الـحـنـفـيّـة بـتـنـقّـط، و فِـقـه الإسـتـنـجـاء ...

قبل تفعيل الجمرة الخبيثة بالنسبة للموية
نطالب حكومتنا الموقرة من باب ترشيد
الإستهلآك وكده، القيام بتدريس فقه الإستجمار
بدل فقه الإستنجاء في المدارس، والمستشفيات،
والجامعات، ودور الحضانة، ورياض الأطفال،
والمسايد (جمع مسيد)، والخلآوي، وفي عتبات
الدكاكين، وفي الأسواق، وأماكن التجمعات من
حدائق عامة وغيرها. حتي تعم الفائدة.
وشكراً...

إستبدال الإستجمار بالإستنجاء مهم جداً في المرحلة القادمة.
والله صحي...

كما نرجو من حكومتنا الراشدة، وبمناسبة أعياد الثورة الفتية
القيام بإستيراد دُرآب بأسعار مخفضة لمساعدة المواطنين،
وحبذا لو يكون هذا الدُرآب صيني لتوطيد العلآقة بين البلدين،
وبرضو عشان الجودة وكده.
نحذّر من إستيراد الدُرآب الأمريكي، وكذلك من إستعماله إن
وُجد. بصرآحة الأمريكان ديل ما مضمونين يكونوا عاملين
فيهو حاجة لا سامح الله.

ترشيد الإستهلآك يجب ان يكون شعار المرحلة القادمة.
والله صحي.
يعني لو جاكم ضيف بدل تعملوا ليهو موية ليمون، أعملوا
ليهو ليمون موية، وإذا نوى المبيت يجب ان تكون بحوذته
دُرآبته، فإن لم توجد فالطوبة تجزي...

الناس الباديين بُنيان يسقفو علي كده.
لا للتبزير.

بالنسبة للناس المربين جداد، يشترو قطارات والجدادة يدوها
بالقطارة تلاث نقاط في اليوم. يعني كأنها لآعبة في الممتاز.
مش يملو ليها صحن ويخلوها مصنقعة فيهو طول اليوم وهي
بترمي بيضة وآحدة بس. كده بزار...

القرار قالوا وقفوهو من قِبل والي الخرطوم.
الناس القدمو طلبات لإستيراد الدُرآب يبلوها
ويشربو مويتا سرييييع...