باقان أموم : نعلن تضامننا الواضح والصريح مع جبال النوبة والنيل الأزرق

روج المروجين والمروجات لبضاعة فاسدة تقول أن استقلال جنوب السودان
جاء على حساب المهمشين فى جبال النوبة والنيل الأزرق وبقية السودان .
وجاء الرد سريعا أمس من النيل الأزرق بعرض عسكرى واعادة انتشار شمل
الأسلحة الثقيلة فى رسالة واضحة .. . لابد من ترتيبات دستورية جديدة
وقبلها أكد باقان أموم ( اشاع القوم أنه قد تم عزله ) تضامنهم الصريح .

باقان أموم : نعلن تضامننا الواضح والصريح مع جبال النوبة والنيل الأزرق وكافة المهمشين
July 9, 2011
(الشرق الاوسط )

اعلن الأمين العام للحركة الشعبية وزير سلام الجنوب باقان أموم عن تضامنه مع مناضلي جبال النوبة والنيل الأزرق وكافة المهمشين بالشمال.
ودعا بعد وصوله من العاصمة الإثيوبية أديس أبابا، ومشاركته في مفاوضات ترتيبات ما بعد الانفصال، مخاطباً مسيرةً لإستقباله، دعا السودانيين الجنوبيين للوقوف مع المهمشين في كل أنحاء السودان ودعم نضال الشماليين (لتغيير السودان وتحويله لبلد حريات ومساواة حقيقية وتسليم السلطة لشعبه( وأضاف أموم: (نعلن تضامننا الواضح والصريح مع النيل الأزرق، وجبال النوبة، ومع كل الحركات المناضلة في الشمال). وقال أموم إنهم لن يتدخلوا في شؤون الشمال، ولكنهم سيعبرون دائما عن تضامنهم مع شعبه.

Quote: ودعم نضال الشماليين (لتغيير السودان وتحويله لبلد حريات ومساواة حقيقية وتسليم السلطة لشعبه( وأضاف أموم: (نعلن تضامننا الواضح والصريح مع النيل الأزرق، وجبال النوبة، ومع كل الحركات المناضلة في الشمال). وقال أموم إنهم لن يتدخلوا في شؤون الشمال، ولكنهم سيعبرون دائما عن تضامنهم مع شعبه.

يا لهذا البؤس ،،، دعم نضال الشمال لتغيير السودان وتحويله لبد حريات و و و و و
ثم لن نتدخل في شئون الشمال ،،،
(هطرقة) ،،،، حقاً كما وصفه وزير النفط في سودان ما قبل الانفصال ،،، فاقد تربوي لا علم ولا فهم

تاني كان مدّ ايدو جاي بنقطعا ليهو .

يا نزار

كويس جداً دا كلام باقان ومن مقدمتك نفهم أنك فاهم المغزى من التصريح دا ؟

طيب مادام أنت فاهم ممكن نسألك أسئلة وياريت تجاوبني عليها بصراحة وبدون سفسطائية ولفلفة وحذلقة أو أنجليزي أو صور- أجابة مباشرة

Quote: باقان أموم : نعلن تضامننا الواضح والصريح مع جبال النوبة والنيل الأزرق وكافة المهمشين

كلمة تضامن دي رغم أنها مطاطه لكن عندها حد وأنت مادام فاهم حا تكون عارف الحد دا ورينا كيف حايكون التضامن دا بالحرب ، بالسلاح ، بالغذاء ، بالسلام ؟ شنو بالضبط ورينا؟

ردة فعلك أنت كسوداني إزاء التصريح دا شنو ؟ زعلان ، فرحان ، محبط ، سعيد ، معجب ، متفائل ، غضبان شنو بالضبط ورينا

وتعتبرة شنو ؟ حق من حقوق الجنوب ، تدخل في سياسات دولة أخرى ، قلة أدب ، جعجعة فارغة ، أبتزاز ، جر مشاكل للحركة الشعبية ، كراهية ، حقد ، بطولة ، مثالية شنو بالضبط ورينا؟

تفتكر ردة فعل الناس في الجنوب من كلام باقان دا شنو لو سمعوه ؟ من التصريحات دي شنو ؟ زعلتهم ، بسطتهم ، فرحانين ، زعلانين ، مؤيدين ؟ ورينا شنو بالضبط؟

تفتكر رد فعل الناس شنو في الشمال من كلام باقان دا ، ريحهم ، اسفزهم ، استحقرهم ، نصرهم ، فرحهم ؟ ورينا شنو بالضبط

هل المرحلة الحالية بتحتاج تصريحات زي دي ؟
وهل فيها حكمة في التوقيت دا بالذات ؟
وماذا سيجني الجنوب من هذا التضامن؟

كومريد نزار،

هذا ما هو متوقع من الثوار دائما. فالحرية لا تتجزأ والنضال ضد القهر لا يتجزأ.

وإن لم يقلها باقان، فلن يكون التلميذ النجيب لمعلم العظيم، الراحل جون قرنق دي مبيور الذي يقض ذكر اسمه

المتجبرين حيا وميتا.

كومريد حامد بدوى
أشاع البعض فى حملة منظمة أن استقلال الجنوب جاء على حساب
جبال النوبة و النيل الأزرق وهذه رسالة واضحة من باقان الى
رفاق الأمس . فالتضامن يعنى المؤامرة فى نظر مناصرى الفساد
والاستبداد ( كل اناء بما فيه ينضح ) ونسى هؤلاء أن الدولة الجديدة
دولة جارة وستكون عضو فى الأمم المتحدة والاتحاد الأفريقى وبقية المنظمات
الاقليمية والتى تشكل منابر لابداء هذا التضامن ."فالحرية لا تتجزأ والنضال ضد القهر لا يتجزأ"

التحية لفاقان

التلميذ الأمين للقائد السوداني التاريخي

جون قرنق دي مابيور

والذي لا حل لمشاكل السودان إلا بما طرحه من فكر

فكر السودان الجديد


الباقر موسى