Post: #1 Title: باركوا لي مقدما مع دعواتكم حأبقى سواق قطـــــر! Author: هشام هباني Date: 07-02-2011, 11:38 PM
انا الايام دي بذاكر مرة باللمبة ومرة بالرتينة عشان داخل بعد شهر امتحان ختري شديد عشان امنيتي ابقى سواق قطر( ترماج) في تكساس...خلاص حكاية التكسي دي ما نافعة وقلنا نجرب القطر والساعة فيهو ب17 دولار بس ده غير (الاوفرتايم ) المفتوح بالله دعواتكم عشان امتحان القطر التحريري ده صعب شديد وعاوز ليهو طايوق قوى واخوكم خلاص التكسي ما خلى ليهو طايوق....يا سلام يا هباني يا تكاسي حتتطور وتبقي سواق قطر حتة واحدة!
يعني زمان لمن كنا سواقين تكسي كنا بنرشكم بخمسين بوست في اليوم لكن بعد ما نمسك دركسون القطر امانة يا البشير حارشك رش بعدد ركاب القطر وكمان معاهم الواقفين في الرصيف.............ارسكم..........................
Post: #3 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 03:13 AM Parent: #2
طبعا كل زول امد كراعو قدر لحافو...ناس تحضر في الدكتوراة والماجستير ديل ما نحن وناس تحلم تبقى سواقين قطارات ديل شبهنا وطالما الواحد سواق احسن اطور نفسو شوية في السواقة واقشر ليهو بحاجة جديدة غير مطروقة فسواق قطر دي حتدى اخوكم الريادة كاول سواق قطر سوداني خارج السودان....بس المصيبة في ناس حاكو حاكو..اصلو ما بخلو الحسادة خايف لمن اجي الامتحان القى كل السودانيين متلشين (بتلاليشن وبطراريمن) قاعدين منقزين في نص الامتحان عاوزين ابقوا كمان سواقين قطارات غايتو كان لقيتن طوالي اخلي الموضوع امشي اشوف لي بابور امريكية ولا كمان اسوق ان شاء الله حنطور عالم حاسدة حسادة..اصلو ما بخلو عفانتن دي!
Post: #4 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 03:35 AM Parent: #3
هسع دي واحد صديق قديم اتنكت هسع دي بعد البوست ده وضرب لي تلفون على طول وعامل مشتاق لصاحبو هباني بعد خمسة شهور غياب طبعا طوالي اشتغلت عند اخوكم نظرية المؤامرة والحاسة الطلطاشر عارف صاحبي ده ما جاااي لحنان... واخر عبارة رماها عامل ماشي....اها يا هباني بالله حتبقي سواق قطر اخر عمرك.. قلت ليهو ومالو القطر عيبو لي.... على طول رمي السؤال الدردقاني: ياخي قالوا امتحانو صعب عديل.... على طول اخوكم عرف زولو عاوز شنو وعلى طول كان ردي حاسم جدا قلنا احسن نطمم بطنو من هسع وقلت ليهو: تذكر يا فلان كتاب اللوغريتمات وناس باي نق تربيع داك وحساب المثلثات تصور كل داك عاوزنو حفظ عديل صم ..... والمصيبة اكتشفت انو عندهم معلقات ناس عنترة وامرؤ القيس بالانجليزي والاصعب يا اخوي ناسك ديل مدني كتاب قدر الكرتونة فيهو اسماء سواقين القطارات في الهند وكما ن العطشجية في الصين يعنى دايرنهم حفظ صم وان نسيت عطشجي واحد انت راسب في الامتحان... وانت براك عارف اسماء الصينيين ديل على بالايمان الكمبيوتر بغلط فيهم...............شخخخخخخخخخخخخخخ على طول المكالمة انقطعت وعرفت صاحبي بطنو طمت!
