Post: #2
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 10:07 PM
Parent: #1
واعلاه ليس بالخبر الرسمي لهذا البوست
بل الخبرية هي تصريحات الوزير الدباب حاج ماجد سوار قبل قليل بان السودان ملاااااااااااان حريات
وصرح فيما صرح باعتزازه وافتخاره بالمشاركة كمدني في الانقلاب العسكري للانقاذ في افادة واعتراف صريح مسجل علي روؤس الاشهاد لا يحوج لاحقا هذا الشعب بان يحاكم مثل هذا الانقلابي المتغطرس الذي يفخر بالتامر علي ارادة شعبه
|
Post: #3
Title: Re: العدد المصادر من صحيفة الميدان....!!!
Author: معاوية عبيد الصائم
Date: 07-10-2011, 10:16 PM
Parent: #2
Quote:
بال الخبرية هي تصريحات الوزير الدباب حاج ماجد سوار |
مـــــــجرم وصعلوك وقاتل
اشرف اشراف مباشر على اغتيال
الصديق الشهيد بشير الطيب بالقرب
من كلية الاقتصاد جامعة الخرطوم
الحساب ات يا كيكى
تحياتى
|
Post: #5
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 10:31 PM
Parent: #3
Quote: اشرف اشراف مباشر على اغتيال
الصديق الشهيد بشير الطيب بالقرب
من كلية الاقتصاد جامعة الخرطوم
الحساب ات يا كيكى |
هلا يا طوربيد
والمجد والخلود لروح صديقنا الشهيد بشير الطيب...
والانقاذ بدات مرحلة ما بعد الانفصال وهي لاتزال في ضلالها القديم..
غطرسة واستهبال وقمع يتمدد في كل السودان ثم بكل دم بارد يجو يكضبو ويقولو ليك البلد ملاااان حريات
طلاب دارفور وطلاب البجا والصحفيين وخالد عويس وارتال من الشهداء والمعذبين والمحرومين من قولة بغم
وهي سكة لا بد للجميع ان اراد العيش في وطن يحترم اهله بان يقول لها بالصوت العالي لاااااااااااا
|
Post: #4
Title: Re: العدد المصادر من صحيفة الميدان....!!!
Author: بدر الدين احمد موسى
Date: 07-10-2011, 10:20 PM
Parent: #2
من يكتب بباسورد عبدالكريم الامين?!!!
يا اخوي شنو مرة متصور مع نقد,
و تاني جايب الميدان? ومال عاطف مكاوي و محجوب حماد يعملو شنو? بالله ما تلخبت الاختساسات ياخ!
----
تحت تحت يا عبدالكريم, انا عندي خبر انه حاج ماجد امه ملاوية
فخفف الابنص على الزول دا ياخ هههههههههههههههههههه
|
Post: #6
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 10:39 PM
Parent: #4
Quote: من يكتب بباسورد عبدالكريم الامين?!!!
يا اخوي شنو مرة متصور مع نقد,
و تاني جايب الميدان? ومال عاطف مكاوي و محجوب حماد يعملو شنو? بالله ما تلخبت الاختساسات ياخ! |
يا شيوعي المنبر تحسسو كيبورداتكم ههههههههه
الميدان يا بدر الدين لمن تطلع من كراكير حزبكم ومطبعتها تبقي صحيفة ملك للراي العام ونحن كشعب فضل حريصين ان نقراء اي ورقة يجيبها اي حزب
حتي نشوووف ماذا هناك....ولمن ا ي حزب يكردنو حقو من التعبير مفروض الناس تكون معاهم في خندق وااااحد ونضرب العدو ابو دقن بيدا واااحد
-------------------
حاج ماجد السوار خبرية قرابتو لينا (انا في معلوم) علي قولة الهنود هنا في قطر ومنذ ايامات الجامعة وهو طبعا الدفعة القدامنا بسنة
ولكن ده كلو ما بحلو ككوز رعديد من ضرب ركبه الخطابية ضرب غرائب الابل التي كانت موتمر شعبي قرصت امورها ثم ذهبت الي الموتمر الوطني وتفرعن
انبااااا كرررررررررررر بس (او كما يقول القوم في نواحي ودهاشم) هههههههههههههه
|
Post: #7
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 11:00 PM
Parent: #6
اللانفصال وووقع خلاص...
الجنوب ذهب الي عوالمه واحلامه والي اهل جغرافيته
وتبقي السودان المكجوم حائرا حزينا مشتتا ما بين الابادة والانتنوف في كردفان
ومابين اتفاقيات دارفورية تشرط قبل ان يجف حبر ورقها المصقول المنقوق به في المجتمع الدولي ذلك اللاعب الاساسي الذي اصبح يشارك اهل السودان صباحاتهم ولياليهم ومحور احاديثهم...
الجنوب ذهب والسودان (المكجوم) لايزال يترنح ذات اليسار ثم ذات اليمين انطلاقة من دقة قيادته التي اري ما اري فيها (الخال الرئاسي) الذي صارت صحيفته العنصرية هي من ترسم سيناريو الوطن الكبير بكل جهل نشط وعنصرية وكراهية للاخر.
|
Post: #8
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 11:05 PM
Parent: #7
الجنوب ذهب وقطار السودان المكجوم لن يقف في محطة التامل والنظر العميق في مسببات هذا الانفصال الذي اتي باجماع اهل الجنوب...
