@ فليذهب الجنوب غير مأسوفا عليه .. واليوم بداية تاريخ جديد لسودان جديد

بالامس انتهت حقبة من تاريخ السودان بكل ما فيها من ماسى وجراحات

بالامس ذهب منا جزء مريض كان يعطل مسيرتنا

بالامس تصالحنا مع انفسنا لبداية دورة جديده من عمر الانقاذ ومن عمر السودان

بالامس كان اخر التنازلات بإنزال العلم السودانى

لقد سبق وان قدمنا التنازلات والتضحيات لاخر لحظة من اجل الوحده

لقد سبق وان قدم رئيس الجمهورية التنازل من نصيب الشمال بالكامل من البترول من اجل ان يبقى الجنوب فى وحده السودان

وبعد كل هذه التنازلات والتضحيات فقد اختاروا هم بإرادتهم الانفصال

ولا يطيب لنا الا وان نقول لهم الله يسهل عليكم

ووداعاً للجنوب

ومرحباً بسودان العزة والكرامة

بسودان جديد تربطه اواصر المحبة والاخوة والدين

الان السودان نسيج متكامل

كما اتمنى التوفيق والسداد والحياة الكريمة لدولتنا السودان ..

واتمنى ان يكون بيننا جوار امن ومستقر

دون التدخل فى شئون الاخر

لا شأن لنا فى ما يجرى بدولتهم ولا شأن لهم بما يجرى بدولتنا

لكم دينكم ولنا دين

اسم المريض : جمهورية السودان

تشخيض المرض: دا السكرى ( اختلال وظيفة الاونسلين الذى تفرزه البنكرياس فى الجسم )

اعراض المرض : حرب اهليه لمدة خمسين سنه وتوترات شديد فى دارفور ومناطق اخرى مختلفه

العلاج :بتر ساقى المريض ( بتر جنوب السودان عن باقى السودان)

فى حال استمرار معناة المريض ( عدم وجود حل لمشكلة دارفور )

العلاج : بتر اليد اليمنى

ملحوظه مهمة لاهل المريض

فى حال بتر ساقى المريض ويده اليمنى الاعمار بيد الله ولكن يجب الاخذ فى الحسبان ن حياة المريض سوف تكون قصيرة جدا وان شفى المريض من دا السكرى الا انه سوف يموت من الاكتئاب بسسب التغيرات الكثيرة الطراء ت على حياته وصعوبة تقبله للوضع الجديد

الخلاصه:
اختفا دولة السودان من خريطة العالم
التوقع:

طبيب مختص فى مرض السكرى والغدد

Quote: طبيب مختص فى مرض السكرى والغدد

وتحتاج لطبيب نفسى لمراجعة مستوى الوطنية فى القلب

Quote: بالامس ذهب منا جزء مريض كان يعطل مسيرتنا

مريض أنت ومرضى أمثالك من الهتيفة الماجورين الذين يصفقون للجزارين وهم يقطعون أوصال الوطن.

لن يغفر لكم التاريخ، فقد سطوتم على السلطة ليلا والسودان مليون ميل، ولن تبقوا منه حين يحين أجلكم - وهو قريب - سوى (إمارة سنار الخرطوم عطيرة الاسلامية وبالعكس).

لكن يوم الحساب قريب .... وسيكون حسابا عسيرا، تدفعون فيه ثمن كل جرائمكم.

القتل والسحل والتعذيب في بيوت الأشباح والإبادة الجماعية في دارفور ونهب المال العام ... وتفتيت وحدة البلاد.

ستسحف عليكم شعوب السودان من الجنوب الجديد ومن دارفور ومن الشرق ومن الشمال وتنظف أرض السودان منكم شبرا شبرا، بيت بيت حارة حارة زقاق زقاق!

Quote: نحن في موقع الراكوبة نشهد و نقر بأن جميع صور هذه الجرائم البشعة قد أرتكبت في حقكم و أنها وصمة عار في جبين كل مواطن صالح و سوداني أصيل شرب من مياه النيل الخالد و يجري فيه دم محاربي كوش الأقوياء. و في جبين تاريخنا و حاضرنا و مستقبلنا. و نعلن إدانتنا لها و ندعو كل الشرفاء في بلادنا لإدانتها بشكل جماعي و الإعتذار لكل قبائل السودان و كل جماهير المهمشين من شعبنا التي أكتوت بنيرانها و عانت منها لقرون طويلة و تعويضهم عن كافة الأضرار المادية و المعنوية التي تكبدوها تعويضا يرضيهم و يعيد لهم كرامتهم و عزتهم. و كذلك إدانة كل الأنظمة الحاكمة المتعاقبة التي لم تسعَ لمعالجتها بل سعت بنفسها لتكريسها و مفاقمتها إذ لم تتفق علي دستور دائم و نظام ديمقراطي يحقق العدالة و التنمية المتوازنة و يساوي بين الناس علي أساس المواطنة و يضمن لهم حرية المعتقدات و التعبير و سيادة حكم القانون و يفتح المجال لكل الثقافات السودانية للإنطلاق و التعبير عن نفسها. و في تقديرنا هذا هو الطريق السليم لتجاوز المرارات و ضمان عدم تكرارها في المستقبل. و قد كنا في موقع الراكوبة منذ النشأة و حتي الآن نحرص علي نشر المقالات و المواد السياسية و الفكرية و الأدبية و الفنية التي تصب في صالح وحدة شعبنا و تضامنه و تدافع عن المهمشين و الكادحين من جماهيره الباسلة و قد كنا دائما نرفض نشر كل المقالات الإنفصالية و الإقصائية التي كانت ترد لنا من كل بقاع السودان من الشمال و الجنوب و الشرق و الغرب و الوسط و من السودانيين في المهاجر و المنافي القريبة و البعيدة. و سنحترم خياراتكم و ندافع عنها و نحن علي إستعداد دائماً و مجدداً كي ندفع بحياتنا ثمناً لتطرحوا أرأئكم و تمارسوا حقكم الأصيل في تقرير مصيركم بأنفسكم،





