رسالة البشير لأوباما ..هل وصلت ؟

مطالبة البشير لأوباما والأتحاد الأوربي برفع العقوبات المفروضة على الخرطوم وفتح صفحة لعلاقات جديدة مع

معها ـ في مناسبة كالإنفصال ـ هل تعني لقد أوفينا بوعدنا وتبقى أن تفوا بوعدكم ؟


* وإلا ماذا تعني هذه المطالبة في هذه المناسبة ؟!


* هل كل ما يهم في توقيت كهذا العلاقات الأمريكية ورفع العقوبات ؟!!!

يعني مافي أمل لا في المكتوب ولا المرتجل ..؟










* المقصود الخطاب طبعا ..

الإنفصال ..ليس حدثا عابرا يحدث كل يوم ..

المقام تاريخي إهتزت له مشاعر شعوب بكاملها ..فلا أقل من كلمات تليق به ..بعظمة المناسبة ..بهولها بتداعياتها..بمشاعرها المختلطة ..

داليا يا داليا

Quote: يعني مافي أمل لا في المكتوب ولا المرتجل ..؟

الرئيس المطلوب لا امل فيه حالياً ..
الرجاء محاولة الاصلاح في واحد غيرو .. و شكراً


الكدوبة بالحك بس يا فردة

Quote: رسالة البشير لأوباما ..هل وصلت ؟

الاستاذة داليا
لسة في طريق سنار مدني والطريق ده ما طريق سريع واحتمال يكون فيهو حادث سادي السكة....
اسامة

بصراحة يا داليا ..
الكلام كان بايخ ..
اى ى ى زول علق عليه وقال ماصاح منو !!!













ـــــــــــــــــ
شفقة بت موسى !

والله كلام البشير وطلبو من الرئيس الأمريكي والاتحاد الاوربي ان يعفو عنو ويرفعوا العقوبات اشارة الي الغاء قرار المحكمة الدولية ، دا كلام يخجل
ولم أكن أتوقع أن يصدر مثل هذا الاستجداء وهذه الشحدة من رئيس مثل الرئيس البشير

والله الواحد يخجل عند سماع مثل هذا الاستجداء والركوع والخنوع لامريكا والغرب ، والله حرام عليك ياريس ان تمرمض كرامتك وكرامة الشعب السوداني الأبي في الوحل وأن توصلنا الي هذا المستوي من التدني المسئ.

والمفهوم من هذا الاستجداء ، ومن خلف السطور ، يقرأ كل من له فهم أن البشير قد باع القضية وباع الجنوب بسعر بخس ، مقابل أن تلغي المحكمة الدولية قرارها ، ولكن الثمن كان غاليا جدا وليس المشتري بقدر المباع ، وبهذه الطريقة لن تلغي المحكمة الدولية قرارها ولن يتراجع اوكامبو ... وللقانونيين نظرية اخري أنفع واسرع لرد قرار المحكة الدولية.

Quote: والله الواحد يخجل عند سماع مثل هذا الاستجداء والركوع والخنوع لامريكا والغرب

يا عثمان المشكلة في التناقض ..امريكا دي بتتنبز في معظم خطابات البشير .."نحن ما خايفيين من أمريكا والزارعنا غير الله يقلعنا ..وبلا بلا بلا ..."هسة كايسين الصداقة معاها ..والثمن ياهو الأشرت ليهو ...،ومتين هي الأهم..






لوووووب ياقول دينا


وييين الطاغية الأمريكان الخ ..

المطالب القالها البشير مشروعة
باعتبار ان مشروع السلام كله صفقة بين واشنطون ودول الترويكا والمؤتمر والحركة الشعبية
برعاية الايقاد
وطالماأن المؤتمر وصل معهم حتى مرحلة المشاركة في احتفالات الدولة الوليدة في الجنوب من حقه ان يسأل
عن الثمن والمقابل
لكن المحير
ان هؤلاء الاسلاميين بكل صلفهم وجبروتهم وأجهزتهم الأمنية ومتنطعيهم فشلوا فشلاً ذريعا
ًفي فهم قواعد اللعبة السياسية الدولية، فالعالم الغربي وفي مقدمته واشنطون لن يعمل في يوم من الأيام
على تقديم ابسط وسائل التعاون التي من شأنها دعم استقرار نظام المؤتمر الوطني ، فهذا الحزب - جينياً- يصنف في خانة العدو
الأول لامريكا والغرب والأخطر على السلم والأمن العالميين - متى ما سنحت له الفرصة وقوي عوده، وتأريخهم وسوابقهم، منذ انقلابهم على العسكري، أكثر من أن تحصى أو تعد..
لذا يمكن القول
يا لبؤسهم
خسروا ربع السودان، عند منعطف الجنوب
ولم يكسبوا شيئاً من العالم
والمرة القادمة - في استحقاقات ملف دارفور- سيخسرون انفسهم
ولن يشفق عليهم احد..

