Post: #1
Title: فى خطوة شجاعة (البرلمان) يكشف الحقيقة عارية .. ويتعرف على القاتلات !!
Author: دينا خالد
Date: 07-06-2011, 08:29 AM
Parent: #0
هل سمعتم بما حدث تحت قبة البرلمان امس الاول ؟؟
الجلسة كانت مخصصة للاستماع الى رد وزير الداخلية حول
وفيات الاطفال المشردين ...
حضر الوزير وقدم افادته حول الموضوع ..
ومن ثم فتح الباب امام النواب للتداول ..
فماذا حدث ؟؟
ـــــــــــــــ
تابعوا معنا ..
|
Post: #2
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: عمر صديق
Date: 07-06-2011, 08:43 AM
Parent: #1
متابعين
ولكن لماذا القاتلات وليس القتلة
راعي مشاعر الجنريين ياخ
_____________________
مع التحايا الخالصة
|
Post: #3
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: دينا خالد
Date: 07-06-2011, 08:47 AM
Parent: #1
احد الاعضاء استأذن المنصة فى الحديث ومن ثم
اطلق حديثه الساخن بان حمل المراة المسئولية كاملة
عن تشرد الابناء وقال بالنص ::
دايرين النسوان يقعدن فى البيت !!
فصفق النواب بحرارة
مؤيدين مطلب العضو البرلمانى المتحدث والذى طالب
ببقاء العوين فى البيت درءا لفتنة التشرد !!
دفع الله حسب الرسول العضو صاحب المبادره لم تتوقف صواريخه
المصوبه بدقة تجاه النساء اذ اردف يقول ::
( ديل كرهونا جاريين فى الشوارع وفى كل مرة نحن مضطهدات ..
حقوقنا منقوصة ... وادونا 25 % و45 % من السلطة ومن الوظائف
عشان يضايقوا الرجال فى شغلهم ويسيبوا شغلتهم فى البيت وتربية الاولاد
وبعد دا ما عايزين الاطفال يتشردوا )
والبرلمان بكل رجاله ولا شعوريا ساعتها يصفق وبحرارة ...
نقلا وبالحرف عن السودانى الصادرة صباح اليوم ... !!!!!!
ـــــــــــــــــ
لا يا مدثر الرجال من النواب لم يصفقوا لا شعوريا
بل شعورييييييييييييييا ولا تستبعد ان تكون بعض النائبات
فى الصفقة لا شعوريا ...
ومسكين النايب دا يا مدثر فاكر انو المتشردين ديل عندهم
امات !!!!!!!
ــــــــــــــــــــ
نقلا بالحرف عن عمود بعنوان مسكينة يا بلد
من جريدة السودانى الصادرة صباح اليوم ص 9 ..
|
Post: #4
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: Zoal Wahid
Date: 07-06-2011, 08:57 AM
Parent: #3
طيب العوين القاعدات في البرلمان سون ولا قالن شنو؟
* يعني الا الرجال البرا البرلمان برضو يدافعوا عنهن ؟؟؟
تتوقعي من برلمان مخجوج شنو غير خزعبلات زي دي؟؟؟؟
|
Post: #5
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: فتحي الصديق
Date: 07-06-2011, 08:58 AM
Parent: #3
| Quote: والبرلمان بكل رجاله ولا شعوريا ساعتها يصفق وبحرارة |
ان شاء الله الرجالة تطير ..
|
Post: #6
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: gamal elsadig
Date: 07-06-2011, 09:01 AM
Parent: #5
.
وماذا فعل( نائب) رئيس المجلس الوطني ؟؟
|
Post: #7
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: قيقراوي
Date: 07-06-2011, 09:11 AM
ما تخسمي ياخ!
خلاس بنتابع .. نسوي شنو عاد!؟
--------
لوووووب
سمعتي بي الحصل في البرلمان اليمني، جلسة عن حقوق المرأة!؟
|
Post: #8
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: فايزودالقاضي
Date: 07-06-2011, 09:18 AM
Parent: #7
المعفن ده عايز يحرمنا من المشى في الشارع ؟!!!!!!!!
ــــــــــــ
ثم ازيك يادينتنا الجميلة ..
|
Post: #9
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: سعد مدني
Date: 07-06-2011, 10:52 AM
Parent: #8
سلامات دينا
Quote:
( ديل كرهونا جاريين فى الشوارع وفى كل مرة نحن مضطهدات ..
حقوقنا منقوصة ... وادونا 25 % و45 % من السلطة ومن الوظائف
عشان يضايقوا الرجال فى شغلهم ويسيبوا شغلتهم فى البيت وتربية الاولاد
وبعد دا ما عايزين الاطفال يتشردوا )
والبرلمان بكل رجاله ولا شعوريا ساعتها يصفق وبحرارة ...
|
ما لم يقله النائب
قراءة ما بين السطور
(النسوان) ( مطلوقات) فى (الشوارع)
... و زادت أعداد اطفال (الشوارع)
أذن مشكلة وجود الأطفال المشردين فى ( الشوارع)
هى ابتعاد (النسوان) عن بيوتهم و جريهم فى ( الشوارع)
و صفقة حارة من رجالات البرلمان الوطنى..