Post: #5 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 03:43 AM Parent: #4
90 في المية من السودانيين في امريكا سواقين تكاسي ومديكير وموزعين بتز يعنيا دايرين اي حاجة الساهلة والجاهزة....لكن القطر ده ما بتقدرو عليهو بدور قراية شديدة وبعدين ما فيهو( تب) وبعدين الدفع بالشيكات .....يعنى ده ما بنفع مع ناس ( الويلفير) اخير ليكم تمسكوا دربكم وخليكم مع تكاسيكم وبيتزتكم وغتغتو حساباتكم...........بالله خليكم من المحاكاة زي القرود فالقطر صعب شديد ياخي الواحد لو طلبوا منو هسع اسمع عشر اسماءعطشجية بكين بس بكون داير ليهو سنة كاملة تقول لي تحلوهو في ساعتين خليكم في تكاسيكم وبيتزتكم!
Post: #6 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 03:55 AM Parent: #5
شعب فعلا سجمان وكسلان..البيت كلوممكن ابقى انصار عشان ابوهم انصاري والبيت كلو ابقى ختمية عشان ابوهم ختمي حتى اخوهم الكبير البروفسور تلقاهو ختمي مع ابوهو الامي والبيت كلو يسار عشان اخوهم الكبير شعوعي وحتى جدادتهم تلقاها حمراء. والبيت كلو ابقى بحب عصمان حسين عشان اختهم الكبيرة كانت مكسرة في عصمان حسين.. وقبيلة كاملة ممكن تكون مريخاب عشان الشيخ ولا ود الشيخ مريخابي والمؤتمر الوطني بتاع الكيزان تلقى ود الباوقة ما كوز لكنو جعلي مع البشير الجعلي واموت ادافع عن الكيزان وهو ما كوز زي اخوى هجو الاقرع ماخد الانقاذ كلها حالة( جعلية) بكره الكيزان لكنو بحب البشير!
Post: #7 Title: Re: باركوا لي مقدما مع دعواتكم حأبقى سواق قطـــــر! Author: زينب محمد عبدالله Date: 07-03-2011, 04:24 AM Parent: #6
سلام يا هشام هبانى والله انت الله يفتحا عليك محل ما تقبل دائما كتاباتك بتضكنا وتدخل السرور فى نفوسنا فى الغربه دى
دائما لمن اقرأ ليك واضحك ناس البيت بقولو لى دا بتاع التاكسى الليله قلت ليهم لا دا بتاع القطر ههههه
غايتو انا يا هشام هبانى حأعمل لى شركه تاكسى اسميها شركه من وراء حجاب الاسلاميه رأئك شنو يا شخنا
تحياتى لك والاسره
Post: #8 Title: Re: باركوا لي مقدما مع دعواتكم حأبقى سواق قطـــــر! Author: Al-Shaygi Date: 07-03-2011, 04:28 AM Parent: #7
Quote: باركوا لي مقدما مع دعواتكم حأبقى سواق قطـــــر!
Post: #9 Title: Re: باركوا لي مقدما مع دعواتكم حأبقى سواق قطـــــر! Author: Tragie Mustafa Date: 07-03-2011, 04:54 AM Parent: #8
هباني يا اخوي انت الرص و القص ده ما بتخليه زي اختك تراجي؟؟!! ما سمعته القولة بتاعت(داري على شمعتك بتقيد) وحاة خوتك بعد بوستك ده ثاني القطر ما بتسقوا الا ام أحمد تفتش لك بخور تيمان وكان لمت في درب الفكي بتاع البشير (المطلمس ليه موضوع الجنائيه داك والمحايته بغسلوا بيها الطيارهههههههههههه) كمان ما بطال!!
...لانه جنس رصك وقصك ده بغطس حجرك.
اها موفق يا اخوي وربنا يغطي عليك من عيون الكيزان ويوفقك...الا رجاء لو نجحته وحفاظا على ارواح الركاب اياك ان تقرأ هذا المنبر وحاتك يجيب لك كرب يخليك تودي روحك و الركاب في مليون داهيه.
