|
الشابة الرائعــة رويدا (فازعاكم) .
|
طفلة وُلِدت وهي تحمل اليرقان في دمهــا تطوَر الأمر عندها وأدى إلى مضاعفات إعاقة حركية بنسبة 50% لم تفارق الإبتسامـة وجهها مذ عرفتها وهي الآن على أعتاب الثانوي العالي هي إبنة أختي أميمة حسن صالح الزولة ( الضحَاكــة ) رويدا عبد الخالق محجوب
بذل والدها كل الجهد الممكن بين السودان ومصر بحثاً على العلاج وصلتني منهم روشته لدواء غير متوفر بالسودان ، يبدو أنه جديد ، بحث عنه بالرياض و لم أجده حتى الآن . يقول البعض بأنه قد يكون متوفراً بالإمارات أو قطر ( وبالتأكيد باقي الدول الأخرى ) .
________________________________ شرح عن يرقان الأطفال حديثي الولادة هنـــا
|
|
|
|
|
|
|
|
Re: الشابة الرائعــة رويدا (فازعاكم) . (Re: عمران حسن صالح)
|
عليه الأحباب والأصدقاء وزوار الموقع جمال الشيل ولاد بلدي أطبعوا الروشتة وانتو راجعين من الدوام أيِ زول يغشى الصيدلية الجنب بيتو ويديني السعر تاني يوم بتصلو القروش باليورو بناءً على السعر نحدد الكمية لأن الإستخدام قد يستمر لفترة طويلة .
_______________ Up أيضاً تفيد يا نوبي
| |
|
|
|
|
|
|
Re: الشابة الرائعــة رويدا (فازعاكم) . (Re: Rawia)
|
علي إستعداد للمساعدة، هذا الموقف يتطلب السرعة، الرجاء كتابة ألأسم العلمي بوضوح وبدائله(في حالة عدم توفر ألأسم ألأصلي) في أمريكا صعب الحصول علي أدوية من غير روشتة أمريكية لاكني سأحاول...
| |
|
|
|
|
|
|
Re: الشابة الرائعــة رويدا (فازعاكم) . (Re: Rawia)
|
عمران يا حبيب شوف مستشفي الحمادي .. عندهم صيدلية ما شاء الله .. أول أمس عندنا مريض في السودان برضو ما لقو ليهو دواء الدكتور قال ليهم الدواء موجود في السعودية و قلبنا الرياض دي كلها و ما لقيناهو و رجع لي دكتورو الفي السودان قال ليهو ما لقيناهو في السعودية قال ليهم أمشوا مستشفي الحمادي بتلقوهو هناكـ و قد كان ..
* بالشفاء إن شاء الله يا بتنا
| |
|
|
|
|
|
|
Re: الشابة الرائعــة رويدا (فازعاكم) . (Re: Mohamed Abdelgaleel)
|
شكري واحترامي الأحباء اسماعيل عباس تمبس عوض عكاشة محمد عبد الجليل محمد عمر الفكي وعبر الهاتف الأحباء معتصم دفع الله ومولانــا محمد المرتضى حامد من مسقط وأتمنى أن يتوفق في مسعاه _____________ الجميل في الأمر أن الدواء موجو بالرابط الذي أحضرته الأخت راوية ، لكـ إحترامي أخت راوية على المجهود صورة علبة الدواء :
على الرابط التالي : هنـــا
| |
|
|
|
|
|
|
Re: الشابة الرائعــة رويدا (فازعاكم) . (Re: عمران حسن صالح)
|
تمنياتي لها بالعافية والصحة
وان تسعدوا ووالدتها بشفائها العاجل بحول الله
ربنا يحفظها من كل مكروه يارب .....
اللهم آمين ياكريم العطاء ... يامن قال اذا مرضت فهو يشفين
بحق كتابك الكريم اشفها شفاءً لا يغادر سقماً ياالله ياالله يا الله .
عمران كامل محبتي وتمنياتي ان نستطيع ان نقدم شيئ لرويدا.
