Post: #1
Title: أركب الصف يا نافع.............!؟
Author: جلال نعمان
Date: 07-01-2011, 03:23 PM
أركب الصف يا نافع
صاحبك قوش دخل هسي لسه ما شرب المويه
|
Post: #2
Title: Re: أركب الصف يا نافع.............!؟
Author: جلال نعمان
Date: 07-01-2011, 03:39 PM
Parent: #1
وخليك متذكر إنه الصف دا قدام فيه
الشيخ الترابي، وعلي الحاج، والسنوسي، والافندي، وعبد الله حسن احمد ومحمد الامين خليفه
والمحبوب وجماعه كتيرين بعرفوك وتعرفهم
وطبعا قبلك بشويه جاء صاحبك صلاح قوش
وشايف واحد من هناك جاي جاري محصلك.. خلي ليه محله جنبك
عشان تاني تباروا العساكر....![/B]
|
Post: #3
Title: Re: أركب الصف يا نافع.............!؟
Author: Tragie Mustafa
Date: 07-01-2011, 03:48 PM
Parent: #2
يا جلال النعمان سلام
فعلا نافع يستاهل.....فهو من الذي مارسوا الاقصاء لبقية رفاقهم.
اها جائه الدور!!
الا ما قلت لي ده منو يكون علي كرتي يا ربي؟!
Quote: وشايف واحد من هناك جاي جاري محصلك.. خلي ليه محله جنبك
عشان تاني تباروا العساكر....! |
علي كرتي برضو يا جلال قالوا قيامته قربت.
فالبهدله و المرمطه التي حدثت للبشر مسؤل عنها بشكل مباشر
انه وزرارته لم تحرص ان تعرف الدول الموقعه على الجنائيه!
وهذه معلومات بسطيه اي موظف كان مفروض يقوم بيها!!
خليك من وزارة خارجيه كامله متنبله وقاعده وتصرف في البدلات ويدبلوا في الزوجات
ويعينوهم كمان سفيرات!وبرضو البشير ممسوح بيه الارض عالميا!!
|
Post: #4
Title: Re: أركب الصف يا نافع.............!؟
Author: جلال نعمان
Date: 07-01-2011, 04:30 PM
Parent: #3
تراجي
عافيه
افتكر انه علي كرتي دلاها ساكت
في البهدله بتاعت الطياره دي البشير بقوم يديه كفين وشلوت ويخليه
هو لو ما دلاها بقول خطاء فادح ولسه عايز يكون قاعد في محله
مش كان يستقيل طوالي
لكن اظنه منتظر الكفين وكده
ما الزول المابفهم مشكله!
لا انا قاصد كمال عبيد
شفت الحنطقه والعمه الكيف والشال الما عارف ايه في استقبال نافع
هسي يكون برجف وندمان إنه استقبل نافع في المطار
|
Post: #5
Title: Re: أركب الصف يا نافع.............!؟
Author: جلال نعمان
Date: 07-01-2011, 04:51 PM
Parent: #4
الغريبه انه البشير اصدر هذه التصريحات
قبل ما يقابل ناس نافع ويسألهم عن التفاصيل ويعرف منهم وقعوا علي شنو
بالضبط.
حسب خبر سونا الزول الاستقبل البشير في المطار
هو عبد الرحيم محمد حسين
وواضح انه الراجل مسك ليك البشير واشتغل فيه زمبلك ضد الجماعه وشحنه ليك ضد الاتفاقيه
وبكون طبعا مشي فطر معاه في البيت
ووداه صلاة الجمعه نجيض طب.
وبعد داك عمك طبعا ما بقصر
|
Post: #6
Title: Re: أركب الصف يا نافع.............!؟
Author: Nasr
Date: 07-01-2011, 05:27 PM
Parent: #5
| Quote: عشان تاني تباروا العساكر |
محنة المثقف البباري الجنرال قديمة
من زمن نميري وربما أقدم
بس مثقف ما بيقرأ التاريخ
وكان قراه ما بيتعلم منه
دا لا مثقف ولا حاجة
المعرفة دخلت بأضانه دي (الأكبر من أضان الحمار)
وطلعت بالثانية
|
|