Post: #1
Title: عاوزه ارجع اقرا جرايد من جديد.... اقرا شنو?
Author: smart_ana2001
Date: 07-11-2011, 07:23 PM
من حوالى ٤ سنوات ما قريت جريده سودانية...الاسباب? الضغط و السكرى وكده...
عاوزه ارجع تانى اقرا جرايد.....توصوا بشنو ? و المواقع وين?
و البونى بيكتب وين الان ?
____________________________
كما ارجو مراعاة حالتى الصحية
|
Post: #2
Title: Re: عاوزه ارجع اقرا جرايد من جديد.... اقرا شنو?
Author: Kostawi
Date: 07-11-2011, 07:27 PM
Parent: #1
الصبيان و ميكي
|
Post: #3
Title: Re: عاوزه ارجع اقرا جرايد من جديد.... اقرا شنو?
Author: Ahmed musa
Date: 07-11-2011, 07:28 PM
Parent: #1
(حكايات)
1. ماعندها موقع
2. ماعندها موضوع
|
Post: #4
Title: Re: عاوزه ارجع اقرا جرايد من جديد.... اقرا شنو?
Author: د.محمد حسن
Date: 07-11-2011, 07:29 PM
Parent: #1
مراعاة لحالتك الصحية
اقري جريدة الخرطوم
بس فطي الصفحة الاولى وعمود فضل الله محمد
وخشي توووووش على صفحات النص
كلها فنانات وفنانين
تقري وتضحكي
ولما تجي تتطبقيها غمضي وختيها تحت المخدة واحلام سعيدة
|
Post: #5
Title: Re: عاوزه ارجع اقرا جرايد من جديد.... اقرا شنو?
Author: smart_ana2001
Date: 07-11-2011, 08:04 PM
Parent: #4
كوستاوى...ميكى بقت سودانية متين ??
الصبيان عندها موقع
________________
تعرف انا وبكتب فى البوست اتذكرتك....قلت الخرده ده ح يجى يجوها لى كيف بالله.
اشمع رجلتى فشلت. الجرجير و ملوخية ماشين تمام. رجلتك كيف ?
Ahmed musa
Quote: (حكايات)
1. ماعندها موقع
2. ماعندها موضوع |
How is that helping?I
د.محمد حسن Quote: كلها فنانات وفنانين
تقري وتضحكي |
عندهم موقع ??
انا بصراحة عايزه اخبار سياسة و فن و اجتماع و كلو...بس ما عاوزه ناس يرفعوا ضغطى
البونى بيكتب وين يا جماعة ??
|
Post: #6
Title: Re: عاوزه ارجع اقرا جرايد من جديد.... اقرا شنو?
Author: Kostawi
Date: 07-11-2011, 08:10 PM
Parent: #5
الحمد لله شالوا منها الجبص
|
Post: #7
Title: Re: عاوزه ارجع اقرا جرايد من جديد.... اقرا شنو?
Author: عوض محمد احمد
Date: 07-11-2011, 08:16 PM
Parent: #5
جريدة الايام: جريدة الخبر الصحيح و تحليل محجوب محمد صالح الذى يحدد بدقة اتجاه الريح
و هى المفضلة للبعثات الدبلوماسية و الصفوة
بس غير شعبية لانها تهمل الجوانب الاجتماعية و الخدمات الصحفية
اذا اضفتى لها الراى العام او السودانى فسوف تغطى لك الجوانب غير السياسية المفتقدة فى الايام
|
Post: #8
Title: Re: عاوزه ارجع اقرا جرايد من جديد.... اقرا شنو?
Author: محمد البشرى الخضر
Date: 07-11-2011, 08:30 PM
Parent: #7
أحسن من يفيدك يا سمارت هو الباشمهندس محمد ابراهيم علي
الراجل دا عندو صبر عجيب على قراءة حتى الاعلانات فب التأكيد بديك النجيضةياقول حموودي أو التفل حسب سرور
|
Post: #9
Title: Re: عاوزه ارجع اقرا جرايد من جديد.... اقرا شنو?
Author: احمد الأمين على إدريس
Date: 07-11-2011, 08:45 PM
Parent: #7
ياسمارت سلامات
وبمراعاة حالتك الصحية انصحك ترجعى تحاولى فى الرجلة وسيبك من الجرايد
اذا ماسمعتى النصيحة اتحملى التالى :-
ضغط مؤكد بسبب عنصرية الانتباهة الناضحة خصوصاً كتابات الطيب مصطفى
فشل فى الخيال والتوقع وانتى بتشوفى وتقرى الهندى عز الدين فى جلباب اوسع من معرفتو وحجمو كصحفى وهو يدلى بشهادة غالباً ان الله عنها بعيد
احباط مبالغة عما وصل اليه الحال من ناحية الثرثرة والنميمة وشغل المشاطات ان انتقلت عاداتهم لتحل فى اخريات الصحف (التيار وشارعها المسمى شارع الصحافة مثالاً)
لو مصرة تخاطرى سأتيك بالمزيد من الامراض التى نتناولها صباح كل يوم فيما يسمى بالصحف اليومية ..
هذا لايمنع ان نقول ان كل ذلك ياتى مصحوباً باشراقات هنا وهناك
حيث ما زال البونى يحتطب ليلاً ومازال الطاهر ساتى يكتب بشرف ..والخ
|
Post: #10
Title: Re: عاوزه ارجع اقرا جرايد من جديد.... اقرا شنو?
