والصابرات روابح لو يجن قماح

يا ... صديق

عزيزى صديق احمد اشهد الله انى احبك ، وبتكيف لمن اسمعك ، ياخ انت زول جميل

خاصة لمن تغنى مسطورات عبد الله محمد خير

Quote: يا قمره غناء صديق أحمد يا قمره ... صبي السنسني الحمره شوفي أبوي أنا الراجاهو كلو صباح يا زينوبه أبوكي هو أصلو حالو بره لو قاري العلم هو ولاهو سيد خبره ومو زول غربه لكن الظروف جابره مالو إن كان صبر كل الخلوق صابره والصابرات روابح لو يجن قماح هو أصلو متين نساكم يُمة شان يطره بيتنفس هوا ذكراكم العطره رهيف إحساس حنين قلبو بالفطره نديمو بقت دموعو الديمه منقطره وأصلو إن ما قعد بينكم ولا بيرتاح جاهو العيد كمان زاد القليب حسره ساد العبره حلقو ونفسو منكسره هو لا لمّ القروش لا حصل المسره بلد ما فيها زول مات من عدم كسره فراقكم ليها يا أحباب ولا كان صاح يا أمارتي الما طاعت الأمره ندماني وبقت محتاره في أمره بعد قسن الدرادر قصرن عمره الشوق فاض وعماها الحنين غمره الشوق للبلد لي بهجته وسمره الشوق لي مقيلا ضم ضم تمره الشوق لي حديثا ضم ضو قمره الشوق للبلد جابريتا وككره كان الشوق يخفف والله يبرى جراح مشتاق للحسيناب أسقه وبكره مشتاق للقبيل إتربوا فوق حكره مشتاق للدميري ومويته العكره مشتاق للجزيري وتشقه وهكره مشتاق لي قطع بحره ودخول وكره مشتاق للأبي يفارق الفؤاد ذكره مشتاق للعلى مشغول دوام فكره مشتاق للصباح ديدن غناي شكره وياريت كت بقدر أسوي شوقي جناح.

دا النص ولو ممكن تسجيل صوتى يكون تمام

شايفك بعد دقة لندن بقيت عاطفي

Quote: رهيف إحساس حنين قلبو بالفطره

يا خدر

يا م ح ح ج

أنا عارف كويس أنت ما بتجي البورد ده إلا للشديد القوي، وهذه المرة طبعا جابوك شديدين.

شديدي الغزالي ودقة لندن. الله يكتر الشدايد علشان نشوفك في البورد ده دائما وسط أخوانك

وحتى لو كنت بتدافع على الشدايد. بالمناسبة. أخبار الجهاز وكتيبة أولاد شندي شنو؟

لسه عاصرنك ولا أدوك معاهم فرقة. تحيات مرسلة لك من أبناء الهامش جميعا وهم بقولو لك مكانك مازال شاغر يا ولدنا.