Post: #1 Title: انيمبــــا النيجيري X الهــــلال السوداني Author: Omar Bob Date: 07-11-2011, 12:55 PM Parent: #0
Post: #2 Title: Re: انيمبــــا النيجيري X الهــــلال السوداني Author: Omar Bob Date: 07-11-2011, 01:07 PM Parent: #1
المناسبه: دوري التمانيه في بطوله الابطال الافريقيه المجموعه (ب) الملعب : ملعب فريق انيمبا بمدينة ابا النيجيريه التاريخ: الاحد 17/7/2011 التوقيت : يحدد لاحقا البث التلفزيوني : قناة الجزيره الرياضيه بلس ( رقم القناه لم يحدد بعد)
Post: #3 Title: Re: انيمبــــا النيجيري X الهــــلال السوداني Author: Omar Bob Date: 07-11-2011, 01:12 PM Parent: #2
يخوض الهلال السوداني اولي مباريته في دوري الثمانيه لبطوله الابطال الافريقيه خارج ارضه بمدينه ابا النيجيريه امام فريق انيمبا النيجري ضمن مباريات المجموعه (ب) والتي صنف الهلال علي رأسها. بالتوفيق لفتيه الهلال الاشاوس وهم يسعون نحو تحقيق امال وتطلعات الملايين من عشاقه
Post: #4 Title: Re: انيمبــــا النيجيري X الهــــلال السوداني Author: وليد عبد اللطيف Date: 07-11-2011, 01:32 PM Parent: #3
عمر ... سلامات نتمنى ان يفرح الشعب السوداني وليس قبيلة الهلالاب لوحدها
Post: #5 Title: Re: انيمبــــا النيجيري X الهــــلال السوداني Author: محمد عبدالرحمن Date: 07-11-2011, 01:38 PM Parent: #4
هلا يابوب ..
المشكلة كلها غياب مساوى وسامى ..حلينا المشكلة بوضع الربيع والتعاون كمتوسطى دفاع ...وثلاثى ارتكاز علاء الدين وعمر بخيت واتير توماس .. وان شاء الله بعد دا الحبة مابتجيكم ..مع العلم اننى اتوقع فوز للهلال خاصة ان ميشو صاحب صولات لاتنسى خارج الارض ..
Post: #9 Title: Re: انيمبــــا النيجيري X الهــــلال السوداني Author: ismeil abbas Date: 07-11-2011, 04:45 PM Parent: #8
تحياتى بوب.............وربنا ينصر الهلال ويبث فينا الفرح يا كريم.
Post: #10 Title: Re: انيمبــــا النيجيري X الهــــلال السوداني Author: عمار سيد احمد Date: 07-11-2011, 05:39 PM Parent: #9
يا عمر سلام امنياتى للهلال بالانتصر وزى ما قالوا الجماعه نقطة واحدة ما بطاله اتمنى ان نكون معكم اذا وفقنا فى السفر يوم الاربعاء باذن الله تحياتى عمار تلودى
Post: #11 Title: Re: انيمبــــا النيجيري X الهــــلال السوداني Author: عمار سيد احمد Date: 07-11-2011, 05:41 PM Parent: #9
يا عمر سلام امنياتى للهلال بالانتصر وزى ما قالوا الجماعه نقطة واحدة ما بطاله اتمنى ان نكون معكم اذا وفقنا فى السفر يوم الاربعاء باذن الله تحياتى عمار تلودى
Post: #12 Title: Re: انيمبــــا النيجيري X الهــــلال السوداني Author: احمد الأمين على إدريس Date: 07-11-2011, 06:44 PM Parent: #11
عمر بوب سلامات
غايتو الهلال الرسمى الشفناهو قدام نيل الحصاحيصا دا الله يسترو من المطرة بس يوم 17
Quote: ذكريات الخريف 2008 مشاكل الخريف والجو والملعب المبتل قد يعيق انتصار الهلال
Quote: غايتو الهلال الرسمى الشفناهو قدام نيل الحصاحيصا دا الله يسترو من المطرة بس يوم 17
تفتشوا للمطرة من هسه مالكم ؟!!! هي المطرة دي بتجي في سايد واحد ولا بتقصد فريق الهلال بس ؟!!!! هههههه تغلبوا بنبارك ليكم ..تتغلبوا عيونكم مابتشوف حتى النور ...
بوب ...سلامات ..
