الشيوعيون يقيمون عزاء للفقيد المحامي الصادق الشامي في كنيسة

المصدر : الانتباهة

استنكر السودانيون ببريطانيا إقامة الحزب الشيوعي السوداني عزاءً بكنيسة شيرلاند رود للفقيد المحامي الصادق الشامي الذي توفي ببريطانيا قبل أيام، وأبلغ مصدر «الإنتباهة» أمس أن السودانيين بلندن غير راضين عن خطوة الحزب الشيوعي، ووصفوها بأنها إهانة للقيم والمُثل والأعراف السودانية، وأشار إلى أن السودانيين سيتلقون التعازي في الفقيد بقاعة أبرار بوسط لندن، رداً على سلوك الحزب الشيوعي.

كذاب

بالله يا غريبة كلم ناس الانتباهة ديل و قول ليهم أنو في بريطانيا و امريكا الناس احيانا بيصلوا الجمعة ظاااااتها في
صالات موجودة داخل كنائس و معابد يهودية و انو العباطة حقتهم الدمرت السودان دي الحمد لله ما موجودة في
العالم المتحضر. بعدين قول ليهم عيب استخدام مناسبة جليلة زي موت الاستاذ شامي في المهاترات السياسية ده
طبعا لو بيعرفوا كلمة عيب يعني شنو!

الأخ صلاح غريبة

تحياتي - يا أخي ناس الإنتباهة ديل قول ليهم أخوك كان أبيته خاف الله فوقه

يعني ما بكفيهم ما فعلوه للسودان الكان

بحيراوي

الإنتباهـيون وأنت معهـم ثلة مـن الأغبياء
لا يردعهــم حتي الموت من النيل من الآخرين !

الاخ الباشمهندس صلاح

تحياتي


ارجو سحب هذا البوست لانه يؤذي اسرة الفقيد وخاصة ان منهم اعضاء معنا في البورد


ورغم ان العزاء هو تقليد اجتماعي نابع من العرف السوداني وليس من تعاليم الدين
الا ان الصلاة التي هي عماد الدين تقام في كنائس ومعابد يهودية في الغرب
وبخبرنا التاريخ الاسلامي ان الفاروق عمر بن الخطاب حينما فتح بيت المقدس خرج من كنيسة القيامة ليصلي خارجها خوفا من ان يحول المسلمين الكنائس الي مساجد ونجد ان اسباب نزول اوئل سورة ال عمران كانت بسبب قدوم وفد نصاري نجران واقامتهم في المسجد النبوي الشريف طيلة ايام الزيارة

الاخ الباشمهندس صلاح

تحياتي


ارجو سحب هذا البوست لانه يؤذي اسرة الفقيد وخاصة ان منهم اعضاء معنا في البورد


ورغم ان العزاء هو تقليد اجتماعي نابع من العرف السوداني وليس من تعاليم الدين
الا ان الصلاة التي هي عماد الدين تقام في كنائس ومعابد يهودية في الغرب
وبخبرنا التاريخ الاسلامي ان الفاروق عمر بن الخطاب حينما فتح بيت المقدس خرج من كنيسة القيامة ليصلي خارجها خوفا من ان يحول المسلمين الكنائس الي مساجد ونجد ان اسباب نزول اوئل سورة ال عمران كانت بسبب قدوم وفد نصاري نجران واقامتهم في المسجد النبوي الشريف طيلة ايام الزيارة

Quote: الشيوعيون يقيمون عزاء للفقيد المحامي الصادق الشامي في كنيسة

يا غريبه

ممكن يكونوا شيوعيين ومسيحيين ايه المشكله

يمكن يكونوا شيوعيين ومافي ساحه او قاعه وين المشكله

يعني ما غريبه يا غريبه

شكرا يا عمر صديق.

