Post: #1
Title: مطلوب خدمة بصورة عاجلة جداً !!!!
Author: ابوحراز
Date: 07-11-2011, 10:27 AM
Parent: #0
كنت عاوز اكتب في العنوان { مطلوب عروس بصورة عاجلة جداً }
لكن خفتكم تطلعوني ماسوووووووووووووورة زي مواسير سوق الفاشر
ياجماعة والله محتاج وبشدة خلال هذا اليوم لـ { دليل القبول للجامعات السودانية للعام 2011 2012 }
قوقل سألته وانفزر عديل
وماقدر يديني معلومة صحيحة
ست النفر قالت ممكن ترسله بالفاكس
لكن مشت والراجل ماشاء الله قال ليها الورقة الواحدة بـ 7 الف جنيه
تقول عاوزين يرسلوها لوكالة ناسا
وجدت هذا الرابط لكن ما فتح
http://www.admission.gov.sd/
لو اي واحد لديه رابط آمل افادتي 00 وشكراً مقدماً
|
Post: #2
Title: Re: مطلوب خدمة بصورة عاجلة جداً !!!!
Author: فتحي الصديق
Date: 07-11-2011, 10:30 AM
Parent: #1
عليك بالسفارة في المدينة التي تقيم ... ان كنت مقيما في مدينة (تتوفر ) فيها سفارة .. ف (قد) تجده فيها ...
رقم هاتف السفارة السودانية بالرياض 014887979
|
Post: #3
Title: Re: مطلوب خدمة بصورة عاجلة جداً !!!!
Author: ابوحراز
Date: 07-11-2011, 11:11 AM
Parent: #2
شكراً أخي فتحي
سوف اتصل على السفارة ان شاء الله
ولكن وصلتني معلومة وأتمنى ان تكون خاطئة
وهي أن الدليل بسعر عالي بالسفارة
الدليل نفسه متواجد لدينا بالبيت
ولكن كنت اود ان أشرحه لإبني الذي يمكث معي فترة اجازة قصيرة مدتها اسبوع وسيعود باذن الله لوطنه السودان
أخونا الهكر 00 بالله لو عندك طريقة شوف لينا الدليل ونزلوا معاك
وجزاك الله كل خير
|
Post: #4
Title: Re: مطلوب خدمة بصورة عاجلة جداً !!!!
Author: محمد إبراهيم علي
Date: 07-11-2011, 11:45 AM
Parent: #3
سلام ابوحراز
وزارة التعليم العالي
مثل الصورة ادناه
|
Post: #5
Title: Re: مطلوب خدمة بصورة عاجلة جداً !!!!
Author: ابوحراز
Date: 07-11-2011, 12:01 PM
Parent: #4
أخي محمد ابراهيم علي
شكراً كتير لجهودك المقدرة
وقد دخلنا هذا الموقع
ولكن لاتوجد به نسبة القبول
كنا نود أن نقرأ عن الكليات التي تتناسب مع الابن
حيث توجد الرموز للكليات
ولاتوجد معها نسبة القبول
وجدت دليل القبول للعام الماضي 2010 2011
\ولكن بالطبع تكون النسبة قد تغيرت لهذا العام
|
Post: #6
Title: Re: مطلوب خدمة بصورة عاجلة جداً !!!!
Author: محمد عبدالرحمن
Date: 07-11-2011, 12:11 PM
Parent: #5
ماشاء الله تبارك الله دربك مرق طالما الود بقى على الجامعة ..
بالتوفيق ..واقع الجامعة القريبة من البيت ..رجعت السودان
لقيت كل قرى محافظة الحصاحيصا بتقرا تربية جامعة الجزيرة ..
قالوا عشان قريبة ومابتدور قروش كتيرة ..وبعدين مامتمسكين
فى النسبة ...ولو عايز الكلام الجد سفر الولد الهند او باكستان
او ماليزيا ..نفس التكلفة مع فارق التاهيل الممتاز لصالح جامعات
بره ..
على كيفك غايتو ..ماليزيا قدامك وتربية الحصاحصيا خلفك ..
وودربيعة مابعيدة ...
|
Post: #7
Title: Re: مطلوب خدمة بصورة عاجلة جداً !!!!
Author: كمال ادريس
Date: 07-11-2011, 12:17 PM
Parent: #5
شكرا ابا حراز على البوست المفيد ده ...الموقع اعلاه لايعمل اطلاقا ... مبروك للبطل النجاح... وبرضو ننتظر معاك.
|
Post: #8
Title: Re: مطلوب خدمة بصورة عاجلة جداً !!!!
