خطوه.. خطوه .. كيف تحل مشكلة الهاكينق

سلامات يا شباب
الظاهر المنبر حاصل ليهو هاكينق
أو بالأصح
الهاكينق حاصل فى أجهزة المستخدمين أو المتصفحين
بي تحويل ال DNS Lookup
لما الواحد يحاول يدخل لي sudaneseonline.com
بيقوم الجهاز بيحول domain address أى بي تاني لموقع فيهو محتويات مختلفه
هنا حاديكم الخطوات
كيف الناس تحل المشكله دى
خطوه خطوه
و هى خطوات بسيطه جدا
أى زول ممكن يقدر يحلها و لو كان مستخدم عادى
و أنا جربتها مع كم زول و إشتغلت تمام التمام
و ممكن الناس ترسله بي الإيميل للناس الما قادره تدخل
و يلا إيد علي إيد


I Support open web

كل الفكره
قايمه علي الآتي:

عشان سودانيزاونلاين تفتح معاك
المفروض جهازك يقرا من الآي بي آدرس
174.36.244.211

الهكر بيقوم بيخلي جهازك لما تفتح سودانيزاونلاين يمشي يقرا محتويات الموقع الموجود علي الآى بي آدرس
208.73.210.48

الحل بسيط

حنقوم نعمل Force للجهاز إنو ياخ
لما تفتح سودانيزاونلاين دوت كوم انسي أى أمر آخر و أمشي علي الأى بي الصحيح ده

174.36.244.211

معليش يا شباب
بحاول أرفع الصور التوضيحيه لكن الظاهر بكرى قافل عملية تحميل الصور
حارفعه علي موقع تاني و بجيكم راجع سريع
خلال ساعات لازم كل الناس تقدر تتصفح المنبر ده تاني و نحدده مع الهكر ############ ده
كل الحنحتاجو منكم إنو تنشروا الطريقه دى بالإيميلات و الفيسبوك للجميع

I Support Open Web

الخطوه الأولي:

اذا جهازك نازل فيهو Windows XP أمشى للمسار C:\WINDOWS\system32\drivers\etc
و حتلقى فايل اسمو hosts
أعمل عليهو Right Click
و إختار Open
حتفتح معاك شاشه صغيره مكتوب عليها Open With
إختار منها Notepad
كده الفايل فتح معاك
و دى الخطوه الأولي

اذا جهازك شغال بي أى ويدوز تاني أمشي فتش الفايل ده قاعد وين و أفتحو بي نفس الطريقه و تابع معانا الخطوات الجايه

لما الفايل يفتح معاك
أمشي لي نهاية الملف
حتلقى الآتي
127.0.0.1 localhost
تأكد إنو لا يوجد أى آي بي أدرس تاني غير الموجود ده
و إذا فى إى آى بي تاني أمسحو
و تحت ال 127
تحتها مباشره
أضف الآتي
174.36.244.211 sudaneseonline.com

كما مبين فى الصوره بالضبط
أكرر تأكد إنو محتويات الفايل ده بالضبط كما هى بالصوره
لأنو ده الأساس
اذا فى أى غلط فى الفايل ده المنبر ما حيشتغل معاك للأبد

كده الخطوه الأولي إنتهت

باقي خطوه واحده

ممكن الزول يعمل رستارت لي جهازو عشان الجهاز يقرا المعلومات الجديده ده و المنبر يشتغل معاك
لكن برضو فى بعض المرات
الجهاز بيعمل كاشينق فافضل نعمل الخطوه التانيه مانيوال

أفتح ال Service كالاتى

دوس
ٍStart
بعدها دوس
Control Panel
بعدها
دوس دبل كليك
Administrative Tools
بعدها
دوس دبل كليك
Services

كما مبين فى الخطاوات التاليه

حتفتح معاك صفحه
فتش علي الشمال عن حاجه إسمها
DNS Client
أقيف علي السطر ده
إتأكد إنو ال Startup Type قصاده مكتوب عليهو Automatic
و دوس Right Click
و إختار
Restart