.........................................................حجر.
| |
|
|
|
|
|
|
Re: الشابة الرائعــة رويدا (فازعاكم) . (Re: othman mohmmadien)
|
شكراً الأحبـــاء الرفاعي حجر ، عثمان محمدين "أرجو مراجعة رابط الدواء " ............... أبكاني صديق عزيز عبر الإيميل " عضو جميل حردان "
Quote: والله يا عمران دموعي بقت قريبة .. قريبة جداً.. إذا تعثرت بقرة في العراق أحس ألمها في أقدامي ..أبكي بأي سبب وحتى بدون أسباب ..بقيت بخاف من أي خبر ..لما يدق الجوال بقول يا لطيف اللهم اجعلو خير ..بحس انو جسمي بقى رهيف .. رهيف حتى النسيم يوجعني .. حتى الوجوه الجميلة .. حتى المناظر الجميلة ..وفي نفس الوقت برضو بقيت عنيف .. حاد .. شرس التفكير والفكرة ..خبر زي مرض رويدا دا يا عمران .. يصيبني بالدوار والنزيف ويجدد كل الجراح القديمة ويرميني في بحيرة من أحزان ..مرات أقول أنا لا أصلح لهذه الحياة .. أو أنا لست من مواطني هذا الزمان .. .. الجراح تلتئم عندي بصعوبة .. وتتجدد بكل سهولة ..عاجل الشفاء لرويدا ..هي من أكبادنا التي تمشي على الأرض .. تقدر تتخيل كبدك تمشي على الرمل والحصي والشوك ..لطفك يا الله .. |
شكراً صديقي الحنين جدا
| |
|
|
|
|
|
|
Re: الشابة الرائعــة رويدا (فازعاكم) . (Re: سيف بخيت موسي)
|
العزيز عمران تحياتى ربنا يشفيها رويدا صاحبة الابتسامة الملائكية
قبل الدخول فى البوست سألت عن الدواء اصلوا انا الايام دى لافى الصيدليات بفتش فى ادوية للحاجة ادوية الكُلى والرطوبة عشان انا ماشى نهائى ولحد الحين لم اصادف الدواء يبدو فعلا غير موجود بالرياض
ندعو الله لها بعاجل الشفاء
| |
|
|
|
|
|
|
Re: الشابة الرائعــة رويدا (فازعاكم) . (Re: عمران حسن صالح)
|
الوجيه العزيز : نصر االدين صلاح
صديق الزمن الفات " ونحن حالفين غنايو ما يموت " أسمعني صوته صباح اليوم من أمريكا بعد أن رفض باس ويرد بكري السماح له بالمشاركة والتعليق قام بعمل أوردر عن طريق النت وسيصلني الدواء ( علبتين ) خلال هذا الأسبوع بعون واحد أحد ويا صديقي العزيز ياهو البنيناهو زمان وعشناهو غنا الله يعلي مراتبكـ كمان وكمان ودايماً على عهد المحبة والأخاء الصادق لكـ ودي
| |
|
|
|
|
|
|
Re: الشابة الرائعــة رويدا (فازعاكم) . (Re: عمران حسن صالح)
|
سلامات يا عمران..
نبهني الاخ العزيز معتصم دفع الله للبوست دا وحاولت افتش ليك عندنا في المستشفى.
للأسف الدواء ما موجود..لكن المكونات بتاعته معظمها بيعتمد على الاوميغا 3
ودا متوفر في الصيدليات..فانا بقترح انك تتصل على الدكتورة تاني وتقول ليها
انك ممكن تتحصل على زيوت الاوميغا 3 في مركبات او ادوية تانية متوفرة..
احتمال تغير الوصفة..اونلاين بتلقى العلبة ب 70 دولار بس محتاج تشوف شركة مضمونة
.........
ربنا يعيد ليها الصحة والعافية ويسهل امورها..
| |
|
|
|
|
|
|
Re: الشابة الرائعــة رويدا (فازعاكم) . (Re: رشا سالم)
|
Quote: اونلاين بتلقى العلبة ب 70 دولار بس محتاج تشوف شركة مضمونة |
الشكر لكـ أختي الدكتورة رشا ، وللعزيز معتصم تم اللازم لعدد علبتين من ذات الدواء من طرف صديقي نصر الدين كما ذكرت عاليه . أشكر لكـ همتكـ واهتمامكـ يا دكتورة
| |
|
|
|
|
|
|
Re: الشابة الرائعــة رويدا (فازعاكم) . (Re: عمران حسن صالح)
|
الحمد لله الذي سخر لي أصدقــاء حوبة و رجال الحمد لله أن يسر لنا أحباب حببم الله في الخير وأهله شكراً صديقي نصر الدين وصل الدواء أخبرت رويدا بذلكـ لم تستطيع أن تقول شيئاً غير البكاء وهي ضاحكة تردد يا خالو يا خالو ....
علبتين تكفي لمدة عام كامل
| |
|
|
|
|
|
|
|