Post: #1
Title: أما آن لهذان الفارسان أن يترجلا ....!!!
Author: دينا خالد
Date: 07-09-2011, 10:26 AM
ـــــــــــــــــــــــــ
فى هذا اليوم الاسود بنقول لكما ::
خلاااااص وصلنا الميس ... وسعيكما مشكور
ارتاحا ,, اخدتوا فينا الحق والزايد .. شكرا
|
Post: #2
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 10:35 AM
Parent: #1
اخدو معاكم البوارى والمواتر والزفه ..
اخدو معاكم القصور ....
ـــــــــــــــــ
فارقونا ياخ !!!
|
Post: #3
Title: Re: أما آن لهذان الفارسان أن يترجلا ....!!!
Author: Hisham Amin
Date: 07-09-2011, 10:46 AM
Parent: #2
دينا ازيك
|
Post: #4
Title: Re: أما آن لهذان الفارسان أن يترجلا ....!!!
Author: الشامي الحبر عبدالوهاب
Date: 07-09-2011, 10:57 AM
Parent: #3
حتي لو لم يترجلا طوعا
سيترجلا كرها
لقد اديا المهمة المناطة بهما قدرا
ولم يبق في حوزتهما شيئ
|
Post: #5
Title: Re: أما آن لهذان الفارسان أن يترجلا ....!!!
Author: عبدالله احيمر
Date: 07-09-2011, 11:10 AM
Parent: #4
يا دينــا هـو آن الأن وبس
ديـل آن لهـما من زمن طويل
و ما عاوزين يســمعا الكــلام
ولكنهـما حبـل القــرع الإندرع
بس الله يفكنــا
ونقــول لهمــا ( إذهبـا ومعـكما آخــرون ) يونسـوكم
و يكسـروا ليكم التلج ما تخلوهـم لينـا بعـدكم
|
Post: #6
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 11:38 AM
Parent: #1
دولتين
وشــــــــــــــــعــــــــــب واحـــــــــــــــد !
يجب ان يتمسك شعب الجنوب باسم دولة جنوب السودان
حتى تظل وصمة الانفصال فى الجبين كلما
سبق اسمه لقب رئيس دولة شمـال السودان فقط !!
يجب ان يحرم من لقب الرئيس السودانى والى الابد ...
ويجب ان يتمسك شعب شمال السودان باسم دولة شمال السودان
حتى تظل وصمة الانفصال فى الجبين كلما
سبق اسمه رئيس دولة جنوب السودان فقط !!
ـــــــــــــــــــــ
على بكرى لما يصحا من النوم الارتقاء بقمة البورد
لمستوى الحدث ... فالساعة بتوقيت السودان يا بكرى
تشير الى تمااام الانفصال .. وبضع دقايق ..
الى سقوط الجزء السفلى العزيز من خريطةالوطن الى غياهب المجهول
حد يصحى ى ى ى بكرى ى ى ى ى !!!
|
Post: #7
Title: Re: أما آن لهذان الفارسان أن يترجلا ....!!!
Author: قيقراوي
Date: 07-09-2011, 11:57 AM
Parent: #6
Quote:
على بكرى لما يصحا من النوم الارتقاء بقمة البورد
لمستوى الحدث ... فالساعة بتوقيت السودان يا بكرى
تشير الى تمااام الانفصال .. وبعض دقايق ..
الى سقوط الجزء السفلى العزيز من الوطن الى غياهب المجهول
حد يصحى ى ى ى بكرى ى ى ى ى !!!
|
طيب لخير كدي ما تخليهم تلاتة ياخ!؟
ذاتو المخاطبة بصيغة الجمع اسهل لينا من المثنى ..
باقية لي فلهمة فلهمة كدي مش؟
-------
دندون
دائماً جميلة
كل وجع و انت بخير
|
Post: #8
Title: Re: أما آن لهذان الفارسان أن يترجلا ....!!!
Author: فايزودالقاضي
Date: 07-09-2011, 12:13 PM
Parent: #7
دينا ...سلامات ياشقيقة ..
شن جاب لجاب ..واحد رمز للحرية والانعتاق والتاني رمز للانفصال والانبطاح ..
ــــــــــــــــــ
بعدين حرف الجر ده مابجر(الفرسان) ليه ؟!!! جر قيقراوي بلا ..
|
Post: #9
Title: Re: أما آن لهذان الفارسان أن يترجلا ....!!!
Author: محمد البشرى الخضر
Date: 07-09-2011, 02:02 PM
Parent: #8
دنانش ....