Author: Hussein Mallasi
Date: 07-11-2011, 09:43 PM
Parent: #9
البوني بيكتب في "السوداني" يا سمارت؛ و بتلقي كتاباتو في
موقع الصحيفة على الانترنت؛ بس بصراحة الموقع هزيل .. جداً.
السوداني
|
Post: #11
Title: Re: عاوزه ارجع اقرا جرايد من جديد.... اقرا شنو?
Author: دينا خالد
Date: 07-12-2011, 04:46 AM
Parent: #10
الصحافة
|
Post: #12
Title: Re: عاوزه ارجع اقرا جرايد من جديد.... اقرا شنو?
Author: هشام المجمر
Date: 07-12-2011, 05:05 AM
Parent: #11
النصيحة صعبة يا اسمارت
خاصة بعد أن استطاع الحزب الحاكم بفلوسه اصدار بعض الجرائد وشراء البعض الآخر
اغلب الجرايد تعانى من تخلف الشكل و الموضوع و تراجع المهنية و انحسار المصداقية
ربما صحيفة الايام فقط بقيادة الصحافى القدير محجوب محمدصالح هى الصحيفة الوحيدة التى حافظت على الكثير من تقاليدها المهنية لذلك قل رواجها فى زمن يفعل فيه الآخرون أى شئ للترويج و زيادة المبيعات. الايام كانت مع الصحافة الجريدتان الوحيدتان فى اغلب زمن مايو ورغم وجود جهاز امن نميرى القوى استطاعت الصحيفتان الحفاظ على المهنية و الدقة و تنافستا فى تتبع آخر امكانات الطباعة و الاخراج العالمية وخرجتا معا جيل من الصحفيين والصحفيات الجيدين.
بصراحة النصيحة صعبة. بس يمكنك ان تجلبى جوال ليمون وآخر من القنقليز و تختيهم جنبك و تبدى القراءة جريدة جريدة تقرى و تمصى الليمون و القنقليز بعد ما تكملى الجوالين قطع شك حتكونى وصلتى لقرار.
|
Post: #13
Title: Re: عاوزه ارجع اقرا جرايد من جديد.... اقرا شنو?
Author: محمد إبراهيم علي
Date: 07-12-2011, 06:12 AM
Parent: #12
| Quote: الراجل دا عندو صبر عجيب على قراءة حتى الاعلانات |
الاعلانات دي يا ود البشرى البتوريك النجيضة قول لي كيف ؟
اعلانات الوظائف بتوريك البلد فيها شغل ولا ما فيها والشغل الفيها شنو
نقول لاسمارتي عليك بالرجوع للبوست ادناه واختيار ما يلاءم ذوقك وحالتك النفسية
عايزة اخبار السودان لازم تقريها في اكتر من جريدة عشان تطلعي الحقيقة
الانتباهة لا يوصى بها لمرضى المصران والضغط وللنساء (اكثر اهل الارض مرضا بالمرارة )
الراي العام اخبار الحكومة (رصينة شوية) يوم الاتنين بقرا للفاتح جبرا
الصحافة حيدر المكاشفي وامال عباس ومقال اسبوعي للطيب زين العابدين والافندي
التيار (عشان شمائل النور وهسي عشان امين محمد سليمان) وشارع الصحافة لانو بجيب الشمارات
الاهرام اليوم للجرائم الغريبة البتحصل في السودان وعمود الهندي (لا تاخذي كلامه بجدية لانو ممكن يقوم عليك المرارة حتى لو شلتيها)
السوداني جريدة محترمة البوني ، الطاهر ساتي واسوأ موقع لجريدة عندها قروش
الاحداث من افضل الجرائد السودانية ليس لديها موقع (تقري لعادل الباز في سودانايل وللبطل هنا)
الوان اضغطي على صورة حسين خوجلي اقري مقالو والباقي ما عندك بيهو شغلة (ركزي على اللغة الفخمة وانسىي انو كوز)
الاخبار فيصل محمد صالح " محمد لطيف
اخر لحظة برضو فيها مرات اخبار وشمارات جيدة وممكن تعلمي للجريدة داونلود على صيغة بي دي اف
الجريدة اول جريدة بتتحدث من الساعة 12 بالليل بتقري عدد بكرة انا بقرا عمود راشد مصطفى ونازك بشير والطاهر ابوجوهرة
برضو بلقى فيها صفحة تحدث يوميا باسعار اللحوم والخضار والفاكهة
Re: الصحف السودانية على الانترنت تقييم تقني
|
Post: #15
Title: Re: عاوزه ارجع اقرا جرايد من جديد.... اقرا شنو?
Author: محمد الامين محمد
Date: 07-12-2011, 07:43 AM
Parent: #1
احسن ماتقراء
|
Post: #17
Title: Re: عاوزه ارجع اقرا جرايد من جديد.... اقرا شنو?
Author: فتحي الصديق
Date: 07-12-2011, 09:54 AM
Parent: #16
أقري ما يروق لك من المواقع التي ذكرت أعلاه ...
بس خلي حبوب الضغط جنبك ...
بتلاقي كضب أصلو ما شفنا
(لا في الناس ولا في الريل) ..
وكمان التصريحات والتوعدات ....أووووووووووووووووووووف
|
Post: #18
Title: Re: عاوزه ارجع اقرا جرايد من جديد.... اقرا شنو?
Author: Kostawi
Date: 07-12-2011, 10:18 AM
Parent: #17
يا زولة إنتي القارية ليها شنو?
السلفيين ناس الطقي قالوا ليك
ألزمي بيتك وحشي رجلتك...و أبقي عشرة على الجرجير
معقول ناس دينق فاتوا?
|
|