__________
ما هى العلاقة ما بين تسمم الأطفال المتشردين فى الشوارع و عمل المرأة السودانية؟؟
و كذلك اطفال ( الشوارع) و خروج المرأة الي ( الشوارع)؟
|
Post: #10
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: الامين موسى البشاري
Date: 07-06-2011, 11:23 AM
Parent: #9
دينا خالد
سلام...الظلاميين ديل شغالين بنظرية
الفول زيت والمره بيت
هم اتشـــردوا من شوية ولا بمزاجهم
ولو كان عندهم امات .. ما كان لحقوا آمات طه
|
Post: #11
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: ضياء الدين ميرغني
Date: 07-06-2011, 12:05 PM
Parent: #10
(Quote: ديل كرهونا جاريين فى الشوارع وفى كل مرة نحن مضطهدات ..
حقوقنا منقوصة ... وادونا 25 % و45 % من السلطة ومن الوظائف
عشان يضايقوا الرجال فى شغلهم ويسيبوا شغلتهم فى البيت وتربية الاولاد
وبعد دا ما عايزين الاطفال يتشردوا) |
دينا سلام دا مربط الفرس
السلطة والوظائف طبعا وتحتها نهب المال العام وسرقة قوت الشعب والانطلاقة من غير حساب
من المسئول عن التشرد وزيادة الدعارة فى الشارع السوداني او ليست الضغوط الاقتصادية؟
من المسئول عن تدني الاخلاق ومساواة الاخيار بالاشرار او ليس وراء ذلك منهج منظم ومشروع حضاري
المهم ان يتساوى الناس فى كل السؤ الاخلاق البايظة والسمعة البايظة واليد الغير عفيفة
وبذلك يصبح لا فضل لسوداني جبهجى على سوداني غير جبهجى الا بمزيد من الوضاعة والخسة لان الكل
قابع فى دائرة الفساد بالمشاركة او بالسكوت .
|
Post: #12
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: Nasruddin Al Basheer
Date: 07-06-2011, 12:24 PM
Parent: #11
يا ليت التسمم ده لو أصاب أعضاء البرلمان،
ما كان ندمنا على موتهم..
|
Post: #13
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: عبدالعزيز الفاضلابى
Date: 07-06-2011, 05:34 PM
Parent: #12
يعجبني قالبك الساخر في النقد
المشكلة مافي الزول الـ قال النسوان
يقعدوا في البيت المشكلة في النسوان
الـ صوتن ليهو عشان يجي البرلمان
اها شفتي دي اسمها هجمة مرتدة
هسي تجي تراجي لافحة توبها وتقول ليك
الفاضلابي قال دينا مرتدة ,,
تابعوا معنا دي لازمة من لوازم طلحة (يتبع ,,)
إنت اللازمة بتاعتك لووووووب . ماتلخبتي الإختساس.
بعد شوية خايفك تتعدي علي لازمة ملاسي (فتأمل)
|
Post: #14
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: محاسن زين العابدين
Date: 07-06-2011, 08:00 PM
Parent: #13
Quote: احد الاعضاء استأذن المنصة فى الحديث ومن ثم
اطلق حديثه الساخن بان حمل المراة المسئولية كاملة
عن تشرد الابناء وقال بالنص ::
دايرين النسوان يقعدن فى البيت !!
فصفق النواب بحرارة
مؤيدين مطلب العضو البرلمانى المتحدث والذى طالب
ببقاء العوين فى البيت درءا لفتنة التشرد !!
دفع الله حسب الرسول العضو صاحب المبادره لم تتوقف صواريخه
المصوبه بدقة تجاه النساء اذ اردف يقول ::
( ديل كرهونا جاريين فى الشوارع وفى كل مرة نحن مضطهدات ..
حقوقنا منقوصة ... وادونا 25 % و45 % من السلطة ومن الوظائف
عشان يضايقوا الرجال فى شغلهم ويسيبوا شغلتهم فى البيت وتربية الاولاد
وبعد دا ما عايزين الاطفال يتشردوا )
والبرلمان بكل رجاله ولا شعوريا ساعتها يصفق وبحرارة ...
|
المشكلة ما فيهم ....
المشكلة فينا نحن الحاكميننا العمي ديل (عمى البصيرة)
|
Post: #15
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: أبو ساندرا
Date: 07-06-2011, 08:07 PM
Parent: #14
أحسن حاجة عا########ي في الموضوع ده
أن استاذة محاسن عابدين أخيرآ نجحت في فك الإرتباط بين المقتطف وكلامها
مبروك يا أستاذة
أما موضوع البوست ، فإنها الحقيقة ..... ميطي
|
Post: #16
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: MOHAMMED ELSHEIKH
Date: 07-06-2011, 09:20 PM
Parent: #15
الجماعة ديل كلامهم صاح
واحد ما يسالني من الجماعة منم
|
Post: #17
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: Yousif A Abusinina
Date: 07-07-2011, 07:36 AM
Parent: #16
| Quote: وماذا فعل( نائب) رئيس المجلس الوطني ؟؟ |
اكيد حيصفق مع النواب حتى لا يخرج عن فقة الجماعة ...