Post: #17 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 11:45 AM Parent: #9
العزيزة تراجي
سلامات
والله اصلو اخوك قرفان اليومين دي من حكاية السياسة السجمانة بتاعتنا وبقينا نفكر في المعايش واما حكاية القطر دي سمعت تحت تحت من امريكاني جاري ود عمة مدير مكتب (بوش) بقول لي السعوديين مفكرين اعملوا خط سكة حديد بين جدة وبورتسودان عشان اسهلوا عمليات الكشة للسودانيين من السعودية البقو كاسرين ركبة هناك وكمان بلا خجلة عاملين مؤتمر وطني وكاسرين ركبة في المملكة واشجعوا في حماس وحسن وحزب الله! والقطر قالوا قطر امريكاني وعشان كده اخوك حيضمن عقد في السعودية واول كشة ان شاء الله اجيب ليك اجل ناس ودالباوقة واساسي وكل الخونة بتاعين الانقاذ ديل وحاقول ليهم انتو ما دام الانقاذ دي عاجباكم كدي المخليكم لي هسع قاعدين في السعودية شنو!
Post: #16 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 11:27 AM Parent: #8
اخوى الشايقي المازعلان
سلامات
يا زول حكاية التيارة دي عندي فيها راي اكان لقيت القرود ناس حاكو حاكو ديل قاعدين في الامتحان على طول حاشوف موضوع التيارة و ان شاء الله تيارة رش بتاع جرجير يااااخ دي عالم عجيبة ما عاوزة تفكر ولا حتتقدم!
لكن بيني وبينك لو الامور باظت حارجع السودان ومعاي مشروعي القديم بتاع الاستثمار شركة(فراج الكروب)!
Post: #10 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 06:12 AM Parent: #7
يا زينب اختي
سلامات
طبعا قلنا نتميز ونتقندف زي ما الناس بتقشر بالشهادات السمحة نحن كمان عايزين نقشر في السواقة بتاعتنا دي ونجرب حاجة ما اتجربت يعنى سواقة قطر في امريكا دي لو كنا في زمن الشباب كان حيغنوا فينا بنات نعيمة يعني ممكن تحب بيها وتقشر بيها في حلالنا هناك في السودان مع سواقين اللواري الهواستن والسفنجات ومرات ممكن امشي خسوسى عطبرة هناك لجلاكين السكة حديد لزوم فلهمة واغاظة عشان نوريهم سواقة القطر في امريكا دي معجزة عديل وقرينا ليها جامعات و كيف بنسوق القطر بالكنتاكي ومرات بالماكدونالد ومرات ب ( الولفير) لزوم تسطيح وما فيهم زول بكون فاهم ابو النوم من الكلام ده غير اسبحلو واحوقلو! بس لكن اهلك السودانييين السجمانين الزي القرود ديل اصلو ما بخلو المحاكاة دي...كلهم بكونوا هسع بعد البوست ده عاوزين بكرة اكونوا سواقين قطر زي هباني....لو تذكري زمان واحد فتح دكان ليهو في شارع الاربعين ابيع باسطة وفول ولبن بعد اسبوع كل زول قد ديوانو في شارع الالاربعين وعملوا دكان باسطة وفول ولبن اها بعد داك الباسطة بارت في شارع الاربعين . اما بخصوص شركتك دي هسع بكون في كيزان فكروا فيها وفي سجمانين برضو تلشوا تلاليشن وقعدوا افكروا فيها فبالله استعيني على قضاء حوائجك بالضبان!
Post: #14 Title: Re: باركوا لي مقدما مع دعواتكم حأبقى سواق قطـــــر! Author: ندى صالح الطيب Date: 07-03-2011, 08:25 AM Parent: #10
البعرفو عن سائقين القطار زمان فى عطبرة انهم كانوا مستنيرين ودونك قيادات رواد فى الحزب
الشيوعى فى عهده الذهبى
Quote: ومرات بالماكدونالد ومرات ب ( الولفير) لزوم تسطيح وما فيهم زول بكون فاهم ابو النوم من الكلام ده
والناس ديل بعضهم معرفته جيدة باللغةالانجليزية !
