معاً للحفاظ على سودانيز..دعوة للمتوقفين عن الكتابة

باختصار

الموقع دة بتاع بكري وبتاعكم...

كامل تضامننا مع المنبر بعضويته و إدارته
في الأزمة الراهنة و نتمنى أن يعود المنبر لعافيته..

شكرًا يا سعدالدين على الاستجابة

نتمني ان يعود الي سابق عهده اختي سارة ..
وعودة كل الاخوة هنا .. لننعم بما يكتبون ..

Quote: نتمني ان يعود الي سابق عهده اختي سارة .. وعودة كل الاخوة هنا .. لننعم بما يكتبون ..

الأخت الكريمة سارّة

الموقف تم هكره لكي يتوقّف عن أداء رسالته

ولكي لا يستطيع المسلمون والوطنيون من فضح المعارضة البائسة

فتوقف الأعضاء عن الكتابة يصب في مصلحة من قاموا بهكر الدومين نيم

المفروض للحفاظ على رسالة المنبر أن لا يتوقف الأعضاء عن المشاركة بأي طريقة كانت متاحة

والطريقة المتاحة الآن هي عبر الأيبي ادرس http://174.36.244.211


نعم من أجل معارضة راشدة واعية مدركة لأجندتها الوطنية ومغلّبة مصلحة المواطن في فعالياتها

تحية طيبة وتقدير

كمال

تحياتى .

شكرا يا آمنة على التحايا والمرور

هذا هو الطريق الصحيح للمحافظة على منبر سودانيزاونلاين ..
شكرا ساره على ..

سلام وتحية

شكرا سارة

تسلم يا عماد..
يا ريت تلز لينا المريخابية المعاكم بهناك دي..
بالجد اميرة ليها وحشة

Quote: هذا هو الطريق الصحيح للمحافظة على منبر سودانيزاونلاين

ودي الفكرة بالزبط

فرانكلي..
معليش لكن ترويج الفكرة دي انا معترضة عليها..
اصلا ما منطقية
يعني كيف المعارضة هي القامت بتهكير المنبر؟؟

سرور لك كل الحب و الله

Quote: معاً للحفاظ على سودانيز..دعوة للمتوقفين عن الكتابة

تعرفي سيطرت علي الفكرة دي من الصباح ..
و احترت جد اعالجا كيف!؟

Quote: باختصار الموقع دة بتاع بكري وبتاعكم...

هو كذلك

و كبارنا قبيل قالوا :

نحن في الشدةِ بأسٌ يتجلى ..

و محتاجين جد نكون قدر الشعارات البنرفعا ..
و نكون نحن ذااتنا
و يكون الموقع الكان سبب في تجمعنا حيث يجب ان يكون دائماً ..
فوق ..
فوق كل الاحن و المحن

التحية لبكري
و مزيد من الصمود
كلنا بكري


و يا ريت يجوا راجعين ..

رجعة القمرا لي وطن القماري

او كما قال سبدرات و غنتها البلابل ذات جمال

Quote: سارة علي كتبت: باختصار الموقع دة بتاع بكري وبتاعكم...

أن تأتي مُتأخراً خير من أن لا تأتي أبداً

Quote: و احترت جد اعالجا كيف!؟

اجتهد معانا اكتر لفك الحيرة دي يا قيقا ..

Quote: نحن في الشدةِ بأسٌ يتجلى

Quote: أن تأتي مُتأخراً خير من أن لا تأتي أبداً

فايدة الهكر الوحيدة انو عطل ليك خاصية مداخلاتك ام لون اسود ديك..
بتغم ياخ...



