يسافــر .. ويرجع .. علي كيفـووو ..

هـــذا لعمري .. منتهى الحقـارة ..

دي حقـارة راسه عدييييل ..

والماعاجبو

بحر المالح طمح ....

في مرحلة من مراحل حياتي كنت مهتم بفكرة جهاز الراديو ..
أحدى قريباتي ارسلتني راديو عجيب بحجم صغير جدا.. وامكانية التقاط عالية لابعد الحدود ..ارسلته من أحدى دول المهجـر وكان عبارة عن هدية قيمة جدا نقلتني من عالم حجار البطارية الكبيرة والراديو ذو المؤشر الخيطي الذي يرمز له بالقطعة المعدنية الحمراء التي تتجول بين الأرقام دلالة على المحطة الفلانية .. إلى عالم الديجيتال والمؤشر الرقمي ..
كانت لي محطات مميزة في ساعات اليوم المختلفة ..
الساعات الأولى من الصباح ..
منتصف النهار ..
فترة ما بعد الغداء ..
ثم الساعات المتأخرة من الليل وقبل النوم ..

لحدي هنا كويس معاكم يا بتاعين اوكامبووو ؟؟

على كل حال كانت كل فترة تنتهي .. تتركني في شغف غلى الفترة التي تليها حسب الجدولة واليوم ، حالوت مرارا أن أجد فترة مميزة عن اخرياتها .. ما استطعت تحديد ايهما أفضل ..
أوتار الليل .. أم اغنياتي وذكرياتي .. سهرات أم كلثوم في الشرق الأوسط ، أم أولاد دفعة .. عاااااااااااالم الرياضة . ام من أركان الدنيا .. لسان العرب .. أم صالة العـرض ..؟

ربما اكتشفت مؤخرا أن اكثر الفترات اثارة هي فترة الظهيرة .. والتي عن طريقة الصدفة توصلت فيها إلى اكتشاف خطير .. دعمه صديقي مهندس الاتصال وذلك بان حدد لي الموجة المعنية .. بالضبط وامكانية الالتقاط في ساعات اليوم المختلفة .. والتي كانت بعد منتصف النهار بساعة .. وامكانية الوضوح كانت لا تتجاوز نصف الساعة .. بعدها يتم التشويش الكامل للموجة ..
كنت ادعم .. اكتشافي .. بنظارة ميدان كتلك التي يستعملها الجنود في الميدان ..
..
كانت موجتي المفضلة .. التقط بها حركة الطيران في الأجواء السودانية .. ومتابعة حديث كابتن الطائرة مع برج المراقبة والاكواد المتبعة والمصطلحات الجوية .. ومن خلال المكالمات كنت اتعرف على نوعية الطائرة .. وجنسية طاقمها .. ووجهتها .. بالاضافة إلى ارتفاعها ومعدل سرعتها ومتى دخولها وخروجها من الأجواء السودانية ..
نظارة الميدان .. كنت اتابع بها الطائرات لاتي تظهر على راداري الخاص .. وانا في سطح بيتنا .. أو راس بيتنا أو اي كان اسمه ..
كانت قمة متعتي أن التقط الطائرة من قرب .. واقرا ما كتب فيها من أرقام تبين طراز الطائرة أو الجهة التي تنتمي لها .. واربط بين ما كان بين حديث البرج وحديث الكابتن لاتعرف على أن هذه الطائرة التي كان يتحدث قبل قليل مع قائدها .. وتبدا الاسئلة التعسفية .. ترى كم فيها من الركاب .. ؟ ومتى سيصلون غلى جهتهم المنشودة ..؟ هل بإمكانهم رؤيتي الآن وأنا ابحث عن نواياهم .؟


الواحد بي تميزو دا مفروض كان يطلع كابتن طيار ..