البشير آن وأي شي لكن سلفاكير دا ما يتهنى شوية
اليصرف ليه ماهية شهرين تلاتة اول الما لحق قرنق يصرفها
|
Post: #10
Title: Re: أما آن لهذان الفارسان أن يترجلا ....!!!
Author: طارق جبريل
Date: 07-09-2011, 02:18 PM
Parent: #9
يا دينا كيفنك ياخي
يا زولة هوي الضرب على الميت حرام
ان كان للبشير دة جلده مات من زمااااااااااااان
|
Post: #11
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 02:33 PM
Parent: #9
انت اووول الخاسرين !
تقلصت رقعة سلطانك اليوم ... وتناقصت رعيتك ..
واصبحت بلا ريش تصوقر به وبلا رياك قاى !!
اليوم فقدت صولجانك وقهرك لقطعه جغرافية وبشر ..
فعلى ماذا يذبح الخال الذبائح فى الخرطوم ؟؟
اليوم فقدكم جلل ومصابكم لو تعلمون كبير ..
ـــــــــــــ
توقعات بارتفاع اسعار كريمات التبييض ابتداءا من اليوم...
وذلك للاقبال الشديد عليها من المحتفلين الرجال من ذوى البشرة السوداء
|
Post: #12
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 02:40 PM
Parent: #9
هشام امين !
صباح الانفصال ياخ .. سلامات
ودايما طيب انت ..
الشامى الحبر
Quote: لقد اديا المهمة المناطة بهما قدرا
ولم يبق في حوزتهما شيئ |
لكن منو البقنع الديوك ؟؟
ذبحونا ذبح !!
عبد الله الاحيمر
انشالله طيب انت ؟ مفتقدنك والله
Quote: ولكنهـما حبـل القــرع الإندرع
بس الله يفكنــا |
نقول يحلنا الحلا بله من القيد والمزله ؟؟
ــــــــــــــ
عارف الحلا بله شنو ؟؟
الموووووت .. فقط الموت ولا شىء غير الموت ...
|
Post: #13
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 02:50 PM
Parent: #9
قيقراوى يا شريكى فى الوجع !!
ياخ خلى بكرى فى حالو ..
بكرى دا خلاس ارمى طوبتو ياخ ..
لوووووووووووب .
ود القاضى ازيك فى هذا المساء الحزين
كيييف امسيت يا جنوب !!
Quote: شن جاب لجاب ..واحد رمز للحرية والانعتاق
والتاني رمز للانفصال والانبطاح .. |
والله الاتننين دا تضرب بى دا ، لو التزموا خارطة الطريق
لوصلنا للحرية والانعتاق بوحدة كاااملة الدسم ..
ما تشكر لى سلفا دا .. الليله دى بالذااات خلى يوم تانى !!
انت يا رطانى شن عرفك بحروف الجر كمان .. لووووووب
هم الفرسان راضيين يتعتعوا ؟
ديل قطر ما يجرهم خلى حرف الجر المسكين !!
ــــــــــــــ
هم فرسان نصاح !!!
|
Post: #14
Title: Re: أما آن لهذان الفارسان أن يترجلا ....!!!
Author: دينا خالد
Date: 07-09-2011, 03:00 PM
Parent: #9
ود البشرى !
سلامات وعساك طيب
Quote: البشير آن وأي شي لكن سلفاكير دا ما يتهنى شوية
اليصرف ليه ماهية شهرين تلاتة اول الما لحق قرنق يصرفها |
عارف زكرتنى المصريين يوم اعصابهم بااايظة عز الثورة
وقالوا ليهم حسنى مبارك ح يلقى خطاب
كل التوقعات كانت بانه ح يتنحى ...
جاء وبقى يقول ليهم بعد السبعه شهر وبعد السبعة اشهر وب الخ
واحد كورك من هناك
يا عم خد حقهم وروح !!
هسه ذى ما قال المصرى خلى ياخد حقهم ومعاهم واحد برنيطة
ويروح ... سل روحنا ..
|
Post: #15
Title: Re: أما آن لهذان الفارسان أن يترجلا ....!!!
Author: دينا خالد
Date: 07-10-2011, 05:21 AM
Parent: #14
يا طارق جبريل
سلام ..
وستر الميت بدفنه .. مش كدا ؟؟
لقد اكملا المهمة بسلام امنين ..
وفشلوا فى جعل الوحده جاذبة ..
هل يمكنا الان النظر من خارج الاطار ...!!