الليلة وووووووب لو عرفت الانتباهة اننا بنودى اولادنا

YMCA


Young Men's Christian Associaion

لو عرفت الانتباهة ان سمياتنا وافراحنا والكرامات وحفلات التخريج
ولمات الكميونتي والندوات والمعاض وأي نشاط للجالية.
كلها بنعملها في الصالات بتاعت الكانئس وهي ارخص ونظيفة
وفيها مجال كبير للشفع السودانيين يجرو ذي ما عايزين والجماعة كمان
تلقاهم في ركن عاملين ليك صف وصلاة مغرب تقيلة ووضوء من مويتهم
الساخنة كمان والجماعة بتاعين الكنيسة ديل الوحيدين البتحملو خمجنا.
جماعة الانتباهة ديل جهلة وفارغين ولا يفهموا الحاصل شنو ديل قايلين
الدنيا دي كلها ساحة فدا.
وطبعا من يعتمدهم كمصدر أجهل وأغبي.

للفقيد الرحمه ولاسرته العزاء
ولكن يا غريبه مالكم عاوزين كل تتدخلوا فيه الدين فيها ايه يعنى دى بلاهى عليك
ات عارف يا غريبه فى مره من المرات سافرت عن طريق بورسودان وكان ابن اخى حسن يوسف ابوحريره
يعمل فى محطة سودانير بورسودان
فاقام لى عزيمه كبيره فى النادى القبطى وحضرها كثير من الاخوه المسيحين وكان من قام بطبخ هذه العزيمه طباخ النادى
وهو مسيحى لم نحس باى شى مالكم ياناس دايرين تجننونا ارحمونا يا غريبه ارحمونا بلاهى عليكم

انتم لستم وكلاء الله.....سيبو البشر في حالهم.....لستم اوصياء علي احد..

بالله كلم ناس الانتباهة ديل انو نحنا وناس طلال عفيفى والدومة ومنال والجريفاوي واخرون كنا بمنشي كنيسة سان جيمس فى الخرطوم ليلة الكريسماس على مرمى حجر من القصر الجمهوري نشرب الشاي وناكل الزلابيا ونشتري تذكارات السيدة مريم العزراء..ونملا عيوننا بمنظر اخواننا واخواتنا الجنوبيين في ابهى حللهم واجملها..ونصافح شماليتنا بجنوبيتنا دون ان يخدش ليلنا زعيق الانتباهيون الذين كل انتباهة لديهم غفلة وسوء طوية..بالله كلمهم يعملوا مانشيت بهذا الحديث! عالم عجيبة ومفلسة

الانتباهة انتهازية وتستهدف فئة معينة من الشعب وهي مطمئنة ان الخبر أُوتي أُكلهُا
الانتباهة كانت لزرع الكراهية والفتنة العرقية والدينية ونجحت في خلق تيار عام كاره للاخر
عمل لفصل الجنوب وليس بعد تكريس مجهودها لفصل الجنوب كفر
الانتباهة لا تستحي ومدعومة من( فوق ) ولذلك تفعل ما تشاء

للموت حرمة يا غريبة !!!!!!!!!!!!!!!!!!
اتقوا الله !!!!!!!!!!!!!!!!!!!!!!

Quote: الاخ الباشمهندس صلاح تحياتي ارجو سحب هذا البوست لانه يؤذي اسرة الفقيد وخاصة ان منهم اعضاء معنا في البورد ورغم ان العزاء هو تقليد اجتماعي نابع من العرف السوداني وليس من تعاليم الدين الا ان الصلاة التي هي عماد الدين تقام في كنائس ومعابد يهودية في الغرب وبخبرنا التاريخ الاسلامي ان الفاروق عمر بن الخطاب حينما فتح بيت المقدس خرج من كنيسة القيامة ليصلي خارجها خوفا من ان يحول المسلمين الكنائس الي مساجد ونجد ان اسباب نزول اوئل سورة ال عمران كانت بسبب قدوم وفد نصاري نجران واقامتهم في المسجد النبوي الشريف طيلة ايام الزيارة

شكرا عمر

لكن صلاح غريبة ود الجيران وهو قادم الي السودان
اري انه سوف يكون نزير شؤم لاهله و الذين عاش بعضا منهم
في منطقة تنقاسي جيرانا مكرمين و مغززين وخاصة في جوار
المغفور له طيب الذكر الغوث سيدأحمد الحسين شامي والد الفقيد
مولانا الصادق شامي
و من يفعل الخير في غير اهله

