Post: #1
Title: test test
Author: ALazhary2
Date: 07-15-2011, 05:13 PM
Parent: #0
.
.
سلام ياأخوان وأخوات ، سلام يازملاء وزميلات ، سلام ياأشقاء وشقيقات ،سلام ياأحباب و (ماعارف ناس حزب الأمة بيخاطبوا المرأة بشنو في الحزب لكن حبيبات ما جاية صراحة) سلام ياناس الحوش .
دي أول تجربة لدخول الموقع عن طريق (كتاب الوجه)
لي أربعة أيام كايس لي سودانيزأونلاين مالاقيه.
هسع بالصدفة دخلت من مقهى إنترنت لقيت زول ناسي الفيسبوك حقه فاتح وكسح، سويت سيرش في الموقع طلع المنبر العام .
سؤال مهم جداً يجدع نفسه : هل يتوجب علي فتح حساب خاص في الفيسبوك للدخول أم يمكنني الدخول عن طريق حفظ رابط المنبر دون الحاجة للفيسبوك؟
تحياتي للجميع وأمنياتي بعودة الموقع في أسرع وقت .
.
.
|
Post: #2
Title: Re: test test
Author: عمار عبدالله عبدالرحمن
Date: 07-15-2011, 05:19 PM
Parent: #1
انا جيت خاشي من قوقل ,,,,
|
Post: #4
Title: Re: test test
Author: الرفاعي عبدالعاطي حجر
Date: 07-15-2011, 05:39 PM
Parent: #3
ناس حزب الامة بقولوا لبناتم اميرات
من الاميرة لنا وحتى المولودة اليوم ستجدهن
اميرات بحق وحقيقة ... تحياتي يا شقيق.
.............................................حجر.
|
Post: #5
Title: Re: test test
Author: sumah
Date: 07-19-2011, 07:18 AM
Parent: #4
***
**
*
Re: test test
الازهرى يا صديقى
جابنى صوت المكرفون هوايد الليل ما ليل اسع الليل الزمان
الليل كان الذى كان يبدأ بعد الساعة 12PM والهوا
يفلحك بنفخة مكرفون أفففــــــــــــــــــف
test testtest test
توقف حالك تخليك هناك نتقلب على لظى عدم المعرفة فالربه
دى ناس بلبل ابو السعود وكار دقل ما جابوا لينا خبرها
واكلوا معانا الباسطة والزبادى قبل شويه
فى محل اليسع وإدردقو للبيوت ..
يعنى الليلة دى حكايتهم حتكون حكايه لو النسيم
المارى هابى ده جاب ليهم الانا سمعتو ده
test testtest test
وما حيرفوا بكره يودوا وشهم ويين مننا
فسوف ننتزع منهم اللقب قاعدين فى الحى ده وما شافوا
لاعربية التلج ولا لورى افراح الشمالية..
ولا الصيوان عرفوا مدقوق ويين
لاكلمهم بتاع الفرن ولاحسن تفاحة الطباخ يبقوا بعد كده
حقهم راح وقيامتهم قامت كار دقل الشابكنا
انا الطول ليلى كايس انا المشك ###### المرايس
مرايس ويين يا عمك وناس
ناس قنبر فضلوا لينا حاجة
يعنى ببساطة كده العمدة اخر من يعلم
والازهرى هنا كرت الدعوة نحن المهمشيين وصلنا
انت ما وصلك..
بس العتبى على ساعى البريد
لانو انا متاكد انوالهادى الضلالى لايمكن
أن يكون ما طراك فى كتابة الكروت حتى قالوا بالاماره
قال ناس المخازن والمهمات ديل خلوهم بكره نجيب كشفهم من الازهرى
يعنى لازم تقوم تلبس وتلع الان فما زال الليل طفل يحبو.
الازهرى
لك ودى من غير حدود
وكويس الجابك لينا صوت المكرفون
الشايلو النسيم
فى الليل يوشوش فى الخمايل
هش الزهر بكت الورود
سالت مشاعر الناس جداول
رجع البلد
والليلة يادوب العيون سهرن هجد
اسع قال الهوا بقى بس ترابى وكتاحة ساى
وشايل اكياس البلاستيك القذرة
انا جيت قبل يوميين من الهكره دى
جابنى الشديد القوى..