Post: #16 Title: Re: انيمبــــا النيجيري X الهــــلال السوداني Author: الصادق صديق سلمان Date: 07-12-2011, 08:19 AM Parent: #15
عمر بوب وهلالاب الأرض
مباراة الهلال أمس مع نيل الحصاحيصا كانت سيئة وكان الفريق تائهاً تماماً فيها لا أدري أي المشكلة في الهلال هل في اللاعبين ام في الادارة ام في المدرب الهلال لعب وتحس كأن اللاعبين لا خطة لهم ولا هدف يركضون ورائه مهند كان جيد وبشة كان جيد وعمر بخيت كالعادة ماشاء الله ابراهيما توري كان بعيد جداً عن اللعب سادومبا كعادته كان مرعباً الدفاع وكأنه لا يوجد خليفة التقول لا عب دارفوري ما لاعب في الهلال
الله كريم لكن علاء الدين يوسف مكانو ما بتملي
الصادق
Post: #20 Title: Re: انيمبــــا النيجيري X الهــــلال السوداني Author: فايزودالقاضي Date: 07-12-2011, 08:32 AM Parent: #16
Quote: خليفة التقول لا عب دارفوري ما لاعب في الهلال
دارفوري ولا بيجاوى ؟!!!!
Post: #17 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 08:20 AM Parent: #15
Post: #21 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 08:41 AM Parent: #18
ابراهيم محمد الحسن سلامات
Quote: طيب نحن كيف؟
انتو ديل
Quote: الهلالاب الزعلانين
Post: #19 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 08:28 AM Parent: #17
يبدأ الهلال مشواره الافريقي بعد ان اقام معسكرا مقفولا بمدينه 6 اكتوبر المصريه لمدة اسبوعين. لم يكن المعسكر ناجحا تماما فقد سادته بعض الاخفقات اهمهما في نظري 1/ اللاعبين لم يتجمعوا كلهم عند بدايه المعسكر فمن حوالي ال 25 لاعب المسجلين في الكشف بدا الهلال معسكره ب 14 لاعب فقط وغاب البقيه لاسباب مختلفه ولم يجتمع شمل اللعيبه الا بعد مرور ما يقرب الاسبوع من بدايه المعسكر اي بعد قرابه نصف المده 2/ لان توقيت المعسكر كان في فتره حرجه جدا بالنسبه للدوري المصري لم يتمكن الهلال من اجراء تجارب قويه مع انديه الممتاز المصري واكتفي باجراء مباريا وديه مع فرق مغموره جدا لا اظن انها افادت الهلال كثيرا
Post: #22 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 08:48 AM Parent: #19
المعروف ان الهلال كان قد دعم صفوفه بثلاثه لاعبين اثناء الفتره التكميليه وهم اتوبنج الكاميروني و ابراهيما توريه الغاني ومدافع الخرطوم امير ربيع ولاعبين لهم صيت وكانوا نجوما في فرقهم السابقه ويمكن ان يكونوا اضافه للهلال اذا ما تالقم الاجانب مع طبيعه الكره السودانيه وانسجمو مع زملائهم في فرقه الهلال لكن بنفس القدر يمكن ان يقشل ثلاثتهم او اي منهم في ان يكون اضافه حفيفيه رغم الضجه الاعلاميه الكبيره التي صاحبت تسجيلهم
Post: #25 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 09:11 AM Parent: #22
بعد عودته من معسكر 6 اكتوبر ادي الهلال اربع مباريات الاولي في دوري السودان مع احد انديه القطينه وكسبها ب 10 اهداف ومبارات مع فريق سلكوفينيا الكيني والذي استقدمه الهلال خصيصا لهذه المباريات. لم اشاهد مبارة القطينه ولا المباره الاولي للفريق الكيني والتي كسبها الهلا 3/ صفر وشاهدت البث المسجل من قناة قوون للمباره الثانيه والتي انتهت بفوز ساحق للهلال بلغ ثمانيه اهداف ورغم الاهداف الكثيره لم يكن الهلال مطمئنا بالنسبه لي. فعيوب الهلال المزمنه ما زالت كما هي لم تتحسن وهي: 1/ الدقه في التسليم والاستلام 2/ غياب اللعب الممرحل للانتقال بالكره من الدفاع للوسط للهجوم 4/ البطْ القاتل في الانتقال دفاعا و هجوما وذلك بالاكثار من التحضير باللعب العرضي في المناطق الخلفيه 5/ اللعب علي الواقف لمعظم لاعبي وسط الهلال مما يعني تضيق المساحات من الخصوم وسهوله الضغط علي لاعب الكره هذه العيوب ظهرت جليا في التجربه الحقيقيه الوحيده التي خاضها الهلال امام النيل الحصاصيا ضمن مباريات الدوري الممتاز والتي انتهت