Post: #6 Title: Re: كنت بضاري من الناس Author: عفاف أبو حريرة Date: 07-09-2011, 05:48 AM Parent: #5
يا ناس سلام والله المنبر يطمم البطن والسودان حاله يطمم البطن والحياه كلها تطمم البطن عشان كدي خلونا مع اهلنا الشوايقه ديل وكنت بضاري من الناس وخايفه عليه من العين
Post: #7 Title: Re: كنت بضاري من الناس Author: عفاف أبو حريرة Date: 07-09-2011, 06:27 AM Parent: #6
Post: #8 Title: Re: كنت بضاري من الناس Author: نادر النور آدم Date: 07-09-2011, 07:16 AM Parent: #7
الملكة بت الملوك أم أحمد والله الشوايقة غناهم سمح وكلامهم طاعم بالحييييييييييل .. لكن الكفاوي المتعاقبة دي ما خلت لينا ذاتو حس نستمتع بيه بس نردد الصبر طيب .. وربنا كريم
Post: #9 Title: Re: كنت بضاري من الناس Author: عفاف أبو حريرة Date: 07-09-2011, 07:29 AM Parent: #8
Quote: الملكة بت الملوك أم أحمد والله الشوايقة غناهم سمح وكلامهم طاعم بالحييييييييييل .. لكن الكفاوي المتعاقبة دي ما خلت لينا ذاتو حس نستمتع بيه بس نردد الصبر طيب .. وربنا كريم
والله يانادر مرات الواحد يحس بي الم ووجع من الحاصل حوليه لمن تحن علي حالك ومرات تحس انك بليد يازول الله كريم علينا ابقي قريب
Post: #10 Title: Re: كنت بضاري من الناس Author: طارق عبد اللطيف نقد Date: 07-09-2011, 07:44 AM Parent: #9
الاخت العزيزة ام احمد سلام
لا تنبش الماضى البعيد والم تكن يوما لقلبى واقعا مجهوا لا تنكا الجرح القديم فاننى ودعت ليلا مظلما وثقيلا وحملت روحى فى فواد ناذف مازال يحمل نصفه مشلولا
لكن برضو نتفائل انه غدا اجمل الله يكضب الشينه؟
Post: #11 Title: Re: كنت بضاري من الناس Author: عفاف أبو حريرة Date: 07-09-2011, 08:23 AM Parent: #10
Quote: لكن برضو نتفائل انه غدا اجمل
الله يكضب الشينه؟
والله يا طارق الشينه بقت تمشي بي كرعيها خليها علي الله
Post: #12 Title: Re: كنت بضاري من الناس Author: عفاف أبو حريرة Date: 07-09-2011, 08:36 AM Parent: #11
حلاة بلدي وحلاة نيلا حلاتا بشيلا في قلبي واشيل طنبوري غنيلا حلاة الساقية لما تدور تكب الموية تروي الطين حلاة تربالا لمن يسقي في الحيضان شمال ويمين مشمر ساعدو طول الليل عشان الخير يكون خيرين حلاة بلدي وحلاة ناسو حلاة الطيبة والطيبين ونيلاً ما نضب نبعو على مر القرون منساب حبابو العشنا خيراتو تدفق لا فتر لا شاب حبابو البجري في دمانا مدى الايام ولسة شباب حلاتو البيهو تاريخنا حضاراتنا بشيلا كتاب وبي طنبوري غنيلا اردد قول ياليل حلاة بلدي السمح طينا هواها عليل جمالا نديم مساحتا فيها مليون ميل حباب الفي الجنوب جنات تعانق في شمالا نخيل حلاة الفي الوسط عمران مشاريع تحكي نهضة جيل حلاة بلدي
Post: #13 Title: Re: كنت بضاري من الناس Author: Mohamed Abdelgaleel Date: 07-09-2011, 08:42 AM Parent: #11
محمد الحسن سالم حميد لو رجعت وايدني فاضي
لو رجعت وايدي فاضي يابا ما راح تبقي راضي والبلد ما بتبقي راضي ونفسي ماراح تبقي راضي والنخيل الكان بشابي يهش ينادي يصد يقبل مني غادي والدروب الكان بتفتح ضفتين احضانها نادي عليها اه تسب خطايا تكب ترابها علي قفايا تقوم تعتر لي جوادي والقلوب الكان بتفرح تكشح الشوق في الايادي جيتي ليها بلا ابتسامة تبقي زي جيت الغمامة للاراضي الغبشة فاضي با نخل ياطين سلام يا غلب في المغربية لما تتزمر صبية والا حبوبةً قبيلك باركة لي امي الشهادي في التراب الراجي لي تنقلب بي شد علي وتنكسر قدر الولادي يا غلب لو عدت فاضي للغمت في ايدي موادع او عصر حق الزوادي يا بحر مابي الزيادي يانخل ياطين سلام ياضراع في التقله يكدح يامدارس ياحدادي ياغبش صر ياغلابة يامقاطيعاً في وادي وضالتن ضلت في وادي وداي كفرن فيني شعوت خيل قراطيسي ومدادي من مداين غيمة دافق نيل سلام يروي البوادي او يبل ريق امي يمة شوقي جاي اشواقي غادي مشتهيكن نشتهيكن في صهاري ايامي يلمع في ضلاما يبق وشيكم وفي خطاوي الناس بفتش لو اصادف يوم مشيكم وحد ما اعاين في عيونن ما الاقي متل عيونكم وغربل الالوان وحاتكم ما لقيت يا يمة لونكم ما انتو لونكم لون بلدنا لون جناينا لون سماها لون ترابا و لون نخيلا لون قماريها وهديلا وضفتينا الماسكا نيلا وبينا هادر زي مسيره انتو صوتكم صوت بلدنا صوت تواريخا وضميرا وصرختو الدواية العزيرة وباقي زي نار الهجاير في حطب غابة الظهيرة
