Post: #1
Title: الضحك في بوست البكاء ....
Author: الرفاعي عبدالعاطي حجر
Date: 07-02-2011, 09:59 AM
هنالك علاقات فضائية خلقها الاسفير , ولعل افتراضيتها قد هتكها التلاقي الحميم بين كثير منا
وماعادت المعارف اسفيرية فقط هنا نلتقي في بوستات الافراح والاتراح الاسفيرية والتي لها ما بعد
فالبعدها هو تلفون للاتصال على المتوفى له قريب وخلافه ... وقد امتدت هذه العلاقات لبعيد جدا
....
طيب نحول الافتراض الى واقع اذا جاء واحد داير يشيل الفاتحة مع اهل البكاء وهو ضاحك يقرقر
موقف الناس النفسي منو شنو في حال طلع صاحب البكاء ذوق ومؤدب مؤكد ثمة صدود وجفوة واستنكار
دا لو ماقام زولاً جنب وفحل وحار القلب وانتهر الضاحك يقرقر علىالناس الحزانى يعني وانت بتعزي
ثمة وقار يعتريك لكن ان تعزي وانت تضحك فذلك خروج على النص الحزايني .
....
هنا بالمنبر البروفايل رمزية عاليه عن شخصية الكاتب والذي من خلال كتاباته واقتراناً مع الصورة
تتضح معالم كثيرة ومنها يضحى جزء من الانطباع الاولي ولعل وجود صور مترعة بالضحك في بوست عزاء
يعطي ذات الانطباع الذي يسكنك عزيزي القارئ حالما يأت صيوان العزاء رجل يضحك ليشيل الفاتحة .
.................................................................حجر.
|
Post: #2
Title: Re: الضحك في بوست البكاء ....
Author: الرفاعي عبدالعاطي حجر
Date: 07-02-2011, 10:07 AM
Parent: #1
...................................حجر.
|
Post: #3
Title: Re: الضحك في بوست البكاء ....
Author: الرفاعي عبدالعاطي حجر
Date: 07-02-2011, 10:09 AM
Parent: #2
.................................................حجر.
|
Post: #4
Title: Re: الضحك في بوست البكاء ....
Author: حمد إبراهيم محمد
Date: 07-02-2011, 11:37 AM
Parent: #3
Quote: هنا بالمنبر البروفايل رمزية عاليه عن شخصية الكاتب والذي من خلال كتاباته واقتراناً مع الصورة
تتضح معالم كثيرة ومنها يضحى جزء من الانطباع الاولي ولعل وجود صور مترعة بالضحك في بوست عزاء
يعطي ذات الانطباع الذي يسكنك عزيزي القارئ حالما يأت صيوان العزاء رجل يضحك ليشيل الفاتحة . |
الأخ الرفاعي - سلام كتير كتير
والله سبقتني على هذا الموضوع
فجزاك الله كل خير ... أستسمح بعض الأعضاء عند المعايدة في العزاء
أن يغير بروفايله الضاحك ... ويرجعه تاني لو متمسك
بيه... أو يعمل آخر لكل المناسبات...
-------
ح يجيناالرجل الحبوب المسامح والمتسامح مع الكل - ود الصايم
ويقول لينا - زي شنو يعني؟ هههههههه
|
Post: #5
Title: Re: الضحك في بوست البكاء ....
Author: ismeil abbas
Date: 07-02-2011, 12:19 PM
Parent: #4
ألأخ/الرفاعى السلام عليكم....
لقد نوقش هذا الموضوع فى مداخلات على ما أعتقد من قبل هنا ولكن لم يناقش كموضوع منفصل فى بوست مخصص.
الناس فى الواقع تغيرت خلينا من مجماملات ألأسافير..هناك من يضحك ويناقش أموره حتى فى المقابر ناهيك عن بيت البكاء الذى صار مكان للونسة ومناقشة الكورة وقلنا وقالو.
فى ناس بترفع يديها للفاتحة وما بتقرأ ولا آية ولا بتدعى المرحوم.إلا من رحم ربى
عمومآ ملاحظة.. ولكن ما شايف فيها حاجة لآن صاحب العزاء البدخل النت ده ذاتو ما حزين فى رأى.
تحياتى وتقديرى.
|
Post: #6
Title: Re: الضحك في بوست البكاء ....
