Post: #1
Title: اْنفصام .......الجنوب !!!!
Author: نصرالدين صلاح
Date: 07-10-2011, 07:50 PM
او كما قال
...
ماشي منك
و جايي ليك
---
يتبع
|
Post: #3
Title: Re: اْنفصام .......الجنوب !!!!
Author: نصرالدين صلاح
Date: 07-10-2011, 09:38 PM
Parent: #2
اعرف عدالة المطالب و استحقاق اهل الجنوب للتطلع الي ما يرونة و يرتضونة
انسب لشعبهم ....
...
لا ادعي انني قدمت ما يكفي ان كان ذلك يخدم وحدتنا ام لا
و لا اعرف الا حفنة من مواطني جنوب السودان
الا اني حزين
|
Post: #4
Title: Re: اْنفصام .......الجنوب !!!!
Author: نصرالدين صلاح
Date: 07-10-2011, 09:44 PM
Parent: #3
لكم تمنيت ان يكون د. جون قرنق حيا
و نراة بالامس يعلن دولة الجنوب
لا اعلم
و لكن احس انة لكان مختلفا
|
Post: #6
Title: Re: اْنفصام .......الجنوب !!!!
Author: نصرالدين صلاح
Date: 07-10-2011, 10:36 PM
Parent: #5
حق لهم ان يفرحوا و نرفع نخب كبيير
ان مبرروك
كدي جيبو لي انا كينجي مورووووو.....!!!
ذكر كيكي هنا
Quote: هذا الابوكدوس وذلك اللوغو الذي نسافر في تحت مظلة كجوره في الجخانين والكراكير الاسفيرية
واحد من الاشياء التي تتنازعها سيرة وسطوة هذا اليوم التاريخي...
فابو كدوس صاحب القسمات الصارمة والوجه الافريقي المعتق سيظل معلقا في كل الفضاء الاسفيري تعبيرا عن محبة وامل ووعد بالعودة الي سيرة البلد الكبير
المتنوع في كل اشيائه الجميل المتسامح الخالي من المرضي العنصريين والاوباش الكاذبين النافخين ريشهم الطاووسي كذبا وبهتانا وكيسا موغل في الفضاء
والمجد والخلود لصديقي الجميل ابو كدوس معشوق الرياح في يوم رحيله في الاوراق الدولية ودولته الجديدة
|
cheers ya man
|
Post: #7
Title: Re: اْنفصام .......الجنوب !!!!
Author: عبدالكريم الامين احمد
Date: 07-10-2011, 10:48 PM
Parent: #6
تحياتي يا نصر الدين
والحرية قيمة ليس كمثلها شي
واهلنا في الجنوب نالو حريتهم عبر نضال طويل وشاق وصعب
وحتما عندما ينال الوطن كله حريته والانعتاق من سطوة المستعمرين الجدد من بني كوز ومن لف لفهم سيعود ذلك المارد السودان حتما
|
Post: #8
Title: Re: اْنفصام .......الجنوب !!!!
Author: نصرالدين صلاح
Date: 07-11-2011, 05:55 PM
Parent: #7
وجع الروح
Quote: وجع الروح
اهلا يا اصحاب
ما عارفا اذا كانت العبارة دي موجودة في لغتنا اليومية زي (حراق الروح مثلا) ولا لا ، لكن العارفاه انه روحي موجوعة .
هو احساس زي انك فاهم ومستوعب وموافق وسعيد في جانب منك لكن حزين ومحبط ومهزوم في جانب تاني ، زي انك في وموجود وغايب او بتتمني في الوكت نفسه.
زي انك شايل حاجات دي جواك وما تكون قادر غير تسكت وتتأمل.
فرحت لي فرح اخواني واخواتي في جنوبنا الحبيب بي الدولة الوليدة . وبتمني من قلبي ينعموا بي امن ، عدالة واستقرار
اتمنوهوا كتير واتمنيتا ليهم .