Quote: الإنتباهـيون وأنت معهـم ثلة مـن الأغبياء لا يردعهــم حتي الموت من النيل من الآخرين

واضيف :
ولعنة الله علي كاتبها
وناقلها والمصدق بما جاء فيها
وكفي بالموت واعظا

الاخ عمر صديق اشكرك على الملاحظة

وحاتصل بناس الانتباهة وانبههم .. بملاحظاتك

Quote: الاخ عمر صديق اشكرك على الملاحظة وحاتصل بناس الانتباهة وانبههم .. بملاحظاتك

شوف ليكـ مكان بعيد مارس فيه ظراطكـ القبيح
قرفتنا

المسلم الحق الذى يعرق دينه جيدا يحب الكنيسة كما يحب المسجد فكلها دور عبادة يعبد فيها الله

عندما كنت بالمعتقل حضرت والدتى فى الكنيسة زواج صديقى و زميلى هانى روجيه شاروبيم فى الكنيسة و بالمناسبة والدتى حجت عدد غير معروف من الحجات و تختم القرآن كل اسبوع منذ عقود.

حقيقة لا نحتاج للتدليل هنا على التاريخ المشرف من التسامح بين مسيحيى و مسلمى السودان حتى أتانا قوم هولاكو و فعلو الفعايل بالسودان و السودانيين وهاهم ينجحون فى فصل الجنوب كما نجحوا فى التسبب فى هجرة نسبة كبيرة من اقباط السودان والآن و بعد الانفصال يسعون لاثارة الفتنة بالهاب المشاعر الدينية ضد مسلمى الشمال انفسهم.

Quote: الاخ الباشمهندس صلاح تحياتي ارجو سحب هذا البوست لانه يؤذي اسرة الفقيد وخاصة ان منهم اعضاء معنا في البورد ورغم ان العزاء هو تقليد اجتماعي نابع من العرف السوداني وليس من تعاليم الدين الا ان الصلاة التي هي عماد الدين تقام في كنائس ومعابد يهودية في الغرب وبخبرنا التاريخ الاسلامي ان الفاروق عمر بن الخطاب حينما فتح بيت المقدس خرج من كنيسة القيامة ليصلي خارجها خوفا من ان يحول المسلمين الكنائس الي مساجد ونجد ان اسباب نزول اوئل سورة ال عمران كانت بسبب قدوم وفد نصاري نجران واقامتهم في المسجد النبوي الشريف طيلة ايام الزيارة

والله ياعمر انت زول كويس خالص وما تستاهل تكون مع الجماعة ديل وربنا يهدينا ويهديك ويهدي غريبة لجادة الطريق.
ياخي غريبة كم عدد المرات التي حضر فيها ابن اخت صاحب الأنتباهة أفطار رمضان في كنيسة؟؟؟

يا ايها السودانيون الجدد

نحنا في السودان نهوى أوطانا


ونحب جيرانا ونقول جارك القريب ولا ود عمك القريب

جارنا الباب على الباب هو المرحوم حبيب سعد باسطا زوج ميري بخيت ومنى بنتهم

وجارتنا من اليسار البهجة مسيحية وزوجها مسلم

وأقرب بقالة لينا هي بقالة رضا نعيم مسيحي

وكلهم جيران طيبون تقاسمنا معهم أفراح أعياد رمضمان والأضحى وكريسماس

ولم نتخيل أن يأتي يوم من الأيام توضع فيه فواصل وفوارق بيننا بل ظننا أنه كلما تقدمت السنون صارت الإلفة أكثر والتقارب أكثر

ما هذا الذي تريدون أهي فتنة ألا لعنة الله على من أيقظها

أيها الناس أليس فيكم رجل رشيد؟!!!!!!!!!