ما عارفة يا تمبس لكن بقيت حاسة موجاتي ظابطة مع موجاتك
بدون ما اشعر حاسة بشماتة عالية على ناس اكامبو

ومعجبة بالتحدي دا
بالج يسافر ويجي على كيفو
بس لو ظيط لبنا البلد وطلع الحرامية واللصوص ورجع الحقوق ما بكون فضل حاجة

Quote: د. نجاة محمود كتبت: ما عارفة يا تمبس لكن بقيت حاسة موجاتي ظابطة مع موجاتك بدون ما اشعر حاسة بشماتة عالية على ناس اكامبو ومعجبة بالتحدي دا بالج يسافر ويجي على كيفو بس لو ظيط لبنا البلد وطلع الحرامية واللصوص ورجع الحقوق ما بكون فضل حاجة

يا دكتورة ممكن ألقى إجابة:-

يوغندا ليه عملوا منّها يع ؟!
فرنسا ليه عملوا منّها يع ؟!
جنوب إفريقيا ليه عملوا منّها يع ؟!

الإجابة على هذه الأسئلة ممكن تتسق مع عنوان البوست "يسافر ويرجع على كيفو" ...

ــــــ
يع دي لو ما عرفتي معناها أسألي منها أخونا تمبس !!!

..
.
صدقنى ما على كيفووو
على كيف العم سام .. رضينا ام ابينا ..
عايزنو يمشى ويرجع يكمل ليهم باقى الاجندة بتاعتهم
يمشى عشان يدقسوا زى نافع دا ويوقع اتفاقية الاذلال والتركيع الثانية
يمشى ويرجع عشان يعتمد ليهم يوم 9 يونيو ما يقبضوه ويجى واحد ينكر ليهم
نفاشا الاولى ولا يصدق على التانية .. ؟؟


-------

بالمنطق طائرة تطلع من ايران وتعبر مساحة كافغانستان
يحلق فيها الطيران الامريكى واسطول السادس مرابط فى الخليج العربي
يدعم قوات امريكا فى العراق ومن ثم معبر عبر باكستان اكبر حليف فى اسيا
للعم .. وتقول لى على كيفو ..
الله دا شافوا بالعين ولا عرفوا بالعقل ..
ولا الرادارات والاقمار الصناعية والبوارج وحاملات الطائرات
دي رسومات فى خيال العالم الثالث ..؟؟
طمموا بطنا الله يعمل ليهم دسنتاريا يااخ
حسي خليهو يجى ورينا خبيز ( اديس ) دا بحلو كيف ؟؟
ولا عجنة نافع دا نديها باكنغ باودر وننسي ..

صدقنى ما على كيفووو
على كيف العم سام .. رضينا ام ابينا ..
عايزنو يمشى ويرجع يكمل ليهم باقى الاجندة بتاعتهم
يمشى عشان يدقسوا زى نافع دا ويوقع اتفاقية الاذلال والتركيع الثانية
يمشى ويرجع عشان يعتمد ليهم يوم 9 يونيو ما يقبضوه ويجى واحد ينكر ليهم
نفاشا الاولى ولا يصدق على التانية .. ؟؟
-------
بالمنطق طائرة تطلع من ايران وتعبر مساحة كافغانستان
يحلق فيها الطيران الامريكى واسطول السادس مرابط فى الخليج العربي
يدعم قوات امريكا فى العراق ومن ثم معبر عبر باكستان اكبر حليف فى اسيا
للعم .. وتقول لى على كيفو ..
الله دا شافوا بالعين ولا عرفوا بالعقل ..
طمموا بطنا الله يعمل ليهم دسنتاريا يااخ

كلمهم ياصالح ...قلنا في اكتر من بوست البشير حايكون بسلام حتى يكمل خارطة طريق الانفصال وبعده ماحايشوف حتى النور ..
لكن انا مستغرب كيف حاجة زي دي فايتة على دكتورة بيان واخونا تمبس وهم قارئين جيدين!!! ....

ويروح ولا على كيفو

Quote: كلمهم ياصالح ...قلنا في اكتر من بوست البشير حايكون بسلام حتى يكمل خارطة طريق الانفصال وبعده ماحايشوف حتى النور .. لكن انا مستغرب كيف حاجة زي دي فايتة على دكتورة بيان واخونا تمبس وهم قارئين جيدين!!! ....

..

Quote: صدقنى ما على كيفووو على كيف العم سام .. رضينا ام ابينا ..