بكرة تطلع مسيرة مليونية بقيادة دنيا تطالب بعودة المراة الى البيت
ــــــــــــــــــــــــــــــــــــــــــــــــــــــــــــ
تخريمة من تخريماتك يا دينا
وعاش كفاح المراة لنيل الحقوق كاملة 100% ........وديتونا فى ستين داهية يا معشر النساء
|
Post: #19
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: دينا خالد
Date: 07-07-2011, 06:00 PM
Parent: #18
بالله عليكم دا مستوى حوار بيدور فى برلمان ؟؟
يخلو استجواب وزير الداخليه الجابو ليهم لحد عندهم
عشان يكشفوا للشعب السودانى كلو حقيقة تلك الجريمة البشعة
التى تمت بحق اطفال لا اولياء دم لهم .. ويطعنوا فى ضلو ؟
متناسين ان الحكومة هى المسئول الاول والاخير عنهم
لظروهم التى اوجدتهم فى الشارع
بلا عائل ولا وجيع ؟؟
يقووووووم البرلمان يخلى وزير الداخليه ويقول انو القصة
دى كلها سببها النسوان المرقن للشغل ...!!!
ما سال نفسو هن النسوان ديل خرجن للشغل عشان يعولن منو ؟
بالله ياهم ديل ناس البرلمان ال ح يضعوا الدستور الدائم ؟؟؟
دى عقلية ناس البرلمان ودا مستوى النقاش داخل قبته ؟؟
بررررررررررررررا وبعيد ..
ــــــــــــــــ
كويس الما قال اعملوا زواج جماعى ..
عشان نعوض المتشردين ديل بابرك واخير
منهم بمتشردين اسلاميييين اماتهم قاعدات فى البيوت !!
|
Post: #20
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: دينا خالد
Date: 07-08-2011, 05:21 PM
Parent: #19
شكرا لكل المتداخلين واحد واحده
وياهو دا السودان فتأملوا !!
يقولوا ليهم المتشردين اتسمموا جماعيا
يقول السبب وراء الجريمة هم النساء العاملات
لا يراعى حتى مشاعر العضوات زميلاته فى البرلمان !!!
|
Post: #21
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: احمد الأمين على إدريس
Date: 07-08-2011, 08:45 PM
Parent: #20
| Quote: بالله ياهم ديل ناس البرلمان ال ح يضعوا الدستور الدائم ؟؟؟ |
والله مامعروف يادينا ...
لكن الاكيد انهم ياهم زاتم الصفقو لوزير المالية حتى التهبت اكفهم
وهو يبشر الشعب السودانى (اللى هم نوابو) بالجوع والفقر والغلاء
|
Post: #22
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: elsawi
Date: 07-08-2011, 09:31 PM
Parent: #21
Quote:
والبرلمان بكل رجاله ولا شعوريا ساعتها يصفق وبحرارة |
ناس السوداني قالين البرلمانيين ديل عورا ولا شنو؟
ياخي ديل بصفقوا شعوريا جدا وعارفين هم دايرين شنو
سلامات يا دينا
و الله الواحد بقى يخاف من بوستاتك بعدما جبتي
لينا فقاعة المرارة الاسمها سلوى المطيري ديك
وهسه البرلمانيين البصفقوا بحرارة ديل، يعني بعد كده
الواحد يخت حبوب الضغط جنبو قبال ما يفتح بوستاتك ولا شنو؟
|
Post: #23
Title: Re: فى خطوة شجاعة (البرلمان) يكشف الحقيقة عارية .. ويتعرف على القاتلا
Author: نادر الفضلى
Date: 07-09-2011, 06:13 AM
Parent: #22
دينا
تحياتى
يا كافى البلا البرلمان لا رئيسه أو أحد أعضائه
يعمل نقطة نظام لخروج النائب عن موضوع النقاش؟
وبدلاً عن ذلك لا شعورياً صفقوا بحماس !!!
الموضوع والإستجواب لوزير الداخلية عن مسببات
تسمم مجموعة من المواطنين من المشردين او الشماسة،
فالكلام عن مسببات ظاهرة إجتماعية (التشرد)،هو خروج
عن الموضوع .. دعك من سطحية الطرح برمى اللوم على
خروج المرأة للعمل وإنحرافها ,,, وحتى هذه السبوبة
تفتح أبواب اللوم على الحكومة لسؤ الأحوال الإقتصادية
والإجتماعية وإنتشار الفقر. بين المواطنين ...
لكل هذا القصور النواب صفقوا لا شعورياً بحرارة!!
|
|