لكن في نفس الوكت، حزنت لي حقيقة انه الوطن بيتقسم ، واتوجعت اني بفقد جزء من اسرتي الكبيرة وجزء من تراب بلدي
اتذكرت مرات كتيرة كنت بتكلم فيها مع ناس من حتات مختلفة من الدنيا دي عن السودان المافي في نشرات الاخبار والاحصائيات الرسمية.
بحكي عن تنوعه في اعراقه واعرافه ، لغاته ، موسيقتو ، ثقافاته دياناته ومعتقداته . عن تاريخه وجغرافيته وانسانه.
وعن ايماني بانه لو استقر ولو قدروا اولاده يديروا حياتهم وعاشوا مع بعض في سلام ومحبة حقيقية لي بعض … ببقي حاجة جميلة وما تخلص.
وما غريب ولا جديد عليه ، مش هو ارض واحدة من امهات الحضارات القديمة.
الواقع يا اصحاب بقول انه اولاده ما قدروا … دا واجع روحي
انه كان عندي امل انه بكرة حيكون افضل بي بعض ولي بعض ومع بعض ،
والواقع الان بقول غير كدا وانه في سودانين … ودا واجع روحي
بصراحة حتي فكرة انه في خريطين ومساحتين وسودانين بخلاف السودان الواحد قالوا لينا
من زمان ، مستفزة … وبتوجع.
وفكرة انه في غنا وفنون ومختلفة نادت بي بلد واحد حاشوفها واقراها واسمعها في المستقبل
وما عارفا حاضحك ولا حابكي علينا … برضو بتوجع
بكتب ليكم وانا ما كاتبة ولا شاعرة بس موجوعة وحاسا اني عايزا اقول
حاسا اني مفروض اقول ، لاني جزء من السودان الكان واحد دا.
وبرضه يمكن ...
يمكن ارتاح
نانسي
|
يا الله
|
Post: #9
Title: Re: اْنفصام .......الجنوب !!!!
Author: نصرالدين صلاح
Date: 07-11-2011, 08:13 PM
Parent: #8
السيد قيقا كتب هناا
مسقط رأسي يؤلمني جداً .. حافظ حسين يا رفيق الأسى بعد إذنك
Quote: شقدي يا جميل
Quote:
تحياتي العزيز قيقراوي
صوت بكاء أنيق الإحساس حافظ حسين يجبرنا علي محاولة معالجة شللنا لنلملم ما تبقى من وطن
وداع الجنوبين العاملين في الشمال وما فيه من دموع تكشف مدى التعقيد الكبير في قضية الانفصال لان تفاصيله تذهب عميقاً في هموم حياة البشر
في وطني اليوم الحزن والفرح وجهان لعملة الأنفصال
وللجنوب أمنيات ببناء وطن معافى من أمراض الماضى و دولة قادرة علي توفير حياة كريمه لشعبها
اما مكمن الحزن شمالا هو الفشل في بناء وطن يمكن أن يتعايش فيه البشر وبتوافقوا على الحد الأدني من إحترام إنسانيتهم
>>>>>>...
شكراً حزيناً ياخ
المسألة معقدة خالص خالص
بالذات للحالات الخاصة الزينا ديل ..
الانفصال دا احتمال كبير يتسبب لينا في عاهة نفسية مستديمة
الله في |
الله غالب
|
Post: #10
Title: Re: اْنفصام .......الجنوب !!!!
Author: قيقراوي
Date: 07-16-2011, 11:04 AM
Parent: #2
Quote:
احاسيس متضاربة علي التعامل معها فهي تخصني
|
و تخصنا نحن ذاتنا ياخ ..
مش بقول نصف احاسيسك عند اخيك .. او نحو ذلك
هل نودع بعضنا و نمضي في سراب الذكريات؟
و كيف تبدو الذكريات؟
كيف يبدو طعم أيام الشجن بالله!؟
أيا مدينةَ القيقر، هل من عودة ؟
اها؟
كيف البصارة .. و قيل كيف الدبارة!؟
في الانتظار ...
بنكون مندمجين في افراح وطن كامل الدسم يخص شعب جنوب السودان .. تماماً
لهم الياسمين ... و لنا الرماد
|
|