إنتظر مسافه
إتأكد إنو ال Status مكتوب عليها Started

كده إنته جاهز

أمشي أفتح المنبر و حيشتغل معاك بإذن الله

اذا ما إشتغل معاك
الرجاء التأكد من محتويات فايل الهوست
و عمل رستارت لل دى إن أس سيرفس

كده الموضوع إنتهى الرجاء النشر

كدا تمام .. شكراً يا عمو

سلام يا ناصر
غيرت زي ما قلت بس الفايل لما اعمل حفظ بديني رسالة access denied مع اني داخل بصلاحية ادمن
استعمل وندوز 7 مع انترنت اكسلبورر

انا دلوقت داخل عن طريق الاي بي بدل اسم سودانيزاون لاين

شكلك مضروب يا حبيب
داخل Administrator
لكن صلاحياتك علي الجهاز محدوده
بخصوص الويندوز7
أدخل الرابط التالي و فيهو تعديلات علي الريجيسترى من الأفضل إنك تعمله

http://winhelp2002.mvps.org/hosts.htm

U R Wellcome ya Mallasi

بالأضافة لكلام محمد إبراهيم؛ فإنه لا يمكن دخول البوستات إلا بالنقر على آخر مداخلة!!

ثم قراءة البوست كسلسلة!

Quote: بالأضافة لكلام محمد إبراهيم؛ فإنه لا يمكن دخول البوستات إلا بالنقر على آخر مداخلة!!

دى جديده
مبدئيا شكلها تبع بكرى فى السيرفر لكن خلينا نبحت و نشوف
إنشاء الله, الله يقدرنا نعمل حاجه

بس الحل بتاعك ده كويس جدا يا ملاسي حاليا

أنا شخصيا حاليا بقرأ عادى و بدون آب بي آدرس و ما عندى المشكله دى

شُكراً ناصر .. ومعاً حتى يعود المنبر كما كان

تسلم يا عبد اللطيف
و إنشاء الله يكون بوست الناس تقدر تستفيد منو

دخلت بطريقة اخرى وهي كالاتي
فتحت النوت باد اول
right click then select run as admin
ومن داخل النوت باد مشيت فتحت الهوست فايل وغيرت فيهو
وعملت حفظ
في الوندوز 7 لازم تحدد انك داخل كادمن حتى يديك صلاحية تغيير

طبعا برضو استل في مشكلة وهي فتح البوستات

ده كلام جميل
للناس الشغاله بي ويندوز سفن

لك التحية أخي ناصر ... وتشكر على الشرح الجميل ...

ولديّ طريقة فكّرت فيها الآن أتمنى من الأخ بكري تطبيقها وهي كالآتي:-

الذهاب إلى إدارة الموجهات من السي بانل وعمل توجيه دائم إلى رابط صفحة الموقع الرئيسية حسب الرابط التالي:-

http://174.36.244.211/arabic/

وإذا لم ينجح الرابط أعلاه في التوجيه مع صفحة المنبر ... أقترح عليه في الوضع الراهن إعادة توجيه دائم إلى رابط صفحة المنبر حسب الرابط التالي:-

http://174.36.244.211/cgi-bin/sdb/2bb.cgi?board=340

انتهى .........
ـــــــــــــــــــــــــــــــــ

ويمكن عمل إعادة التوجيه لصفحة الموقع الرئيسية بطريقة أخرى عن طريق عمل ملف .htaccess

ولعمل ذلك يتم إنشاء مستند نصي على سطح المكتب وحفظه بأي اسم وإضافة التالي فيه:-

RewriteCond %{HTTP_HOST} ^.*$
RewriteRule ^/?$ "http\:\/\/174.36.244.211\/arabic/" [R=301,L]

وحفظه وإغلاقه ورفعه إلى مجلد الموقع www ...
بعد رفعه تتم إعادة تسميته إلى .htaccess

النقطة ضرورية لا بد منها

.htaccess

وفي حال وجود الملف .htaccess يُضاف الكود أعلاه في أي مكان فيه (يفضّل أوله) ...