.. صالح تبلدينا .. مكرر فايز ود القاضي ..
شكرا على امكانية القراءة من زاوية أخرى ..
بالنسبة لي القراءة الجيدة يا ود القاضي :
حتى وإن كنت على درجة عالية من القراءة لا استطيع أن اهضم فكرة الاتفاق الأمريكي .. ويمكن في نف الوقت أن أهضمها .. يعني زي ما تقول كدا الرواية عندي ممكن اقراها بطرق مختلفة ..
لكن ما يهمني في الأمـر .. وبكل صراحـة ..
ما نتعرض له هنـا من سخف مباشر .. ممن يدعون المعارضة .. للنظام .. ويسعون نحو التميز المنشود ..
فكما صرحتم من قبل ايضا صرحنا من قبل ..أن الكتابة يجب أن تكون بمسؤولية تتماشى مع حجم الواقع ..
فيظهر لنا ابوساندرا تارة .. باحاديث الغرام .. ويظهر لنا استيف بأحاديث العنصرية والتخويف .. ويتحول البورد إلى ساحة كبيرة جدا من التنظيرات السياسية والتصريحات والاستنتاجات .. وكلها ما ليها علاقة بالواقع ..
فيكون الواقع الماثل امامنا .. وأمام المجتمع الدولي .. ما نراه حاليا .. وما تابعه كل العالم .. من تحدي واضح وصريح
لا يهمني ما في تحليلاتكم التي بأعتبار ما سيكون ..
لكن يهمني مجددا .. وضع محكمتهم الدولية .. التي تكسررت قراراتها امام الطائرة الرئاسية ..
لا يهمني يا ود القاضي ما ستكتبون من تحليلات بعد يوم تسعة أو قبل يوم تسعة .. ولا يهمني اي صفقة يعقدها .. أ عقدها فعالم السياسة ملي بالاحداث المثيرة جدا .. والتي لا تتضح ما بين عشية وضحاها ..
يهمني الآن .. في المرحلة الحالية .. ما قام به البشير ممثلا للدولة السودانية .. والمواجهة المباشرة بينه وبين مجموعة اوكامبوو أو منظومة اوكامبوو داخل وخارج المنبر .. وبعض المصلحنجية .. ولاعقي اقدام .. اوكامبوو .. ومطبلي السياسة الأمريكية ..

Quote: حاسة موجاتي ظابطة مع موجاتك

انا غايتو يا دكتورة ببث على الموجة المتوسطة .. جلابة ونص وخمسة .. وقرطي علي كدا ..

Quote: بس لو ظيط لبنا البلد وطلع الحرامية واللصوص ورجع الحقوق ما بكون فضل حاجة

والله أحلى من كدا مافي .. ودي ما عملية صعبة .. والحساب ولد يا دكتورة ..

كدي نرجع لي موضوع الرادي ..
بما انو بي رجعة الرئيس عمر البشير إلى السودان .. بلع الجماعة اياهم ما كانو ينادون به .. بل ذهب بعضهم غلى ما بعد يوم تسعة بي ثانية .. واستمر البعض في التحليلات .. وفي الجدليات .. فإن السمة المميزة هي أن لبلعهم .. تكنيكات وسيناريوهات ..
لكن يبقى البلع هو البلع ..
ارجو أن اشير غلى أن الرادي الخاص بي قد بلع كل موجاته .. وبرامجه المختلفة .. جراء اكتشاف خطير جدا ...
حيث أنني واثناء البحث المتواصل لاكتشاف احداثيات جديدة .. قمت باكتشاف محادثة لاحدى الأجهزة الأمنية وقيادات عليا .. بالجيش .. كانت المحادثة واضحة وضوح الشمس .. في درجة نقاوتها .. وفيها من الرموز والشفرات ما يكفي ..
عندها ..
قفز قريبي ضابط المخابرات بالجيش السوداني وقتها .. وسيطر على الراديو وبشكل لا إرادي ، وكانت النهاية المحزنة أن تحولت الأصوات والأغاني والشفرات إلى مقاومات صغيرة وترانزيسترات .. وسلوك يصعب تجميعها .. وتم تعويضي فيما بعد .. بهيد فون .. اعاد لي امكانية الاستماع والاستمتاع بالموسيقى والبرامج المسجلة .. وقتها ..