Quote: فهذا الحزب - جينياً- يصنف في خانة العدو الأول لامريكا والغرب والأخطر على السلم والأمن العالميين

جابت ليها جينات؟











... المهم ....

Quote: جابت ليها جينات؟

أيوة
جينات سياسية متشددة

ويا
بركة
برضو في الاثر في جينات (مؤمنة) وجينات (كافرة)
"لعل الله يخرج من اصلابهم من يعبد الله لا يشرك به شيئاً..."


-الأهم-

"جينات سياسية متشددة" دي ما ادونا ليها ... وين "كمال عباس"؟ (يجي يحكّنا مع الحيطة شوية) ...

بعدين "أصلابهم" دي علاقتا بالجينات شنو يا عادل؟

المنبر دا ما فيهو لايحة ولاّ شنو؟







... المهم ....

لو كنتُ مكان البشير لطالبت المجتمع الدولي وأمريكا بالوقوف خلف الدولة الوليدة وتقديم كل ما يمكن من مساعدات لنهضتها ... والالتزام بما وعدوا به تجاهها ...

وبكدة بكون أشار إشارة ذكية باللّفة وليس بالدرب العديل على وجوب التزام أوباما بما وعد به تجاه السودان ...


ولكم كل الود والتقدير ،،،

Quote: لو كنتُ مكان البشير لطالبت المجتمع الدولي وأمريكا بالوقوف خلف الدولة الوليدة وتقديم كل ما يمكن من مساعدات لنهضتها ... والالتزام بما وعدوا به تجاهها ... وبكدة بكون أشار إشارة ذكية باللّفة وليس بالدرب العديل على وجوب التزام أوباما بما وعد به تجاه السودان ...

طلب مساعدة الدولة الحديثة كان أجمل طلب ممكن إتقال ..لكن جمال النفوس بشتروهوا من وين يا صبري ؟

والقصة كلها ضغوط في ضغوط ..


تحايا وإحترام ..

تبارك الذي بيده الجك - على قول سلمى بت الشيخ
سلامة (يديكما العافية)

Quote: جينات سياسية متشددة" دي ما ادونا ليها

ياتا الما ادوكم ليها
الجينات
ام
السياسية
ام
المتشددة
(وضّح..أبن..أفصح)
....

Quote: وين "كمال عباس؟

صحي والله وين كمال
ياخ لو لاقيتو بلغوا تحياتنا

المهم ..



زارتنا البركة ياخ ..

Quote: فالعالم الغربي وفي مقدمته واشنطون لن يعمل في يوم من الأيام على تقديم ابسط وسائل التعاون التي من شأنها دعم استقرار نظام المؤتمر الوطني ، فهذا الحزب - جينياً- يصنف في خانة العدو الأول لامريكا والغرب والأخطر على السلم والأمن العالميين - متى ما سنحت له الفرصة وقوي عوده، وتأريخهم وسوابقهم، منذ انقلابهم على العسكري، أكثر من أن تحصى أو تعد.. لذا يمكن القول يا لبؤسهم خسروا ربع السودان، عند منعطف الجنوب ولم يكسبوا شيئاً من العالم والمرة القادمة - في استحقاقات ملف دارفور- سيخسرون انفسهم ولن يشفق عليهم احد..

طبعا ما فهموا اللعبة العالم الغربي وواشنطون رغم البراغماتية الواضحة في تعاملهم ‘إلاإن الخطابات والمسجات عندهم من الأهمية بمكان ، أوباما متحدث لبق يعتمد على التأثير بالكلمات ..وعاطفي نوعا ما ..وكل شعوب العالم المتحضر إنسان بلادهارقم واحد ..والكلام الموجه ليهو بيدرس بعناية ..كلام زي ده نحن بنشوفوا شتارة لكنهم بيحسبوا " سقطة " ..وببساطة بجيبوا محلل يفلفل خطاب البشير ويقرى الواضح والمستخبي ..بي خلجاتو وسكناتو وحتى لفتاتو ..وبعداك بردوا على كيفم ..

البقصدو ـ بتجرد ـ السكة دي غلط لأخذ الثمن ..

الكلام كان دلالتو يادينا عدم الإكتراث بالمناسبة ـ أظنها مقصودة ـ ..بس هو وناسو ما مكترثين دي مشكلتهم ..


ما يعبروا عننا ..


أقول ليك حاجة (نحن) نستاهل ..