ـــــــــــــ
بهظر :)

آآآآآآآآآآآآآآآآخ
حاعمل ليك توصية مخصوصة للهكر ..
جبت لي الانتكاريا يا صبري ربنا يسامحك

الاخت العزيزة سارة وكل الاحباء
تحياتى
انقطعت زمن طويل جدا لاسباب ما
لكنى اعود الان الى حيث اهلى وبيتى وناسى
تحياتى للكل

Quote: آآآآآآآآآآآآآآآآخ حاعمل ليك توصية مخصوصة للهكر .. جبت لي الانتكاريا يا صبري ربنا يسامحك

بالنسبة لمشاركاتي بالخلفية السوداء كانت مرتبطة بحدادي على انفصال جنوب السودان ...
وخلاص رفعت الفراش ...


دمتِ بود ،،،

Quote: انقطعت زمن طويل جدا لاسباب ما لكنى اعود الان الى حيث اهلى وبيتى وناسى

الله عليك يا استاذة..

ايدينا فوق للمنبر و لبكري

عشان خاطر لمتنا وعرفتنا

عشان خاطر مشاركة الفرح ومقاسمة الحزن

عشان خاطر وطنا واهلنا واحوالهم

عشان خاطر أجمل ناس عرفناهم هنا ومشينا معاهم في السكة


تحياتي لسارة السارة

وسلامي للجميع

Quote: عشان خاطر لمتنا وعرفتنا عشان خاطر مشاركة الفرح ومقاسمة الحزن عشان خاطر وطنا واهلنا واحوالهم عشان خاطر أجمل ناس عرفناهم هنا ومشينا معاهم في السكة

ديل معانا ..
بس ..

Quote: ايدينا فوق لبكري

دي ما معانا ..
هههههههههههههههههههههههه
ـــــــــــ
شكرا سيف

سلامات يا سارة وتحايا

انا برضو غيبتى طالت زى اختى سلمى دى

لكن بقول معاك زولك كما لقيتو فى الحارة تانى وين تلقاهو

التحية لقروب معا للمحافظة على سودانيزاونلاين, انا واحد من الناس - وكثيرين غيري - عرفنا طريقة ناصر البطل و البشاري للدخول عن طريق القروب
وكل الكتابات هناك حتى من المتوقفين او الموقوفين قلبها على البورد
غيرهم كان ممكن يشعلوا الفيس بوك شماتة و سخرية كما فعل البعض في منتديات اخرى
التحية لهم مرة تانية

Quote: غيرهم كان ممكن يشعلوا الفيس بوك شماتة و سخرية كما فعل البعض في منتديات اخرى

بالعكس كلهم كمان بيوصلو تضامنهم مع البيحصل دي .. ومتمنيين انو المنبر يرجع على سابق عهدة .. والبعض منهم رجع للكتابة لاجل توصيل الفهم دة

سقدة ... ساعدينا بتجويد العربي شوية

Quote: ومتمنيين انو المنبر يرجع على سابق عهدة .. والبعض منهم رجع للكتابة لاجل توصيل الفهم دة

على - الصحيح : إلى
عهدة - الصحيح: عهده بالهاء
دة - الصحيح: دا او ده بالألف أو الهاء لكن التاء المربوطة غلط



_________________________________________

Quote: لكن بقول معاك زولك كما لقيتو فى الحارة تانى وين تلقاهو

كلام سمح بالحيل يا سارة الجبارة .

جرجير الكارثة
لو عايز مساعدة بالعربي أضرب تلفون لى سيبويه ..
بالنسبة لسارة الجبارة فعجبك كدا أقرأ ما عجبك أكل قنقليز وقوم لف ..
بلاش جرجرة ولولوة فارغة معاك .

الاستاذ طلحة..

هو لو كان داير فعلا يصلح "اخطائي" كان قال لي اكتبي بدل "دة" "هذا" ..
يعني تصليحو ذااااتو داير تصليح ..
ثم من متييييين الدارجي بيصلحو؟؟

ــــــــــــــــ
ما تشغل وقتك بالرد عليو..
المقام لا يسمح

هي الدارجي دا ما برضو فيه شوية منطق وقواعد
يعني ما ممكن تكتبي "على" في مقام "إلى" كان بالدارجي كان باليماني كان باللاوندي

تنظير يا كيشة قوم امش ارجاني في النادي عشان ارشك كالعادة

يا ود البشرى مطلوب حضورك حاااالا في كتاب الوش..
لانك لو ما جيت انا حاشوه ملامحو الوش البهناك د(ة)..
انا جادة..تعال بي هناك

سلمى و سهام

ياخ احترامات بالكوم ليكن الجوز














-------

صراحة لو ما خايف من بروز الصلعة كان رفعت ليكن القبعة ..

