Post: #1
Title: طرائف ما بعد الإنفصال ..
Author: Tabaldina
Date: 07-11-2011, 12:02 PM
Parent: #0
..
.
(1)
اعلن بيس تيانج وهو لاجئ من دولة جنوب السودان فى اسرائيل
عن تعيينه رسميا قنصلاً عاما لجنوب السودان فى تل ابيب
موضحا : انه تحدث مع عدد من كبار المسؤولين فى جوبا الذين
وافقوا على ترشيحه للمنصب وقال تيانج : فى حديث له مع صحيفة
هاارتس : انه كان يعيش فى اسرائيل كلاجئ منذ 6 سنوات تنقل بين ايلات وعدد
من المستوطنات القريبة منها الامر الذى اهله للارتباط بعلاقات قوية ومتميزة
مع اكثر من مسؤول اسرائيلى وهو مااسهم فى مصادقة جوبا وتعينه واقام تيانج بالفعل
مكتبا قنصليا لرعاية شؤون دولة جنوب السودان الجديدة صبيحة الاعلان..
-------
غايتو لو بتم التعيين بالطريقة دى
اخير تعينات ناس المؤتمر الوطنى ..!!
ويبدو ان معظم ممن اعرفهم من ابناء الجنوب
سيصبحون سفراء _كحد ادنى _ عما قريب :)
|
Post: #2
Title: Re: طرائف ما بعد الإنفصال ..
Author: Tabaldina
Date: 07-11-2011, 12:12 PM
Parent: #1
..
.
(2)
أعلنت جمهورية جنوب السودان رسمياً التشكيل الحكومي الجديد بقيادة سلفا كير رئيساً
ومشار نائباً له وباقان وزيراً للسلام ودينق ألور للخارجية ونيال دينق للدفاع مع بقاء
غالبية الوزراء في مناصبهم مع إجراء تعديلات طفيفة ببعض الوزارات.
----------
باقان وزير السلام ..!!
غير يصلح وزير للطرق والكبارى والشربكة ما بنفع
وشربكة لشربكة كان ياخد وزارة الرى ومياه النيل
عشان يلخبطها مع زولنا الهرمنا فى وزارته دى ويجوطوا مع عيال بمبه ..
|
Post: #3
Title: Re: طرائف ما بعد الإنفصال ..
Author: دينا خالد
Date: 07-11-2011, 12:29 PM
Parent: #2
تبلـ دينا ...
سلامات ومشتاقين !
والله كان ما ساى خجلانه كل يوم
اقول افتح بوست اسال منك ..
دا وقت تختفى فيه ..
والبورد محتاج لمعلومات من كرفان
من خشم اسيادها ؟؟ تبالغ !!
فى موضوعك طبعا بى جاى فى انفصال
وبى هناك اسمها الدوله الجديدة
هسه انا قايلاك داير تحكى طرايف بى جاى ..
طرائف بى هناك اسمها طرائف الدولة الجديدة ..
ـــــــــــــــــ
يعنى لو ما غيبتك وهجرتك للخرتوم دى
عادى كان ممكن نلقاك وزير لكرفان فى دولة
الجنوب .. عشان تزيد فلهمة زياده !
|
Post: #4
Title: Re: طرائف ما بعد الإنفصال ..
Author: Tabaldina
Date: 07-11-2011, 12:45 PM
Parent: #3
..
.
ووين يا دندش ..
حلوة ( تبلـ دينا ) دى
والله شوقنا بالاكتر ..
تصدقى يوم ( انقلاب الحلو على هرون ) انا كنت
فى قلب المدينة .. غايتو مرقنى قوة الاندكروزر :)
بعدين ما تستعجلى طرائف الدولة الام او ناس بجاى
اكثر من بهناك .. طرائف تحير ..
-------
غايتو بطريقتهم دى انا ببقى وزير الصمغ العربي
بولاية كردفان فى اقل من 10 سنوات .. كل شئ جايز
فى عهد الليل الذى يمحوه النهار
|
Post: #5
Title: Re: طرائف ما بعد الإنفصال ..
Author: على زين العابدين
Date: 07-11-2011, 12:56 PM
Parent: #4
عزيزنا (تبل دينا) :
كتبت بتاريخ 7-06-2011
Quote: على زين العابدين ..
انت رجل كاذب وتتحرى الكذب ..
انا اكتب هذه السطور من الابيض وبعد ان استقبلت
ضيوف قادمين من كادوقلى لحضور مناسبة هنا
وانت لا تعلم تفاصيل ما يحصل .. |
وتكتب اليوم :
Quote: تصدقى يوم ( انقلاب الحلو على هرون ) انا كنت
فى قلب المدينة .. غايتو مرقنى قوة الاندكروزر :)
|
|
Post: #6
Title: Re: طرائف ما بعد الإنفصال ..
Author: على زين العابدين
Date: 07-11-2011, 01:02 PM
Parent: #5
وكان الاخ / جعفر على قد رد عليك بالاتى فى ذات التاريخ :
Quote: تبلدينا دا اما كان نايم لمدة يومين اما كان في مأمورية او شغال ورديتين ورا بعض
قام من نومو طوالي كابس النت.