كلامى عن تجارب وحكاوى للوالد له الرحمة لانه عمل بالسكة حديد معظم حياته ووصل لاعلى الهرم من
30 سنة فى الزمن الجميل .
Post: #18 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 11:56 AM Parent: #14
عزيزتنا ندي
تحياتي
تراك طلعت عطبراوية مية المية بس او عي تكوني شعوعية من اعداء دكتورة نجاة الجبهجية وما جبهجية! بس القطر بتاعنا الحاشتغل فيهو قطر امريكاني راسمالي مو قطر مجري شيوعي وقطر لقطر افرق والتحية لكل سواقي القطارات في السودان وتحية خاصة لزميل الدراسة بجامعة الخرطوم المحامي عصام الدين عبد العزيز بدبي الان ده كان ابوهو سواق قطر مخضرم في عطبرة سواق ليهو ضل وكان سواق القطر الوحيد الفي السودان بقوم بالقطر سداري!
مودتي
Post: #11 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-03-2011, 06:17 AM Parent: #7
يا اختي زينب
سلامات
طبعا اخوك الايام دي قرفان من التكسي وعشان كده فكرت في القطر و قلنا نتميز ونتقندف شوية زي ما الناس بتقشر بالشهادات السمحة نحن كمان عايزين نقشر في السواقة بتاعتنا دي ونجرب حاجة ما اتجربت يعنى سواقة قطر في امريكا دي احسن من وزير في السودان غايتو لو كنا في زمن الشباب كان حيغنوا فينا بنات نعيمة ويقطعوا فينا غنا على حكاية سواق قطر يعني حكاية سواق قطر ممكن تحب بيها وتقشر بيها في حلالنا هناك في السودان مع سواقين اللواري الهواستن والسفنجات ومرات ممكن امشي خسوسى عطبرة هناك لجلاكين السكة حديد لزوم فلهمة واغاظة عشان نوريهم سواقة القطر في امريكا دي معجزة عديل وقرينا ليها جامعات و كيف بنسوق القطر بالكنتاكي ومرات بالماكدونالد ومرات ب ( الولفير) لزوم تسطيح وما فيهم زول بكون فاهم ابو النوم من الكلام ده غير اسبحلو واحوقلو!... بس لكن اهلك السودانييين السجمانين الزي القرود ديل اصلو ما بخلو المحاكاة دي...كلهم بكونوا هسع بعد البوست ده عاوزين بكرة اكونوا سواقين قطر زي هباني....لو تذكري زمان واحد فتح دكان ليهو في شارع الاربعين ابيع باسطة وفول ولبن بعد اسبوع كل زول قد ديوانو في شارع الاربعين وعملوا دكان باسطة وفول ولبن اها بعد داك الباسطة بارت في شارع الاربعين .اما بخصوص شركتك دي هسع بكون في كيزان فكروا فيها وفي سجمانين برضو تلشوا تلاليشن وقعدوا افكروا فيها فبالله استعيني على قضاء حوائجك بالضبان!
