Post: #1
Title: هيع .. كع ... نحن اسياد بلد
Author: الطيب مصطفى
Date: 07-05-2011, 10:29 AM
نحن أسياد بلد نسرق نخم على كيفنا
ونحن الفوق رقاب المساكين مجرب سيفنا
ونحن الفي كوالا إجازة شتانا وصيفنا
ونحن علاج أولادنا فوق أمريكا مو في ريفنا
هيع .... كرع .....
|
Post: #2
Title: Re: هيع .. كع ... نحن اسياد بلد
Author: الطيب مصطفى
Date: 07-05-2011, 10:39 AM
Parent: #1
| Quote: كوالا= كوالا لمبور عاصمة ماليزيا |
|
Post: #3
Title: Re: هيع .. كع ... نحن اسياد بلد
Author: الطيب مصطفى
Date: 07-05-2011, 12:17 PM
Parent: #2
والمعا عاجبه يلحس كوعه
|
Post: #4
Title: Re: هيع .. كع ... نحن اسياد بلد
Author: منال
Date: 07-05-2011, 12:30 PM
Parent: #3
هسى يجيك ود الباوقة يقول ليك
اخرج ايها المتبربر الماركسى
لوووووووووووووووووووووول
تسلم يالطيب
|
Post: #5
Title: Re: هيع .. كع ... نحن اسياد بلد
Author: ود الباوقة
Date: 07-05-2011, 08:20 PM
Parent: #4
|
Post: #6
Title: Re: هيع .. كع ... نحن اسياد بلد
Author: ود الباوقة
Date: 07-05-2011, 08:27 PM
Parent: #5
| Quote: والمعا عاجبه يلحس كوعه |
يا شيخ العرب جربت لحسه كوعك ؟؟؟؟
كل ما اوقرك في الشين اراك تتقدم
اتعكنن خلااااااااااص انا صبري حصنو اتهدم
اصلو البينا ما بتنفكا من غير دم
الكاينه التكون بي وراها ما بتندم
كع
كركرع ...
|
Post: #7
Title: Re: هيع .. كع ... نحن اسياد بلد
Author: ود الباوقة
Date: 07-05-2011, 08:29 PM
Parent: #6
ضربي صعيب علي وصف البوصف عازر
في غارب التلوب انا نايبي دايما غارز
اسمعو يا طمش كان ما يجيني مبارز
هيييييييييييع ...
|
Post: #8
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 05:49 AM
Parent: #7
الأخت منال
لك التحية
وتقول عندك الحاسة السادسة سبحان الله
ود الباوقة شرفتنا بالمرور ولي عودة حميدة معك
|
Post: #9
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 06:08 AM
Parent: #8
يا ود الباوقة اسمع الكلام ده وافتح أضانك
يا "كويز" انا امّك وانت ماك ولدى
بطنك كرّشت غى البنات ناسى
ودقنك حمّست جلدك خرش ما فى
هيع كع
|
Post: #10
Title: Re: هيع .. كع ... نحن اسياد بلد
Author: ود الباوقة
Date: 07-06-2011, 06:11 AM
Parent: #9
Quote: يا "كويز" انا امّك وانت ماك ولدى
بطنك كرّشت غى البنات ناسى
ودقنك حمّست جلدك خرش ما فى |
يا اخوي شعرك دا ملاو ( مجوبك ) كدي
يظهر عليهو باقي ماركسية بايت ....
|
Post: #11
Title: Re: هيع .. كع ... نحن اسياد بلد
Author: ناصر احمد الامين
Date: 07-06-2011, 06:20 AM
Parent: #8
و الله نحن الرجالة دي يوم بتكتلنا
شغلنا كلو صرصرة وش وفردة صدر و جبيد شنب.
و بالمناسيبة(اكبر شنب علي وجةالارض هو شنب الصرصار)!!
انا الليل و انا الكلس و نحن الشرف الباذخ واخوات البنات و هيع.
