Post: #1
Title: الوالي ما مسكين
Author: Hussein Mallasi
Date: 07-12-2011, 08:56 AM
Parent: #0
مهذب لا جدال .. و لكنه قطعاً ما مسكين كما افترض عصام الحضري و بنى خططه على ذلك!
|
Post: #2
Title: Re: الوالي ما مسكين
Author: Hussein Mallasi
Date: 07-12-2011, 08:58 AM
Parent: #1
عليه .. فالأكيد أن سيكمل عصام الحضري عقده مع المريخ؛
في حال لم يتلق المريخ عرض - حقيقي - بأكثر مما دَفع فيه.
|
Post: #3
Title: Re: الوالي ما مسكين
Author: طلحة عبدالله
Date: 07-12-2011, 09:07 AM
Parent: #2
يا ملاسي الوالي مجامل وطيب وشفوق
عادي ممكن زي الكهل الكذاب الاسمو الحضري دا يمش يبكي ليهو في مكتبو وانا يا بيه
زوجتي شنو وعائلتي ما عارف شنو زي ما عملا الممرن الفاشل الكذاب حسام البدري ويقوم
الوالي قليبو يرق ويخلي سبيلو زي الما حصل حاجة ...
مشكلة ناس الكهل الكذاب الحضري ديل أعتقادم الجازم بأن كل الشعب السوداني
مسكين وممكن تغش عليهو وتأكل عقلو حلاوة ملبن بالشويتين دول.
|
Post: #4
Title: Re: الوالي ما مسكين
Author: على محمد على بشير
Date: 07-12-2011, 09:10 AM
Parent: #1
| Quote: مهذب لا جدال .. و لكنه قطعاً ما مسكين كما افترض عصام الحضري و بنى خططه على ذلك! |
|
Post: #5
Title: Re: الوالي ما مسكين
Author: فدياس نجم الدين
Date: 07-12-2011, 09:20 AM
Parent: #4
مهذب لا جدال لكنه قطعا ما مسكين) هسه نحن العباره دي نقراها كيف ومايجي في بالنا انك بتكتب في صحيفه السوداني المملوكه لجمال الوالي
|
Post: #6
Title: Re: الوالي ما مسكين
Author: خالد عبد الله محمود
Date: 07-12-2011, 10:02 AM
Parent: #5
| Quote: مهذب لا جدال لكنه قطعا ما مسكين) هسه نحن العباره دي نقراها كيف ومايجي في بالنا انك بتكتب في صحيفه السوداني المملوكه لجمال الوالي |
|
Post: #7
Title: Re: الوالي ما مسكين
Author: فدياس نجم الدين
Date: 07-12-2011, 10:18 AM
Parent: #6
خالد
يبدو ان استاذنا ملاسي قد ضاق ذرعا بالمساحه الصغيره للتاملأت وقرر ان يتحول لكتابه العامود بالصفحه الاخيره للسوداني
غايتو وبدون كسير تلج
استاذنا حسين ملاسي افضل بكثير من بعض كتاب الاعمده المنتشرين بالصحف اليوميه
|
Post: #8
Title: Re: الوالي ما مسكين
Author: abubakr salih
Date: 07-12-2011, 10:33 AM
Parent: #7
قوية يا فدياس قوية جداً.
|
Post: #9
Title: Re: الوالي ما مسكين
Author: فدياس نجم الدين
Date: 07-12-2011, 11:14 AM
Parent: #8
نرجع لموضوع البوست وهو هل جمال الوالي مسكين؟
وبدون تردد يمكنني الاجابه
الراجل طيب اوي بلغه حبايبنا المصريين
وطيب دي خت تحتها عشرين خط
لن ارجع بكم كثيرا للخلف للدلاله على ان الوالي مسكين ولن استدعي هتاف الجماهير العفوي مالنا ومالو ضيع مالو
لكن لو مسكنا اخر موقف واجهه الوالي والمتمثل في مسرحيه استقاله البدري وكيف تمت المعالجه في تلك القضيه لوقفنا على حجم مسكنه الوالي
البدري الذي اغلق هاتفه لمده ثلاث ايام في وجه كل اهل المريخ بما فيهم الوالي نفسه وخلال هذه المده اوعز للنحاس بالظهور في كل القنوات المصريه والمواقع والحديث بلسانه حديث مشين للمجلس وفيه اشارات عن سلبيات لن تذكر الان
وعندما ظهر البدري مسك العصا من النص وعاد للبلد وجلس مع الوالي وعاد لعمله كان شئ لم يكن بدعوى الحفاظ على الاستقرار لو كان البدري يعمل مدربا لفريق حله الصعايده لم فعل ما فعله بالمريخ الفريق الذي يمثل نص البلد
المهم