وهو بالطبع حل مؤقت أتمنى أن ينجح معه ...



ولكم كل الود والتقدير ،،،


ــــــــــــــــــ

تم حذفها حيث أنها مرتبطة بشرح الأخ ناصر ...



ــــــــــ

تسلم يا صبري
و كلنا بكرى

I Support Open Web

تمّ حذفها حيث أنها مرتبطة بشرح الأخ ناصر ...



ــــــــــ

أسهل حل يا شباب
ترسلو الرابط أدناه للناس و تخلوهم يدخلوا تووووش بي الآي بي

http://174.36.244.211/arabic

أخونا ناصر شرحك حيضبط 100% لو أضفنا سطر آخر على أن يشتمل على www

نضيف السطر الأول

174.36.244.211 sudaneseonline.com


ونضيف أسفله السطر الثاني المشتمل على www كالتالي:-

174.36.244.211 www.sudaneseonline.com

وكما أسلفت أنت يتم إضافتهما آخر الملف hosts



ولك كل الود والتقدير ،،،


ــــــــــــ

فعلا يا شباب
أنا غيرته الإنترنت الكنته داخل بيها
و حاليا داخل من USB Internet
وواجهتني نفس المشكله تاني

فزى ما قال صبري كحل نهائي
ضيفوا للفايل سطر بيشمل www كالاتى


174.36.244.211 www.sudaneseonline.com

يعني الشكل النهائي للفايل حيكون زى ما ظاهر أدناه فى الصورد التوضيحية

و ما تنسوا تعملوا رستارت لل DNS Service تاني عشان الجهاز ياخد القيم الجديده أو أعمل رستارت للكمبيوتر




يلا تمنياتنا بمتابعه ممتعه و مداخلات تثرى المنبر
و مزيدا من التقدم يا بكرى
و إصبع فى عين كل كوز
و حريه حدها للسما

يا شباب
اذا داخلين من Network ما بتحتاجو لي www
لأنو بيكون فى DNS بيدعم جهازكم
زى وضعى القبيل
لكن اذا داخلين بي صوره Personal أو USB Internet as example
لازم تضعوا السطر التاني بتاع ال www

و أرسلوا البوست ده عن طريق الآى بي لكل الناس الما قادره تدخل
عشان يدخلوا و يحلوا مشكلتم سريع
عن طريق نسخ الرابط أدناه و إرساله لهم فى الإيميل, تويتر, فيسبوك, مسنجر أو أى طريقة مراسله أخرى


http://174.36.244.211/cgi-bin/sdb/2bb.cgi?seq...d=340&msg=1310550477

برضو من الأفضل الناس تعمل Delete لكل ال Cookies و ال History و ال Passwords login المخزنه علي أجهزتم
بإتباع الخطوات التاليه

أفتح الإكسبلورر
أضغط علي Toold
بعدها إختار
Internet Option



حتفتح معاك شاشه جديد
إختار منها Delete



حتفتح معاك شاشع تالته إتأكد من إنو كل الخيارات معمول عليها صاح
إختار Delete




و إنتظر لبعض الوقت حتى تنتهى العمليه
و أقفل كل صفحات الويب المفتوحه
و أفتح صفحه جديده و إتصفخ الان