سم ذاتو ياخ انا ما عندي قبعة من اساسو!؟

اصلو الريس سلفاكير انا!؟

ثم أولا يا قيقراوى ..
سلمى الشيخ سلامه وسهام المجمر ديل الواحد مخصوص يمشي يلبس ليهو قبعه عشان يرفعها ليهن ..
ونحن المديح ده ما بنقولو للناس زلفى ..
ولا عندهن غير محنه " ظاهره " للناس كلهم لا على وجه الخصوص ..
واحتمال ذاتو ما بعرفونى ولا سمعن بى ..
وجنى وجن اقول كلام عاطفى زى ده ..
اقول ليكم كلام ..
انسو الموضوع ده ..

سارة على سلام والف تحية
اولاً نشكر وجودك الزاهى جداً ودعوتك للزملاء المتوقفين للعودة
وانا على يقين انهم سيأتون ..فالخيل الاصيلة بتجى فى اللفة
وتراها اللفة ...وهم الاصالة ذات نفسا ..

وبما انو اخوكم ما عندو صلعة فاصالة عن نفسى ونيابة عن قيقا (الشهيد الحى)
ارفع القبعة لك ولهم ولقيقا هيمسلف وللمشرف كمان ..

Quote: وجنى وجن اقول كلام عاطفى زى ده

قول قول يا المشرف وعبر عن مكنوناتك ..
اديتك القرين لايت...


التحية لسهام وسلمى

Quote: وانا على يقين انهم سيأتون ..فالخيل الاصيلة بتجى فى اللفة

لكن اللفة دي كبرت شديد..
وينك يا مريم وسناء والباقين ؟؟

Up
حتى تعود للمنبر سيرته الاولى

Quote: هذا هو الطريق الصحيح للمحافظة على منبر سودانيزاونلاين ..

لقد .. مرقت روحنا ونحن بنقول الكلام دا ياخ!
تعالوا يا جماعة .. نحفر هنا وبني هنا ونعلّي هنا!!

بنك التضامن

اقصـــــد.....

كامل التضامن

شكرا سارة الــ.....سارة

Quote: لقد .. مرقت روحنا ونحن بنقول الكلام دا ياخ! تعالوا يا جماعة .. نحفر هنا وبني هنا ونعلّي هنا!!

ما تقول ياخ ..
المافي شنو!؟


سنعيدها سيرته الاولى ..










-----

مرات مرات بتكون عميغ جدن يا عمك

ساره ...سلام ..

Quote: معاً للحفاظ على سودانيز..دعوة للمتوقفين عن الكتابة

فلنوصل رسايلنا دون توقف او انقطاع فالغاية اكبر ..


شكراً ساره ..

فوق

من أجل عودة المنبر العام أكثر قوة رغم خفافيش الظلام


مشكورة الاستاذة سارة

شكراً سارة على على المبادرة
أنا برضو دخولى ومشاركاتى قليلة
لكن الوقوف بجانب بكرى وعضويته فى ها المحك الصعب ضرورى جداً
وهى برضو فرصة للناس تراجع فيها تاريخها فى المنتدى وتراجع مواقفها
شكرا ليك تانى ولكل المتداخلين والواقفين مع عودة الحق لصاحبه

كلام صاح مية المية

شكرا ياسارة

ياشباب المنبر ده اداة للتعبير عنكم وعن المجتمع السوداني
لا تتركوه تعالو كلكم اظهروا عند الشدائد حافظوا عليه
المتوقفين والمتوقفات النداء لكم ي