بالتعادل 1/1. ورغم ان النيل لم يشكل خطوره كبيره علي مرمي الهلال طوال زمن المباره الا انه امتلك تمانا منطقه الوسط وتناقلو الكوره بكل رشاقه في هذه المنطقه في حين ظهر الهلال مفكك الوصال وتائها كما ذكر الاخ الصادق في مداخلته ومما زاد الطين بله الاستراتيجيه التي لتبعهاه الهلال بارسال الكرات الطويله من المدافعين للمهاجمين والتي تصدي لها دفاع النيل بكل سهوله. المرات القلائل التي وضع فيها الهلال الكره علي الارض وتناقلها بين لاعبيه شكلت طلعاته خطرا كبيرا علي دفاع النيل واضاع فيها فرصا سهله للغايه كان يمكن ان تحسم المباره تماما لعل ابرزها فرصه اتونج في اول كره يستلمها عند دخواه الملعب
Post: #23 Title: Re: انيمبــــا النيجيري X الهــــلال السوداني Author: فايزودالقاضي Date: 07-12-2011, 08:49 AM Parent: #19
Quote: واكتفي باجراء مباريا وديه مع فرق مغموره جدا لا اظن انها افادت الهلال كثيرا
تصدق ياعمر الهلال بقى لي زي كرستوفر كولومبوس مكتشف امريكيا ..من خلاله اكتشفنا وجود بعض الاتيام في مصر لم نسمع بها ..
Post: #24 Title: Re: انيمبــــا النيجيري X الهــــلال السوداني Author: Abdlaziz Eisa Date: 07-12-2011, 09:02 AM Parent: #23
sblhj f,f
سلامات بوب
ابو الخل جانا بالخبر الاكيد..
لولا الموية والوحل وشنو كدا ما عارف.. الهليل ما كان بياخد هزيمة تقيلة 4/ صفر..
Post: #26 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 09:52 AM Parent: #24
الهلال سيلعب المباره وهو يحمل ذكريات غير جيد لاخر مباره لعبها امام انيمبا. تلك المباره التي انتهت بهزيمه ثقيله للهلال ب 4/1 وهي اكبر هزيمه للهلال خارج ارضه في مشاركته في دوري الثمانيه في بطوله الابطال. و رغم ان طرد سيف مساوي في الشوط الاول للمباره كان احد الاسباب الرئيسيه لتلك الهزيمه لان الهلال لعب جزء من الشوط الاول وكل الشوط الثاني بعشره لاعبين في ارضيه مغموره تماما بالمياه الا ان السبب الرئيسي في الهزيمه ان نسخه 2008 تلك كانت اضعف نسخ الهلال التي وصلت لدوري المجموعات
Post: #30 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 10:55 AM Parent: #23
Quote: تصدق ياعمر الهلال بقى لي زي كرستوفر كولومبوس مكتشف امريكيا ..من خلاله اكتشفنا وجود بعض الاتيام في مصر لم نسمع بها ..
يا فايز ان كان الهلال كريستوفر كولمبس فالمريخ ابن بطوطه الذي سبق كولمبي بالاف السنين فقد سمعنا باكاديميه الفتي العربي عندما لاعبها المريخ ابان معسكره في مصر في 2009 في نفس اليوم الذي كان يلاقي فيه الاسماعيلي وديا.
Post: #29 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 10:29 AM Parent: #5
سلامات يا محمد عبد الرحمن لا اظن ان اسامه التعاون سيكون متواجد في المباره فهو الاخر يعاني من الاصابه ولم يشارك مع الهلال في اي من مباريته الاعداديه ولم يشارك كذلك في تمارين المعسكر
Post: #27 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 10:24 AM Parent: #4
سلامات يا كابتن وليد:
Quote: نتمنى ان يفرح الشعب السوداني وليس قبيلة الهلالاب لوحدها
في الحزن العام الذي يعتصر الوطن بانشطاره الكارثي امل ان يزرع الهلال قليل من الفرح فيما تبقي من الشعب السوداني
Post: #28 Title: Re: انيمبــــا النيجيري X الهــــلال السوداني Author: ابراهيم محمد الحسن Date: 07-12-2011, 10:27 AM Parent: #27
بوب ،،
Quote: انتو ديل: Quote: الهلالاب الزعلانين
منووو ديل ؟
نبرى يا يابا ،،
مالك علينا ؟
Post: #31 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 11:31 AM Parent: #28
يخوض الهلال مبارته الاولي امام انيمبا وهو يعني من غيابات مؤثره جدا في خطوطه الخلفيه. فحارس الفريق الاول للفريق المعز محجوب يعاني من اصابه اقعدته طوال فتره الاعداد وبات امر عدم مشاركته في هذه المباره شبه مؤكد.
