Post: #1
Title: جمهورية ام فتفت والليمون
Author: Balla Musa
Date: 07-01-2011, 03:21 PM
نسمع أغنية لعشة الفلاتية بتقول:
الله ليا الليمون سلامة بريا
أم فتفت مكون وطنى موجود قبل دخول العرب السودان..
الليمون منتج زراعى موجود ببلاد شنقيط ونجد والحجاز ومصر وتركيا والمغرب وكانو..
أم فتفت جمهورية طبقية رغم رقتها محشوة بالمخلفات العفنة..
رغم امعانها فى الوطنية فقد أصبحت ام فتفت أكلة مفضلة لمؤسسة الجلابة منذ هجرة الصحابة الأولى الذين أحضروا معهم أول كوم ليمون للسودان عندما كان يسمى أرض الحبشة..
وكما هو معروف أن الليمون كيس فطن, فلم يفتى بنظرية الصراع الطبقى لام فتفت خوفا من اختلاط البعر باللحم وفسادها..
نظرية الليمونة:
تولى ام فتفت بالنظافة..
أمسك طبقة طبقة واغدق عليها من الماء الكثير..
بعد أن تنضف جميع الطبقات بالتساوى جيب ورق جرايد ولفها..
وعشان ماتكون هناك طبقة أعلى من الأخرى ضعها أفقيا لا رأسيا..
فى الوقت دا تقطع بصل وتنقعو فى موية بها ملح..
وفى مكان آخر من تربيزة الطبخ تجيب المنتج الوطنى الآخر (الدكوة)..
وتجيب الشطة..
وتختار من الليمون النوع الأخضر الأملس ورقيق الجلدة وكبير الحجم..
تعمل تحالف بين الشطة والدكوة وتمطرهم من عل بعصير الليمون حتى تملأ صحن صغير..
تسوط بأصبعك وتلحس ثم تضيف ملح وتسوط بأصبعك وتلحس حتى تظبط الخلطة..
تجيب ام فتفت الملفوفة فى( الإنتباهة) وتقطعها بحيث يكون اتجاه التقطيع يمر بكل الطبقات فى كل جرة سكين ( لزوم المساواة بين الطبقات)..
وبعد التقطيع طولا وعرضا تسوط ام فتفت بالأصابع الخمسة حتى تختلط الطبقات دون شوشرة..
ثم تضيف عليها خليط الليمون والشطة والدكوة والملح زائدا البصل..
ثم تأكلها بعد البسملة وتخلص عليها ثم تحمد الله.
لاحظ أن الليمون هنا دوره مفصلى..
فإذا شلت الليمون من الخلطة سيفسد كل شئ وتصبح أم فتفت غير شهية.
أهم حاجة تظبط المسجل على أغنية الليمون سلامة بريا!
|
Post: #2
Title: Re: جمهورية ام فتفت والليمون
Author: Balla Musa
Date: 07-01-2011, 03:25 PM
Parent: #1
من فوائد الليمون الأخرى هو معالجة (الصناح) الذى لاتستطيع مزيلات العرق معالجته.
|
Post: #3
Title: Re: جمهورية ام فتفت والليمون
Author: Balla Musa
Date: 07-05-2011, 08:30 PM
Parent: #2
^^
|
Post: #4
Title: Re: جمهورية ام فتفت والليمون
Author: صبري طه
Date: 07-05-2011, 08:44 PM
Parent: #3
طمام البطن حاصل .. لذا لا بد من الليمون .. خاصة وأن الجنوب استوى بالشطة الحمراء بعد ما قطعوهو
|
|
Post: #5
Title: Re: جمهورية ام فتفت والليمون
Author: معتز مقبول
Date: 07-05-2011, 09:27 PM
Parent: #4
والله يا صبري الخريطه دي
عملت لي طمام عديييل كده
لكن بكره احلي مع ناس تاني ..سلامي .بله موسي
التعديل لاضافه بله موسي
لكم التحايه
|
Post: #6
Title: Re: جمهورية ام فتفت والليمون
Author: Balla Musa
Date: 07-06-2011, 02:57 PM
Parent: #5
صبرى ومعتز
الظاهر عليكم عايشين فى سودان بتوحم بالوحدة..
البوست عن علاقة ام فتفت بالليمون..
صبرى توقعتك تجيب الأغنية بتاعة الليمون سلامة برية لقيتك ضاع صبرى وكدا..
برضو فى أغنية للمذكورة بتقول(أبنى لى بيت فى حى الجلابة)..
وبرضو كانت بتقول فى واحدة تانية: الجلابى راجينى ولكن تغولوا عليها وحرفوها للجرارى راجينى!
|
Post: #7
Title: Re: جمهورية ام فتفت والليمون
Author: عادل فضل المولى
Date: 07-06-2011, 05:19 PM
Parent: #6
مكرر
|
Post: #8
Title: Re: جمهورية ام فتفت والليمون
Author: عادل فضل المولى
Date: 07-06-2011, 05:20 PM
Parent: #6
سلامات يا دك
شكلك عايز تخم الرماد على انقاض السودان المقصقص
الله يجازي الكان السبب
ثم
| Quote: من فوائد الليمون الأخرى هو معالجة (الصناح) الذى لاتستطيع مزيلات العرق معالجته. |
عليك الله بالمرة شوف لينا (ليمون) يزيل لينا القراد القاعد يمصّ في دمنا من 22 سنة
مص الدم وبتر الساقين
|
Post: #9
Title: Re: جمهورية ام فتفت والليمون
Author: Balla Musa
Date: 07-06-2011, 06:16 PM
Parent: #8
عادل فضل المولى
عليكم بالجمكسين مع خلطة الأصنحة الفتاكة ولومنى لو فضل قراد!
|
|