سلام سارة
التاريخ لن ولم يرحم وسوف نكون جنود لحوش السودان وراكوبة الباشمهندس بكري .
تعالوا جميعاً ابناء السودان القديم هنا وادفقوا مدادكم من أجل السودان وأنسانه.
مودتي
شــــــــــــطة

لك كل التحايا
بحفاظ على منبر الكل
والله يسلم بكري ابوبكر زاتو

Quote: فرانكلي.. معليش لكن ترويج الفكرة دي انا معترضة عليها.. اصلا ما منطقية يعني كيف المعارضة هي القامت بتهكير المنبر؟؟

سارة
لك مطلق الحق في تقبّل أو انكار أو اعتراض أي فكرة بالمنبر

وما تريه انت غير منطقي ليس بالضرورة غير منطقي عند غيرك

هو رأييك من شاء قبل به ومن شاء اعترض عليه كما هو رايي أدلو به من شاء قبل به ومن شاء رفضه

كما نّني غير ملزم البتة بمنطق أنّ الحكومة أو الكيزان هم من قام بتهكير الموقع وأراه شخصياً كلام سخيف ولا يرقى للمعقول من القول ولكني احترمه كراي أخر واطرح رأيي المقابل

إذ أنّني أرى أنّ الحكومة أو الكيزان أخر مستفيد من تهكير الموقع

وبضدها تتميّز الأشياء

تحية طيبة وتقدير

فرانكلي
بي صراحة كدة شكلك بايخ....

اذا كان المنبر ده المتنفس الوحيد للمعارضة بقفلوه ليه ؟ يعني يقدو عينهم باصبعهم .....؟

عليك الله اتقي الله فينا

معا للحفاظ على سودانيز اون لاينز...

Quote: فرانكلي بي صراحة كدة شكلك بايخ....

هذا فهمك أنت ولست ملزم بالقبول به كمسلمات

Quote: اذا كان المنبر ده المتنفس الوحيد للمعارضة بقفلوه ليه ؟ يعني يقدو عينهم باصبعهم .....؟ عليك الله اتقي الله فينا

هنا نفرّق بين المعارضة كأحزاب سياسية موجودة بقوة وبكل حرية في داخل الوطن وبين معارضة الكيبوردت التي تعارض حتى آليات وتوجيهات الأحزاب التي يدّعون أنّهم ينتمون إليها

وهذا واضح للغاشي والماشي

المنبر متنفس للكثيرين من المهاجرين والمغتربين وليس للمعارضة فحسب واي كلام خلاف هذا فهو كلام مردود

تبني البعض المعارضة في هذا المنبر لا يعني أنّ المنبر توجهه بالكامل لصالح المعارضة وإلا لما وجدنا فيه من ينتمون لأحزاب تمثّل النظام وتستغل المنبر لنشر أجندتهم الحزبية

المعارضة الكيبوردية شأنها أخر فهي كانت دوماً تمارس الكذب والتلفيق والتدليس لحشد البسطاء من الناس وغير المنتمين لصفوفها وعلى أقل تقدير لدعم أجنتدها

وهو ما انكشف حالاً سواء كان بأيد مؤيدي النظام أو بايد معارضي المعارضة

في ظل تلك المعطيات نرى أنّ تههكير الموقع بواسطة معارضي الكيبورد يتيح لهم متنفساً مما هم عليه من ضيق ويصّور للبسطاء من الناس أنّهم كانوا مستهدفين من الحكومة في هذا المنبر ولهذا تمّ هكره فيرجع المنبر ويرجعوا يسطرون نصرهم على الحكومة وهكذا تنطلي المسرحية على البسطاء ويصفقوا لهم طرباً