Author: فايزودالقاضي
Date: 07-02-2011, 12:24 PM
Parent: #4
حبيبنا الرفاعي ...سلامات ..
| Quote: ولعل وجود صور مترعة بالضحك في بوست عزاء يعطي ذات الانطباع الذي يسكنك عزيزي القارئ حالما يأت صيوان العزاء رجل يضحك ليشيل الفاتحة . |
فرق كبير ياحجر ...اكيد مافي زول يجي يعزي وهو ضاحك او مقرقر الا يكون زول ماطبيعي ...لكن اذا انتهى العزاء او خرج الشخص من مكان العزاء فعادي يضحك ويفعل مايشاء ...ودي متفق عليها بينا ..امااذا كانت التعزية اسفيرية عبر بوست عزاء فالوضع يختلف ، فمثلاً اذا جاء اخونا ودالصايم بصورته الضاحكة وقام شال الصورة لحظة كتابة التعزية ولمدة ثلاثة ايام ثم اعادها ثانية فكيف يكون الحل في بوست العزاء الذي قد يستمر اكثر من ثلاثة ايام ؟!! فمرات البوست ياخد قريب الشهر بحسب التداخلات الجديدة على البوست والصورة التى لم تكن موجودة لحظة كتابة التعزية تظهر بعد ذلك فكيف يكون الحكم عليها ؟!!!
ومن المعلوم إن العزاءات لاتتوقف حتى قيام الساعة فهل نكتفي بالصور الرمزية الحزينة طول الدهر ؟!!!
كلامك ده ممكن يتم اذا كانت الصورة تتغير كتغير الكتابة من بوست لآخر ..
الصورة الرمزية في المنبر لا ترمز الا للشخص ولا ترمز لكتاباته فتلك حالات متغيرة لاتحكمها صورة ثابته ..
|
Post: #7
Title: Re: الضحك في بوست البكاء ....
Author: الطيب مصطفى
Date: 07-02-2011, 12:34 PM
Parent: #6
تحياتي يا صديق
خاصة ود الصائم ياخ ده بروفايلو مشروط من الضحك
|
Post: #8
Title: Re: الضحك في بوست البكاء ....
Author: Ahmed Abdallah
Date: 07-02-2011, 10:30 PM
Parent: #7
البركة فيكم 
|
Post: #9
Title: Re: الضحك في بوست البكاء ....
Author: محمد عبد الماجد الصايم
Date: 07-03-2011, 11:24 AM
Parent: #8
تقديرا للسادة الزملاء المشاركين في البوست .. وليس صاحبه
يا جـمـاعة هـوووي .. مـعـليـش والله!
_
مبروكـ يا حجر .. بقيت ملكـ بوستات المطاعنات والنضال الأُسري!!
بالنسبة لي أنا ود الصايم دا البوست الرابع أو الخامس تقريبا
وما بهمني عددا لأن كل واحد فيها يزيدكـ انحدارا على ما هو موجود فيكـ!!
وما دخولي لهذا البوست إلا تقديرا لعدد من الزملاء الأفاضل .. فأنت لا تستحق أي كلمة!
ألف مبروكـ .. يااااا مناضل .. المصادر .. الرفاعي حجــر ..
|
Post: #10
Title: Re: الضحك في بوست البكاء ....
Author: محمد عبد الماجد الصايم
Date: 07-03-2011, 11:35 AM
Parent: #9
وكلام قلتو ليكـ قبل سنة من الآن وتاني بعيدو ليكـ
Quote: لا حول ولا قوة إلا بالله!!
غايتو قدر ما الواحد داير يمرق نفسو من الحتات دي لكن
مرات الكلام بطلع روح الواحد عديل!!!
يا الرفاعي يا عمكـ .. بالجد زي كترت المحلبية
ياخ أقول ليكـ النجيضة: كشحتها عديل!
معقولة ياخ البتعمل فيهو دا؟
يعني الحنكـ شنو .. عامل بوليس إسفيري في البورض عاوز تقبض
أي واحد وعملت هنا شنو وعملت هنا شنو ومشيت مع منو؟؟
ياخ راجع نفسكـ وشوف إنت قاعد تعمل شنو!
إنا لله ياخ!
الناس دي كووولها تقول ليكـ غلطان وإنت ما شايف غير نفسكـ؟؟
ياخ غلطان ثم غلطان ثم غلطان وبرضو غلطان!!
هسي القاعد تعمل فيهو دا شنو .. ما ياهو فارض نفسكـ أمنجي البورض
وداير تسأل أي زول من أي حاجة وتدخل نفسكـ في حياة الناس كمان!
تمبس ما يعمل الدايرو .. إن شاء الله يمش عريان .. جاكـ عريان جوة البورض دا
تعال اتكلم .. أي حاجة بعملا بره كان صاح كان غلط ما عندكـ بيها دخـل نهائي!!!
ما معقول ياخ!
إنا لله!
ياخ خليكـ من تمبس .. أحمد موسى دا داير
يمش اليسار داير يمش في النص داير يقع البحر
إنت مالكـ ومالو ياخ! إن شاء الله يشرب بنزين!
داير تعمل نكير البورض؟ عايز تعمل مناضل على حساب الناس؟
يا زول إنت كل شوية واقع لي تحت .. ولو اتنين قالوا ليكـ
أضانكـ ماف .. فتشا!
