|
لوووووووب
انت قايلو حيكورة تابعة لابلصعة برضو و لّ شنو!؟
سجل بس يا عمك و بتلقى نفسك في ي ي ي نص الهوس دا راكب معاي في سرج وااااحد
و في رواية راكب معاي في سرجاً ضيييق .. هوو نوز!؟ حسب النفسيات بقى!
|
Post: #16
Title: Re: الطفأ النور منو المرة دي!؟
Author: قيقراوي
Date: 07-18-2011, 09:22 AM
Parent: #15
Quote:
سليت روحي ياخ و انا منتظر ردك لكن شوتك طلعت ااااوت!
|
هي ما آوت شديد كدا اوي خالص يعني!
اخوك ابو وعد زول مواثيق و عهود .. عاوزني ارجع في كلمتي و لّ شنو!؟
تم اقفال المحضر - في الكيس المعني - في لحظته و ساعته.
و رفعت الجلسة .. ديك
-------
مع ذلك و برغمه ..
في شئ بهناك حارقني كلو كلو افوت التعليق عليو ..
قليك في واحد زي كدا 
اها مرة كان عندهم زول عيان شدييييييييد، حموهو يمشي يزورو معاهم..
خافوا الزول دا يفلت جاي و لّ جاي يجيب خبرو كمان!
قام التزم ليهم انو ما ح يتكلم كلو كلو .. ساقوهو معاهم ..
صاحبنا نقطم ليك بسكاتو .. التزم، التزام يحير ذاتو!!
و هم طالعين كدا حرقتو كلو كلو ..
الباب ضيييق كدا ..
قال ليهم :
اسي في ي ي ي ذمتكم دي .. دا باب بطلّع ليو جنازة اسي!!؟
stay tuned
* ياخ بالمناسبة تابع ايميلك ..
طلبت من شباب هناك يرسلوا ليك باسوورد ؤ كدا
|
Post: #17
Title: Re: الطفأ النور منو المرة دي!؟
Author: قيقراوي
Date: 07-18-2011, 12:11 PM
Parent: #16
اها مترقب كويس يا بدرنا ..
و بالمرة ندي ليك ابو حتحوت دليل ( علمي ) دامغ على ذكاء الفار
في تجربة في مجلة علمية مصوّرة - شفتها في التلفزيون فضلة خيركم ؤ كدا طبعاً- كانت عن الذكاء :
جايبين ليهم مكعب زجاجي مفتوح من جهة واحدة بس من جهاتو الست ..
جواهو قطعة جبنة ( " معلوف " بالضرورة انو : الجرذان لا تستطيع مقاومة الجبنة )
او كما قال فيلسوف عصره و اوآنه
اها يا سيد الامانتي ليك في المرة الاولى الصايد المفتوح كان في مواجهة الباب/ الفتحة البنطلق منها فار التجربة ..
اها صاحبنا - صدقوني ح تصاحبو برضو انتو - طواااااالي كف نف ناش ليك قطعة الجبنة ..
غيروا الوضع .. صاحبنا جا نابل على اساس انو زي اول .. طااااخ خبط في القزاز .. جا في العراضة
في التالية - و التالتة واقعة! - خبط برضو لكن باقل طاخاً .. قلل السرعة ..
صدقوا في الرابعة حاحا حاحا لمن لقى الواجهة المفتوحة .. و ظفر بقطعة الجبنة!
عندي احساس انكم ما ح تصدقوني
على كيفكم!! .. لمن النمر يجي ياكلكم غايتو
ما يستفاد من هذا الحديث الفئراني ..
الارضة جرّبت الحجر ..
لكن التحجر ليه؟ .. شغلة ما لافقة مع حقائق الوجود في ارض السودان الشغيغ دا ..
ليه الاصرار عليها .. و بالغصب كمان!؟
--------
شفت كيف يا ود البشرى!؟
لو صدقتني بسبة 30 في المية .. بكون كافي لإنو الشغلة ما جصت ( سناريست متحيز)
ياخ معقولة السينارست و المخرج و انا ...
بس نكون عاوزين نظلم مستر ثوماس دا ساي كدا بس!
ياخ ما بلقى الحلقة بتاعة Love & Money جاي جاي؟
مغرووود فيها في بوستن بهناك!
|
Post: #18
Title: Re: الطفأ النور منو المرة دي!؟
Author: بدر الدين احمد موسى
Date: 07-18-2011, 07:46 PM
Parent: #17
قيقراوينا
كيفك?
