انفجار الاوضاع في مجلس الهلال واستقاله كاروري

انفجرت الاوضاع بصوره مفائجه في مجلس الهلال بحسب صحيفه عالم النجوم وذلك على خلفيه قرار رئبس المجلس الامين البرير بحل لجنه الاستثمار التي كان يراسها الطاهر يونس وتعيين محمد المامون امين الخزينه رئيسا لها وجاء القرار بالتمرير دون انعقاد للمجلس
هذا الامر دعا الامين العام للمجلس الدكتور الكاروري والطاهر يونس لتقديم استقالتيهما بالامس
وعد الامين العام بعقد مؤتمر صحفي يكشف من خلاله انفراد الرئيس بالقرار وكل تفاصيل الدعم المالي الذي تلقاهو الهلال مؤخرا


التعليق على الخبر
ماوقتو يا شباب ولو ان الشعب يريد معرفه مصدر اموال الهلال
وده الفرق بيننا وبين ناس الوالي رئيس طوالب

فدياس
ما هذا الخبر الشؤم من الصباح ونحن ننوم ونصحى على أمل الانتصار على أنيمبا

هؤلاء لا يحبون الهلال بل هؤلاء يبحثون عن شيء آخر

الصادق

الصادق
صباح الخير
هو خبر يعكنن المزاج من الصباح وقد طالعته في صحف اليوم واتمنى ان يهب اهل الهلال لمحاصره المشاكل
في راي ان البرير اصلا شخصيه خلافيه وهو ككل اهل المال بهم نوع من الدكتاتوريه وحب الانفراد باتخاذ القرار لكن في وجود كوادر مثل كاروري تصعب مرور مثل هذه التصرفات
ربك يجيب العواقب سليمه

Quote: ماوقتو يا شباب ولو ان الشعب يريد معرفه مصدر اموال الهلال وده الفرق بيننا وبين ناس الوالي رئيس طوالب

انتوا اى مصيبه تحصل ليكم لازم تجيبوا سيرة المريخ طوالى
ياخ ربنا يشفيكم من المرض الانتوا فيهو دا

بعدين تعالوا هنا
مصدر اموالكم معروف من الحكومه اها ح تعملوا شنو مثلا ؟
احنا رئيسنا عضو فى المؤتمر الوطنى شلتوا بيهو حالنا
اها اسع انتوا المؤتمر الوطنى بى جلالة قدره بيدعم فيكم بى اموال الشعب

شنو الما وقتو عايزين تعملوا غمرانييين طوالى كدا !!
يلا خلى عندكم شفافيه وورونا مصدر المليارات دى من وين !!

عاملين مجلسكم الكلو كيزان دا !!

اخونا علي محمد علي
تصدق نحن زاتنا كهلالاب عايزين نعرف القروش دي جات من وين هي اكيد قروش الحكومه يعني قروش الشعب
وشعب الهلال وهو تقريبا ثلاث ارباع الشعب عايز يعرف من ياتو بند تم دعمه
الفرق يا علي بيننا وبينكم ان كل الاهله لمن محمد المامون امين خزيتنا الجديد وود اخت رئيس النادي لمن حب يعمل فيها جمال والي جديد تصدي ليهو اعلام الهلال خالد عزالدين وحسن فاروق كمثال وكتبوا بوضوح شديد اقعد في علبك يا مان دي قروش الشعب بعكس اعلام واهل المريخ اللببسبحو صباح مساء بحمد جمال وان القروش قروش الوالي
شكرا على مرورك

Quote: وشعب الهلال وهو تقريبا ثلاث ارباع الشعب عايز يعرف من ياتو بند تم دعمه

في ياتو احصائية ؟

ده كلام غير صحيح

ولو كان صحيح النفرات التلاته العملتون السنة الفاتت كانو جابو حقهن
موش جابو مريسة تامزينو

سبحان الله ياوليد المبارك
مشبت اكتب في حيطك بتاعت السفنجات جيت لقيتك بتكتب هنا
بالنسبه لغالبيه اهل الهلال فده موضوع مفروغ منه بالنسبه لي
لا راح اقنعك ولا راح تقنعني
فاحسن كل زول ينوم على الجنب البريحه
اها
نرجع لموضوع تفجر الاوضاع في الهلال وما يمكن ان يحدث خلال الاربع عشرين ساعه القادمه وهل يمكن ان نرى طرفي الصراع على شاشه قوون يتبادلان الاتهامات
ولا ننسي موقف المتربص الارباب صلاح ادريس الذي سيجدها فرصه لتسديد بعض الضربات تحت الحزام

فدياس حبابك
إطمئن،الكاروري لن يقدم إستقالته في هذا الوقت حتى ان طلب منه ذلك
لأنه هو صاحب القرار في الهلال .

ايمو
صاحب قرار يعرف حل لجنه بالصدفه
غايتو نتمنى ان تنقشع هذه السحابه سريعا

تعادل الهلال مع نيل الحصاحيصا مقرؤا مع مشاكل صباح اليوم تنذر بان الهلال مقبل على مرحله مجهوله المصير ولا يفوتنا التنويه لمباراه انيمبا في السابع عشر من الشهر الجاري وهي مباراه لو دخلها وسط هذه الظروف فمن المؤكد خسارته لها

هاكم نيل الحصاحيصا ده بتعرفو عبدالرحمن السعودى بتاع الثوانى .