وحسب ما هو مقروء عاليه أراك ستكون من فئة المصفقين إلا أذا قرأت ما نكتب بقلب سليم


تحياتي كمال

تعرف يا فرانكلي
بعد ده الا اخجل ليك انا
ياخ انت غريب الموقع ده ما فيهو حاجة بتأذي المعارضة اي حاجة طالما انها ماشة بالحوار كويس (لوي اليد ده شغل جماعتك البتدافع عنهم بالباطل وانت طارح نفسك مسلم ياخ اتق الله ياخ حرام عليك ياخ ولا جلد ما جلدك جر فيهو الشوك )

Quote: المعارضة الكيبوردية شأنها أخر فهي كانت دوماً تمارس الكذب والتلفيق والتدليس لحشد البسطاء من الناس وغير المنتمين لصفوفها وعلى أقل تقدير لدعم أجنتدها

تعرف لمن تقول كلام زي ده بتسئ لي نفسك لانو الجماعة المنضوي تحت لوائهم ديل كل البعملوه ياهو الانت بتشجب فيهو ده ...

يا أسامة أنا لن أبيعك فهاّمة صينية
كلامي واضح وصريح

وأنت هنا خير مثال لهذه المعارضة الهزيلة البائسة الفقيرة في آلياتها ومؤهلاتها لإدارة حوار

ها أنت ذا تريد أن تسكت صوتي بمثل هذه المهاترات الفطيرة وتصوير شخصي يدافع عن أخرين بالباطل (في إشارة حسب فهمك الفطير كوني أدافع عن الحكومة أو الكيزان) ولا دليل لك غير المهاترة على هذه الكلمات

Quote: لانو الجماعة المنضوي تحت لوائهم

وهذه هي الأخرى لتفضح إفلاسك وجهلك وتهريفك بما لا تعرف

أرأيت من يريد أن يسكت صوت من في هذا المنبر؟؟؟

فأنا أحاور بكل جدية وأناى بنفسي عن شخصنة الأمور ومحاولات الأقصاء البليــدة

فكم هو سهل أن اصفك بالشيوعي وغيرها من الأوصاف الغير كريمة وكم هو سهل بأن اشير لإنتمائك لجهة دون أخرى

ولكن لا يا أخي

أنا أدير حواراتي بعقلي لا بسفهي ولا بمحاولات أقصاء بليــدة لا تنطلي إلا على السذج من الناس

هناك بعض المعارضين يمارسون حواراً عقلانياً وجاداً جداً وهناك بهذا المنبر منتمون للحكومة يمارسون حواراً عقلانياً وجادأً جداً وهؤلاء الإثنان لا نشير إليهم

وإنّما نشير لمن ينشرون الصور الكذابة لكسب معركة خاسرة
ولمن يلفقون التهم الباطلة لحكسب جولة فاسدة البداية وخائبة النهاية وتعود عليهم بالخزي والنكاية

هؤلاء ليس لهم سقف للكذب والضحك على الأخرين وتهكير موقع لرمي التهمة بخصومهم يعد في حقهم منهجاً ومسلكاً متاحاً ومستباحاً

وصاحب العقل يميّز

اسمع يا سيد انت
الاساءة ما بقروش ولو عاوز تبتدئ مشروع بتاع اساءات من الان اعتبر انك سكتني لن انزل لمستواك
نعم انت تدافع عن الباطل وتدافع عن الحكومة وبوستاتك كلها عن الحكومة وتساندها ودي ما عاوزه ليها فهامة صينية كويس؟

انت كوز لا يدري انه كوز ....
يمكنك وصفي بالهرف والغباء وهزالة التفكير (بس بالغت شوية في دي ياخ انا بفك الخط عربي وكم لغة كدة ) وانا احاول اقصاءك بمحاولات سفيهة ولكنك تبقي في نظري ونظر الكثيرين من القراء واعضاء المنبر تدافع عن الباطل فهمت ام لم تفهم متروك لك .

وبعدين

Quote: فكم هو سهل أن اصفك بالشيوعي وغيرها من الأوصاف الغير كريمة

اول مرة اعرف انو الشيوعين اوصاف غير كريمة .

