هنالك أمر جلل...فكوا ليكم محمد حامد جمعة!!!

يظهر في الملمات وحينما يفشل صغاري المحاربين... يظهر ويفتح خمسة ستة بوستات ويساعد الاخوان بالفيها النصيب وكما ظهر يختفي...الرجل الغامض بسلامته..

مش كده و بس, بيوزع في الأوامر ... في واحد نفر بلعوهو بوستو

سلام يا عصام البلع مرة والهرش مرات بس كمان كان هرش لي ملاسي ده تاني يبقى ما قصر تب...لكن في ناس كده ما بيصلم..توزيع مراكز قوي وكدة

سلام يا عفراء إن شاء الله طيبة

Quote: في واحد نفر بلعوهو بوستو

لوووووووولز قلت لي بلع عديل برا شيتا يهضم ؟
عصام إزيك ياخ والبركة في الشوفة والله

Quote: محمد حامد جمعه سيادتو بدرالدين بوستك دا ، تبلو وتشرب مويتو يا مرعب كلامك دا ترف ، وفلسفة حامضة منك ساى كيف يتخذ القرار في حزب المؤتمر الوطني؟

جنس هرشه

محمد زكريا اللهم لا شماتة ياخ

أسماء كيفنك يكون يا ربي السبب دقة نافع ولا سجن فاطمة غزالي ولا مرقت فاطمة ولا ٩ يوليو؟؟؟

Quote: أسماء كيفنك يكون يا ربي السبب دقة نافع ولا سجن فاطمة غزالي ولا مرقت فاطمة ولا 9 يوليو؟؟؟

والله شلتيها من خشم كيبورديني
فاتح ليه بوست بي هناك قال خلاص فكونا من سيرة فاطمة غزالي وكلام كده كتير وجعني
عليك الله اقريهو يا عفراء
تحياتي لك وضويوفك

جاي يشتت الكورة..

ويحسن شوية في صورة نافع على نافع لو بقدر

ويحاول صرف الأنظار عن الإهانة التي تلقاها نافع إلى أي وجهة كانت..

ولتنفيس غضب وشماتة الناس

مغزى ما جرى بالأمس لنافع ليس بالبساطة التي يتصورها البعض، ففيه ما يرفع من معنويات الناس / الشعب بالداخل

ويحمل كذلك ورسالة للنظام ومسئوليه النافذين بأن حركتهم خارج مناطق نفوذهم وسلطتهم بالداخل ليست بتلك الحرية التي كانوا يتصورونها حتى وإن غضت بعض الدول النظر عنها..

وأن السودانيين بالخارج بأعدادهم الكبيرة والضخمة والمتزايدة يوماً بعد يوم هم ضد النظام بإجماع يكاد أن يكون منقطع النظير وهو ما يبدو واضحاً في الكثير من الفعاليات التي تجري حتى وإن لم يكن لهم قيادة محددة، موحدة ، وواضحة المعالم لتستوعب هذا الغضب وتحوله إلى عمل سياسي يسهم في حصار، عزل، وخنق وتفطيس النظام أكثر مما هو فطسان أصلاً..

نامت خرطوم النظام بالأمس هادئة، لتصحو صباح اليوم على أمر جلل فقد أهين سادن النظام وكبيرهم الذي علمهم السحر بأيدي غاضبة لشبان سودانيين كان النظام وعناصره يتصورون أنهم قد انتهوا منهم زمااااان بالتعذيب والتجويع و التشريد، و بشراء قاداتهم من عواجيز السياسة ليفاجأوا بأن الناس هم هم لم ينسوا شيئاً مما جرى لهم على أيدي النظام، ولم يغفروا ما لحق بهم من إهانات وتنكيل، وربما هذا هو واحد من أسباب الحضور الكثيف في هذا اليوم لهذا الـ م ح ج

أنا بتصور أنو حتى قادة الأحزاب ربما يكونوا قد فوجئوا بما جرى يا عفراء لأنهم لا يدركوا حجم الغضب الذي يعتمل في صدور الناس، وحجم الرفض الذي يتمتع به هذا النظام..

أسي تلقيهم قاعدين يتابعوا الأخبار من سودانيز أونلاين ):

كدي شوفي لي يا عفراء القاعد داك ما ياهو محمد عثمان الميرغني

الهادي سلام صدقت أن ما حدث لنافع يحتاج لمجهودات مقدرة فوصف الشباب بانهم سكرانين وعاطلين مردود عليهم وغضب الشارع لا ينفثه تريقة ود جمعة ولا شتايم غيره نحن بس مبسوطين أن البداية كانت من أعلى الهرم والرسالة أن لا عاصم لكم من غضب الشعب

يا عفراء أمر جلل أكتر من الحاصل عليهم و بينهم ده , شكلها خدمات خاصه و شخصيه لنافع, رد جمايل زى ما تقولى ...
كيفك أسماء ... نحنا الأسعد و نتلاقي تانى في ساعة خير

يا عصام بالله ده ما يكون صاحبنا قاسم محمد صالح الدق الزول ده باقي مغبون عليه بالحيل

مستحيل طبعآ يا عفراء , صحيح قاسم محمد صالح اتعذب بضراوة في بيوت الأشباح و كسرو ليهو ضلوع, لكن فهمو و رؤيتو السياسيه أوسع و أعمق من الانتقام الفردى , و عارف أنو درب زى ده بيتمنوهو الكيزان نفسهم, الفوضي و قانون الغابه.