هذاالوضع سيلقي المهمه علي عاتق عبد الرحمن الدعيع وجمعه جنارو لحارسه عرين الهلال وكليهما تعوزه الخبره الكافيه وان كان الدعيع قد حرس مرمي الهلال دوليا في عديد من المناسبات في ظل غياب المعز
Post: #32 Title: Re: انيمبــــا النيجيري X الهــــلال السوداني Author: Omar Bob Date: 07-12-2011, 02:16 PM Parent: #31
اما في خط الدفاع فالهاجس الذي يؤرق الاهله هو غياب قلبي الدفاع سيف مساوي وسامي عبد الله بعامل الاصابه خاصه غياب سيف مساوي الذي اصبح موخرا الركيزه الاساسيه لدفاع الهلال. وان كان ثمه امل في مشاركة سيف مساوي لانه يؤدي تمارينه بدون كره منذ فتره لاستعاده لياقته البدنيه الا ان الامل شبه مفقود في مشاركه سامي. وحتي لو فرضنا جدلا تعافي كليهما من الاصابه تظل مشاركتهم مجازفه غير مضمونه العواقب لا نهما ابتعدا عن الملاعب لاكثر من شهرين. كذلك سيغيب اسامه التعاون جوكر الفريق الذي يؤدي في متوسط الدفاع وفي الطرف اليمين وفي وظيفه الارتكاز. هذا الوضع سيجعل خيارات المدرب تنحصر في ديمبا باري واتير توماس وامير ربيع ليملا الخانتين الحساستين مع العلم ان اتير وامير تنقصهم الخبره الدوليه حيث لم يلعب اي منهم هذه الخانه دوليا مع الهلال وان كان اتير احسن حالا من امير لانه شارك مع الهلال امام الافريقي وان كان ذلك في وظيفة الاارتكاز
Post: #33 Title: Re: انيمبــــا النيجيري X الهــــلال السوداني Author: عبدالمجيد المقابل Date: 07-15-2011, 04:52 AM Parent: #32
الأخ بوب سلام ألف سلامة لعودة المنبر و دحر الهكر بالعودة للمبارة فالهلال منتصر بإذن الله , بس الله يسترنا من باري ديمبا , الخطر الوحيد الذي يهددنا نتمني تعافي مساوي و سامي سريعا" .. معزتي
Post: #34 Title: Re: انيمبــــا النيجيري X الهــــلال السوداني Author: khaleel Date: 07-17-2011, 11:59 AM Parent: #33
ممكن الثلاثة نقاط طبعا ولكن `;ذكريات الخريف 2008 مشاكل الخريف والجو والملعب المبتل قد يعيق انتصار الهلال
شكرا قسطنطين
Post: #54 Title: Re: انيمبــــا النيجيري X الهــــلال السوداني Author: د. ياسر عبد القادر Date: 07-17-2011, 04:00 PM Parent: #52
تعادل بطعم الفوز
رغم النقص الكبير شكرا للجميع
وشكر خاص ل ساساساساسادومبا
وشكرا لعمر بوب وش السعد
Post: #55 Title: Re: انيمبــــا النيجيري X الهــــلال السوداني Author: محمد البشرى الخضر Date: 07-17-2011, 04:01 PM Parent: #52
مبروك التعادل يا شباب مبروك النجاة من هزيمة ثقيلة كانت مستحقة قياسا على اداء الدفاع التحية لسادومبا و هو يقاتل و يفك الحصار عن دفاعنا المهلهل التحية لجمعة رغم الهدف الاول التحية لهيثم ساي كدا علاء الدين منفعل و انذار مجاني واداء ضعيف اليوم عمر بخيت واطة بس كاريكا كان ممكن تدينا احسن من كدا - لكن اجتهدت برضك
عموما نقطة ما بطالة بترقعنا كويس لقدام , لكن دفاعنا دا بطريقتو دي بدينا الطراوة بدري بدري
ويا ميشو وقت اصلك عايز تغامر بمهاجم آخر اربعة دقايق ما كان تدخل اتوبونج ابو اربعة مليار دا
الدفاع سئ بسبب النقص الذي فيه و بسبب أرضية الملعب الرديئة و المبللة عن قصد.
