ألف مبــروك: غداً السودان أوفر صحةً وأقلّ حروباً وجهلاً وتخلّفاً

التاسع من يوليو للعام 2011

يوم ميلاد السودان الحقيقي

وح نبنيه البنحلم بيه يوماتي

يا له من تهليل !!!!!!!!!!!!!!!!!!!!!!!!!
أوفر صحــة لأن ربعه قُطِع منه ؟؟
أقل حروبــاَ !! ( يعني الحرب الحايمة نقصت واحد ) !! شال سلاح وقال عايز حقي وقلعوا مبروكـ عليهو (هو) !! نحن الفرح اللينا شنو ؟ أما تكفي هزيمة (قلع) الحق ؟؟
أما الجهل والتخلف ( فلا تعليق ) !!

أما الجهل والتخلف ( فلا تعليق ) !!

انا اعلق يا عمران اخوي

الجهل والتخلف يفوفتو منك وين الكوز المتعفن فرانكلي

انفصل الجنوب والحروب لسع مدورة

كردفان- دارفور

والنيل الأزرق قادمة

ولا برضو حتفصلوهم

قوم لف بلا يخمك

Quote: وح نبنيه البنحلم بيه يوماتي

الجهل مصيبة!

Quote: حنبنيهو محجوب شريف حنبنيهو البنحلم بيهو يوماتى وطن شامخ وطن عاتى وطن خيّر ديمقراطى وطن مالك زمام أمرو ومتوهج لهب جمرو وطن غالى نجومو تلالى فى العالى إراده .. سياده .. حريّه مكان الفرد تتقدم قيادتنا الجماعيّه مكان السجنِ مستشفى مكان المنفى كليّه مكان الأسري ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه حنبنيهو البنحلم بيهو يوماتى وطن للسلم أجنحتو ضدّ الحرب أسلحتو عدد مافوق ما تحتو مدد للأرض محتله سند للإيدو ملويّه حنبنيهو.. البنحلم بيهو يوماتى وطن حدّادى مدّادىما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم .. نقرا .. نتداوى مساكن .. كهربا .. ومويه تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه

وطن حدّادى مدّادىما بنبنيهو فرّادى
على طريقة لا تقربوا الصلاة وانتم سكارى!
كان الله فى عونك!
قول آمين ما تكابر!
عسى ولعل
جنى

فرانكلي وضيوفه الكرام

يا جماعة الخير

فرانكلي يقصد بكلامه هذا الخرطوم وفي الخرطوم يقصد ناس المؤتمر الوطني وهم حقيقة يبنون البيحلموا بيهو من قصور وبيوت، والجنوب كان جايب ليهم الهواء بالإتفاقية الخلت تكون في حرية بتاعت صحافة تكشف الفاسد القال عنو الرئيس ذات نفسو انو مصلح.

بعدين يا جماعة الخير انتو قايلين فرانكلي من اساسو بيعتبر انو ناس زي النوبة او الغرابة او ناس النيل الازرق ديل ناس. يا خي كمال فرانكلي بيعتبرم سقط متاع ساكت عشان كده الحرب المدورة في دارفور دي ما بيعتبرها حرب، وكونوا ناس زي الغرابة وزي النوبة وزي ناس النيل الازرق ديل يكون ما عندهم تعليم او صحة فدا الشئ الطبيعي لكن ما دام ناس المؤتمر الوطني متعلمين وصحتهم بخير فالسودان كلو يكون بخير. ما شفتو ود الوزير بشيلوا ليهو قروش السفارة عشان يعالجوهو بيها في امريكا. وقالوا عشان ود وزير الحكومة تعاجوا من قروشا. شفتو العدل بتاع الاسلام دا كيف، ود الوزير يتعالج في امريكا على حساب الشعب وود الغرب يتكتل برصاص من اموال الشعب. الشريعة دي سمحة سماحة يا ناس

يا سلام على وطني السودان

سنبنيه البنحلم بيه يوماتي من الجنوب وحتى الشمال

من أبيي وحتى حلفا

وطن حدادي مدادي وحدة وسلام واستقرار



بعد التاسع من يوليو سنرفع راية الوطن وسيكون السودان كما لم يكن من قبل

قائد لإفريقيا يا اسد أفريقيا

ونموذج للاستقلال والسلام والنماء والبناء وسيكون كله تمام التمام

اليوم عرس

بل اليوم اصبح العرس عرسان

الف مبرووووووك لجماهير الشعب السوداني


الف مبروك هذا اليوم الذي طال انتظارنا له 5 عقود من الزمان

لنصحح خارطة الوطن ومفهوم الوطن وكيف نبني الوطن بعيدا عن عربة الفرملة

اليوم ميلاد جمهورية السودان

الجمهورية الثانية

ونتمنى لجيرانا في جمهورية "جنوب السودان" التقدّم والنماء والرخاء والاستقرار والسلام

وستمتد جسور التواصل مع جمهورية السودان متفاعلة اجتماعياً وثقافياً واقتصادياً وأمنياً

اليوم نرفع راية استقلالنا الحقيقي وسيسطّر التاريخ مولد شعبنا

صحيفة لوس انجليس تايمز عن جمهورية جنوب السودان

Quote: أن الدولة الجديدة التي مساحتها 640 ألف كيلومتر مربع تعاني من الفقر الشديد، ومن أعلى معدل وفيات للأمهات في العالم وأحد أدنى معدلات الالتحاق بالمدارس الابتدائية. كما أن أكثر من 90% من السكان يعيشون على أقل من دولار في اليوم، وخمس السكان تقريبا يعانون من الجوع المزمن، حسب الأمم المتحدة. فقط ما يقرب من ثلث السكان يحصلون على مياه شرب نظيفة، وربع السكان فقط يستطيعون القراءة والكتابة، كما تقول الأمم المتحدة.

وكل هذه الإحصاءات ستخصم من إحصاءات السودان الذي كان يحمل عبئها في ما سبق