فليحفظ الرب دولة الجنوب الفتية

انت يا حامد يا اخوى انتو زحفكم ده كان بقى زحف سلحفا كان وصلتو

كل يوم شابكننا جاين..... جاين .... جاين .... وخليتونا نحن قاعدين مشرورين عشرين سنه ما وصلتكم

بالله اسرعو شوية ياخ نحن الانقاذ دى طلعت ...... حاجات كثيرة فينا ولينا

لكن الطلعتو لينا ما شفنا منو اى حاجه

فبالله الحقونا ولا خلونا نشوف لينا زولا تانى يلحقنا

Quote: بالامس انتهت حقبة من تاريخ السودان بكل ما فيها من ماسى وجراحات بالامس ذهب منا جزء مريض كان يعطل مسيرتنا

نعم فليذهب بكل المرارات التي ذقناها ولا زلنا

Quote: فبالله الحقونا ولا خلونا نشوف لينا زولا تانى يلحقنا

معتز علي،

إتا قاعد راجي يلحقوك مالك، معوق؟؟

ما تقوم تلحق نفسك.

صعب التعايش مع هؤلاء القوم او بالاحرى صعب تعايشهم معنا او قل صعب تعايشنا معهم او قل ماشئت من تعذر العيش مع بعض

إذا فليذهبوا الى ما ذهبوا اليه وارتضته نفوسهم
وانقلبت موازين المعايير الدجولية

.



الشمال،
الشمال،
الشمال،

الشمال ده حق منو؟
ومن هم الشماليون؟ والله نخشى عليكم من الفرز بعدين!
عشان مابينفع تاني واحد يتكلم بالنيابة عن أصحاب الحق،
يعني إنت بتتكلم عن ياتو شمال! لانو الشمال خشم بيوت،
موقعك شنو في الشمال ده؟! قبل ان توجه الإساءة للجنوب العزيز!
هذه عينة من الاسئلة المحرجة القادمة،
فأستعدوا أيها المتنطعون.


.

Quote: موقعك شنو في الشمال ده؟! قبل ان توجه الإساءة للجنوب العزيز!

فى اى حتة من الخريطة دى :

.

Quote: فى اى حتة من الخريطة دى :

شفت كيف؟!
أسئلة صعبة ، ومحرجة ...

.

Quote: شفت كيف؟! أسئلة صعبة ، ومحرجة ...

صعبة للمبعرف قيمة الوطن

ومحرجة للبايع وطنه بأبخس تمن

الاخ جمال سلام

كان الانفصال وصار الجنوب دوله وفرح بعض اهل الشمال بهذا ومن ضمنهم الحكومه السودانيه ولكن قبل الانفصال
وما زال توجد قبائل شماليه تعيش فى الجنوب وقد اضطر البعض للنزوح شمالا ماذا اعدت لهم الحكومه؟
وخصوصا لا عمل لهم غير الرعى و الزراعه مع العلم المشاريع الاعاشيه لسكان المناطق المتاخمه مدمره
فهل لك الاستعداد ان نقتسم معك السكن و العيش ؟ ام ندخل مره ثانيه فى دوامه الهامش وشعب الجنوب الجديد
واعلم ان السكرى سيعم كل الجسد وسيتقطع اربا ان كان دائما العلاج البتر
وليس فى الحساب جنوب كردفان وجنوب النيل الازرق

وليست مناطق ام جلاله و الجبلين و القيقر و الراوات و الكحله و العمود ببعيده عن اركويت او حتى حلفا
وتحياتى - موسى عبدالله

Quote: فليذهب الجنوب غير مأسوفا عليه .. واليوم بداية تاريخ جديد لسودان

فليذهب الغرب غير مأسوفا عليه .. واليوم بداية تاريخ جديد لسودان !
فليذهب الشرق غير مأسوفا عليه .. واليوم بداية تاريخ جديد لسودان !
وليبقى القرشيين السادة
جنى

لا نبكي علي شي في الشمال مادام هذا خيارهم نحترمه و نقدرهم كنا اخوة و سنظل جيران

Quote: بالامس ذهب منا جزء مريض كان يعطل مسيرتنا

ومتى تذهبون أنتم او من انت راض عنهم...ليس فقط غير مأسوف عليهم بل الأسف كل الأسف في بقائهم...الذين هم مصنع الامراض وكاشفي الاعراض دنيي الاغراض ...أس الفساد مؤذيي العباد مفتتي البلاد ....محيي الفتن صانعي المحن عبرة الزمن محنة الوطن ...أكذب الجماعات صناع المجاعات مشعلي النزاعات ....أضر الناس تجار الحماس بالقش والالتباس....تجار الدين ادعيا التمكين أشر الثقلين ....
نجانا منهم رب العالمين وجعل بأسهم بينهم وأخرجنا من بينهم سالمين ...آمين

آسفين!