Post: #12 Title: Re: باركوا لي مقدما مع دعواتكم حأبقى سواق قطـــــر! Author: mutwakil toum Date: 07-03-2011, 07:01 AM Parent: #11
ياهشام هباني سلامات سواق قطر دي ما بتجي من أول ضربة كدة يعني لم تقول عايز امتحن عشان ابقى سواق قطر زي لم تقول قريت مجلة في صحتك عشان ابقى دكتور نووو يا هشام انت تخش كلاس شهر و تقرا شهر عشان تشتغل كوندكتور CONDUCTOR و بعد تنجح ككوندكتور بتبقى مسئول فرملة و بعد مسئول فرملة بتبقى مساعد سواق قطر التفاصيل دي بتاخد سنين طويلة لحد تحصل سواق قطر كامل التطور. و ممكن عمرك كلو تكون كوندكتور او بتاع فرامل الا لو فتحت عينك شديييد. ربنا يوفقك
Post: #13 Title: Re: باركوا لي مقدما مع دعواتكم حأبقى سواق قطـــــر! Author: عبدالكريم الامين احمد Date: 07-03-2011, 07:29 AM Parent: #12
هلا بالعمدة وحباب الدراما الاسفيرية.. وبالله يا عمدة لو نجحت في الامتحان ده وسقت ليك محطة محطتين كده وجدعو ليك صنفور صنفورين ضروري تاخد ليك اجازة وتجينا هنا في الدوحة وتدينا دورة كخبير اجبني.. باقي القطريين اليومين دي عندهم مشروع بتاع سكة حديد ملفلف الخليج ده كلو وادينا نقلة نقلتين ممكن نتحرفن بعد دااك ونسوق لينا قطر قطري خط قطر- عمان
وسنتابع
Post: #15 Title: Re: باركوا لي مقدما مع دعواتكم حأبقى سواق قطـــــر! Author: ابراهيم قناوي Date: 07-03-2011, 09:07 AM Parent: #13
Quote: البيت كلوممكن ابقى انصار عشان ابوهم انصاري والبيت كلو ابقى ختمية عشان ابوهم ختمي حتى اخوهم الكبير البروفسور تلقاهو ختمي مع ابوهو الامي والبيت كلو يسار عشان اخوهم الكبير شعوعي وحتى جدادتهم تلقاها حمراء. والبيت كلو ابقى بحب عصمان حسين عشان اختهم الكبيرة كانت مكسرة في عصمان حسين.. وقبيلة كاملة ممكن تكون مريخاب عشان الشيخ ولا ود الشيخ مريخابي والمؤتمر الوطني بتاع الكيزان تلقى ود الباوقة ما كوز لكنو جعلي مع البشير الجعلي واموت ادافع عن الكيزان وهو ما كوز زي اخوى هجو الاقرع ماخد الانقاذ كلها حالة( جعلية) بكره الكيزان لكنو بحب البشير!
بالفعل نحن شعب بتاع ساهلة وجاهزة ومقشرة....عشان كده بنحب الموز اكتر من المنقة لانو الموز ساهل جدا بس بلع ماداير تعب ولكن المنقة عاوزة ليها معافرة عشان كده ما بنحبها زي الموز واما الدوم اكل المجبورين.ودي واحدة من خصايل القرود انها بتحب الموز جدا وبتحب المحاكاة وده الشبه البينا وبين القرود ....يعنى قبيل جدنا السوداني الاول لو كان من عبدة الزرافة لكان كل الشعب السوداني معتنقا دين الزرافة وتلقى الناس كلها لابسة هسع جلاليب بلون الزرافة وعربات بلون الزرافة ورئيس البلد لازم تكون مؤهلاتو للرئاسة بطول الرقبة وان يكون انسان مصابا بداء البهق حتى يكون في شكله اشبه بالرب ( زرافة) وحيكون علم السودان بلون الزرافة. وعلى ما اعتقد ان شعب السودان يوم الحشر العظيم اذا نفخ في الصور لن يصحى ابدا الا افكوا فيهم الصينيين بكرابيج وجلد شديد جو القبور ومرات مرات شي خراطيش موية حارة من جهنم ......تخيل.
Quote: باقي القطريين اليومين دي عندهم مشروع بتاع سكة حديد ملفلف الخليج ده كلو وادينا نقلة نقلتين ممكن نتحرفن بعد دااك ونسوق لينا قطر قطري خط قطر- عمان
ده الكلام الختري البخلي القرود ناس حاكو حاكو تمتلن الحسادة ومن هسع دي ابدوا افكروا في القطر بجد جد وبكونوا هسع من مداخلتك دي مطلعين دين قوقل و بدوروا على الكتب والمذكرات ومعاهد تعليم القطارات والرسوم وكمان في حمبرات منهم عاملين حريفين وبكونوا قطعوا دولارتن في التلفونات للسودان وبغتاتة ضاربين لعطبرة عاوزين مفكرات وبخرات بالعربي من سواقين وعطشجية بالمعاش في عطبرة عشان اساعدوهم للامتحان غايتو حظهم المساكين ناس سكة حديد عطبرة جاهم رزق الهبل من حمبرات امريكا لي عطبرة....بالله يا كيكي لو سعلوك قول ليهم قطر هباني ده طولو من واشنطون لي اسطمبول وامتحانو ده سعال نكير اسهل وفيهو عشرين معلقة بالانجليزي وشرح موسم الهجرة بالاسباني!