نعم أنا اسمعك بني وأخاطبك

Quote: نعم انت تدافع عن الباطل وتدافع عن الحكومة وبوستاتك كلها عن الحكومة وتساندها ودي ما عاوزه ليها فهامة صينية كويس؟

هذا فهمك ولست ملزم بتبنيه أو القبول به ولكنه يبقى في خاتمة الأمر ونصابه تخميناً لا تقريراً وجهلاً لا علماً وهو في موسوع كل دابة وهامة
وسنظل نسطر كلماتنا في هذا المنبر بعزّة نفس وكبرياء وآنفة رغم سفاهة السفهاء وجهل الأغبياء
أعبّر عن رايي لا يأخذني في طرحه لومة لا ئم ولا تهريف حالم

Quote: انت كوز لا يدري انه كوز ....

هل تظن أنّنا سنصفق لك هذا الكشف العظيم ونهتف بحياتك الابدية وبذكائك المتقد

ارمي بتهمك وتلفيقاتك وكذبك عليّ كما شئت فإنّك لن تبلغ شأني طولا ولا تثني شعرة من عزتي بنفسي وقوة عزيمتي لأكون أنا لا أن أكون ما يريده لي الأخرين أن أكون, ولا أن يصفّق لي الأخرون بالحبو تحت أقدامهم والتطبيل لنضالاتهم السايبرية

Quote: اول مرة اعرف انو الشيوعين اوصاف غير كريمة .

هاهنا حق لفرانكلي أن يمد رجليه منتعلتين حذائه القديم

سلام

Quote: بتهمك وتلفيقاتك وكذبك عليّ كما شئت فإنّك لن تبلغ شأني طولا ولا تثني شعرة من عزتي بنفسي وقوة عزيمتي لأكون أنا لا أن أكون ما يريده لي الأخرين أن أكون, ولا أن يصفّق لي الأخرون بالحبو تحت أقدامهم والتطبيل لنضالاتهم السايبرية

والله انت راجل غريب...

Quote: أعبّر عن رايي لا يأخذني في طرحه لومة لا ئم ولا تهريف حالم

في دي العيب عداك خليك في اوهامك دي يرحمكم الله لكن لكل بداية نهاية (لو ) لا تدري ....

فرانكلي وأسامة محمد انتما أخوين عزيزين لكما الود وصاحبة البوست كذلك
رجاء كفا عن هذا ودعا الموضوع البوست يجرى مجراه كما أريد له ..
............
يمكنكما فتح نافذة مختلفة لمتابعة الدواس ..

الاخ طلحة لك الشكر
لكن ما ممكن الواحد يديك كف ويجي يقول ليك لا انت كفته نفسك براك .... يعني شنو يعني خلينا ليهم البلد كلها وطرنا منها ساكننا في الانترنت ويرسلو لينا ناس بي وهمات عجيبة كدة؟؟؟؟؟ خليهم يحترمو حبة العقل الفضلت لينا في راسنا .....

ابشرك لست ممن يحبون السباب والشتم ولكني استغرب لقوة عينه واصراره على انه لا يدعم خط الحكومة التي اتت بالباطل وتفعل في الباطل وهو يسبح بحمدها ويمجدها ليل نهار ....

على العموم ادي مرقة وشكرا لك اخ طلحة لتنبيهي ...

الأخ طلحة تعلم معزتك عندي وتقديري لك
ولكن مثل هذه الجهلات يجب تسميتها باسمها وفضح اساليبها وعجز منطقها وضعف حجتها

أنا أحاوره بأدب الحوار وهو يحاول أن يتراوغ بالسباب والتهم الباطلة التي لايقوى عليها دليلاً

أنا لا أخاف تهمه السخيفة والمضحكة والمكرورة في هذا المنبر ولكن افضح فكره ومنهجه في الحوار والنقاش

تحية طيبة تقدير

Quote: والله انت راجل غريب...

