Post: #1
Title: ممكن سؤال ؟؟؟ و!!!!!!! .
Author: الرفاعي عبدالعاطي حجر
Date: 07-05-2011, 11:41 AM
Parent: #0
البشير دا عندو عقدة مرجلة ورجالة وكدا
انا افهم ان لاي رئيس مستشار سياسي يقرأ
له الخطوة القادمة الزول دا مندفع كدا
يعني الحاصل في عقلو شنو ... ؟؟؟
سؤال برئ صحيح ,,, واستعجاب اكثر براءة مش ؟؟؟
..........................................حجر.
|
Post: #2
Title: Re: ممكن سؤال ؟؟؟ و!!!!!!! .
Author: محمد الكامل عبد الحليم
Date: 07-05-2011, 12:18 PM
Parent: #1
تحية.......سؤال يتبادر للكافة يا صديقي.....العقلية الصدامية(المرجلة) التي قادت صاحبها الي حبل المشنقة...العنتريات التي افضت الي ما افضت اليه: الوطن القارة يفقد ربع سكانه وثلث مساحته و75 في المائة من مواردة...وازمات متجددة تطل كل يوم ...وخطاب ديماجوجي غوغائي لا يقتل ذبابة...
هل يحتاج سؤالكم اخي حجر الي اجابات جديدة؟....
لك الاحترام
|
Post: #3
Title: Re: ممكن سؤال ؟؟؟ و!!!!!!! .
Author: Asim Fageary
Date: 07-05-2011, 12:25 PM
Parent: #2
تحية وسلام يا حجر
إنت "مرجلة" دي مش القدر البيغلو فيهو السوائل؟
خليهو يغلي زي ما عاوز مالك مقوم نفسك معاهو!!
|
Post: #4
Title: Re: ممكن سؤال ؟؟؟ و!!!!!!! .
Author: الرفاعي عبدالعاطي حجر
Date: 07-05-2011, 01:00 PM
Parent: #3
Quote: تحية.......سؤال يتبادر للكافة يا صديقي.....العقلية الصدامية(المرجلة) التي قادت صاحبها الي حبل المشنقة...العنتريات التي افضت الي ما افضت اليه: الوطن القارة يفقد ربع سكانه وثلث مساحته و75 في المائة من مواردة...وازمات متجددة تطل كل يوم ...وخطاب ديماجوجي غوغائي لا يقتل ذبابة...
هل يحتاج سؤالكم اخي حجر الي اجابات جديدة؟....
لك الاحترام |
سعادة المستشار
محمد الكامل عبدالحليم
لك المودة والتقدير ,,,
تعرف في كثير من الاحيان افكر في اسئلة بسيطة
تخيل كنت ولاازال افكر هل يؤمن البشير بالله و
اليوم الآخر وان نهاية الحياة موت وحساب وسؤال
اسئلة بسيطة تقود الى الجنون واسئلة كبيرة تجد
لها اجابات اكاد امضي الى الجنون من فعائل الانقاذ
وصمتنا المخزي يا اخوي محمد والله حاولنا كما يقول
والدي الله يمد في ايامه ان نضرب الهم بالفرح لكن فين
نجيب ليك الفرح يا ليل ياليل ياليلي ياعين .
والله على حافة الجنون من هذا البشير المغيب والغائب .
قاتله الله وتباً له وخاله المعتوه .
مودتي لك ياقريبي العزيز .
..................................................حجر.
|
Post: #6
Title: Re: ممكن سؤال ؟؟؟ و!!!!!!! .
Author: محمد الكامل عبد الحليم
Date: 07-05-2011, 01:17 PM
Parent: #4
تحية.... نشوة السلطة والجاه وانتقال المشروع اياه الي مشروع دهري تصادمي مع شعب صبر بما فيه الكفاية ولم يحصد سوي المزيد من الازمات ...
يجيدون اختلاق الاعذار وفق فلسفة ذرائعية فطيرة لا تجلب الحلول بل تفضي كل يوم الي تعقيد دونه تعقيد اخر لحالنا السياسي والاقتصادي والاجتماعي المازوم...
(هي لله) و(لحس الكوع)و(المسيرة القاصدة) اصبحت من النكات التي لا تستثير الضحك بل البكاء...
حالنا اليوم يا صديقي كحال االمتنبئ عندما قال في زمان غابر ( وماذا بمصر من المضحكات لكنه ضحك كالبكاء)
|
Post: #5
Title: Re: ممكن سؤال ؟؟؟ و!!!!!!! .
Author: الرفاعي عبدالعاطي حجر
Date: 07-05-2011, 01:09 PM
Parent: #3
Quote: تحية وسلام يا حجر
إنت "مرجلة" دي مش القدر البيغلو فيهو السوائل؟
خليهو يغلي زي ما عاوز مالك مقوم نفسك معاهو!! |
عشان كدا اتبعتها برجالة في الفهم المتخلف للرجولة عندنا
يااخ دا زول غريب والله الزول دا حير افكاري ح يفهم متين ؟؟؟
ان الظلم بلغ مدىً بعيد متين ح يفهم؟ متين ح يفهم؟ متين ح يفهم
؟ متين ح يفهم؟؟؟؟؟؟؟
اللهم ابتدئ التخريب الآن. فإن خرابا بالحق ... بناء بالحق .
لا إله إلا الله ... محمد رسول الله (ص).
........................................................حجر.
|
Post: #7
Title: Re: ممكن سؤال ؟؟؟ و!!!!!!! .
Author: الرفاعي عبدالعاطي حجر
Date: 07-08-2011, 00:23 AM
Parent: #1
???
يظل السؤال حائر
يحتاج اجابة من
الرئيس بالله واحد
يعمل خير ويوصل له
السؤال دا ممكن ؟؟؟
...................................حجر.
|
Post: #8
Title: Re: ممكن سؤال ؟؟؟ و!!!!!!! .
Author: فتحي الصديق
Date: 07-08-2011, 00:43 AM
Parent: #7
Quote: يعني الحاصل في عقلو شنو ... ؟؟؟
|
الريس متأزم .... جدا ...
وكلما تتعمق أزمتو بتتدهور لغتو أكتر وأكتر يا الرفاعي ..
|
Post: #9
Title: Re: ممكن سؤال ؟؟؟ و!!!!!!! .
Author: الرفاعي عبدالعاطي حجر
Date: 07-08-2011, 09:55 AM
Parent: #8
Quote: الريس متأزم .... جدا ...
وكلما تتعمق أزمتو بتتدهور لغتو أكتر وأكتر يا الرفاعي .. |
هاهاهاهاها
دا معناها متأزم من اول يوم جاء ...صاحب اللغة التي يرى فيها رجولته
الماعاجبو يشرب من البحر ,,, وليتطهروا ... وعلي الطلاق وإحنا ويلحس كوعو
وتحت جزمتي ... و ..... ووووو بعد الكلام دا في رقيص وعرضات يعني الزول دا
مأزووووووووم من يومو طيب يااخي ذنبنا شنو يا فتحي (إحنا) نحن ذنبنا آيه
ليلي ياعيني يا .......... واحد يرقص الرئيس لحدي الكبري القادم .
.......................................................حجر.
|
|