رياك مشار يتدخل لوقف كلام باقان اموم الذى بدء فى تقديم البشير دون شكره

فى لقطة جميلة من رياك مشار ، الذى اوقف باقان الذى حاول تقديم البشير دون الثناء عليه ، تقدم رياك مشار شاكرا و معددا لمواقف البشير الطيبة تجاه ما يحدث الان ، إلا ان الصوت قطع ربما ان رياك كتر المحلبية شويه ، سبحان الله قطع الصوت و قت شكر البشير .

ثم ياتى المذيع ليقول إن الكهرباء فصلت من المنصة ، ما قصرت ابدا يا رياك مشار ، و لكن البعض قد ازعجه سماع مدح البشير فى تلك اللحظات . فقطعت الكهرباء فقط عن منصة الصوت .

الاخ هجو سلام
الشئ الغريب انو باقان بقدم اغلب فقرات الحفل باللغة العربية ....
مع انهم كاتبين ان اللغة الانجليزية لغة الدولة الرئيسية ..

لا بأس .. فالصوت كان قد قطع أيضاً في الساحة الخضراء يوم استقبال قرنق!

Quote: الاخ هجو سلام الشئ الغريب انو باقان بقدم اغلب فقرات الحفل باللغة العربية .... مع انهم كاتبين ان اللغة الانجليزية لغة الدولة الرئيسية ..

يا مدثر ..

الظاهر آثار "الاستلاب" لسه ما فكت

ههههههههههههههههه

Quote: لا بأس .. فالصوت كان قد قطع أيضاً في الساحة الخضراء يوم استقبال قرنق!

تلك كانت (مقصودة) ..!!!

Quote: ما قصرت ابدا يا رياك مستشار

شكرا اخى يعقوب فقد تم التعديل من رياك مستشار الى رياك مشار.

Quote: لا بأس .. فالصوت كان قد قطع أيضاً في الساحة الخضراء يوم استقبال قرنق

خلاص كدى نكون خالصين ، واحدة بواحدة .

و عليكم السلام اخى الكريم ، اعتقد ان يريد اصال رسالته بصورة اوسع و اعم لان غالبية كبيرة من اهل الجنوب و الشمال لا يعرفون اللغة الانجليزية ، حتى سلفا الان بدء بالعربية . وكمان بدء كلمتة محيا البشير بداية ، ثم قلب انجليزى . .

بالله بقيتو تفتشو ليكم لإبرة في كومة قش؟؟!!!

يا هجو الأقرع خليك من كلام باقان و رياك .... ما سمعت البشير قال شنو؟؟!!
خطاب البشير كللو شحدة لأوباما إنو يفي بوعوده لأنو البشير عمل العليهو (التاريخ سجّلو إنو هو الرئيس السوداني الذي أنزل علم السودان من جنوب السودان) ... البشير يحنس في أوباما إنو يرفع العقوبات و الحظر من السودان لأنو السودان عاني و خلاس تعب من المقاطعة الامريكية ..
البشير موهوم لو أنه يتوقع تغييرا في مسلك امريكا تجاهه و هو (أي البشير) يرسل الطائرات لقصف المدنيين في أماكن أخري من السودان الفضّل ....

Quote: يا هجو الأقرع خليك من كلام باقان و رياك .... ما سمعت البشير قال شنو؟؟!!

ما سمعتو و الله

ما رياك مشار براهو يا هجو
برضو الشخص الذى تحدث قبل رياك كان بيحاول انو يلطف الجو
واثناء حديثه جاءه فاقان وقال ليهو حاجه وهو نهرو واشار ليهو بى اصبعه
ثم جاءت كلمة رياك مشار وكتر فيها المحلبيه برضو
ومن ثم جاء قطع الصوت

ودا كلو من فاقان انتا هو كان شارب حاجه ؟

Quote: ودا كلو من فاقان انتا هو كان شارب حاجه ؟

مرحبا يا صفوة كيفك و عساك رايق ، الزول ده فعلا غريب و عجيب ، رغم ان الانفصال قاسى بس ارتحنا من هذا الباقان.

باقان يعبر عن الغالبيه العظمي من شعبه .....الغريب في كده شنو عاوزين تتحكموا حتي في مشاعر الشعوب الاخري? عجبي.....

Quote: باقان يعبر عن الغالبيه العظمي من شعبه .....الغريب في كده شنو عاوزين تتحكموا حتي في مشاعر الشعوب الاخري? عجبي.....

فى حاجة اسمها الذوق مثل ما فعل السيد رياك مشار و مثل ما فعل السيد سلفا برضو ، كما انه يعبر عن غالبية شعبه دى حلوة شديد .

Quote: يا هجو الأقرع خليك من كلام باقان و رياك .... ما سمعت البشير قال شنو؟؟!! خطاب البشير كللو شحدة لأوباما إنو يفي بوعوده لأنو البشير عمل العليهو (التاريخ سجّلو إنو هو الرئيس السوداني الذي أنزل علم السودان من جنوب السودان) ... البشير يحنس في أوباما إنو يرفع العقوبات و الحظر من السودان لأنو السودان عاني و خلاس تعب من المقاطعة الامريكية .. البشير موهوم لو أنه يتوقع تغييرا في مسلك امريكا تجاهه و هو (أي البشير) يرسل الطائرات لقصف المدنيين في أماكن أخري من السودان الفضّل ....

سلام ياأخى هجو:
فعلا منظر البشير وهو بشحد وبستعطف فى اوباما كان مخجل!

أنا غايتو دخلت فى ضفورى !

