|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
Quote: ايزاك وكواسي
والجنوبي الذي حلف بالطلاق في بنطون رفاعة
|
يا سسسسسسسسلام يا خليل ياخي... وانا الليلة من الصباح صحيت والراس فيهو صديقي القديم في كراكير جوبا الشهير (بكااااك) وكاك هذا كان ابوكرنك ولكنه كان ايضا احرف فردة باك راته عيوني في نواحي دافوري اطلع برره
الشخوص هاطلة في هذه الصباحات التاريخية يا خلي وجزء عزيز من الوجدان يذهب مع الريح وبودرة عفريت الساسة... وحتما سيهطل اميقو....وسيهطل سبت رقو رقو....وستهطل دجج وقد اعود الي هذا البوست في معية شوتي ود شاويش في رقصة افريقية ذات اسلو موغل في الدهشة وقد لا اعود وساعتها تيقن بان الكااانجي موروووووو قد فعل الافاعيل براسي خالك كيكي المدوقس في يوم الاشجان والمشاعر المتموجة ما بين الرغبة والممانعة
| |
|
|
|
|
|
|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
ابوكدوس wayeeeeeeee بنج ديد wayeeeeeeeee هذا الابوكدوس وذلك اللوغو الذي نسافر في تحت مظلة كجوره في الجخانين والكراكير الاسفيرية واحد من الاشياء التي تتنازعها سيرة وسطوة هذا اليوم التاريخي... فابو كدوس صاحب القسمات الصارمة والوجه الافريقي المعتق سيظل معلقا في كل الفضاء الاسفيري تعبيرا عن محبة وامل ووعد بالعودة الي سيرة البلد الكبير المتنوع في كل اشيائه الجميل المتسامح الخالي من المرضي العنصريين والاوباش الكاذبين النافخين ريشهم الطاووسي كذبا وبهتانا وكيسا موغل في الفضاء
والمجد والخلود لصديقي الجميل ابو كدوس معشوق الرياح في يوم رحيله في الاوراق الدولية ودولته الجديدة فكن بالف سلام ومحبة وجمال يا ابو كدوس اينما كانت احداثيات تواجدك في هذا اليوم
| |
|
|
|
|
|
|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
ابو كدوس الاخر... حضور اسفيري واحتياطي استراتيجي لابو كدوس الكبير وكجور ملهم للكركبة والدشمان ومقارعة مستهبلي الاسافير واصحاب الخطابات البائسة نادر الحضور الي ساحات العمل الاسفيري ولكن عند حضوره تهطل معه سيرة ضرب الركب الكيزانية المتهالكة واعلان حروبات اسفيرية موغلة في العجاج والكركبة
والمجد والخلود لابو كدوس الاسبير في يوم الحزن الكبير الممزوج بالحرية والانعتاق من سلطة الموتمر الوطني الرعديدة وةكن بالف سلام ومحبة وخير يا ابو كدوس الثاني ايها النبيل
| |
|
|
|
|
|
|
Re: كدي جيبو لي انا كينجي مورووووو.....!!! (Re: nazar hussien)
|
غايتو أنا الليلة بكيت بكا يستر جنازة
ولما باقان يقول جنوب السودان وييييي بكيت من الفرح ليهم ولما فتحوا تمثال جون قرنق بكيت وساعة رفع العلم بكيت
بعد شوية يجيك كيكي الما بيغباني في التلفزيون هي سجمي دا ما كيكي
لكن متنكر باسم عبد الكريم الأمين أحمد - باحث سياسي سوداني
أجي ياااا باحث؟
أوب كدوس وييييييي
| |
|
|
|
|
|
|
Re: كدي جيبو لي انا كينجي مورووووو.....!!! (Re: تيسير عووضة)
|
Quote: بعد شوية يجيك كيكي الما بيغباني في التلفزيون هي سجمي دا ما كيكي
لكن متنكر باسم عبد الكريم الأمين أحمد - باحث سياسي سوداني
أجي ياااا باحث؟
أوب كدوس وييييييي |
لووووووووول هلا يا تيسير وكيكي زاااتو وقبل هذه الطلة التلفزيونية اخد ليهو بكية خطافية كده ثم قشقش دموعو وبعدها اتحكر لناس الجزيرة ديل وباحث دي لمن سمعتها قربت اعمل معاهم كركبة ولكن قلت عدي يا ود فاليوم ما بستحمل مزيدا من الكركبات ...ولايصح ان تكركب وانت حزنان اوفرحان هكذا يقول خبراء الكركبة.....