حالوا يا شباب
الناs تدخل دائما كالاتى

http://sudaneseonline.com

سلام يا بطل ويا صبري
وشكرا على الدعم المقدر

تسلم يا محمد
و كلنا بكري

كدا تمام الحمد لله استطعت دخول المنبر

شكر ناصر البطل وشكرا لصاحب البوست وجميع المشاركين

شكرًا يا بقال
و معا من اجل سودانيزاونلاين

Up

يا صبري وناصر
ياخ علبنا ندخل

يا حبيب مشكور على المجهود

ياخ الخطوه التانيه دى ابت تلفق كلو كلو

كدى براحه كدا ، كررها مبسطه وميسره

وكلنا بكرى

تحياتى

شكراً يا ناصر

تمام كدا ومزيد من الحلول

إن شاء الله سنساهم في نشرها لعودة الجميع وعودة القراء

بعد إذنك قمت برفع الموضوع في الفيس بوك للأصدقاء والزملاء

تسلم يا عبد العزيز
و البوست بوستيك
وزع زى ما انت عاوز
و نلعم لحرية الراى و الفكر
و كلنا بكرى

I Support Open Web
I Support Open Web
I Support Open Web
I Support Open Web
I Support Open Web
I Support Open Web
I Support Open Web

أبو الخلد مرحب بيك
الخطوه التانيه كالاتى

أعمل Restart لي جهازك أو أقفلو و أفتحو
اذا ما إشتغل معاك حاول مره تانيه لأنو بعد مرات الجهاز بيكون حافظ ال Settting و ما بتتغير من أول مره, عمليه بسموها كاشينق

أو أمشي كالاتى
Start
Control Panel
Administrative Tools
Services

فتش عن سطر مكتوب عليهو DNS Client
دوس عليهو بالزر اليمين للماوس
و إختار Restart

الإعدادات دى يا حبيب ميه ميه علي الضمان
أسه أخوك شغال زى الما حاصل حاجه
لا آي بي لا هكر لا كلام فارغ

لا شكر يا ناصر

دا واجبكم ورد الجميل لبكري والوقوف معاه في اللحظات دي واجب

غايتو نحاول قدر ما يمكن وندعي الله أن يصبرة ويثبت أجر أجتهادة





-----------
أسمع شوف لينا طريقة تخلي دينق ما يخش نهائي ولو لقيت ليك باتش كويس كدا رسله ليه يعفصه تاني ما يدخل هنا كل ما يحاول المنبر العام يلقى نفسه في جوبا أقول ليك حاجة خت ليه باتش يوديهو أبيي عديل

سحقاً لخفافيش الظـــــــــــــــــــــــــلام ...

تسلم أخي ناصـــــــــــــــر

تشكر علي المرور يا نصرالدين

مرحب بيك يا فاروق

UP

I Support Open Web

هلا ياناصر ومشكور ياخي

والشكر موصول للأخوان الأمين البشاري ووائل الفحل

بس التواجد في البورد بشكلو الحالي ما فيه خطورة على الأجهزة

والبيانات الفيها؟

بمعنى تاني

المساحة الهسة شغالين فيها دي

تحت سيطرة بكري ولا الهكر ؟

شكرا يا بطل

تسلم يا nabielo

كلنا بكرى

و معا من اجل حرية الكلمة

up

شكرًا ياسر

كلنا بكرى

و جاهل من ظن انه سيقف فى وجه التكنلوجيا الممتد

و حريه حدها للسما

و الله يا حمد
الاجابه معقده شويه
لكن باختصار مادام انت هنا فى منبر بكري الشكلو بنى ده و تصميمو شين و مميز و عامل كيف كيف
فانت معناها فى مساحة تحت السيطره

أجابه بتفاصيل اكتر
للناس الحابه تعرف المزيد
الهاكينق حاصل على مستوى اسم الموقع او ال DNS
الخاص بتحويل الاى بي او رقم سيوفر الموقع لى اسم
لانو زى ما شايف التعامل مع الرقم صعب جددا عشان كده دائماً بيكون فى اسم مقابل للرقم
يعنى معروف فى الانترنت لما تكتب sudaneseonline.com
الكمبيوتر ما بفهم كده بفهم زيرو ون أوأرقام بس ف
على طول ده بتم ترجمتو لى 174.36.244.211
و ده رقم سيرفر بكري
اها
الهاكينق الحاصل حاليا
الزول ده قام عدل فى تحويل الترجمه ده
لما تكتب sudaneseonline.com
بيقوم بوديك لي سيرفر تانى رقمو