الحبيبة عفراء .
. في أمر جلل أكثر من إهانة وضرب د. نافع
مهندس بيوت الأشباح والمسئول عن الملف الأمني لدارفور ؟
دمت بالف خير ..

عفراء سلامات ومشتاقين يعلم الله
كلامك صاح الزول ما بجيبو الا الشديد القوي
وكمان شايفة في جماعة اختفو ، يا ربي يكون
خافو من الهرشة ولا شنو ؟؟؟

Quote: قاسم محمد صالح

تحية لقاسم محمد صالح صديق الزمن الجميل أينما كان ..
تحية لقاسم التاني وهو يفش غضب غالبية أهل السودان بما فعل ..

والله بالأكتر يا حبيبة
الاختفوا ديل يكونوا أدوهم أوامر بالانزواء لحين ميسرة

أماني سلام فعلا مافي أجل من الهم فيه ده خلاهم يهضربوا زي الراميهم جمل اللهم شماتة وشماتة كبيرة كمان

لو سمحتو يا شباب نزلو لينا اغنية( الدقو منو) وبهدي الاغنيه للاخت عفراء بفرجينيا والاحباء بلندن ولاختي مني بالسودان وأقول ليهارسلي لي غوايش (دقة لندن) لكن سريع لانه قالو في دقة جديده ح تظهر في جوبا بعد يومين.....ونقول للبشير انشاالله رسالة لندن وصلتك!!!!!!

غالي والطلب رخيص جدا ونهدي الأغنية لجنابو محمد جمعة

عفراء تحياتي وتقديري ............ تنظيم الكيزان منذ نشأته قائم علي طاعة اولي البأس وبالمقابل تجهيل الشغيلة (العضوية الهتيفة) لذلك تراهم يبرهنون علي الطاعة والولاء المطلق بالغضب حينما ينال من هذا القائد ........ثم المبالغة في وصف القيادة بالفارس المغوار والاسد النتر وهييييييع وهي اوصاف لو كانو يعلمون لا تصلح الا لمصاهرة القبائل الرعوية التي تنبني حياتها علي المخاشنة في المرعى والماكل.....بينما المنوط بهذه القيادة (ان صحت التسمية) هي اعمال العقل والفكر .........فالعضو الهتيف مطلوب منه ابدا قدر عال من الطاعة والبرهنة عليها بالتلويح بالقوة وانه من الممكن ان يكون عبيطاً بالقدر الذي يطلبه منه سياده....... بالمقابل علي سيده تقع مسؤلية حماية رعيته من الهتيفة ، حماية اقتصادية (ملء المخلاءة) وملء الكرش وتوفير الزوجة الصالحة(زواج جماعي) وتوفير الحماية القانونية بعدم المسألة والتسليح الكاف بالسلاح والجهل .......ثم توفير الكثير من الاغاني الحماسية علي شاكلة دخولها وصقيرها حام .......وياخواني البنات الي اخر عدة الشغل........... فعندما تسمعين بان المهاجم للسيد مخمور او مسطول فهذه يعني بها الهتيف بان مثل هذه الأعمال لا يقوم بها الي شخص ابتلي بهذه الموبقات، علاوة علي تدمير وإغتيال شخصيته، لان في عقل الباطن لا يمكنه ان يفكر في هذه العملة (بحكم التربية الحزبية طبعاً) ولو في المنام ، ولو حصل ان تخيل مثل هذه العملية حتي ولو بعد زوال النظام ، فانه حيتماً يستغفر الله ويتعوذ عشرات المرات من الشيطان الرجيم ،فهو لا يتخيل بان قوة سيده يمكن ان تهزم لذلك ترينهم قد بثو الكثير من ثقافة تثبيط الهم وسط عامة الناس فيقول لك البسيط من الناس ديل والله تاني مابمشو باخوي واخوك. هذه الكائن البسيط محاصر ومدمر العقل لا يتعظ بالتاريخ ولا يعرف قيمة للشعب ودائماً يظل يفتكر النضال مؤامرة ومقاومة الظلم رفس للنعمة..فماذا تتوقعين منه غير التهليل والتكبير؟الله يهديك بس ياعفراء.......
ولو اني لا اوافق علي هذه الطريقة في اخذ الحقوق .........الا ان هؤلاء القوم لا يستكرون الضرب فقط، وانما ايضاً تقديم الاسئلة بالطريقة المحرجة يعدونه خروج عن الادب في حضرة المسئول الحزبي (السيد) فتسمعينهم كثراً مايقولون في وصف الخصوم عبارات علي شاكلة قليل ادب ووووووو ثم عميل والطريف ان نافع نفسه عندما قال" البضارب ما بقول عوقوني " وهو يبرر التصدي للمظاهرات السلمية بالضرب والعنف فهم لا يعدون هذا عنفاً ................ولكن تزداد مشاعر الاسير المقموع حينما يرتد السوط الي جلاده وسيده ..........
لك الود وللاخوة الكيزان اتمني ان يتعافو ويتعافي الوطن من هذه السموم

Quote: لك الود وللاخوة الكيزان اتمني ان يتعافو ويتعافي الوطن من هذه السموم

شفت يا إبراهيم كله ممكن بس ألبى الأحمر دي صعبة المهم فلقة تفوت ولا حد يموت

عفراء ازيك
ثم ....مبروك ..دقة ال###### نافع
سلامة ظهور المنسق العام جمعة يوم الجمعة



برجع سرعة

معاوية يا صديق...
منال الطاهر تهدي ليك أغنية الدقو منو

بل هنالك هاكر... فكوا ليكم محمد جمعة