ملاحظة
حدث شى غريب اذهلنى:
والله حيرناحارس الفضيله بتاع بكرى ده
عملت شاهده قبل نشره تجنبا لانفلاتات الكى بورد
وجدناه عامل لينا شبكة الطيب مصطفى بتاع التلفزيون
لعنة الله تغشاه فى الدارين
فى كلمتين الاولى الظاهره اعلاه وليس لها بديل
والتانية نعمل شنو
غيرناها الى كلمة القذرة
ده شنو ده يا بكرى ابوبكر
....
سكلتك الالهة
ما تتخيل جيت شايلنى الم مر
بان ما اصاب هذا المكان
ما هو الا رجس من عمل الشيطان
وقلت لنفسى اخوك فى الحارة لازم تقيف معاة
وذى ماحملنا هذا الموقع وهنن على وهن
وهو طفل يحبو
لازم نرجع تانى ذى اول ونكتب فيهو
ولكن يا خساره
....
...
لكن هذا الذى حدث
شبكة الفضيلة هذه
جعلتنى اعيد البصر كرتين
وارجع اتحسر على ما آل اليه حالنا
صحيح ان ما أصاب الوطن لم ياتى من عدم.
*
**
***
|
Post: #6
Title: Re: test test
Author: sumah
Date: 08-06-2011, 10:02 PM
Parent: #5
***
**
*
ليه كده يا الازهرى
ليه يارافع العلم
*
**
***
|
Post: #7
Title: Re: test test
Author: عمار عبدالله عبدالرحمن
Date: 08-06-2011, 10:05 PM
Parent: #6
الازهري طش شبكه ,,,,
|
Post: #8
Title: Re: test test
Author: حيدر حسن ميرغني
Date: 08-06-2011, 10:22 PM
Parent: #7
يامراحب بأزهرينا
ليك وحشة
لعن الله الهكر
|
Post: #9
Title: Re: test test
Author: khaleel
Date: 08-07-2011, 10:08 AM
Parent: #8
MUSHTAGEEN
|
Post: #10
Title: Re: test test
Author: طارق جبريل
Date: 08-07-2011, 10:21 AM
Parent: #9
يا زول انت حي
رمضان كريم ياخي
|
Post: #11
Title: Re: test test
Author: ذواليد سليمان مصطفى
Date: 08-07-2011, 11:33 AM
Parent: #10
يالازهري
جابني صوت المايكرفون
مفتكر في حولية
|
Post: #12
Title: Re: test test
Author: ALazhary2
Date: 08-08-2011, 11:23 AM
Parent: #11
.
.
الإخوة الأفاضل والزملاء الأعزاء
لكم جزيل الشكر على تفضلكم بزيارة بوست (test)الذي كتبته إبان الهجمة الهكرية على وطننا الإسفيري سودانيزأونلاين حيث فقدت بعدها الباسوورد حتى تلطف الأخ أمين خال حمور بالكتابة للريس بكري يٌعلمه بذلك فبادر بتزويدي بباسوورد جديد في ذات الليلة فله ولأمين فائق التقدير .
الأخ الكريم ناصر : طلعت من زمان من حساب الزول أصلاً دخولي كان دون قصد ،لك الشكر يازميل .
الأخ الكريم الرفاعي شكراً على الطلة وكمان يازول طلعنا قرايب لكن في فمي ماء .
الأخ العزيز والصديق القريب سمعة
أول حاجة ياخي رمضان كريم وكل سنة وانت طيب وأهلك وحبانك طيبين ، وتاني حاجة العتب حاصل (إنما يعاتب من تٌرجى مودته) ياخي وين الناس انت أكتر زول بغيب عن المنبر مابنشوفك إلا كل كم سنة مرة بقيت (مٌذنب سمعة عديل كدة) على وزن (مٌذنب هالي) ، كل الناس مشغولة في الغربة لكن مابنخلي سودانيز اونلاين على الأقل نشارك مرة في الشهر أو مرتين.