فعلا البشير اليوم وقف وقفة خزى وعار سجلها التاريخ!



* قشي الدمعة يابت الرجال ، ما بحكموك أولاد.....]

تحياتى

هجو الاقرع(ابو محمد)
اها يا جناح الطيب مصطفى حليله باقان وحليل ناسه
فقدتونا الرجال البسندوا الحيل ولسه ساكينهم
شكروا ام لم يشكروا؟؟؟


يشكر البشير على شنو؟؟على قصف وتهجير دينكا نقوك ولا قصف اهل جبال النوبه
ايام الاحتفالات؟؟

قال يشكره قال؟؟!!
رياك بتكونا بس جددتوا ليه(عند افكي البارحه)(هههههههه)
الا باقان محصن اظنه عرف دريبات يفك اسحاركم!!

الا كان يشكر البشير ما عارف...

هو مجبرا زولكم ده ما بطل!!

مرحبا بأبنة العم الدكتورة مهيرة ، كيفك و الاسرة الكريمة حقيقة لم اسمع كلمات البشير ، فقد اتت وقت صلاة العصر ، بصرف النظر عن كلام البشير اعتقد ان امريكا و المجتمع الدولى التزاما بمساعدة السودان حال توصله الى تنفيذ شروط انفصال الجنوب حسب المتفق عليه ( تذكرون كلام اوباما عن الجزرة ) . فعليه لابد من تذكير امريكا او غيرها بما التزمت ، طبعا بالطريقة التى تحفظ هيبة الرئيس و البلد .

تحياتى اختى الكريمة .

كل الحكاية وما فيها يأ أخ هجو
أن مشار والبشير كانوا متآمرين من بدري ، من زمن انقلاب الناصر واتفاقية الخرطوم، ومتفقين على فصل الجنوب
باقان وأولاد قرنق الوحدويين غلبوا على أمرهم بين تآمر الفريقين الانفصاليين الشمالي والجنوبي
فلا غرابة أن يطنب مشار في شكر البشير ولا غرابة أن يكون باقان كارها للبشير ومشار
ولا غرابة في أن يكون الطيب مصطفى وجميع زمرة البشير كارهين لباقان وأولاد قرنق ومحبين لمشار وأمثاله

كل الحكاية وما فيها يأ أخ هجو
أن مشار والبشير كانوا متآمرين من بدري ، من زمن انقلاب الناصر واتفاقية الخرطوم، ومتفقين على فصل الجنوب
باقان وأولاد قرنق الوحدويين غلبوا على أمرهم بين تآمر الفريقين الانفصاليين الشمالي والجنوبي
فلا غرابة أن يطنب مشار في شكر البشير ولا غرابة أن يكون باقان كارها للبشير ومشار
ولا غرابة في أن يكون الطيب مصطفى وجميع زمرة البشير كارهين لباقان وأولاد قرنق ومحبين لمشار وأمثاله

Quote: كل الحكاية وما فيها يأ أخ هجو أن مشار والبشير كانوا متآمرين من بدري ، من زمن انقلاب الناصر واتفاقية الخرطوم، ومتفقين على فصل الجنوب باقان وأولاد قرنق الوحدويين غلبوا على أمرهم بين تآمر الفريقين الانفصاليين الشمالي والجنوبي فلا غرابة أن يطنب مشار في شكر البشير ولا غرابة أن يكون باقان كارها للبشير ومشار ولا غرابة في أن يكون الطيب مصطفى وجميع زمرة البشير كارهين لباقان وأولاد قرنق ومحبين لمشار وأمثاله

بس برضو كمان يبين الخلاف الحاد بين القوم ، بعدين باقان من يومو معروف بالجلافة

لقد رفرف علم دولة جنوب السودان فوق سماء دولة جنوب السودان التى إقتلعت حريتها إقتلاعا من براثن الجهلول ومتعطش الدماء المجرم عمر حسن احمد البشير وبؤساء مشروعه البدائى !

بإعلان إستقلال دولة جنوب السودان يكون ماتؤمنوا به من هوس قد ذهب الى مذبلة التاريخ.
المجد لدولة جنوب السودان المنتصرة وشعبها العظيم ... فهكذا يكون النضال.

الاخ الأقرع سلامي واحترام: علاوة علي ان البشير اطنب وبالغ في تذكير امريكا بوعدها تجاه السودان ان هو اوفي بوعده، فهو قد بالغ عندما ذكر بان اجراء الانتخابات والاستفتاء هي واحده من تنفيذ وعوده تجاه المجتمع الدولي ، وكأن الغرض من الانتخابات هو ارضاء المجتمع الدولي اكثر من التزام تجاه الشعب والديمقراطية ..........هذا فعلاً ما اضحكني هو الشفافية والصراحة الزائدة والتي توضح بجلاء ان البشير كان غرضه من الانتخابات والاستفتاء هو ارضاء المجتمع الدولي وتخفيف الغضب الدولي علي سلطته .......إذن ياجماعة الخير انتخابات وعملناها ليكم واستفتاء واجريناه ليكم وكمان الاعتراف بنتائجه ايضاً قبلناه وده كان كلو من اجلكم ومن اجل رفع العقوبات المفروضة علينا.......وهذه باهجو بتفصح عن الولاء المبالغ فيه للخارج[...........الذي يدعي البشير وسلطة الانقاذ انها في حل من اي ارتباط بالاجنبي ، وان خصومة امريكا لهم نتيجة للانعتاق والتوجه الاسلامي الذي تنتهجه سلطة الانقاذ (مضحكة دي والله)/B]