Post: #1
Title: فَصـــــلْ!
Author: فتحي البحيري
Date: 07-10-2011, 09:10 AM
وبعدما قطع عيشة الوف
عشرات الوف ميات الوف
من الرجال الفاهمين
من النساء الفاهمات
لي صالحو السحتي وفصل
لبلادنا ما بخجل فصل
لي أوباما ما بخجل فصل
يا رئيس حكمك فشل
|
Post: #2
Title: Re: فَصـــــلْ!
Author: فتحي البحيري
Date: 07-10-2011, 09:27 AM
Parent: #1
حسك تقول إنو المواطن ليكا جاب
وين كنتا يوم قُسِّم حيا وقُسِّم خجل
تزويرك المفضوح موثق زي كتاب
ودلايلو رعبك من تطاهر للشباب
مشوهو ناس أوباما ليك
شان يتكوك يوم تنجز عمالتك
تفصل البلد الهمل
بلدا همل
يوم جاهوا متلك يحكموا
سبحانو ربي
وأشنى ما يمكن حصل
بس يا رئيس حكمك فشل
|
Post: #3
Title: Re: فَصـــــلْ!
Author: فتحي البحيري
Date: 07-10-2011, 09:36 AM
Parent: #2
ما قتا بتحارب الفساد؟
ضحكتنا
وينو السرق من ناسك السحتيين غلاد
ختيتو في سجنك رجولة
وجلدتو بي نخوة وبطولة
وشنقتو بحسم البدور صالح العباد
ونصيحة ما فيك رقشة رئيس
سمسار أونطجي بالكتير
وصرخت : أوباما العمولة !
تميتو شغل الطامعين
تميت عمالتك لليهود
بس يابشير حكمك فشل
|
Post: #4
Title: Re: فَصـــــلْ!
Author: فتحي البحيري
Date: 07-10-2011, 09:49 AM
Parent: #3
طيب رئيس حكومتو ماليها الفساد
وهو ما بحارب في الفساد
همو يوم فصل الوطن : أوباما دايرين العمولة
يكون علاقتو مع الفساد ألوانا إيه وطعوما إيه
.. غير (نقاسم) والعمولة
يا رئيس انت الفساد
ونجيبو من وين الخجل
لي زول عجيب
لي أوباما كشَّم يوم فصل
لي بلادنا هدَّم يوم فصل
حكمو وفشل
وأشنى مايمكن حصل
|
Post: #5
Title: Re: فَصـــــلْ!
Author: فتحي البحيري
Date: 07-10-2011, 10:23 AM
Parent: #4
تاني خايفين من شنو
تاني خايفين لي شنو
تاني راجين لي منو
تاني راجين لي شنو
ياخي انت طلعت أول
في كل شينة وكل رذيلة
حرامي واحوالك عميلة
قذافي كتّل عشرة ألف
وانت ميات الألوف
ومبارك اللص الحريف
دس مليارات من قروش
وانت بعت الأرض كيف
وانت بعت النهر كيف
وانت بعت شعورنا أنو بلادنا حلوه
وشعبنا ما بضيق
يا رمة هوي
ارحل كفاك
بكرانا أحلى أكيد بلاك
وعن كل آثامك تحاسب
ووراك لي آخر هلاك
|
Post: #6
Title: Re: فَصـــــلْ!
Author: فتحي البحيري
Date: 07-10-2011, 10:35 AM
Parent: #5
اعتقد جازما أنو المنحى دا سهل للدرجة الممكن كتيرين يشاركوا في هذه المعلقة البشيرية بلا سقوف
مودتي
|
Post: #8
Title: Re: فَصـــــلْ!
Author: Kabar
Date: 07-10-2011, 11:11 AM
Parent: #7
تبت يداك و تب.. يا الزيك اصلا ما حصل..
علما كان بيرفرف..و في عهدك قام اتضارا و فصل..
انتكس في سماهو..و بي صفقاتك شم الوحل..
اتنكس وضـــــيع..و بي وضاعة قام نزل..
ايش يفيد توزع ..علم في الخرتوم..و في جوبا اتواطا و نزل؟..
شمش الفراق يا هبيل كانت منك اعظم هبل.,
لو عندك ضمير ، الفي حالك كان لملم متاعو و رحل
لبلادنا ما بخجل فصل
لي أوباما ما بخجل فصل
يا رئيس حكمك فشل
كبر
فتحي ..حبابك يا صديقي..
|
Post: #10
Title: Re: فَصـــــلْ!