نقطة مهمة جدا و ح تفرق كثير في المحصلة النهائية.
Post: #59 Title: Re: انيمبــــا النيجيري X الهــــلال السوداني Author: Omar Bob Date: 07-17-2011, 07:48 PM Parent: #58
مبروك لجماهير الموج الازرق فالنتيجه جيده واجمل ما فيها هو مقدره هجوم الهلال لاحراز هدفين خارج ارضه وهو مؤشر ممتاز لكن رغم ذلك فان اداء الهلال سادته كثير من العشوائيه خاصه قي بدايه الشوط الثاني وحتي دخول ابراهيما توريه والذي نظم العاب الهلال كثيرا منذ دخوله. قبل ذلك كان جكيع لاعبي الهلال يتخلصون من الكره كيفما اتفق ليبدأ بها فريق انيمبا هجمه جديده علي الهلال واسواأ هم علي الاظلاق كان عمر بخيت اليوم الذي لم تخرج كره واحده سليمه من قدميه طول زمن المباره. بالتاكيد ارضيه الملعب المبتل لم تساعد لاعبي الهلال في تناقل الكره لكن ايضا كانت هناك شفقه ؤائده من لاعبي الهلال ادت الي تلك العشوائيه ميشو وغم انه الااقرب لفرقه الهلال والاكثر معرفه الاان وضع علاء الدين يوسف في قلب الدفاع ووضع اتير توماس في الارتكاز اضر بالهلال كثيرا فعلاء لم يكن جيدا في الدفاع واتير لم يكن جيدا في الوسط العكس تمتما هذا الوضع المقلوب كشف دفاع الهلال كثيرا والسوء الذي ظهر به دفاع الهلال سببه الرئيسي ضعف لاعبي الارتكاز. الاظراف ايضا لم يكونوا جيديدين ولكنهم علي الاقل لم يرتكبو اخطا كارثيه جمعه ادي مباره للذكري في الشوط الاول ورغم انه يتحمل مسؤليه الهدف الاول الا انه انقذ الهلال من تلاته اهداف مؤكده علي الاقل. المحصله ان الهلال قطع شك يمكن ان يتقدم في هذه البطوله وجمعه في حراسه المرمي اذا عاد سيف مساوي وسامي عبد الله من المباره القادمه سيكون للهلال شأن في هذه المجموعه خاصه في ظل ضعف الرجاء المغربي
Post: #60 Title: Re: انيمبــــا النيجيري X الهــــلال السوداني Author: ادم شحوتاي Date: 07-18-2011, 06:14 AM Parent: #59
الف مبروك للهلال وجماهيره تعادل بطعم الفوز
Post: #61 Title: Re: انيمبــــا النيجيري X الهــــلال السوداني Author: الفاتح خليل الفكي Date: 07-18-2011, 06:47 AM Parent: #60
الإخوة الهلالاب
الف الف مبروك التعادل بطعم الفوز
احب سادومبا مدى الحياة
التحية للحارس جمعة
اخونا فايز ود القاضي تعال بارك لينا ما تعمل زغبير
شكراً اخونا عمر بوب على هذا البوست
فوق فوق هلالنا فوق
أبو كريم
Post: #62 Title: Re: انيمبــــا النيجيري X الهــــلال السوداني Author: خالد عبد الله محمود Date: 07-18-2011, 07:01 AM Parent: #61
ألف مبروك للهلال و أعتقد أنها نتيجة أكثر من جيدة خصوصاً في ظل التوقف الطويل عن المباريات الرسمية فيما عدا مباراة النيل الحصاحيصا و التي أعتقد أنها أفادت الفريق كثيراً
Post: #63 Title: Re: انيمبــــا النيجيري X الهــــلال السوداني Author: محمد عبد الماجد الصايم Date: 07-18-2011, 09:49 AM Parent: #62
غايتو بالملعب بتاع أمس دا .. دي نتيجة ممتازة عديل! بعدين لما يجو يلعبوا في الخرطوم لازم المباراة تكون في ميدان عقرب ويتملي ضريسا وموية مطرة كمان! ولا تذاكر دخول ولا زول يحجّز المشجعين!!
Post: #64 Title: Re: انيمبــــا النيجيري X الهــــلال السوداني Author: عاطف نورالهدى الطاهر Date: 07-19-2011, 02:53 AM Parent: #63