هذا ليس بمستغرب من شخص كحالتك الماثلة أمامنا هنا
افلاسك عن الرد على ما سقناه من تفنيد جعلتك في حيرة من امرك فلم تستطع غير الستغراب وحك الراس وفركه
ما تراه أنت أحلام لك هو في حالتنا واقع معاش
أنت تحلم بالاستقلالية وأنت تكون أنت وأنا أعيش الاستقلالية واقعاً لا مجازاً ولا حلماً

أقول كلماتي في هذا المنبر وافقك هوى في نفس المعارضة فبها وافقت هوى في نفس الكيزان فبها غير أنّها تعبّر عني وعن فكري وعقيدتي وهذا يكفيني يقيناً ويرويني عزة وكرامة

شاء من شاء وأبى من أبى

الحملة على الاسافير شعواء تقودها صحف المؤتمر اوطني بقيادة الهندي عزالدين وعدد من المنتفعين المنتفخين أما سودانيز اون لاين فهو ضالتهم الكبرى وبعبعهم الاول ومنبرهم الاول ايضا ينامون به ويستيقظون عليه تدميره او تهكيره رغبة ظلت تراودهم دوما الخوف من الكيبوردات اورثته لهم الثورة المصرية لكنها مصر رغم تعدد منابرها الاسفيرية لا تملك منبرا بمواصفات منبرنا سودانيزاون لاين وقدراته وبرغم ذلك اشعلت الكيبوردات ثورة مصر النموزج عبر التويتر والفيس بوك فكيف لهذه المنابر التي تعج بالثورة فكر وقدرات عليه يجب المحافظة على المنابر كما المحافظة على الارواح

Quote: افلاسك عن الرد على ما سقناه من تفنيد جعلتك في حيرة من امرك فلم تستطع غير الستغراب وحك الراس وفركه

وانت قلت شنو يا هداك الله ؟ الشتيمة والسباب ولا وصف الشيوعين بانهم (صفات غير كريمة ) ؟؟؟ كتبت كتاب يا ربي ولا لا مقال ولا رديت على دراسة ولا عملت شنو بالضبط لانو بالجد حا تحيرني وتخليني افرك الصلعة ( اصلو انا ما عندي راس احكه) اوع تكون انك مفتكر انك بتكتب ومفروض الناس ترد ليك ؟

Quote: وانت قلت شنو يا هداك الله ؟ الشتيمة والسباب ولا وصف الشيوعين بانهم (صفات غير كريمة ) ؟؟؟ كتبت كتاب يا ربي ولا لا مقال ولا رديت على دراسة ولا عملت شنو بالضبط لانو بالجد حا تحيرني وتخليني افرك الصلعة ( اصلو انا ما عندي راس احكه) اوع تكون انك مفتكر انك بتكتب ومفروض الناس ترد ليك ؟

هذا افلاس واضج وبيّن
هب أنّقلت أنّ الشيوعيين بأّنها صفة غير كريمة ما هو تفنيدك لهذا القول؟

هل تستطيع المواجهة والحوار بالأدب ام أنّك ستعرض إلى السباب والشتيمة والتلفيق والكذب؟؟

هذا يحتاج لجواب حتى يفهم القارئ كيف يفكّر من هم أمثالك مدعي النضال ومتوهمي الاستبسال

يهداك الله اشحذ فكرك وناقش بعقلية ودع عنك العاطفية والسطحية في تناول المكتوب وفهم المسطور

اقول حاجة يا فرانكلي
انت زول خطر والشيوعيين صفات غير كريمة وانامفلس وانا بسب وبشتم ( وريني ليها لو سمحت ولو قاصد كوز اول مرة برضو اعرف انو الزول لمن يقولولو كوز بكونو نبزوهو) ما بعرف اناقش ومدعي نضال واستبسال وسطحي وعاطفي في تناول الامور والقارئ الكريم عرف الحاجة دي...