و جدنا المك نمر و الزبير باشا و المهدي و ال البيت و افـــو.
علي الطلاق : نحن شعب موهوم
الناس فرتقت زماااان و فاتت بعيد ونحن لحدي هسه بنفتش في فردة السفنجة الضايعة بفعل ذاتي.
مفنقسين نفتش تحت السراير و نقول (انحنا الليل و الدابي والاسد النتر و السم الهاري) و نحن سفنجتنا ضاااايعة بفعل فاعل مستتر ما عندو ضمير و هو نحن زاتنا!
الطيب مصطفي تحياتي
ود الباوقة دا بالذات ما في زول يزعلوا
|
Post: #12
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 07:05 AM
Parent: #11
حاضر يا اخ ناصر
ما بنزعل ود الباوقة وده شغل هظار ساي
|
Post: #13
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 09:01 AM
Parent: #12
.
|
Post: #14
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 11:55 AM
Parent: #13
الملايينُ على الجوع تنامْ
وعلى الخوف تنامْ
وعلى الصمت تنامْ .
والملايينُ التي تسرق من جيب النيامْ
تتهاوى فوقهم سيل بنادقْ
ومشانقْ
وقرارات اتهامْ
كلما نادوا بتقطيع ذِراعَيْ
كلِّ سارقْ
وبتوفيرِ الطعامْ !
الشاعر احمد مطر
|
Post: #15
Title: Re: هيع .. كع ... نحن اسياد بلد
Author: محمد الشيخ أرباب
Date: 07-06-2011, 12:11 PM
Parent: #14
الايام دول يا دولة ظالمة غبية
هلل يا كويز يا فلول رجعية
الشعب باكر ليه قلوبية
تقبض يا زرارير السياسة عشية
كع
|
Post: #16
Title: Re: هيع .. كع ... نحن اسياد بلد
Author: خالد أحمد شطة
Date: 07-06-2011, 12:25 PM
Parent: #15
دينج زرفــنا الدمع ســـخيا وجفت مآقينا ..
فهامت عقولنا والحزن اليوم قد عم البلاد
*************
دينج.. شجر الأبنوس فروعـــــه خضراء ..
يظهر للعيان مبتهجا وجوفه يعمه السواد
***************
دينج لســـت شاعرا لست ناثرا ولكن ..
عند النائبات عنوة ينسكب المــــداد
**************
دينج لست هازيا ولكن لفني حزنا
كما يلــف ثكـــالى الترابي اليوم حداد ..
*************
دينج أين ابو دلامة ؟ وأين قبرك يا علي بين القبور ؟؟
دينج أوعدوهم بقصر في الجنان
ولهم في الدنيا .. جوار ولهم فيها قصور
************
أين بولاد وأين الدبابون بل أين سيف العبور ..
لكم في الآخرة غلمان..وسندس وحور
ولهم في الدنيا أواني كسرى وعبق البخور
*************
دينج مللت صبرا وصمدت دهرا
ودخلت يا منقو في الحياة فصلا ..
*************
دينج فات الأوان ولا يجدي اليوم الكلام ..
دينج ..تلاشت آمالنا وهرمنا ننشد السلام
*************
واهمون بفصلك أن يطيب لنا المقام
وكردفاننا جنوبها يعمه اليوم الظلام ..
*************
دينج خرجت من وطن إلي وطن ..
هل كنت مختارا ؟؟ هل كنت ########ا كلا ..
بل ساموك قهرا فركبت صعبا ..
وحملوك على أن تختار الخروج بلا إياب
وداعا وإلي اللقاء يوم الحساب ..
