سكرتو بتفِك , لكن ....

الطرفه المعروفه تحكى عن واحد طاشم قابلو زول شين شناه مره, الشين وقع في السكران:"يا سكران يا حيران يا ... يا ..."
السكران رد عليهو "أنا هيق ... سكرتى هيق... بكره هيق ... بتفك هيق ...لكن إنت هيق ... شناتك دى بتسوى ليها شنو!!!"

و بالفعل شر و أشنا الأمور ما يضحك

أول كلام شكر لأخونا محمد ابراهيم على على مبادرته المكتوبه هنا و أرجو دعمها , ليس لأجل نافع أو غيره, بل لأجل ترسيخ القيم و المبادئ التى نختلف فيها مع النظام القائم.

لا ليس باسمي اعلان ابراء ذمة

سكرة الرجل الذي ضرب نافع بتفِك , إذا صدقنا شائعة السكر في أصلها , لكن ماذا سيفعل نافع مع "شناتو"* و شنات نظامه

*شناة نافع المذكوره أعلاه تتعلق بتاريخه و ملفه السياسي. شناة أو سماحة خلقتو كل زول و ذوقه,

والله يا عصام شناتهم دي بس يفكها الجليل الرحيم ياخ أقول ليك حاجة والله أنا الليلة من الصباح عايشة في حالة صراع قاتل ولا أخفي عليك سعادتي بالدقة وفي نفس الوقت بلوم نفسي علي المشاعر دي وأرجع أبرر بانه من سن سنة وهم سنوا هذه السنة وقد اتاهم خراجها

المشكله انه تفرح للدقه ضميرك يأنبك
تزعل للدقه ضميرك يقول ليك بسخريه
بالله , هنا ولا فى لندن!!!!


قسس
==========
هى الجريف دى لسه عندها باصات

ازيك يا عصام : اشواقيات اسفيرية
الزول ده غير سكران برضو قالو بنتمي لي حزب عقائدي عصجووووز: ده ياتو ده؟
حزب الناتو؟ :: حزب الناتو شناتو










__
الكيزان لم يرجعوا لي اسلوبهم بتاع التمنينات ببقوا ما حلوين..

تحياتي عصام
للافراد حقوق ومظالم ولن يتستطيع كائنا من كان ان يثنيهم عنها
ربنا سبحانه وتعالى لما امر بالقصاص ليس لتكريس الانتقام كفضيلة
ولكن لكي لا يتكرر الفعل مرة اخرى (ولكم في القصاص حياة يا اولي الالباب)
لن يعيد اعدام نافع او سجنه ومن في حكمه ارواح من فقدوا ولكن يعيد السلام والسكينة الى نفوس اهل الضحايا
ويرسل رسائل واضحة للمستقبل ان هذا الفعل اذا تكرر مرة اخرى فهذا هو الجزاء
فليشتري نافع ما شاء له ان يشتري من احزاب وقيادات
ولكن ما لايتسطيع شراءه هو صفح ضحاياه وحقوقهم
(فشناة نافع) لن تفك ولو اشترى ام فتفت كل الدنيا

ماقاعد تخذلنى ياعصام....أحياناً ومرات كدا لكن فى العموم عقلك النقدى مافيهو كلمة..ودى شهادة منى (كناقد) ههههه

دا كلامى المنشور فى سودان فور أول----------


سلام

قراءت البوست وردود الفعل السعيدة هنا وهناك بهذه المأثرة البطولية العظيمة التى حدثت بالقرب من نهر التايمز حيث قذف أحد المعارضين أحد أعمدة النظام د. نافع وشج رأسه لا أرى مالذى لايجعلنى فى سعادة وحبور من هذا الموقف وكأن هذا الشاب بعمله هذا قد فش غليلى ومغصتى فى نافع ...لسبب..لاأعتقد بأن نافع وهو يدخل القاعة كانت توقعاته بعيده عن حدوث مثل هذا الأعتداء فهو يعرف تماماً بانه يستقطب الكراهية العامة بجداره ولكنه استفاد حقاً من هذا الأعتداء ووظفه فى ناحية جيده له لأطلاق النعوت بالمعارضة والمعارضين ووضعهم معه فى خانةالعنف واللامنطق..من الأعتداء على د. الترابى فى (أتوا) والى الأعتداء على نافع فى لندن تكسب الحكومة والأنقاذ ونخسر نحن رهاننا على الحوار الديمقراطى السلمى ووسائله التى تنهمر خيراتها الأن على المدن العربية المقاومة..وستكون فرحتنا بذلك بلاشك فرحة موهومة لاتغنى ولاتثمن من جوع...عاد نافع للسودان بطلا كما أراد ونفست لندن عن بعض حنقها...أها وتانى

سـلام يا عصام،
الكيزان مفروض يحمدوا الله إنو الشاب دا كان سكران زي ما قالوا، عشان هو مع سكرتو البتفك دي قادر يفرز الما نافع من الما نافع التاني، مش بس النافع من الما نافع.. وينيشو بمقعد الكرسي، يبقى لو كان صاحي كان يمكن يكتلو ليهم من عنقرتو.. حقوا المثل البقول حزنانة وواعية يقلبوه لي: سكران ومسطول وشيوعي وواعي (برواية ناس علاء الدين طبعا)..