مصدقك يا قيقراوي لكن المشكلة انه الفار بياكل جبنة!
ايوة يا قيقراوي كلامك صاح التحجر فوق كم?
يعني انا كانت عندي عربية-قصتها مسلية جدا اظنها العربية الوحيدة في امريكا الاتباعت باكثر من تمن شراها- العربية تمنية سلندر وبتاعت بوليس و ممكن تسوق بيها لسرعات شبه خيالية, و الله في الفريي ويي "freeway" زي الطيارة, و راكزة. لغاية سنة 2008 كنت ممكن تلقى زيها في الشارع هبترش-البنزين كان دولارين و زقة- اليومين ديل-البنزين مرات بدق في الاربعة دولارات- والله الا تشوفها في الاحلام او عند اولاد الخالة!
زي ما بقولو الخواجات ات فل اااوت اوف فيفر it fell out of favour
يا قيقراوي لو الحاجة اااوت اوف فيفر الشعب خلاس مفروض ننساها و نشوف غيرها لان الشعب هو صاحب النظام يقعد يقوم على كيفه!
تتخيل اني ممكن ابيع عربية تمنية سلندر فورد امريكي في السودان? والله الا اشرب مويتها
|
Post: #19
Title: Re: الطفأ النور منو المرة دي!؟
Author: البدري عبد الله
Date: 07-18-2011, 10:26 PM
Parent: #18
فوق
|
Post: #22
Title: Re: الطفأ النور منو المرة دي!؟
Author: قيقراوي
Date: 07-23-2011, 07:44 AM
Parent: #21
بدرنا العالي قدرو ..
كلمني حاول حس بي ياخ!
--------
ياخ ما تلز تلفونك بي رقراق وش الكتاب ياخ؟ .. اي صفحة
او شوف الصفحة البتريحك و ارقد عليها!
|
Post: #23
Title: Re: الطفأ النور منو المرة دي!؟
Author: بدر الدين احمد موسى
Date: 07-23-2011, 08:02 AM
Parent: #22
قيقراوينا النحرير
يا قيقراوي رجعت للايميل بتاعي [email protected]
ولقيت رسالة من حساب المرحوم خالد الحاج المشكلة انه الايميل دا بالتحديد لا يتعامل مع اللغة العربية
يعني بديني اشكال مضحكة جدا بدل اي رسالة مرسلة بالعربي
طيب هادا ايميل تاني رسل لي فيه المعلومة [email protected]
مع جزيل الشكر
|
Post: #24
Title: Re: الطفأ النور منو المرة دي!؟
Author: منال
Date: 07-23-2011, 08:57 AM
Parent: #23
| Quote: يمنع دخول العميغين |
لاحولاااااااااااااااااااا
الغريبه فى المنبر التانى منال برضو بتعمل القاف غين
اجى يايمه ؟؟؟
يامحاسن الصدف ,,,,,
|
Post: #25
Title: Re: الطفأ النور منو المرة دي!؟
Author: قيقراوي
Date: 07-23-2011, 09:09 AM
Parent: #24
منال ازيك
Quote:
لاحولاااااااااااااااااااا
الغريبه فى المنبر التانى منال برضو بتعمل القاف غين
اجى يايمه ؟؟؟
يامحاسن الصدف ,,,,,
|
لووووووووووب
و الله العظيم ثلاثاً ما مشيت بهناك الا المرة القلتها ليكم .. ناهيك عن اشارك
يا ستي الحاصل دا " جريمة سايبر " بخشم القانون عديييل
دا فهمي ليها .. و بتعامل وفقه
المنبر المذكور - و قيل المهكور - بالنسبة لي هو " ما بني على باطل " اتسلف ..
فهو باطل بالضرورة .. شفتي كيف!؟
فممكن ترحميني من ( الغصة ) دي!؟
ياخ دا ما ترصد عديييل كدا اسي
جصت كديييييينغ!!
انت اخت عزيزة .. بس عاوزك تقتنعي اني ما مشيت بهناك .. و لو تشابه عليك ( بغر ) الكتابات
اها اقتنعتي و لّ نحلف تاني!؟
|
Post: #26
Title: Re: الطفأ النور منو المرة دي!؟
Author: قيقراوي
Date: 07-23-2011, 10:09 AM
Parent: #25
يا ابا حتحوت
و الله حقو الزول يرد ليك برد الكاتب الخطير مازن
لكن بما اني " لست بكاتباً " ..
