Post: #1
Title: Short Stories
Author: عبد العظيم احمد
Date: 07-04-2011, 09:48 PM
أجلسته أمه في المقعد الامامى بالقرب من الباب وقالت له مودعة خلى كمساري الحافلة ينزلك قبل المحطة بشوية .ورد عليها متجاوزا الأصوات التي تصدر من بجواره من طقطقات اللبان ( طق طرق.. طق طرق..طاق) ..حاضر يا ماما
وهو في هذا الحال حتى صاح فيه الكمساري ممسكا بيده انزل هنا يا فردة
نزل أخينا مستاء ومتحدثا للكمساري ليعطيه الأجرة ( البنت قلعت أضانا باللبان)
وإذ بالكمساري يقول له دا ولد يا فردة ( الظاهر خانك السمع)
وبعدين يا فردة هو دفع ليك
وتمتم العوض ممسكا بعصاه ليتحسس طريقه إلى البيت ( عالم غريب وعجيب)
|
Post: #2
Title: Re: Short Stories
Author: عبد العظيم احمد
Date: 07-04-2011, 10:17 PM
Parent: #1
قصة واقعية
كالعادة طقطق الكمسارى داير القروش والبنت السمحة عاملة نايمة . ماعندى قروش , زهلت ولم يزهل البعض
والكمسارى بدأ موسيقاه.. تيب لو ما عندك قروش راكبة ليه ( هركاتك عجيبة.. قرب يغنيها) .. يازول ادينا بطل الهركات
الهركات دى مرت علينا كتير..( انا فكرت ادفع للبنت وتذكرت خواجاتنا .. ماعندك شغلة بغيرك . وماتدى فلوسك لزول
اخير عملت نايم .) واذ برجل يعطى الكمسارى جنيه قائلا ( اجرة بتنا ,,دى) وتناول الكمسارى الجنيه ,, وفتح اسطوانة جديدة .. زى ديل تعلموهم الملح تلقى اسه عندها.. وياعمك دى شجاعة منك...ماعارف ايه
واذ بالرجل يقول للكمسارى .. ياولدى انا مفطوم بالروب
سسكسك البنت عاوزة تنزل.. ودور الكمسارى الاشارة اللاسلكية للسواق وعند الباب توجهت ست الحسن والجمال للرجل.. شكرا ياخال وربنا يكفيك شر اولاد الحرام ..موجهة نظراتها الى الكمسارى.
وانا حمدت الله الما حشرت نفسى وعملت فيها خال,,
يا عمك
|
Post: #3
Title: Re: Short Stories
Author: عبد العظيم احمد
Date: 07-05-2011, 09:33 PM
Parent: #2
الشبكة طافشة
مصطلح محلى يستعمل فى دوائر الدولة فى السودان التى تعمل بشبكات الحاسوب
networks break down
او
Error
المهم لما جيت طالع من مطار الخرطوم . دائما الواحد يتوقع يلاقى صعوبات
فى الخروج.
ضابط الجوازات بعد ان تصفح الجواز بتاعى 60 مرة.. قال لى انت دخلت البلد دى كيف ..
قرب يقول انت مسلل او متسلل..
قلت ليه يا سعادتك معاك بطاقة الهجرة الخمسة سنين وانا دخلت يوم كده الساعة كدا
سنة كدا.. وفتحت ليهو الجواز. ثم نظر وتمعن قائلا الختم دا باهت ( وانا ساكت)
وبادر بعد نظرة ....(المشكلة ان دخولك ما مسجل عندى فى الكمبيوتر) قلت بقلبى طبعا يكون
الشبكة كانت طافشة يوم دخلنا البلد.. انا كراعى حارة)
تمر الدقائق والصف وراى طال..
وجنابو يصيح يا اخينا دخولك دا ما مسجل عندى فى الكمبيوتر( بقلبى طبعا .. ياخ شوف كمبيوتر جارك
والله انا من جيت عليك .. تشائمت)
قلت ياجنابو لو فى مشكلة ممكن اتصل بالقنصل ( لدولة الجواز)
او اتصل بسعادة اللواء شرطة( فلان)
وبعد ثانية من كلامى دا... دق لى الخروج
وانا بقيت اشوف المسافرين عشرة عشر والسودان سبعمائة و3 وتلاتين
...
لما مسكت الجواز وانا ماشى للمغادرة لحق بى بعض السمافرين
يا عمك شنو شابكنا سعادتك .. سعادتك دا رقيب اول... اها( عشان كدة)
وبعد دا نفكر نرجع بأذن الله (الى السودان) ادمنا المحن واتوسدنا حبل الصبر
|
|