Post: #22 Title: Re: باركوا لي مقدما مع دعواتكم حأبقى سواق قطـــــر! Author: محمد الامين محمد Date: 07-04-2011, 07:10 AM Parent: #13
بالتوفيق ياصديق هسع انا جيت داخل البوست فرحان افتكرتك حتكون سواق في دولة قطر هسع كان كاس العالم 2022 نزلنا عندك وراحت علي ناس الفنادق
Quote: هسع انا جيت داخل البوست فرحان افتكرتك حتكون سواق في دولة قطر هسع كان كاس العالم 2022 نزلنا عندك وراحت علي ناس الفنادق
عرفنا تحت تحت انو امير قطر صار لديه اعتقاد من علاقة اسم قطر بالقطر انو جد القطريين هو اول من اخترع القطر وعليه في كاس العالم الجاااااي انا متوقع انو قطر كلها حتكون قطارات وعشان كده اخوك راسم على الموضوع ده وبالله ما تكلم زول بالموضوع السري ده وخسوسا اهلنا ناس عطبرة.
كدي جيب اضانك جااااااي ده طرماااااج مو قطر.... واخوك عارف القطر صعب لانوا قالوا بمتحنوك عربية عربية ولمن اوصلوك عربية الفرملة بدوك المعاش على طول وما بتنجح لو هنق حمار الوادي في وادى الحمار جنب عطبرة فكدي يا خوي خلينا نقشر شوية بالحكاية دي! وبالله ما تكلم زول بحكاية الطرماااااج دي لحدى ما نشوف اخرتا...فالعملية تمويهية عشان القرود القاعدين ديلك وراخين اضنين ومادين طراريمن جنهم حاكو حاكو عشان لمن احاكو خليهم اتبالوا بامتحان القطر والله ديل عطشجية ما انفعوا ان شاء الله بالعطش الاطلع الاجيب اجلن عاطلي المواهب رمم!
Post: #21 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-04-2011, 06:47 AM Parent: #1
.
Post: #23 Title: Re: باركوا لي مقدما مع دعواتكم حأبقى سواق قطـــــر! Author: محمد عوض السيد Date: 07-04-2011, 02:50 PM Parent: #21
سلام
دخلت البوست وبقيت بضحك بس ..
يازول مالك عاوز تبقي متحجر بعد تسوق القطر لانك حا تتلبس احساسو !! والغريب والله انا بسمع في اغنية زنقار (من بف نفسك يا القطار) واتخيلتك وانت سائق ودعوات المحبين والعاشقين تلهب ظهرك ههههههه
ايه سبب لي الكدر غير عجلاتك يا القطر انت شلتو جيبو يا القــــــــــــــــــــــــــطار
وربنا يعدل خطوتك ..
Post: #25 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-06-2011, 06:51 AM Parent: #1
.
Post: #26 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 07-08-2011, 07:14 AM Parent: #1
.
Post: #27 Title: Re: باركوا لي مقدما مع دعواتكم حأبقى سواق قطـــــر! Author: فيصل سعد Date: 07-08-2011, 09:41 AM Parent: #26
سواق قطر فرت مرة والله ايامك ساكوبيس ياخوى هو ياهشام ماداير ليك مساعد ولا كمسارى انشالله مساعد حلة كبير وما ببتزاك ذى ماعمل عمنا مساعد رئيس الجمهورية مع الوزير وطبعا الطلب ده مقدم لانك حتنجح بلا شك وتجتاز الامتحان بالتوفيق يارب فيصل سعد
الناظر هباني سلامات بختنا بعد ده حانستقطبك عشان تطور لينا السكة حديد في عطبرة وحانديك القرين كارد بتاع عطبرة وتراجي حانعينها ناظر محطة درديب
قبل الخروج في النية التلفنة ,, بس الأيام دي معصور شوية وان شاء الله الويكند اللي بكرة ده حاسي حا اقدر اكلمك .. والله ماجفا ,, بس انت براك عارف نيويورك الواحد فيها زي الترزي يوم الوقفة .