ح ارد ليك رد قيقا
Quote:
والله يا قيقرا نكتتك دي ما فهمتها ولا المغزى منها
وخايف اسالك تقوم تضطر ترجع تشرح لي و تبقى "ملام"
فحقو تعمل بيها بوست وتشرحها فيه, المافي شنو - ياقولك
|
يا حبيب قصدت اوضح فكرتي عن الوضع كلو بـ :
Quote:
ستي الحاصل دا " جريمة سايبر " بخشم القانون عديييل
دا فهمي ليها .. و بتعامل وفقه
المنبر المذكور - و قيل المهكور - بالنسبة لي هو " ما بني على باطل " اتسلف ..
فهو باطل بالضرورة .. شفتي كيف!؟
فممكن ترحميني من ( الغصة ) دي!؟
|
ولك ان تقرأ المداخلة اعلاه .. و اعلى اعلاه
و لك ايضاً ان تدي ربك العجب ..
او اعتبرني مجنون لو ما فهمت قصدي لي اسي
خروف مسروق .. لو تم ضبحه ببقى حلال اكله!؟
مش دي فكرتك انت يور سلف في البوست دا :
ما قادر أقول .. ما قادر أصرح ..
تيسير تقول انها مقتنعة و ما داير تدي المنبر شرعية ..
و جاية ضابحة الخروف بي جاي!؟
اها كدا كيف!؟
وقعت!؟
مش فكرة بسيييطة دي!؟
في داعي تضطرني اخالف وعدي و اتلوم اسي!؟
بس ( بكسر الباء )
|
Post: #27
Title: Re: الطفأ النور منو المرة دي!؟
Author: قيقراوي
Date: 07-24-2011, 08:15 AM
Parent: #26
قليك شباب كانو ماشين رحلة ..
افقر واحد فيهم - من الفلس الواحد دا، وقيل الشفتنة في رواية اخرى، و الارجح انهم الاتنين معاً لانو ما عندو غير فنيلتو اللابسا دي، و بدلالة الرواية دي ذاتا - اها ( الفقري ) داالتزم بالخروف ..
اها يوم الرحلة جاهم بفنيلتو بس! .. يصفر ساااي!!
وين الخروف ؟ .. ارحكم بس!
اول خروف شافو ماشي في امان الله .. قال لبتاع البص : اقرص هنا يا حبة.
دا خروفك .. قال ليهم بحزم و قوة عين تليق : ايوة انتو مالكم!
اها هناك لمن وصلوا بفتشوا في سكين يضبحوا بيه الخروف ..
قال ليهم لشنو!؟
شال حجر كبييير كدا .. و تلللللل فلق بيهو الخروف .. و اتلفت عليهم :
لو ضبحناهو ببقى حلال!؟
------
جايك يا خدوري امبسبول
جاييك بجاي
بس قلنا نصحح الاملاء اول
|
Post: #28
Title: Re: الطفأ النور منو المرة دي!؟
Author: قيقراوي
Date: 07-24-2011, 11:09 AM
Quote:
هههههههههههههههههههههههههههههه
يسألني الله قيقا ده ما نصيح .. قوية عدييل دي , ممكن اشتريها منك
ابوفنيلة ده اظنو صاحب شعار المافي شنو
___
تايسا . اعملي حسابك قيقا ده عميق و نكتتو دي مفخخة
خدر
Re: ما قادر أقول .. ما قادر أصرح ..
|
شفت اتساق ( الفقري ) دا مع فنيلتو كيف!؟
و الله امبسبول يا خدوري عديييل كدا ياخ!
------
تايسا محتاجة [ تفحص كل دمها بكل دمها ] ..
او كما قال الكاتب الخطير مازن
|
Post: #29
Title: Re: الطفأ النور منو المرة دي!؟
Author: قيقراوي
Date: 07-26-2011, 10:17 AM
Parent: #28
Quote:
قوية عدييل دي , ممكن اشتريها منك
|
و الله ما تقول شئ
-------
متابع يا عمك الفور وييل درايف بهناك!؟
الحق افحص دمك كاملاً .. بدمك كاملاً
او الرعرعة محمداك تب
كلو زول يتسق مع فنيلتو اللابسا ياخ!
فحص الدم بالعينات و المايكرسكوب خلوهو زمان ياخ!
انت قاعد وين!؟
|
|