قالوا الزول لو موجود فى الصورة ما بقدر يشوفها
لكن لو مرق خارج الاطار وقعد بعيد بشوفها كويس
كثير من ثقافتنا تجاه الجنوبين مريضة
معلوله ومعطوبه .. لم نستطع الخروج من اوهام قديمة
فهل ان اوان تغيير ثقافتنا ونظرتنا الى الجنوبيين ؟
ـــــــــــــــــ
نحتاج لقيادة جديدة وبمفاهيم كمان جديدة !
|
Post: #16
Title: Re: أما آن لهذان الفارسان أن يترجلا ....!!!
Author: حامد بدوي بشير
Date: 07-10-2011, 08:20 AM
Parent: #15
دينا،
لك التحية.
رجاءا تحدثي عن فارسكم أو مفترسكم، فقط.
لا علاقة لك بفوارس الأجانب.
|
Post: #17
Title: Re: أما آن لهذان الفارسان أن يترجلا ....!!!
Author: نادر
Date: 07-10-2011, 08:36 AM
Parent: #16
التواريخ العظيمة يصنعها العظماء، وعلى النقيض المنحظة يسهم في حدوثها البائسين
|
Post: #18
Title: Re: أما آن لهذان الفارسان أن يترجلا ....!!!
Author: قيقراوي
Date: 07-10-2011, 10:02 AM
Parent: #17
Quote:
هل يمكنا الان النظر من خارج الاطار ...!!
قالوا الزول لو موجود فى الصورة ما بقدر يشوفها
لكن لو مرق خارج الاطار وقعد بعيد بشوفها كويس
كثير من ثقافتنا تجاه الجنوبين مريضة
معلوله ومعطوبه .. لم نستطع الخروج من اوهام قديمة
فهل ان اوان تغيير ثقافتنا ونظرتنا الى الجنوبيين ؟
|
تعرفي يا دينا
الحفظني قرآن - قدر الحافظو - هو دينكاوي؟
آن اوآن التغيير ..
بالجد آن و نص و خمسة .. دا لو ما فات عديييييل!
فهلا ظبتوا ساعات فهمكم ..
دا - طبعاً - مع مراعاة فروق الوقت يا اهل الكهف الشمالي!؟
-----
قلت لي انسى صيغة الجمع؟
حاضر يا ستي .. حاضر
المافي شنو هو!؟
|
Post: #19
Title: Re: أما آن لهذان الفارسان أن يترجلا ....!!!
Author: داليا حافظ
Date: 07-10-2011, 10:20 AM
Parent: #18
سلام يا دينا
Quote: لكن لو مرق خارج الاطار وقعد بعيد بشوفها كويس
كثير من ثقافتنا تجاه الجنوبين مريضة
معلوله ومعطوبه .. لم نستطع الخروج من اوهام قديمة
فهل ان اوان تغيير ثقافتنا ونظرتنا الى الجنوبيين ؟ |
حتتغير ولا على كيفنا ..مافي أكبر من درس الرفض الكبير للوصاية ..وكل الأصوات المكابرة جو نفسها في وجعة من رفض الآخر لأنها إتعودت هي الترفض ـ لمن تتختا في مقام معكوس بحرقك ـ لو متصالح مع نفسك حتجر الشريط وحتصلح من أخطاءك قدر قدرتك ،..لو إنسانتك لسه عايز شغل حتتلفت وحتمعن في الإساءة والتجريح لأنك ماقادر تستوعب أنو الأخر ده يقول ليك "سوري ليك " ما داير معاك " ..لكن برضو بترجع وإن تأخر الرجوع ..
بتمنى أن الأوهام ما تظل معششة في البعض لزمن طويل ..لأنو الجنوبيين ركبوا قطارهم متجهين نحو أهدافهم ،منعتقين من الوصاية، بفتشوا على ظل بشبهم ومفصل على مقاسهم، ما حيلتفتوا لدعاوى البعض إنهم ما حيقدروا ..وما وما ، وبكرة لو الله أدنا عمر بنشوف دولة جنوب السودان كيف حتبقى ..وإنسانا قدر شنو كان بستاهل قدر أفضل ونظرة أحسن ..
|
Post: #20
Title: Re: أما آن لهذان الفارسان أن يترجلا ....!!!
Author: دينا خالد
Date: 07-10-2011, 05:07 PM
Parent: #19
حامد بدوى
Quote: رجاءا تحدثي عن فارسكم أو مفترسكم، فقط.
لا علاقة لك بفوارس الأجانب. |
لوووووووووووب
الحزنان وواعى !