ياخي أنا كان عارف صوت المكروفون بجيبك كان من زمان عملت حولية كل شهر مرة (ياربي بهم وبآلهم عجل بالنصر وبالفرج) و(وصلاة في سلامِ على غوث الأنام)
ياسمعة ياحبيب القلوب شواهد ويشهد الله على ما في القلب لكم من مودة صادقة ومحبة غامرة أسأل الله تعالى أن تسمو بنا إلى ظلال عرش الرحمن يوم تشقق الأرض بالغمام ونُزل الملائكة تنزيلا ، وببركة هذا الشهر الفضيل أسأل الله لك ولمن تحب أن يملأك عافية وأن يبسط لك في الرزق وأن يدخلك في كل خير أدخل فيه محمداً وآله الطاهرين وأن يخرجك من كل شر أخرج منه محمداً وآله الطيبين.
بالمناسبة نملية بكري دي### مدعاة لسوء الظن في الكاتب وفي كثير من الأحيان تصد هذه النملية كلمات بريئة لكن الحوش حوشه ونحن ضيوفه،فله الشكر ودعواتنا له بالتوفيق في إدارة السودان الإسفيري .
ياحبيب عليك الله ماتغيب وخليك قريب وتقبل خالص الود .
الأخ الكريم عمار : كنا طاشين لكن اهتدينا 
الأخ العزيز أستاذنا حيدر : لك جزيل الشكر على التحية الجميلة ،وتقبل خالص المودة .
أخي الحبيب خليل : وأنا أكثر ياصديقي
ود عمي أستاذنا طارق جبريل : كل سنة وانت طيب ياجميل وربنا يملاك عافية،وتقبل خالص الشكر وفائق التقدير ( ياود عمي ياخي ماتشوف لينا عروس من بلاد العرش العلوي المجيد خلاص فاضل لينا كم سنة كده والقطر يفوت)
الأخ الكريم ذو اليد : صوت المكرفون ده جاب لي الكفوة بعديه طوالي الباسورد طار 
الف شكر على الجية وحبابك عشرة ، وتقبل الله أعمالك في الشهر الفضيل .
للجميع أكرر الشكر والتقدير ورمضان كريم
.
.
|
Post: #13
Title: Re: test test
Author: ادم الهلباوى
Date: 08-08-2011, 03:25 PM
Parent: #12
Re: test test
يا جماعة إنتو عندكم
ندوة وله حفلة ؟!
كل عام وأنتم بخير
..
|
Post: #14
Title: Re: test test
Author: د.نجاة محمود
Date: 08-08-2011, 06:31 PM
اوووووووووووووو الازهري
والله افتقدناك يا اديب يا اريب
رمضان كريم وتصوم وتفطر مع من تحب على احسن خال
|
Post: #16
Title: Re: test test
Author: ALazhary2
Date: 08-09-2011, 01:50 AM
Parent: #14
.
.
أستاذتنا الغالية د. بيان
كل عام وأنتم بخير ياطيبة الأصل .
ربنا يملاك عافية ومن تحبين ويديم عليكم النعم ظاهرة وباطنة بجاه من بيته في طيبة حرم صلى الله عليه وآله وسلم .
أسعدتني هذه الطلة الكريمة ، فلكم الشكر أجزله والثناء أوفره على هذا اللطف الأخوي النبيل .
لك خالص التحية والتقدير ورمضان كريم .
.
.
|
Post: #15
Title: Re: test test
Author: ALazhary2
Date: 08-09-2011, 01:47 AM
.
.
الأخ الزميل آدم هلباوي
كل سنة وانت طيب ياعزيزي وربنا يتقبل أعمالك ، لك خالص التحية والتقدير
.
.
|
Post: #17
Title: Re: test test
Author: عادل نجيلة
Date: 08-12-2011, 10:33 AM
Parent: #15
هلا العزيز أبو الزهور ..
رمضان كريم or Happy Ramadan بالأمريكي
بهذا ال test نتوقع ظهورك بكل ماهو مثير وأعني التاريخ ووقائعه..
ودمت.
|
|