يكذب خبر إخلاء كادقلي من سكانها والتلفونات شغالة ياخ ما تكلف نفسك واتصل باي
زول من كادقلي اذا كان فيها زول فضل اليوم. ما عندك تاجر قريبك هناك؟
بأخي احياء الرديف وحي الموظفين والملكية والبانجديد وحجر النار وتافري وزندية كلها
فضت عن بكرة أبيها واهلنا نايمين في الخلا في الشعير والكويك والبرداب وفي الشارع
علي الطريق الي كيكا مليان فارين من البلد الناس والدبابات والمدفعية الثقيلة تلعلع داخل الاحياء
دا كلو يحصل وانت يا تبلدينا تقول لي ام دورين يا اخي ام دورين الآن تنعم بهدو تام
في يد الحركة كما كانت قبل الاتفاقيتين في 2003 و2005
المشكلة في كادقلي العاصمة ذاتها
يا اخي اصحي وتكون شجاع واحمد لك لو اعتذرت خاصة لينا نحن الاهلنا مشردين
الان بعد اخفاق الحكومة التي ائتمونوها علي أرواحهم في توفير ادني الحماية لهم.
ولم توفر لهم حتي اللواري رغم وقوعهم تحت نيران المدفعية التي وجهوها الي الجبال
فوق رؤسهم. اعتذر ياخي واقرأ البوستات قبل المداخلة. |
|
Post: #7
Title: Re: طرائف ما بعد الإنفصال ..
Author: Tabaldina
Date: 07-11-2011, 01:04 PM
Parent: #5
..
.
وليعلم عزيزنا زين العابدين
ان انقلاب الحلو كان يوم 6 يونيو ..
وهل يعلم اى مدينة اقصد ؟؟
---------
اجيب ليك صورة الجواز :)
|
Post: #8
Title: Re: طرائف ما بعد الإنفصال ..
Author: على زين العابدين
Date: 07-11-2011, 01:09 PM
Parent: #7
العزيز تبلدى نا (تبل دينا ماف طريقه):
| Quote: اجيب ليك صورة الجواز |
التاشيره كان داقيها ليك احمد بحر هجانه وزير خارجية الحركة الشعبية ممكن.
لكن تاشيره من هارون اكيد مزوره.
|
Post: #9
Title: Re: طرائف ما بعد الإنفصال ..
Author: Tabaldina
Date: 07-11-2011, 01:41 PM
..
.
يا عزيزنا زين العابدين
اول مرة اقراء مداخلة الاخ جعفر على وان كان بقصد
اننى نكرت اخلاء المدينة او ضربها فلابد اننى اخطأت فى الفهم
او تحديد اليوم الذى اجتاحت فيه القوات المسلحة المدينة
-------
بالمناسبة انا تاشيرة هجانه وهرون الاتنين
ما مقنعات بالنسبة لى :)
|
Post: #10
Title: Re: طرائف ما بعد الإنفصال ..
Author: أبو ساندرا
Date: 07-11-2011, 06:16 PM
Parent: #9
يا تبل دينا يا تبل آبري
مستعلواتي جديد عايز يتهكم في الناس
|
Post: #11
Title: Re: طرائف ما بعد الإنفصال ..
Author: بلدى يا حبوب
Date: 07-11-2011, 06:41 PM
Parent: #10
تبلدينا سلام
وده من طرائف الخرطوم
فى جلسة ونسة جات سيرة شهر رمضان المعظم واحد من القاعدين على طول قال
لو اصلو رمضان بجى فى سخانة ذى ده احسن من حسه الواحد يحصل جنسية السودان الجنوبى
تحياتى
|
Post: #12
Title: Re: طرائف ما بعد الإنفصال ..
Author: محمد حيدر المشرف
Date: 07-11-2011, 06:59 PM
Parent: #11
تبل دينا
لى قريب ده كان احمد هارون وزيرا للشئون الانسانيه ..
والطيب مصطفى مديرا للتلفزيون ..
والبشير ما زال رئيسا !!
|
Post: #13
Title: Re: طرائف ما بعد الإنفصال ..
Author: انور التكينة
Date: 07-11-2011, 07:16 PM
Parent: #12
تبلدينا يا ظريف ..
ممكن سؤال طريف ؟
بعد رجوع الجنوبيين لى ديارهم و كادت العاصمة ان تخلى منهم ..
هل ستفتح الولاية الكافتيريات فى نهار رمضان الذى قرب ؟
|
Post: #14
Title: Re: طرائف ما بعد الإنفصال ..
Author: Kabar
Date: 07-11-2011, 08:12 PM
Parent: #13
تبلدينا..حبابك يا ول ابا
رمضام كريم..
حمد لله بسلامة الأهل ربطة..
من الطرائف بعد الإستقلال بتاع الجنوب انو البلد شعارها صقر الجديان..و صقر الجديان يتواجد في جنوب كردفان بكثرة..
لكن اليوم..و عمليا.. صقر الجديان اختفى..و اصبح الإنتوف و الطيارة الصينينة.. بتطير بدلا عنو في سمائنا..!
ما عارف شعارنا ح يكون شنو بالضبط..صقر الجديان ولا الإنتوف؟..
كبر
|
Post: #15
Title: Re: طرائف ما بعد الإنفصال ..
Author: محمد عبد الماجد الصايم
Date: 07-11-2011, 08:59 PM
Parent: #14
إيه حكاية (البلّ) الماشية في البورض اليومين ديل!!
|
|