الاجانب دى صعبه خلاص ..
اجنبى اجنبى
نقول لى ذى بشار الاسد
وذى على صالح ارحل ارحل برضو
اما ان لهذين الفارسين المجرورين بحرف الجر او كما قال
(خفنا منك انت بتاع عربى وكدا )
ان يرحلا ؟؟
نادر
القول ما قلت والله ... تسلم .
قيقا
| Quote: الحفظني قرآن - قدر الحافظو - هو دينكاوي؟ |
وانا اقووووول الدينكاوى دا مالو؟ لوووووووب
كان ممكون وصابر ,,,
انت قيقا وااااحده والقران داير 144 قيقا ..
بكرى دا خلى فى حاااالو قلنا .. بتسخت ..
ما شفت على ع صالح ؟؟؟
الجميله دلوية
منورة بارائك المميزة ولغتك الفخيمة
Quote: بتمنى أن الأوهام ما تظل معششة في البعض لزمن طويل
..لأنو الجنوبيين ركبوا قطارهم متجهين نحو أهدافهم ،منعتقين من الوصاية، |
Quote: بتمنى أن الأوهام ما تظل معششة في البعض لزمن طويل
..لأنو الجنوبيين ركبوا قطارهم متجهين نحو أهدافهم ،منعتقين من الوصاية، |
كلامك 100%
|
Post: #21
Title: Re: أما آن لهذان الفارسان أن يترجلا ....!!!
Author: ود الباوقة
Date: 07-10-2011, 05:17 PM
Parent: #20
دينا
حتى وان ترجل المشير البشير فالقافلة لن ترجع
الى الخلف
يلا
الى اليمين شمال دور
مودتي ....
|
Post: #22
Title: Re: أما آن لهذان الفارسان أن يترجلا ....!!!
Author: وليد محمد المبارك
Date: 07-10-2011, 05:23 PM
Parent: #21
يا دينا
دولة شمال السودان دي ياتو دولة ؟
مافي دولة اسمها شمال السودان ولا حتى في دولة اسمها السودان الشمالي
|
Post: #23
Title: Re: أما آن لهذان الفارسان أن يترجلا ....!!!
Author: أبو ساندرا
Date: 07-10-2011, 07:10 PM
Parent: #22
ماعندي اي مزاج
لا للكتابة لا للقراية أم دق
لا للمزاج ذاتو
أيوة البشير ومن قبله الترابي ومن خلفه كل الكيزان ، سبب في الإنفصال
وموت أو إغتيال جون قرنق ، سبب تاني ، على نحو مغاير
وتحول الحركة الشعبية 180درجة من الدعوة لسودان جديد إلى حشد صفوف الجنوبيين خلف رايات الإنفصال ، سبب
لكن ، كمان سكات الشعب السوداني الفضل
وهو يرى [أم عينيه وويسمع بخالة أذنيه ، الإنزلاق السريع نحو الإنفصال
ولم يتحرك ، وكأنه كان ينتظر معجزة من السماء
والنقووول ، كان منتظر معجزة
ولم تأتي المعجزة بالأمس
طيب ، ولا مظاهرة واحدة ؟
وكأنه إنفصل غرب تشاد ؟
|
Post: #24
Title: Re: أما آن لهذان الفارسان أن يترجلا ....!!!
Author: دينا خالد
Date: 07-10-2011, 08:27 PM
Parent: #23
ابو ساندرا وغضبك جميل ذى بسمتك ..
الحاجات بتنجض وح تنجض شيلوا الصبر
بعدين هسه الجزيرة فاضية من العرب الجد جد ؟
نعمل مظاهرة يجلونا ...
وليد اسمها دولة شمال السودان ان عجبكم
ود الباوقة ..
هو بس ال يترجل .. القافله هينة
والببقا على ان هيييييين ...
مش انتو ديل .. مقدوووووووور عليكم ..
الى اليسار در ...
كما كنت ..
|
Post: #25
Title: Re: أما آن لهذان الفارسان أن يترجلا ....!!!
Author: الرفاعي عبدالعاطي حجر
Date: 07-10-2011, 10:52 PM
Parent: #24
ربما يرى ابناء الجنوب في سلفا كير الفارس
والقائد نحو الاستقلال والحلم حلم الانعتاق
لكنا في الشمال لا نرى فارس ولا ركوبه نرى
اطرش في الزفة وصل الميس وفات الحد وهو لايدري
اللهم ارحم مواتنا الاحياء من امثال البشير
تحياتي استاذة دينا .
.....................................حجر.
|
|