Author: فتحي البحيري
Date: 07-10-2011, 06:31 PM
Parent: #8
Quote:
تبت يداك و تب.. يا الزيك اصلا ما حصل..
علما كان بيرفرف..و في عهدك قام اتضارا و فصل..
انتكس في سماهو..و بي صفقاتك شم الوحل..
اتنكس وضـــــيع..و بي وضاعة قام نزل..
ايش يفيد توزع ..علم في الخرتوم..و في جوبا اتواطا و نزل؟..
شمش الفراق يا هبيل كانت منك اعظم هبل.,
لو عندك ضمير ، الفي حالك كان لملم متاعو و رحل
لبلادنا ما بخجل فصل
لي أوباما ما بخجل فصل
يا رئيس حكمك فشل
كبر
فتحي ..حبابك يا صديقي.... |
لك المودة والثناء يا دفعة الزمن الجميل
لن نترك الـ ك ل ب القاتل المجرم الأفاك الأثيم المنافق اللص الزنيم
حتى آخر (فصل) في مهزلته المأساوية هذه مأساته الهزلية تلك
دم يا صديقي فاره الأحلام والقضية والالتزام
|
Post: #9
Title: Re: فَصـــــلْ!
Author: معتصم الطاهر
Date: 07-10-2011, 11:17 AM
Parent: #7
بكرانا أحلى أكيد بلاك
|
Post: #11
Title: Re: فَصـــــلْ!
Author: معاوية عبيد الصائم
Date: 07-10-2011, 07:27 PM
Parent: #9
Quote: نحن في موقع الراكوبة نشهد و نقر بأن جميع صور هذه الجرائم البشعة قد أرتكبت في حقكم و أنها وصمة عار في جبين كل مواطن صالح و سوداني أصيل شرب من مياه النيل الخالد و يجري فيه دم محاربي كوش الأقوياء. و في جبين تاريخنا و حاضرنا و مستقبلنا. و نعلن إدانتنا لها و ندعو كل الشرفاء في بلادنا لإدانتها بشكل جماعي و الإعتذار لكل قبائل السودان و كل جماهير المهمشين من شعبنا التي أكتوت بنيرانها و عانت منها لقرون طويلة و تعويضهم عن كافة الأضرار المادية و المعنوية التي تكبدوها تعويضا يرضيهم و يعيد لهم كرامتهم و عزتهم. و كذلك إدانة كل الأنظمة الحاكمة المتعاقبة التي لم تسعَ لمعالجتها بل سعت بنفسها لتكريسها و مفاقمتها إذ لم تتفق علي دستور دائم و نظام ديمقراطي يحقق العدالة و التنمية المتوازنة و يساوي بين الناس علي أساس المواطنة و يضمن لهم حرية المعتقدات و التعبير و سيادة حكم القانون و يفتح المجال لكل الثقافات السودانية للإنطلاق و التعبير عن نفسها. و في تقديرنا هذا هو الطريق السليم لتجاوز المرارات و ضمان عدم تكرارها في المستقبل. و قد كنا في موقع الراكوبة منذ النشأة و حتي الآن نحرص علي نشر المقالات و المواد السياسية و الفكرية و الأدبية و الفنية التي تصب في صالح وحدة شعبنا و تضامنه و تدافع عن المهمشين و الكادحين من جماهيره الباسلة و قد كنا دائما نرفض نشر كل المقالات الإنفصالية و الإقصائية التي كانت ترد لنا من كل بقاع السودان من الشمال و الجنوب و الشرق و الغرب و الوسط و من السودانيين في المهاجر و المنافي القريبة و البعيدة. و سنحترم خياراتكم و ندافع عنها و نحن علي إستعداد دائماً و مجدداً كي ندفع بحياتنا ثمناً لتطرحوا أرأئكم و تمارسوا حقكم الأصيل في تقرير مصيركم بأنفسكم،
تحياتى العزيز ود البحيرى
|
Post: #12
Title: Re: فَصـــــلْ!
Author: فتحي البحيري
Date: 07-10-2011, 07:27 PM
Parent: #9
| Quote: بكرانا أحلى أكيد بلاك |
لك الحب يا صديقي المهندس الشفيف
لك كل الحب
كل الاحترام
والتقدير
والامتنان
|
|