وفي سلطة مكنكشة ومصرة علي انتاج دستورها لوحدها حتي يكون هو دستور البلد بالزندية
وفي ظل سلطة جبلت علي بالحلول الامنية العنيفة ضد من قال لو في وجهها
وفي ظل سلطة تعوم في برك الفساد ومياه المحسوبية الاثنة التي فاحت ورائحها وملت كل السودان...
|
Post: #9
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-10-2011, 11:16 PM
Parent: #8
السودان ذلك البلد المتنوع والمتعدد في كل اشيائه في انتظاره الكثير حتي بصبح وطن بمعني كلمة وطن يحترم فيه المواطن وتعي الدولة بانها خادمة لمكونات هذا الشعب من مواطنين وموجودات
من ثروات وموارد.... والموتمر الوطني بطريقته الاقصائية وخطابه الجانح الي الشر ان جلس سنين قليلة في ارض هذا السودان سنشهد احتفالات انفصال اخري قد تكون لدارفور او لكردفان او للشرق
|
Post: #11
Title: Re: العدد المصادر من صحيفة الميدان....!!!
Author: محمد إبراهيم علي
Date: 07-11-2011, 05:16 AM
Parent: #10
سلام وتحية يا نجم الشاشة الصغيرة
حاج ماجد قال حيستثمر في الثعابين لوووول
اعتقد ان النادي الكاثوليكي به كمية لاباس بها من الثعابين من الحية ذات الاجراس الى الدوابي الصغيرة
|
Post: #12
Title: Re: العدد المصادر من صحيفة الميدان....!!!
Author: Abdlaziz Eisa
Date: 07-11-2011, 06:43 AM
Parent: #11
Quote:
وصرح فيما صرح باعتزازه وافتخاره بالمشاركة كمدني في الانقلاب العسكري للانقاذ في افادة واعتراف صريح مسجل علي روؤس الاشهاد
|
سلام
صحيح الاختشوا ماتوا....!!!!!!!!!!!!!!!!
|
Post: #13
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-11-2011, 08:14 AM
Parent: #11
Quote: حاج ماجد قال حيستثمر في الثعابين لوووول
اعتقد ان النادي الكاثوليكي به كمية لاباس بها من الثعابين من الحية ذات الاجراس الى الدوابي الصغيرة |
هلا يا ود ابراهيم
وده شر البلية الذي يضحك ويقرقرنا من الضحك
ويبدو جليا بان اذا افلست دولة من الدول فتشت ثعابينها البشرية عن ثعابين الجخانين والكراكير حتي يكونو مصدر دخل وثروة جديدة يلقفونها بعدما لقفو الجمل بما حمل.....
والناس ديل زازو البني ادميين واها قبلو علي الدبايب لوووووووول
مشروع عجيب وكردنة الدبابيب ومزازاتهم بالمناسبة امر له خطورته في سلسة الحياة وقوانين الطبيعة
ويمشو يرازو الدبابيب دي حتظهر ليهم مصيبة جديدة احتمال تاكلهم هم ودبابيهم دي
|
Post: #14
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-11-2011, 08:16 AM
Parent: #13
| Quote: صحيح الاختشوا ماتوا....!!!!!!!!!!!!!!!! |
هلا يا عزيز
ونعم انها الغطرسة والغرور ونفش الريش في لحظات السلطة الكذوب
|
Post: #15
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-11-2011, 10:28 AM
Parent: #14
سلام يا كيكي مرفق رابط العدد لك التحايا
هلا يا خالد وحبابك
والبلد يا خالد اصيبت بالوجوم وصارت كانها صابة فيها مطرة
والموتمر الوطني قاعد يلتفت
|
Post: #16
Title: Re: العدد المصادر من صحيفة الميدان....!!!
Author: جعفر محي الدين
Date: 07-11-2011, 01:05 PM
Parent: #15
شكرا يا كيكي
ويبقى السؤال إيه حكاية الوزراء المستثمرين دي ؟
واحد عايز يستثمر في البقر
وواحد في الثعابين
وواحد في الجداد
قصة غريبة
|
Post: #17
Title: Re: العدد المصادر من صحيفة الميدان....!!!
Author: عبدالكريم الامين احمد
Date: 07-11-2011, 08:33 PM
Parent: #16
Quote: ويبقى السؤال إيه حكاية الوزراء المستثمرين دي ؟
واحد عايز يستثمر في البقر
وواحد في الثعابين
وواحد في الجداد |
هلا يا جعفر
والسادة الوزراء كملو كل الموارد وقلبو علي الدبايب والعقارب وممكن بكرة نسمع القعونجات
ولو تتذكر ال كلاااااب الظهرت في الخرطوم و اكلت ليها زي كم زول كده دييك كانت برضو وااحدة من تجليات السادة بني كوز
|
|