هاردلك من القلب للاخوة في المريخ

حقيقي حزنت من جوة قلبي..........والمريخ مايستاهل....لكن

واااااه من لكن

الهنات كانت كتيرة......

يجب الجلوس والنقاش بصدق حول هذه الهنات


والقصة ما قصة قروش وبس


القروش من غير فهم زي العضلات من غير مخ

أرجو أن لاتؤثر محصلة هذا العام علي الاخوة في المريخ


نحن لا نريد مريخا منكسرا وهزيلا

نحن نريد مريخ قويا لنفخر بالتفوق عليه

أنت جادي يا دكتور ؟

لن يرضينا أن نتصدر الترتيب إفريقيا وعربيا....وصنونا يعاني وينزف

خالد عبدالله........دقيقة بالله كما كنت

نحن لا نريد معزوفات من شاكلة نهواه في كل الظروف


ولا نريد عبارات الانكسار من شاكلة ...نحن كنا ...ونحن أصحاب ال.......


نحن نريدكم الان.....وليس الامس لان مامضي أصبح من الامس


نحن نريدكم الان أن تلملموا جراحاتكم وتنهضوا....لنجدكم أقوي وأقوي عندما نعود إليكم

لانريد للمريخ أن يتفرتك.....هذا لا يرضي احد


ولكن نريدكم أن تفرتكوا جيش المحترفين الجرار ..القوات الافريقية المختلطة التي أتت علي الاخضر و اليابس ....وخربت البيت...ولم يفتح الله عليها بفوز واحد في أضعف بطولة إقليمية في العالم سوي علي مساكين الصومال......يكفوا ما نهشوا حتي الان من لحم وعظم...

نريدكم أن تفرتكوا جيش الاعلاميين القاعدين ينفخوا فيكم علي الفاضي وإنتو تشيلوا وتصدقوا....لحدي ما وقع الفاس في الراس

نريدكم أن تحبوا لنا الخير( مثلما نريد نحن لكم),,, ونرجو أن تتوقفوا عن وضع العراقيل في طريقنا..وتبطلوا الحركات الخرعة...وتكفوا عن مشاغلة لاعبينا لاننا صراحة محتاجنهم يركزوا معانا شوية في المهمة الجاية دي مع وعد غير ملزم إنو لو ربنا وفقنا في المهمة دي راح نشكر وقفتكم معنا ....لانو التركيز في أموركم هي الطريق الوحيد لرجوع المريخ لسابق عهده......أنا أعلم إنو الموضوع صعب لكن ما مستحيل


مع محبتي وتقديري

أيوا يا خالد عبدالله محمود


كنت عايز تقول شنو؟؟؟؟


تحياتي للامور

والله لكن يا دكتور لقيت سوقك غايتو ..
ما عندنا رد غير نقول الله يجازي اللى كان السبب ..

طلحة ياخوي كتر خيرك..........مانجيلكش في حاجة وحشة........مع إنو ما أفتكرش في أوحش من كدا





شايف الغريق (المرحوم بيفتشوا عليهو لسه....لكن الجماعه قالوا حينتهي العزاء بإنتهاء الدفن.....لكن كدي اليلقوهو في الاول





كسير تلج: يا طلحة ياخ إنت إستثناء من كل القوم ديل

بعدين يا طلحة بيني بينك.....مش البوار دا أحسن من ما يجيني عمك حمزاوي يقول لي : إحنا عاجبنا كدا

شوف جنس دا

Quote: سادت مقر اقامة المريخ بدار السلام اجواء من الحزن العميق بعد هزيمة الفريق من سيمبا التنزاني بالركلات الترجيحية وقد بدأ التاثر الواضح علي اللاعبين كلتشي وسكواها الذين اضاعا ركلتين من الركلات الترجيحية وقد بذل كابتن عادل ابوجريشه ومحمد جعفر قريش جهدا كبيرا لاخراج اللاعبين من حالة الحزن الشديد ..و منح الاطار الفني بقيادة البدري راحة للاعبيه اليوم علي ان يعود الفريق لمواصلة تمارينه غدا ضمن الاعداد لاداء مباراة المركز الثالث لبطولة سيكافا يوم الاحد المقبل ..ويسعي الفريق خلال تلك المباراة الحصول علي المركز الثالث وتحقيق الفوز المع

نوي

الزول البيحنس دا وصل تنزانيا عشان يشيل الكاس ...سبحان الله



والعجب كمان دا

Quote: ..وعلى صعيد ذي صلة اكد كابتن فاروق جبرة مساعد مدرب الفريق انهم في الجهاز الفني راضون عن اداء اللاعبين في المباراة بعد ان لعب الفريق مباراة جادة واضاعوا عدة هجمات كانت كفيلة بحسم المباراة منذ وقت مبكر مبينا ان الحظ لم يقف الي جانبه في المحافظة علي هدف لاعبه اديكو ليدرك سيمبا التعادل من خطأ للحارس الحضري وقال ان الهزيمة واردة في كرة القدم بعد ان ابلي اللاعبون بلاءا حسنا خلال البطولة موضحا ان المريخ قد جني عدة فوائد من المشاركة في البطولة وقد اعد عددا من لاعبيه موضحا ان الفريق سيظهر بشكل مميز خلال الدورة الثانية من الدوري الممتاز.