كما ذكر الكاتب المريخي ياسر قاسم قبل يومين هذه المسرحيه القصد منها ابتزاز الوالي حيث لا عروض للحضري وسياتي مع وكيله للجلوس مع الوالي ولخشيه الوالي من سطوه الاعلام المريخي لو ذهب الحضري فسيتم اقناعه بالمواصله مع دفع مبلغ تحت التربيزه تعويضا عن المبلغ الذي دفعه العقيد صديق على انابه عن الوالي لصالح اداره الاهلي لغرامه الحضري والذي خصم من مستحقاته هذا المبلغ والمقدر بثلاثمائه الف دولار لم يكن يحسب الحضري انه سيخصم من حقوقه لذلك خرج علينا شاكرا عمو جمال (مع انه الحضري في مقام جد الوالي) هذه التصريحات بلسان الحضري شكرا للوالي الذي ساهم في حل مشكله الغرامه كانت قبل ان يعرف الحضري ان المبلغ سيخصم فلما علم خرج ليقول انه من دفع هذه الغرامه
|
Post: #10
Title: Re: الوالي ما مسكين
Author: saif khalil
Date: 07-13-2011, 06:09 AM
Parent: #9
فلاسي
| Quote: مهذب لا جدال... و لكنه قطعاً ما مسكين كما افترض عصام الحضري و بنى خططه على ذلك! |
ياخي انا افتكرتك مهتم بالشأن الرياضي..دا اذا كان كلامك دا عن شخص غير والي نعمتك دا
مافي اي طريقة لأي زول عشان ما يفهم..انو دا ماكسير تلج زي ما بقولو
الراجل مشغلك ورب نعمتك فشهادتك فيهو مجروحة
ياخي ممكن تكتب عن قريبك ميشو مثلا..كدا ممكن تتبلع
أو عن ابوتونج
أو دعم الحكومة للهلال..انا حأقول ليك كلام ما برضيك وما حيرضي الزيك
واليك دا ..زي بتاعين جهاز الامن ..ديل العناصر الموكل ليها من قبل الحكومة السيطرة والهيمنة علي الرياضة باعتبار انها تضم اندية تمثل
منظمات المجتمع المدني المهمة جدا جدا..هسة كما ساكت الدخل جهاز الامن في دعم الاندية ورعايتها شنو؟!
انت طبعا ومؤكدا عارف ..ان دعم الهلال ..يتم عن طريق الوالي ..لكاروري..لود البرير (بدون علمه)..لأنو الزول دا عوير ..حاجة من الوالي (المريخابي) ما حيشيلها
لعنة الله عليكم!
عايزين تلحقو الهلال امات طه..(أمات طه دا المريخ) طبعا
المريخ دا مما جاهو الوالي ودعمو بقروش الحكومة ..النصها قروش غسيل اموال..ونصها من مودعات صندوق الطلاب(المساكين، الفقراء وابناء السبيل) ومنظمة الشهيد(الموتى،اليتامى والارامل)..يعني (مال حرام ..وحرام قطعي كمان)
أها مما جاهو الوالي دا..المريخ ما ضاق عافية!
وهسة الدور على الهلال
دا زي المال التحت الفروة
قيل ان صوفيا زاهدمتنسك..كان يسير الي فلاة ليتعبد..وعند فراغه من عبادته..يغفل راجعا الي بيته فيطوي فروته..لحملها معه..فيري اكواما من المال والمجوهرات..لا يعيرها اهتماما..وفي طريقه الي البيت ..يقابله رجل (هو شيطان في هيئة رجل) يتصارع معه ..فيصرع الصوفي الشيطان
وفي احدى الأيام حدثت الصوفي نفسه..ان يأخذ قليلا من هذا المال (التحت الفروة).. فأخذ ما ما أخذ..وعندما قابله الرجل لممارسة التحدي اليومي..صرع الشيطان العابد..فضحك ..وقال اكلت المال التحت الفروة..عشان كدة الهلال ذاتو ..تاني ما حيضوق عافية..هزائم ..وخروج من المنافسات..مشاكل ادارية..ومشاكل محترفين
وانت ذاتك ما مارق منها..طالما ان الوالي يسهم في ما يردك من مال..فلا شك انك لن تضوق عافية حيجيك برص!
يا ربي شكلك بالبرص دا حيكون كيف!!!!!؟؟؟؟؟؟؟؟؟؟؟؟؟؟Quote: خالد
يبدو ان استاذنا ملاسي قد ضاق ذرعا بالمساحه الصغيره للتاملأت وقرر ان يتحول لكتابه العامود بالصفحه الاخيره للسوداني
غايتو وبدون كسير تلج
استاذنا حسين ملاسي افضل بكثير من بعض كتاب الاعمده المنتشرين بالصحف اليوميه |
يا راااااااااااااااااجل!