فعشان كده
لما تكتب sudaneseonline.com
بدل ما تدخل لى بكرى فى سيرفرو بتمشي تشوف صفحة تانيه فى سيرفر تاني
لكن للضمان كده
مادام ما انت اسه بتقرا فى كلامى ده
فمعناها انت فى سيرفر بكري و فى السليم
و ما عندك مشكله
فى حاجه تانيه برضو
دائماً ال database بتشتغل فى layer منفصل من ال operating system
و بيكون عندها اكسس خاص بيها
يعنى عادى جداً ممكن تدخل جهاز
و ما تقدر تدخل على ال database الموجوده فيهو اذا انت ما عارف معلومات الدخول ليها كيف
فيا حييب
الموضوع هنا اكتر زول ممكن يفتى فيهو هو بكري
لانو هو عارف ال backend setup شكلو كيف
نحنا من ناحيه أخلاق مهنه ما بنحاول نبحت عشان نعرف بكرى عامل شنو
المهم
الموضوع ده ويتوقف على الاتى
هل بكرى عندى سيرفر خاص بيهو ولا مشتري مساحه فى سيرفر و عامل هوستينق فيها
و هل بكري end administrator عندو كونتول بانل بس يتحكم بيها فى الموقع فقط
او بكري عندو خدمة domain hosting and seller
هنا بتقدر نعرف
هل الهاكينق حاصل فى سيرفر بكري
ولا حاصل للسيرفر الفيهو ال دى ان إس و ال MX Record بتاع بكري
لكن
من الشايفو قدامى اسه
الهاكر اخترق الdomain وما مخترق السيرفر
و كل العاملو سطر واحد او سطرين زى الكاتبهم أنا فوق فى بداية البوست
عشان يحول الدومين من سيرفر لى سيرفر
و على الأرجح
انو الMX record موجود فى سيرفر مختلف من سيرفر الموقع
لانو
اذا كان الهكر وصل السيرفر
كان ببساطه جداً ممكن يوقف الموقع
و ما كان نحنا حاليا موجودين هنا
يعنى ممكن يدخل السيرفر وما يقطر يصل لقاعدة البيانات
لكن ممكن يوقفه بي تحويل مسار ال دلتا فايل او إيقاف ال service بتاعت ال apache
او او او
حاجه اخيره 
ممكن تكون الناس عاوزه تعرفه
و هى
كيف الهكر اساسا وصل للمعلومات
الاجابه كالاتى
دى حاجه عاديه جداً
ممكن تحصل لى اى دومين بتاع اى شركه
و حصلت لى تويتر و الموقع وقف قبل كده
السرقه بتم دائماً عن طريق معرفه معلومات ال email account مثلا
او إرسال رساله فيها برنامج لما تفتحو يسرق بعض المعلومات الخاصه بالدومين
او بتجميع بيانات الكاشينق الموجوده في الجهاز
او الدخول بي default account يكون ناسينو ما مغيرين ليهو الخصائص
او طرق كثيره اخري
البقدر اقولو ليكم و الله اعلم
مادام ما نحنا داخل المنطقه اللونه بنى هنا
معناها نحنا فى السيرفر الصاح
و نحن فى أمان
لحدى بكري ما يجى يفتينا اكتر