Quote: يسافــر .. ويرجع .. علي كيفـووو

لمن قريت العنوان قلت تامبا قاعد يطاعن فيني وللا شنو
والله يا تامبا انا عندي اوكامبا مكتفني بي سلب
ماتشوف لي البشير دا يسفرني معاهو
اتسلقنا ياخ

.

Quote: بس لو ظيط لبنا البلد وطلع الحرامية واللصوص ورجع الحقوق ما بكون فضل حاجة

رئيس ماعمل الحاجات دي كلها،
تاني ما يكون فضل حاجة إلا يكون مميز في السياحة والسفر،
والحمد لله على ذلك


تحياتي يا تمبس والضيوف


.

سلام يا تمبس،

الرواية الرسميـة لقصـة الطيـارة دى ما بشتريها لو بقت بتعريفـة.

اهلنا ديل بطنهم غرييييقة ويغررررقوا للزول، وما نسوا إستقال دالام فى واشنطون.. ونحن بقينا حجارة
الناس تجدع بينا بعضها لما تتشاكل.

وامريكا لم تكن تنوى إعتراض الطائرة وإعتقال من فيها.. ولكن هدفها كان عرقلة لقاء البشير بالرئيس
الصينى.. ولابد ان الصينيين لعبوا دور كبير فى وصول البشير اليهم، واقمارهم متلفزة الكرة الأرضية (لايف)
ولما تم اللقاء الطائرة رجعت عادى ما فى زول إعترضهـا. إذا هدف امريكا كان عرقلة اللقاء فقط.

مع الاسف يا تمبس، لو الأمريكان دارو فعلا إعتقال الرئيس و قرروا ذلك لأى سبب، فيستطيعوا إرسال بوليس للخرطوم
ويجيبوه.. إتذكر ضربة الشفـا اللى وزير الدفاع ما عرف جات من وين.. صاروخ يتضرع فى سماء السودان الاف
الكيلومترات لحد ما يصل العاصمة ووزارة الدفاع ما تشوفو ولا تميز هل صاروخ واللا طيارة.. خلوها مستورة.
وبورتسودان البقت ملطشـة إسرائيل، وعندنا قاعدة للدفاع الجوى هناك، وهى قاعدة تعمل شنو ما تعرف.. قاعدة ساكت.

انا ما فرحان لأنو الرئيس لا يستطيع حضور الجمعية العمومية للامم المتحدة لعدة سنوات، ولا لإلغائه سفرياته المعلنة
ليوغندا وجنوب افريقيـا....الخ.. ولن افرح يوم اسمع انه فى لاهاى، ليس لأننى ضـد العدالة أو ضـد المنظمات الدولية،
ولكنه احزن لضعفنا نحن السودانيين الذين عجزنا ان نحل مشاكلنـا بأنفسنـا.

المعارضة أعلنوها عديل.. هدفهم قتقسام السلطة والثروة.. يعنى موضوعهم قروش وكراسى.. وديل بكدا اخير منهم الإنقاذ..
جد.. بهمجها ورمادها دا.. وبدا المعارضة لن تصل الى اى شئ ولا اريد حرف البوست عن موضوعـه.

Quote: بس لو ظيط لبنا البلد وطلع الحرامية واللصوص ورجع الحقوق ما بكون فضل حاجة

نتمنى ذلك يادكتورة رغم انه صعب عمل ذلك فاللصوص والحرامية اكبر من أن يتم محاسبتهم عدداً ونفوذاً ..الانقاذ تعرف انه متربص بها ولن تفرط في عقدها وكيانها بهذه الصورة لذلك ستحافظ على هؤلاء اللصوص والحرامية وتقول ليهم تاني عليكم الله ماتسرقوا يكفيكم الاخدتوه لكن لن تحاسبهم حتى تقوم الساعة ...معقولة يادكتورة حرامي يحاسب حرامي ؟!!!