هو فلاسي دا ..عشرة كلمات ما بقدر يلمهن علي بعض ..تقول لي أعمدة
|
Post: #11
Title: Re: الوالي ما مسكين
Author: Hussein Mallasi
Date: 07-14-2011, 12:52 PM
Parent: #10
من فرط سذاجتهم يظنون أن مجرد النشر في صحيفة
يملك بعض أسهمها الوالي تعني العمل معه .. فتأمل!
|
Post: #12
Title: Re: الوالي ما مسكين
Author: Hussein Mallasi
Date: 07-14-2011, 01:09 PM
Parent: #11
كان بوسعي أن أرد على المسكين أعلاه: بل لعنة الله عليك
و على أسلافك إناثاً .. و رجالاً إن وجدوا .. و لكني لن افعل.
|
Post: #13
Title: Re: الوالي ما مسكين
Author: فدياس نجم الدين
Date: 07-17-2011, 07:48 AM
Parent: #11
عمنا ملاسي
كده سيبك من سذاجتنا
انت مش بعضمه كيبوردك قلت ان الوالي اشتري صحيفه السوداني والارشيف قاعد
اها هسه الخلاهو يمتلك بضعه اسهم شنو
وباقي الاسهم ببمتلكها منو
وبالمناسبه السعيده دي
انت بتكتب بلوشي
ولا بتتقاضي اجرا لقاء التاملات بتاعتك دي
حمد لله على السلامه
واحترامي الذي لا تعرف
|
Post: #14
Title: Re: الوالي ما مسكين
Author: baha eassa
Date: 07-17-2011, 08:03 AM
Parent: #13
هنا في القاهرة سالت الحضري وهو يستعد للسفر للالتحاق بالمريخ - وانا اعرف رغبته القوية في العودة للاهلي - ماذا يمكن
ان تفعل اذا تم دعوتك للانضمام الي الاهلي وانت في السودان وبسرعة قال سالبي فورا ؟؟؟ وحينما سالته دون اعتبار للمريخ؟
قال ان الوالي بنفسه سياخذني للاهلي متداركا تسرعه في الرد .. فقلت له ان الوالي لايمكن ان يحب الاهلي او الحضري اكثر من
المريخ والسودان .. ..
|
Post: #15
Title: Re: الوالي ما مسكين
Author: Hussein Mallasi
Date: 07-17-2011, 08:11 AM
Parent: #13
Quote:
انت مش بعضمه كيبوردك قلت ان الوالي
اشتري صحيفه السوداني والارشيف قاعد |
و الأرشيف القاعد دا غالبك تجيبو و للا كسل منك ساكت؟!!
|
Post: #16
Title: Re: الوالي ما مسكين
Author: فدياس نجم الدين
Date: 07-17-2011, 08:27 AM
Parent: #15
تعرف يا عمك تصفح الموقع بالموبايل صعب شويه
بعدين سيبك من الارشيف
وخليني اذكرك لمن كتبت انت عن صحيفه السوداني الجديده
وجيتك هناك ومعي اخرون واتطرقنا لكون الوالي اشتري السوداني في الوقت داك ليه ما قلت انه اشتري بضعه اسهم بس
بعدين ده ما موضوعنا
موضوعنا الاساسي هو اتهامنا ليك بتكسير التلج لولي نعمتك
حسب الحيثيات الظاهره لينا
سالناك بصوره مباشره
بتقبض من السوداني ولا ما بتقبض
لو بتقبض بيبقي ولي نعمتك وبالمناسبه مافيها حاجه
اغلب الناس عندها ولي نعمه
لو ما بتقبض يبقي نحن مديين ليك باعتذار لسوء الظن
|
Post: #17
Title: Re: الوالي ما مسكين
Author: أمير فتحي
Date: 07-17-2011, 08:36 AM
Parent: #16
Quote: بتقبض من السوداني ولا ما بتقبض
|
وذلك يندرج تحت لائحة الأسئلة التعسفية
لكن يافدياس إنتو ملاسي دا دايرين منو شنو ؟
يمكن بحب الوالي دا في الله سااااكت ...لوووولز
|
Post: #18
Title: Re: الوالي ما مسكين
Author: Hussein Mallasi
Date: 07-17-2011, 08:42 AM
Parent: #17
Quote:
انت مش بعضمه كيبوردك قلت ان الوالي
اشتري صحيفه السوداني والارشيف قاعد |
| Quote: تعرف يا عمك تصفح الموقع بالموبايل صعب شويه بعدين سيبك من الارشيف |
بدأ "بعضمة كيبوردك" و "الأرشيف قاعد" ثم انتهى ب "سيبك من الأرشيف" .. فتأمل!