Author: محمد إبراهيم علي
Date: 07-11-2011, 05:38 PM
Parent: #7
تحياتي كمال
| Quote: الموقع اعلاه لايعمل اطلاقا |
كعادة المواقع السودانية لا يمكن ان تعمل وقت ان تحتاجها
على اي حال انا رفعت كامل الدليل على اللنك ادناه
دليل القبول 2011-2012
|
Post: #9
Title: Re: مطلوب خدمة بصورة عاجلة جداً !!!!
Author: كمال ادريس
Date: 07-11-2011, 05:44 PM
Parent: #8
شكرا محمد ابراهيم على جهودك
|
Post: #10
Title: Re: مطلوب خدمة بصورة عاجلة جداً !!!!
Author: ابوحراز
Date: 07-12-2011, 07:13 AM
Parent: #8
شكراً من الأعماق أخي محمد ابراهيم علي
وجدنا كل المعلومات الضرورية التي تهمنا
وبهذا أوضحت لنا خارطة الطريق
طبعاً اسماء الكليات والنسب المعتمدة مكتوب للعام السابق 2010 2011
ولكن أحب أن اطمئن الكل راجعت مع العائلة هذه النسب الموجودة بالملف
مع النسب الموجودة بالدليل الأصلي بالبيت والمكتوب فيه 2012 وكانت متطابقة تماماً
كذلك من الفوائد معرفة الرسوم خاصة ببعض الجامعات مثل كرري والرباط وغيرها
وبعضها ماشاء الله يصل الى 18 مليون في العام الواحد
تذكرت والدي حينما كان يعيطيني جنيه واحد
واذهب للكلية
وارجع بنفس الجنيه
فلم يكن هناك فير آند لفلي
ولا اسكراتشات
ولا هامبرقر
ولا جكس
والحمد لله الكلية كلها مذكر
وكنا جميعاً مصابون بالجفاف العاطفي
لدرجة أننا نقيم صلاة الاستسقاء كل اسبوع
وكان الأمر عادياً حينما تصحو من النوم وتجد لديك { لحية }
فهي كلية اشبه بكلية اصول الدين { زراعة ابوحراز } !!!
وأكاد اجزم أن أي أحد تخرج وقتذاك يصلح بما لايدع مجالاً للشك ليكون إماماً أو مأذون نكاح
أما لو حضرنا عهد ناس { الله أكبر الجديدة } فالواحد كان على الأقل حايكون { والي } !!!
فبخلاف الأمور الكاديمية والتي كنا شاطرين فيها لدرجة العوارة
خلاف ذلك كنا نجيضين في :
الصلاة
والزكاة
والصوم الأصلي
وصيام ايام الأثنين والعطل الرسمية
وحيث أننا متوحشون جداً أمام الجنس اللطيف
لأننا كنا لانراه الا نادراً
لهذا فيوم أن زارننا بنات كلية الاقتصاد والتنمية الريفية بجامعة الجزيرة كانت الدهشة على الجميع
وهي اشبه بدهشة قبائل { الماساي } حينما سمعوا بتدمير برج التجارة العالمي بعد سنتين من حدوثه
والجماعة اتأثروا وذهبوا بثلاثة بقرات تبرع منهم للسفارة الأمريكية في نيروبي !!!!
اها نحن غلبنا ليكم الجماعة ديل 8 صفر !!!
عارفين عملنا شنو
البنات سلمن علينا وكانن ماشء الله جميلات لدرجة
وعطور باريسية رائعة
لمدة عشرة ايام ونحن تاني ماغسلنا يدينا !!!!!!
كل خمسة دقائق تشم يدك !!!
قال الماساي قال !!!!!
|
Post: #11
Title: Re: مطلوب خدمة بصورة عاجلة جداً !!!!
Author: محمد إبراهيم علي
Date: 07-12-2011, 07:22 AM
Parent: #10
| Quote: وبعضها ماشاء الله يصل الى 18 مليون في العام الواحد |
لا حولاااااا 18 مليون في السنة ليه اصلو مدير سوق الاوراق المالية
اتخيل لو شلتها ومشيت مستشفى الخرطوم ممكن تشتري ليك بيها دكتور جاهز ومؤدي الالزامية كمان لووووول
|
Post: #12
Title: Re: مطلوب خدمة بصورة عاجلة جداً !!!!
Author: Hayat Hussien
Date: 07-12-2011, 02:20 PM
Parent: #11
الاخ ابو حراز
سلام عليك اولا مبروك علي ابنكم وربنا يسهل عليه
ثانيا احب ان اعرفك انني من مواطني ابوحراز وشكرا
لك لحمل اسم حبيبتي ابو حراز فلك التحية والتقدير
|
|