--------- يوم غريب وعجيب يا تيسير ومشاعر نادرة الحدوث عشناها اليوم ولانزال نعيشها
| |
|
|
|
|
|
|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
Quote: وبحثت عن تسجيل لبرنامج الجزيرة مباشر الذي شاركت به وعنوان الحلقة "جنوب السودان الدولة الوليدة" ولم أجده ... لو عندك ليهو خيط يا ريت تسعفني بيهو ... |
هلا يا صبري والحلقة يا دوبك تم بثها يوم امس وما ختوها في موقع الجزيرة حتي الان وانا موعود بالتسجيل وفي اقرب فرصة ح اجيبو المنبر باذن الله
وتحياتي يا صبري وشكرا علي الاهتمام
| |
|
|
|
|
|
|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
Quote: ابوكدوس wayeeeeeeee بنج ديد wayeeeeeeeee |
الغريبة يقولوا ليك الجيويوكندا (المونلايزا) أصعب لوحة لوجه يمكن قراءتها ففي نصف الوجه الأيمن ( ابتسامة شنو كده ما عارف) و في النصف الثاني ( حزن شنو كده ما عارف) يعني شعورين في سروال واحد (وجه) واحد
لكن ياكيكي أخوي باختيارك الواعي لهذا الوجه هزمت قراء الوجوه طرة
حقو تفرح الجنوب تحرر حقيقي أخوي عقبال الجميع أهــــا ! كان اسقطت هذه الصورة من بروفايلك لا بيني ولا بينك
| |
|
|
|
|
|
|
Re: كدي جيبو لي انا كينجي مورووووو.....!!! (Re: آدم صيام)
|
Quote: حقو تفرح الجنوب تحرر حقيقي أخوي عقبال الجميع أهــــا ! كان اسقطت هذه الصورة من بروفايلك لا بيني ولا بينك |
هلا يا الهادي وتحياتي.. وابوكدوس سيبقي في هذه المساحة الاسفيرية طالما بقي قلبنا ينبض عنوانا ووفاء واملا في يعم السودان قيم الحرية والانعتاق من سطوة حكومات الفشل والخيبة...
| |
|
|
|
|
|
|
Re: كدي جيبو لي انا كينجي مورووووو.....!!! (Re: آدم صيام)
|
Quote: فعلاً، إنه من الصعب أن تحرر ما وقر في قلب غيرك |
تحياتي يا ادم وياخ قلوبنا بالجد بيضاء ونواياها صادقة تجاهك ولم يوقر فيها سوي الاحترام والمودة وهذه الخطاء في الاسم بالتاكيد هي خلطة وخطاء غير مبرر ولا يستند علي اي شي اخر فالرجاء قبول اعتذاري الشديد مع كل تقديري واحترامي يا ادم
| |
|
|
|
|
|
|
Re: كدي جيبو لي انا كينجي مورووووو.....!!! (Re: طه كروم)
|
Quote: سلام تاكى أخو .. أت قا دورو كلام تاع كونجو مورو,, وانا فا أدورو
سكة كيف .. لفريدم سكوير .. كلام زعلان بقى بطال ..
خلى أنا مع كدوس تاع أخو بتاعى جوزيف أبو نجلامة نروح دورو فى أطلع برة
ولا حى ثورة ولا مونكى ..مسكلة مافى |
سلام يا تاكي يا اخو وسهبي تاااااااي ونقارة تاااا فريم دربو يا جك داكل جوبا... وخلااااس ناس واني ولادو وجوني ودرو وجوزيف ابو نجلامة ودورو واطلع بره ودرو وكتور وملكية وحي لوفيت وكل هاجة دي ودورو ياااااااخي.....
انا سهي سهي جي كورررررررري
| |
|
|
|
|
|
|
Re: كدي جيبو لي انا كينجي مورووووو.....!!! (Re: عبدالكريم الامين احمد)
|
كانت من الجنوب وكان هو من الشمال السوداني وكان طفلهما هو الاجمل علي الاطلاق في زمرة اطفال الحي ذوي السحنة الابنوسية... وعقب احتساء جرعات من العرقي المرعب التقطير ليلا تشاجرا علي مقربة من المذياع الذي افتي بان الشمالي شمالي والجنوبي جنوبي..فلم تمر لحظات الا وتقطعت اوصال اجمل الاطفال شطرين وكانت شلالات الدماء هي من ترسم خطوط ابتعادهما شمالا ثم جنوبا
| |
|
|
|
|
|
|
|