|
Post: #19
Title: Re: الوالي ما مسكين
Author: فدياس نجم الدين
Date: 07-17-2011, 08:50 AM
Parent: #17
امير
بيني وبينك الوالي بيتحب
مجاهد احمد محمد لاعب الهلال السابق ومدير الكره
بالمريخ المرفود بقرار من الوالي بالامس صرح ان جمال الوالي احسن اداري مر عليهو او كما قال
مافي قريب من الوالي ما يقدر يحبه
لديه كاريزما جيبيه هائله
ما شفت ناس هيثم محمد علي في صحيفه قوون
ما بيكتب اسم الوالي
الا مسبوقا بلقب الدكتور جمال الوالي
صرح الدكتور جمال
اتصل الدكتور جمال
سافر الدكتور جمال
ياخي اكل العيش ده مر
|
Post: #20
Title: Re: الوالي ما مسكين
Author: فدياس نجم الدين
Date: 07-17-2011, 09:49 AM
Parent: #19
يا عمك بالله ما تفتل لينا البوست وخلينا في موضوعك بتاع مسكنه الوالي او شفتنته
يعني يا ملاسي لم سعادتك رفضت قولنا ان اخو السيد الرئبس متحالف مع الكردينال ولمن اثبت الموضوع ده عملت رايح
هسه عادي ممكن تنكر انك بشرتنا بعهد جديد للسوداني تحت رعايه الوالي قدس الله سره
الحركات دي ما جديده عليك
نحن متعودين منك الكلام فشان كده
نتجاوز ليك الحته دي ونخش لعضم البوست
هرب الحضري فرفد الوالي صديق علي صالح وابو جريشه ومجاهد بدعوى انهم فرضوا في جواز اللاعب مع ملاحظه اننا في السودان حيث لا يحق للمخدم الاحتفاظ بجواز العامل وده وارد في نظام الكفيل السعودي
بعد كده الوالي طلب عوده الحضري والاعتذار
ودي اسهل حاجه عند الحضري الذي بكى على الهواء من اجل العوده للاهلي
هي المسكنه دي كيف يا عمك
بالامس اصدر الحضري بيان على موقعه فيهو شبه اعتذار للوالي
وكيله ظهر في كم قناه مصريه وهو يعزف اغنيه الاعتذار
صحي الاضينه دقو واعتذر ليهو
|
Post: #21
Title: Re: الوالي ما مسكين
Author: Hussein Mallasi
Date: 07-17-2011, 10:15 AM
Parent: #20
Quote: هرب الحضري فرفد الوالي صديق علي صالح
وابو جريشه ومجاهد بدعوى انهم فرضوا في جواز اللاعب |
بماذا رفدهم و ما الذي فرضوه؟؟!
_____
فالج – فعلاً – لا تعالج!
|
Post: #22
Title: Re: الوالي ما مسكين
Author: Hussein Mallasi
Date: 07-17-2011, 10:16 AM
لحاجة المنتخب المصري لخدمات الحضري فقد مد له كل من الأهلي؛ الإسماعيلي؛ و الزمالك
حبال الصبر؛ فظن – المسكين – أنه أقوى من الأندية مجتمعة؛ و لكن سوء حظه أوقعه مع من
لا يهمه أمر المنتخب المصري لا من قريب أو بعيد!
|
Post: #23
Title: Re: الوالي ما مسكين
Author: طلحة عبدالله
Date: 07-17-2011, 10:49 AM
Parent: #22
يا ملاسي
جمال الوالي أثبت بالفعل أنه لا يستبن النصح حتى بعد وقوع الكارثة
واللهم اني قد بلغت وحذرت من الدخول إلى أنفاق تعج بهذه الكوارث لكنهم
جعلوا أصابعهم فوق آذانهم فدخلوها جهلا أو تجاهلا ..
.............................
فدياس يا زول أرفع رجلك من الأبنص شوية
|
Post: #24
Title: Re: الوالي ما مسكين
Author: فدياس نجم الدين
Date: 07-17-2011, 11:12 AM
Parent: #23
طلحه
عمك ملاسي ده ينظر سياسه
ما قضيتنا
ينظر اقتصاد
جائز
علم نفس
ممكن
لكن ما ينظرنا لينا في الكوره
نهائي ما بيفهم فيها
زول ما عارف علاقه اخو الرئيس بالكردينال
معنى ذلك ده ما مجاله
وسيبك من القديم داك
في بوستيه ده
لو قرا بس ما كتبته انت في موضوع الحضري
ما كان فتح بوستيه ده
فلذلك الابنص مع ملاسي راح يكون للطيش
|
|