Post: #1
Title: دكان فى سوق خليفة ومدرسة خاصة فى 17كان عجبك """
Author: نور الدين عثمان
Date: 07-05-2011, 02:36 PM
Parent: #0
كل شى فى الاجازة بين الاهل والاحباب فى ربوع وطنا الجميل ( الفضل ) يسير على خير ما يرام الا من بعض الملاحظات
والغلاء الرهيب فى بعض السلع الضرورية خاصة اللحمة ( ضان وعجالى ) وزيد ليهم الطماطم وكده حلتك فى حيص بيص
وكمان شايف الفول حبيبنا ( حبيب الشعب ) برضو بقى يتغلى ..
|
Post: #2
Title: Re: دكان فى سوق خليفة ومدرسة خاصة فى 17كان عجبك """
Author: نور الدين عثمان
Date: 07-05-2011, 02:49 PM
Parent: #1
اه وجايكم لى حته سوق خليفة ...
يوم ومن الصباح عم المدام قالى نمشى سوق خليفةوللماعارفنوا ده سوق مشهور فى الثورة بالنص فى امدرمان
بعد سوق حلايب
المهم مشينا سوق خليفة واول ما دخلنا من شارع النص (الزلط ) حسيت ان الشارع الفرعى ده ما ياهو فى جه زايد وفى الاخرى ضيق جدا لدرجة شبه قافل الدكاكين التى من خلفه وضمنها دكان مرافقى فوقفت مشدوهاوانا اساله:
ايه حكاية الدكان المن طابقين ده القافل الشارع ومقطى دكاكينكم ديل وصراحة شكله اشتر مرة واحدة ...
فقال لى محدثى والحسرة تملا جوانبه والله ده دكان واحد واصل وحاولنا كتير مع المحلية ومع المجلس باننا متضررين منه ولكن بلا فائده ..
|
Post: #3
Title: Re: دكان فى سوق خليفة ومدرسة خاصة فى 17كان عجبك """
Author: نور الدين عثمان
Date: 07-05-2011, 02:56 PM
Parent: #2
وطبعا ملانى الحماس وانا اقول ليه كيف يعنى والدكان ده اصلا ماكان مخطط ؟؟
قالى لا ماكان مخطط وبنوه حتى بدون رقم وفى زمن قريب بعد كل الدكاكين دى ما اتبنت وتعال اوريك الدكان الخلفو مباشرة
شبه مقفول لانو دكان الراجل ده قفل عليه المنافز بس تشتكى لى منو غير الله ياخى ديل ناس ما بخافو حتى ربهم ...
وانا استلمت الموضوع وانا اتكلم بى صوت عالى وحتى الجبنه القدامى خليتها فجاء صاحب الدكان المعوق داك وقالى :
ياخينا خليك فى حالك واسكت عشان ترجع محل جيت سالم ...
|
Post: #4
Title: Re: دكان فى سوق خليفة ومدرسة خاصة فى 17كان عجبك """
Author: نور الدين عثمان
Date: 07-05-2011, 03:02 PM
قالى ياسيد بالمختصر المفبد :
الدكان الاشتر الماعاجبك وضعو ده حق عضو المؤتمر الوطنى عباس الفادنى اخو دكتور عبد القادر الفادنى
امين عام ديوان الزكاة وازيدك من الشعر بيت الزول ده قلع ميدان فى الحارة 17 وعملو مدرسة خاصة
اها شن قولك ....
اخدلى رشفة قوية من فنجان الجبنه القدامى وقلت فى سرى ( حسبنا الله ونعم الوكيل ) ..
اها شن قولكم ....
|
|