Post: #14 Title: Re: كنت بضاري من الناس Author: عفاف أبو حريرة Date: 07-09-2011, 09:01 AM Parent: #13
Quote: في صهاري ايامي يلمع في ضلاما يبق وشيكم وفي خطاوي الناس بفتش لو اصادف يوم مشيكم وحد ما اعاين في عيونن ما الاقي متل عيونكم وغربل الالوان وحاتكم ما لقيت يا يمة لونكم ما انتو لونكم لون بلدنا لون جناينا لون سماها لون ترابا و لون نخيلا لون قماريها وهديلا وضفتينا الماسكا نيلا وبينا هادر زي مسيره انتو صوتكم صوت بلدنا
Post: #15 Title: Re: كنت بضاري من الناس Author: خالد المحرب Date: 07-09-2011, 09:24 AM Parent: #14
كل ما اتمناها اختى العزيزه لشعب الجنوب ان يجد الاستقرار والحريه التى من اجلها صوت لهذا الانشطار المؤلم دى مسئولية من يقودون البلاد الان الشعب هو الذى قرر الانفصال لاهداف معينه ارجو ان تحققوها له يا حكومة دولة جنوب السودان
Post: #18 Title: Re: كنت بضاري من الناس Author: عفاف أبو حريرة Date: 07-09-2011, 10:48 AM Parent: #15
Quote: الشعب هو الذى قرر الانفصال لاهداف معينه ارجو ان تحققوها له يا حكومة دولة جنوب السودان
والله ياخالد مقلوب علي امرهم ان العين لتدمع وان القلب ليحزن واتتا لي فراقهم محزنون
Post: #16 Title: Re: كنت بضاري من الناس Author: الشامي الحبر عبدالوهاب Date: 07-09-2011, 09:51 AM Parent: #14
Quote: مساحتا فيها مليون ميل حباب الفي الجنوب جنات تعانق في شمالا نخيل
تحياتي عفاف وربنا اعظم الاجر في فقد جزء منا يجري فيه دمنا وربنا يسعد اخوانناالجنوبيين بوطنهم حتي تعود احلام الوحدة مجددا
Post: #17 Title: Re: كنت بضاري من الناس Author: أحمد الشايقي Date: 07-09-2011, 10:21 AM Parent: #16
أنا اليوم حزين يا أخت عفاف حزين أشد الحزن
والأشد إيلاماً أن ضيق الرؤيـة الذي أوردنا موارد الإنفصال لا يزال محتدماً وحاكماً ومتمدداً,
ومتبوعاً من البعض للأسـف
أحمد الشايقي
Post: #19 Title: Re: كنت بضاري من الناس Author: عفاف أبو حريرة Date: 07-09-2011, 10:58 AM Parent: #16
Quote: وربنا اعظم الاجر في فقد جزء منا يجري فيه دمنا
الخال الحبيب عزانا الوحيد انهم انشاء الله يكون حالهم احسن من حالنا والمال تلته ولا كتلته
Post: #20 Title: Re: كنت بضاري من الناس Author: عفاف أبو حريرة Date: 07-09-2011, 12:20 PM Parent: #19
والله تفرحو القلب علي قدر وجعي علي فراقكم علي قدر فرحتي بيكم وانتم زي الصقور مبروك عليكم سيادتكم وانشاء انطلاق دولتكم يرجع لينا سيادتنا ورجالنا
والا نحنا مش عاوزين لينا رحاطه ليكم عاوزين لينا مقشاشه كبيره وباطن الارض اولي بيكم من ظاهرها
Post: #21 Title: Re: كنت بضاري من الناس Author: الامين موسى البشاري Date: 07-09-2011, 01:04 PM Parent: #3
ام احمد
رغم الوجع بلدنا حلوة ومشاعرنا مختلفة بين الفرح للجنوبيين وبين الوطن الذي ورثناه عن الأجداد وسوف نسلمه للاحفاد ممزقاً
تحاياي
Post: #22 Title: Re: كنت بضاري من الناس Author: عفاف أبو حريرة Date: 07-09-2011, 10:57 PM Parent: #21
Quote: ام احمد
رغم الوجع بلدنا حلوة ومشاعرنا مختلفة بين الفرح للجنوبيين وبين الوطن الذي ورثناه عن الأجداد وسوف نسلمه للاحفاد ممزقاً
تحاياي
البشاري ايها الانسان الجميل بكيتني شديد ااااااااااااااه الحمد لله علي كل حال