السيد
صلاح
مارائك ورائ الانتباهة في افطار السيد رئيس الجمهوريه وجماعته في الكنيسه في رمضان من كل عام مع صلاه المغرب

http://youtu.be/jTv1rKHSwTc>


صلاح غريبه هؤلاء مسلمين في الولايات المتحدة يصلون داخل الكنيسه

صلاة جماعة عند اجراء اعمال صيانة بمسجدهم

شكرا صلاح شكرا الانتباهة
اسائتكم لخالو الصادق ربنا يرحموا ويحسن اليه اكبر دليل على حسن سيرته وبياض تاريخه
وإنابة عن اسرة الفقيد الصادق شامى اتقدم بجزيل الشكر لكل من شارك فى العزاء المقام لخال الصادق فى احدى الصالات بلندن واعتزر لهم بشدة عن الاسلوب الرخيص الوارد فى الخبر وعزائنا ان من اوردت الخبر هى صحيفة الانتباهة وان من احتفى به هو صلاح غريبة واؤكد لهم إننا اسرة الراحل ممتنون لهم جدا لحرصهم على المشاركة فى عزاءه وإقامة الصلاة عليه بمسجد لندن الكبير والاشراف على إجراءت ترحيل جثمانه الى الخرطوم وإننا مدركين تماما الهدف من ايجار صالة للعزاء يقام فيها كل مناشط الجالية رغم وجودها فى حديقة كنيسة ولن تستطيع الانتباهة او غيرها ان تلوث فى اعيننا جميل صنيعكم

للفقيد الرحمة ولاهله الصبر والسلوان والباقي هو الله جل جلاله، اشتغلت في الكنائس البريطانية لفترة طويلة كمتطوع لحلحلة مشاكل مواطني بعض دول إفريقية ومصر وليبيا الخ، كانت الكنيسة حتي اليوم تقدم خدماتها للمسلمين ولم يحدث طوال الثلاث سنوات التي عملت معهم لم يحدث ان قالو لي او لغيري تعال ابقي مسيحي، بل كانو يقولون لي احمل هذا الطعام واذهب ووزعه علي سبعة اسر عراقية شرق المدينة، او اذهب وترجم لهذا المريض في مستشفي المدينة، الكنيسة في بريطانية وفرت المحامي والطبيب والسكن المجاني للمشردين السودانيين، دون مقابل، وعندما تزوج احد الأصدقاء اقسم امام الجامع بان لن يعطينا قسيمة الزواج مالم ندفع كل الرسوم، وواضحنا له بان الاثنين جنيه الاسترليني المتبقية سندفعها له بعد ساعتين لأننا نحمل فزا كارد وليس كاش، رفض وعندما ذهبنا الكنيسة لاحقا لاتمام عقد الزواج كون العروس ويلزية مسيحية، وبعد انتهت المراسيم غمت راعي الكنيسة ظرف مغلق للعروسين لاحقا اتضح انه مبلغ جزيل من المال كون ان العريس السوداني لاجئ والعروس تعيش تحت بند الرعاية الاجتماعية، وطوال إقامتي ببريطانيا استطيع ان اقول وبثقة ما تقدمه الكنايس للمسلمين عموما تعجز جميع مساجد اوروربا ان تقدم ثلثه، يكفي ان الكنايس والمغني غيلدوف عام 2008 جمعا عشرة مليون جنيه استرليني في ظرف لمناهضة ساعة لصالح ضحايا المرض والحروب بإفريقيا وهو مبلغ ينفقه غمرتي خليجي مسلم في ساعة واحدة في صالات قمار مدينة برايتون الانكليزية.

Quote: الليلة وووووووب لو عرفت الانتباهة اننا بنودى اولادنا YMCA Young Men's Christian Associaion

كتروا الدعاء.. ربنا يحفظ اولادكم

شكرا عمر صديق


يا صلاح غريبة انا عندي ليك سؤال:
ياخي انت من أي طينة
ياخي انت ابن لهذا الشعب الكريم ولا جايي من وين ياخي
فقعت مرارتنا ياخي الله يفقع طوحالك ياخي




الشكر موصول لسودانيي لندن
وتعازينا الحارة مرة أخرى لآل الشامي وآل رغيم
وتعازينا لي اهلنا ونسايبنا في تنقاسي