I support open web

UP

من اجل حق الاخرين فى الكتابه هنا

و من اجل حرية التعبير

UP

We are moving forward& on the right track

يا حبيب لك التحية..
شكراً ناصر البطل
وصلت الرسالة بقائمتي بلايميل بتفاصيلها.. حتي باختصارك وود البشاري
لكن الناس متخوفة ليه ما عارف؟؟
ـــ
عاوزيين كلام علمي كدة ودراسة كدة تفك الناس من هاجس انه الهكر دا عبارة عن سوبر مان
عارف يا ناصر العيب الاوحد هو تضخيم الهاكرز - والدعاية بتاعهم بانهم شئ فوق الخيال - زي قصة اسرائيل والمؤامرة الصهيونية-

والله يا حيدر
الموضوع بسيط جدددا
الزول ده عدل ليهو field واحد او سطر واحد بس
لا اكتر لا اقله
لما تخش الموقع بدل ما تمشي هنا
قال امشي هنا
زى تعديل الفايل الانا عملتو فوق هناك
و الموضوع زى ما شايف
حلللو بسيط جداً
من جهتنا كمتصفحين
و برضو من جهة بكرى مسالة وكت بس
يعنى الموضوع ما عاوز انشتاين
المساله و ما فيها فى دقسه حصلت فى حته ما
الزول ده استغلاها
ما هو اول زول يقترع الذره و يعمل كده
ولا دى نهاية العالم
عادى جدددا الحاجه دى

شكرا ناصر
والخزئ والعار لأعداء حرية الكلمة والرأي

شكرًا عبد الكريم
و ليعد للمنبر رونقه

Quote: أجابه بتفاصيل اكتر للناس الحابه تعرف المزيد الهاكينق ..... : : لحدى بكري ما يجى يفتينا اكتر

ناصر البطل ...شوق و محبة ليك يا بطل

بس يا ناصر من البيانات الاتية الموضوع مبهم شوية
Hostname: XXXXXXXXX
ISP: XXXXX Technologies
Organization: Bakri Abubakr
Services: XXXXXX


الهاكر
Hostname: host.orionstorage.net
ISP: SourceDNS
Organization: OrionCities
State/Region: Michigan

installed cPanel and WebHost Manager (WHM) Apache Web server software and the Apache Interface to OpenSSL (mod_ssl) successfully.

يعنى يا ناصر براجع البيانات دى بستغرب شديد لانو الموقع اصلا ما فيهو SSL ...ولا حتى لو افترضنا فيهو هل يعنى محاولة محاكاة السيرفر للوصول لقاعدة البيانات (اسلوب جديد يعنى !!! )

Quote: لحدى بكري ما يجى يفتينا اكتر

دا الذ من شرحك الجميل
مودتى ( ساعاتى )

---------------------------------------------------------
فعلا يا ناصر ادب و علم و اخلاق
عشان كدا ام الحبابيب بتعاين ليها من المكتبة

ناصر البطل سلام تانى
الاخوة المتداخلين و كل اعضاء سودانيزاونلاين

رجاءً للسلامة عند الدخول او التسجيل الى الموقع استخدام لوحة الكيبورد virtual keyboard. لتجنب برامج ال "Key logger" المتخصصة فى ارسال كل حرف يكتب على الكبيورد الحقيقى

ارجوا منك ناصر اضافة الصور او الشرح اكثر لعدم امكانية ادراج الصور لدى

مودتى

شكرا ناصر البطل
وفوق من أجل حرية الكلمة

We support open web

مازن يا صديقي فى زمن الغياب
شكرا كتير
و أم الحبايب يا حليله
يا ريت تعود تاني من تاني

جعفر محى الدين يا حبيب
معا من أجل حرية الكلمة
فلنختلف علي كل شئ
و لنتفق علي أن الدين لله و الوطن فى حدقات العيون و الحرية للجميع
و سودانيزاونلاين
منها تعلمنا إحترام الآخر
و غافل أو جاهل
من ظن أنه يستطيع الوقوف أمام مد التكنلوجيا

مرور علي سبيل التحيه
كما يقول صديقي عبدالحميد البرنس له و لإلهام التحايا أينما كانوا