مودتي
شـــــــــطة
|
Post: #17
Title: Re: هيع .. كع ... نحن اسياد بلد
Author: الطيب مصطفى
Date: 07-06-2011, 12:35 PM
Parent: #16
يسلم فمك يا محمد الشيخ
لك الشكر يا غالي على الرمية الرصاصية دي
الأخ خالد شطة
تقدير كبير وسلام مربع لحضرتك
اين أختفى صاحب الكرع وهيع من هذا السيل العرمرم
|
Post: #18
Title: Re: هيع .. كع ... نحن اسياد بلد
Author: ود الباوقة
Date: 07-06-2011, 03:21 PM
Parent: #17
| Quote: اين أختفى صاحب الكرع وهيع من هذا السيل العرمرم |
قال السيل العرمرم
يا اخ دا شعر اسمو الشعر اكلتني البراغيث
ههههههههههه
|
Post: #19
Title: Re: هيع .. كع ... نحن اسياد بلد
Author: عماد حسين
Date: 07-06-2011, 03:57 PM
Parent: #18
هيييع ( سم اب درق ) يخوجل ما بين ايران والصين .. كع ...
في سحابك طلعتا، وقدلت فوق بالجامبو
وبتصميم ركبتا، وحيرتا (ملّس) و (ثامبو)
اخرصتا ابان حلاقيم، واتحديت عديل ناس رامبو
ربي يطيل سلامتك وتعفص خشيم أوكامبو
هيييييييييييييع
تحياتي يا ود الباوقة
|
Post: #20
Title: Re: هيع .. كع ... نحن اسياد بلد
Author: عماد حسين
Date: 07-06-2011, 04:35 PM
Parent: #19
طيارتك علت، إياك أب كريق، أب نايب
اتخوجلتا فوق الصين، ورجعتا حينك آيب
يا الخجيت عدوك، وخليتو لبناً رايب
اعفص خشيم أوكامبو، خليهو يبكي الخايب
كع...
|
Post: #21
Title: Re: هيع .. كع ... نحن اسياد بلد
Author: كمال ادريس
Date: 07-06-2011, 04:41 PM
Parent: #19
الوجعة كبيرة ياصاحب .. الله في.
|
Post: #22
Title: Re: هيع .. كع ... نحن اسياد بلد
Author: محمد الشيخ أرباب
Date: 07-06-2011, 07:54 PM
Parent: #21
سبحتو من حبل المشنقة المرفوعه
جلابيتو من كفن الشهيد مقطوعه
عافية عضلو من مرض الاهالي وجوعه
اب فاتورة من لبن الرضيع مدفوعه
كع ....... كع.............كع...........كع
اها يا ود الباوقة الشعر ده كيف
|
Post: #23
Title: Re: هيع .. كع ... نحن اسياد بلد
Author: ود الباوقة
Date: 07-07-2011, 07:10 AM
Parent: #22
Quote: طيارتك علت، إياك أب كريق، أب نايب
اتخوجلتا فوق الصين، ورجعتا حينك آيب
يا الخجيت عدوك، وخليتو لبناً رايب
اعفص خشيم أوكامبو، خليهو يبكي الخايب
كع... |
كر.. كرع
اردم يا عمدة
اردم المبربرين
التعديل لاضافة هع
هع
|
Post: #24
Title: Re: هيع .. كع ... نحن اسياد بلد
Author: محمد الشيخ أرباب
Date: 07-08-2011, 06:46 PM
Parent: #23
يا ود الباوقة
ما تعمل لينا واحدة في الانفصال وصوقيرة
البشير في جوبا
|
Post: #25
Title: Re: هيع .. كع ... نحن اسياد بلد
Author: الطيب مصطفى
Date: 07-09-2011, 11:08 AM
Parent: #24
آسف يا إخواني على تأخير الرد نسبة لسفري لمدينة الحبيب صلى الله عليه وسلم حيث دعونا من قلبنا أن يزيح عننا هذا الكابوس المسمى الإنقاذ
أخي كمال لك التحية والمغايس زي ما قلتة كثيرة ليس أخرها الإنفصال
الأخ محمد الشيخ والله كفيت ووفيت
|
|