..
.

Quote: المقام تاريخي إهتزت له مشاعر شعوب بكاملها ..فلا أقل من كلمات تليق به

لانه تاريخى واعتمد على اتفاقيات ولوجود هذه الشعوب
فلابد من المطالبه بالحقوق ما دام المقام مقام تسليم وتسلم

Quote: بصراحة يا داليا .. الكلام كان بايخ .. اى ى ى زول علق عليه وقال ماصاح منو !!!

عليك الله يا دينا بايخ كلامو ولا كلام سلفا وتهكمات باقان
معقولة رئيس دولة جديدة .. اول جملة يحاول يحشر نفسو
فى اختصاصات الدولة الام ويقول ما حننسي جنوب كردفان والنيل الازرق
باى صفه .. والعجب كلمة العم سام ..!!

--------

انت الخطابات اتفرغتو وسمعتوهاكلها
ولا ونسوك بيها .. ساااى

Quote: لانه تاريخى واعتمد على اتفاقيات ولوجود هذه الشعوب فلابد من المطالبه بالحقوق ما دام المقام مقام تسليم وتسلم

وين كان في الإتفاقية كلام عن لو حدث الإنفصال ..أمريكا حترفع العقوبات عن السودان وتفتح صفحة علاقات معاهو

عشان يبقى تسليم وتسلم ..دي حاجات تحت الطاولة والإيفاء بيها برضو مفروض يكون تحت الطاولة ..ولاشنو ؟

Quote: انت الخطابات اتفرغتو وسمعتوهاكلها ولا ونسوك بيها .. ساااى

لو السؤال لي ..أنا ما تفرغت للخطابات بس إتفرغت للحدث كله ..ومسجلاهو كمان ..


ثم إزيك يا تبلدينا ..

أهلا أستاذ أسامة ..

يااااقيقراوي

الرجاء

Quote: محاولة الاصلاح في واحد غيرو .. و شكراً

رامين طوبة خطاباتو ..



لكن كان يمثل إن شاءالله ـ التمثيل وقف على دي ـ هم الجنوبيين إتمسكوا بالإنفصال من شوية ..

الأخوة المتداخلون،

حقيقة الأمر أن الذهنية الإنقاذية التي يمثلها البشير (شر) تمثيل، تعتقد أن الجنوب هو أس كل مشاكل السودان.. (السودان بتاع الجبهة الاسلامية) .. وأن فصله عن الشمال هو الحل لكل المشاكل. (مشاكلهم هم) فالمشاكل التي يعنونها لا علاقة لها بالمشاكل التي يعاني منها الوطن والمواطنون هي:

- محكمة الجنايات الدولية
- العقوبات الأمريكية والأوربية
- المعارضة السودانية
- الحركة الشعبية لشمال السودان
- التحول الديموقراطي الذي نصت عليه اتفاقية السلام الشامل


وفي سبيل الخروج من هذه الورطات عملوا على تنفير الجنوبيين من الوحدة وإن كان ذلك يعني التضحية ببترول الجنوب. وعموما هم قد اخذوا حصتهم من البترول وبالزيادوة.

هذه هي الذهنية التي جعلت البشير يتقدم للغرب بمطالب حيرت الإدارة الامريكية. والبارحة فقط وفي برنامج ساعة حرة، الذي تقدمه فضائية "الحرة". شاهدت محللا سياسيا أمريكيا يقول أن مطالب البشير قد حيرت الإدارة الامريكية.

الراجل يا أخوانا برة الشبكة. والذهنية الإنقاذية كلها الآن برة الشبكة وفقدت تواصلها مع الواقع والعالم والأشياء.

Quote: في سبيل الخروج من هذه الورطات عملوا على تنفير الجنوبيين من الوحدة وإن كان ذلك يعني التضحية ببترول الجنوب. وعموما هم قد اخذوا حصتهم من البترول وبالزيادوة.

يوم الحساب جاااي يا حامد ومافي زول بفلت بالإرتكبو في حق الوطن ..

Quote: هل تعني لقد أوفينا بوعدنا وتبقى أن تفوا بوعدكم ؟

داليا
صباح الـخيـر

أنتِ ذكيّة
فقط ليست هناك وعود
بل هـي صفقات





تـحاياي

صباح النور لؤي

Quote: بل هـي صفقات

فعلا هي كذلك ..

لا امل مطلقا فى رفع العقوبات الامريكية و الاوربية و لا فى تطبيع بارد للعلاقات ما لم تلغى الانقاذ مشسروعها الحضارى و تتحول لنظام علمانى
تحت ادارة جيل جديد ممن يثق فيهم الغرب