فتش يا عمكـ
بالجد فتّش! وبطل المكابرة!
النضال عندكم بقى أسرار الناس لا أكثر ولا أقل!
ملعون أبوهو نضال ياخ! |
وممكن أكتب ليكـ لستة هنا بالناس القعدت تخش وراهم لحدي بيوتهم عشان تناضل!!
النجيضة يا المناضل الأُســري: ألعب بعيد!!
|
Post: #11
Title: Re: الضحك في بوست البكاء ....
Author: محمد إبراهيم علي
Date: 07-03-2011, 11:41 AM
Parent: #9
رايك شنو يا رفاعي الواحد بدل يكتب يعزي يخت الصورة دي
بعدين الدغري احسن منو مافي يا رفاعي ما حلوة حركة المضاراة وراء صيوان البكا دي
|
Post: #13
Title: Re: الضحك في بوست البكاء ....
Author: صبري طه
Date: 07-03-2011, 12:01 PM
Parent: #9
حمد إبراهيم محمد كتب: أستسمح بعض الأعضاء عند المعايدة في العزاء
أن يغير بروفايله الضاحك ... ويرجعه تاني لو متمسك
بيه... |
لك التحية أخي حمد ...
وبدون سخرية ... والقصد نبيل ياخ بس كيف يعني أغيّر صورة البروفايل لحظة العزاء وأرجعها تاني ...
دي جلابية بيضاء مكوية ولاّ صورة بروفايل ؟! 
ثمّ لو قمت بتغيير صورة البروفايل مثلاً لشهر كامل ثمّ أعدتها وقام صاحب العزاء بالدخول على البوست بعد شهر ... أها يا عزيزي الفهم هنا حيكون شنو ؟!
أو إذا غيّرت صورة البروفايل لمدة ثلاثة أيام مثلاً وقمت بإرجاعها في اليوم الرابع وتوفي شخص آخر ...
أها يا عزيزي في الحالة دي حأشتغل تغيير في صورة البروفايل على الدوام ؟!
انتهى ...
ـــــــــــ
أخونا الرفاعي حجر ... لك التحية ...
أعتقد والعلم عند الله أن من دخل عالم المنتديات فقد تعوّد على ما هو مُتاح من إضافة صور بروفايل وتواقيع وغيرها من الوسائل المُتاحة للتعبير ...
وأعتقد يا عزيزي أنه بذلك يُدرك أن صورة البروفايل لا تتغيّر حسب نوع الموضوع إن كان موضوعاً عادياً أو عزاءً أو فرحاً !!!
وكذلك يوقن جيداً أن تغيير صورة البروفايل نسبة لارتباط مداخلته بمناسبة معيّنة غير مُجدي أو كما هو واضح من استفساراتي للأخ حمد أعلاه ...
النجيضة يا عمّك:
مُداخلة العضو في بوست العزاء هي المعنية بالعزاء فإن كانت عبارة عن ضحك واستهزاء فستكون غير لائقة ... أمّا صورته الرمزية (صورة البروفايل) فهي وسيلة أخرى للتعبير وفي مساحة أخرى ومرتبطة بخصوصية العضو وما أراد أن يعبّر به ولا علاقة لها بكل مواضيعه ومُداخلاته وقد تكون مرتبطة ببعض المناسبات ...
ولك كل الود والتقدير ،،،
ـــــــــــــــ
|
Post: #14
Title: Re: الضحك في بوست البكاء ....
Author: الرفاعي عبدالعاطي حجر
Date: 07-03-2011, 12:53 PM
Parent: #4
شكراً حمد ابراهيم على المرور ولا اوفق على سحب وادخال لكن البروفايل يمكن ان يحتمل المناسبات جميعها .
فمن غير اللائق وحسب رؤيتي الخاصة ان البروفائل المقهقه مزعج في عزاء مؤلم كما مر في بعض الحالات .
اجدد مودتي يا قريبي .
...
اسماعيل عباس شكراً لمرورك الكريم وسعدت بأفكارك وطرحك ... وهو رأي مقدر اشكرك
...
حبيبنا ود القاضي يافايز كما قلنا للاخ اسماعيل عباس فكلاكما في مرتبة عالية واخوة اعنز بهما شكراً.
....
تحياتي اخي الجميل الطيب مصطفى ولو انني دخلت قبل الان لقلت ما خفف عن البعض وجع المعنى لكن لك التحية.
....
احمد عبدالله مودتي ياانيق ولك التقدير وكما قلت للاخ الطيب ليتني دخلت قبل الان .
.........
محمد ابراهيم علي تقديري الكبير يا ملك وشكراً.
....
شكراً ياصبري طه واحترامي للشرح المفصل لفكرتك اشكرك يا سيدي .
...............
محمد عبدالماجد الصايم ولك مثل الذي قلت في 3 مداخلات ولن ازيد .
..............................................................حجر.
|
|