Post: #30 Title: Re: باركوا لي مقدما مع دعواتكم حأبقى سواق قطـــــر! Author: خالد العطا Date: 07-08-2011, 03:18 PM Parent: #29
العمدة
هباني تحياتي ياخ لما تكتب الدراما الاسفيرية
انا بقول الله يلعن السياسة التي حرمتنا من هباني
القاص عندك موهبة في السرد وكتابة القصة 22 سنة ما قدرت علي الكيزان كدي خليك مع الكتابة دي والله العظيم عندك موهبة ضايعة مع السياسة
Post: #31 Title: Re: باركوا لي مقدما مع دعواتكم حأبقى سواق قطـــــر! Author: Kostawi Date: 07-08-2011, 04:29 PM Parent: #30
عقبال تسوق الطيارة
تقدم ملحوظ من سواقة الحمير في بحرأبيض و ركوب الحصين في بحر أزرق توووووووف تكسي تكساس
و الآن الترماي
Post: #32 Title: Re: باركوا لي مقدما مع دعواتكم حأبقى سواق قطـــــر! Author: ناصر البطل Date: 07-08-2011, 04:38 PM Parent: #1
بالتوفيق يا هشام و انت تسعى للأكل باللقمة الحلال
Post: #33 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 08-08-2011, 09:30 AM Parent: #32
انا زعلان جدا وخجلان ما كلمتكم بانني رسبت في امتحان القطر بسبب عدم حفظي لاسماء عطشجية ( شنغهاي) فقد كان الاسبوتنغ بتاعي على عطشجية بكين وكمان ما ضربت معاي معلقة عنترة بالاسباني! والمصيبة كما توقعت لقيت ليكم اكتر من عشرين دبيب سوداني جالسين للامتحان بعرف فيهم سطاشر ونص وعملوا ما شايفني وده الطمم بطني من القطر والسودانيين ان شاء الله بالقطر الارجعن من تكساس للسودان من غير دولار ومن غير عمار وفي السودان اختهم في معسكرات النزوح في ( كلمة) عشان الواحد اعرف الوطن ده كيفنو!
Post: #34 Title: Re: باركوا لي مقدما مع دعواتكم حأبقى سواق قطـــــر! Author: MOHAMMED ELSHEIKH Date: 08-08-2011, 09:49 AM Parent: #33
Quote: عقبال تسوق الطيارة
تقدم ملحوظ من سواقة الحمير في بحرأبيض و ركوب الحصين في بحر أزرق توووووووف تكسي تكساس
و الآن الترماي
انتو يا سودانيو امريكا مسعولين من الخير: امريكا دي مافيها تقاعد يعني بلغتكمRETIREMENT??
Post: #35 Title: Re: باركوا لي مقدما مع دعواتكم حأبقى سواق قطـــــر! Author: جعفر محي الدين Date: 08-08-2011, 11:31 AM Parent: #34
الناظر هشام هباني رمضانك مبارك وصيام مقبول يا رب شكلك صحصحي قرفت من السياسة وبالتوفيق زمان في السودان قالوا كان في طرماي السواقين بتاعين زمان ديل ما فيهم زول حي أو زولا ورث وليداته المهنة دي عشان نرسلم ليك في تكساس يجربوا حظهم
Post: #36 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 08-09-2011, 06:29 AM Parent: #1
ناصر البطل
رمضان كريم
Post: #37 Title: Re: باركوا لي مقدما مع دعواتكم حأبقى سواق قطـــــر! Author: هشام هباني Date: 08-29-2011, 06:51 AM Parent: #1