ياعشاق بالمنبرالفنان شكرالله هل هذا حقيقة ما حدث ؟

المطرب الشاب شكر الله عز الدين كان في غاية الغضبً ورمى بالمايك بسبب (نقطة) وضعتها عليه الفنانة هاجر كباشي أثناء مشاركته في حفل عيد ميلاد ابنها.
وتعود التفاصيل إلى إن شكر الله عز الدين كان يؤدي وصلته الغنائية (مجاملا) في حفل عيد ميلاد ابن الفنانة هاجر كباشي وأثناء ذلك صعدت هاجر إلى مكان وقوف الفنان الشاب ورمت عليه أوراقاً مالية ، أو ما يعرف بالـ(نقطة) وهو الأمر الذي أثار حفيظة الفنان الشاب واعتبره تقليلاً من شأنه ، ما حدا به إلى قطع الأغنية والقذف بالـ(مايك) بعيداً وبدت على ملامحه علامات الغضب الشديد وغادر من فوره مكان الحفل واستقل سيارته مبتعداً بها غير آبه برجاءات من لحقوا به حتى يرجع للحفل ، إلى ذلك تباينت ردود فعل الحاضرين حول الواقعة فمنهم أعتبر (النقطة) في حكم العادية وأنها تجئ من كون التفاعل مع المطرب الشاب وإعجاباً بأدائه ، ومنهم من أعتبرها تقليلاً من شأنه لجهة انه حتى (المطربات) بتن يستنكف عنها، ويرفضنها ، وهو الأمر الذي انطبق على الفنانة ندي القلعة أثناء مشاركتها في فعاليات (اماسى أم در الموسيقية) حين بدت علي محياها علامات الغضب الشديد بعد إن رمي عليها احد الحاضرين حزمة من الأوراق المالية، ما جعل ملامحها تشتعل غضباً ، وتدير وجهها عن الأموال التي رميت على رأسها ، والتي التقطها بعد ذلك احد الأطفال ألا إن ندي رفضت استلامها ، وبدت ساخطة من الأمر.
النقطة يا جماعة عيب ؟

سلام يا زهير ..

مرة واحد من الفنانين الشباب ديل ساقني معاهو مناسبة زواج (ندم بعد داك أشد الندم على سواقتي معاو) .. في أثناء بيغني في واحد ولا واحدة من الحاضرين أعجبت بي الغنية البيغنيها وخايفة تنقط ليو يقوم يزعل أو يديها بنية ولا كف .. المهم أظن التصرف كان بواسطة شافعة صغيرونة أدوها في يدها عشرة جنيه وقالوا ليها أمشي بشري للود البيغني دا ولمن يدنقر ليك لصقيها ليو في جبهتو ..!

الشافعة مشت على الفنان وهي بتبشر بي يد وداسة اليد الفيها العشرة جنيه ورا ضهرها لمن وصلت حصل الكات متوقع والفنان دنقر ليها بالمايك .. بالله الساعة اللصقت ليهو العشرة جنيه في جبهتو ناس الحفلة كلهم نطوا لأنو الصوت جا ظاهر في المايك صججججججج !!

الفنان إتخلع وأنا إتخلعت في محلي البت الشافعة داير تمش الفنان لحقا داير يرجع ليها القروش وهي جرت منو ..!

بعد شوية جا شافع طالع من جهة تانية (ما خلاص ليبيا فتحت والجماعة عرفو من وين بتؤكل الكتف) .. انا ورا الفنان وشايف الشافع جاي يقدم كرا ويؤخر كراع .. همست للفنان (أعمل ساتر .. أعمل ساتر) !! وهو أظنو ما سمعني .. الشافع جا بشر للفنان والفنان تاني دنقر ليهو لكن ما دنقر ليهو خالص .. بالله الساعة الناس كلها سمعت صجججججج في الساوند أنا لمن وشي حمر خليهو الفنان .. الشافع صجاهو ليك بي خمسة جنيهات لكن ما في جبهتو .. في جضمو يعني كف عديييل كدة ..!!

غايتو الأغاني البعد كل ما شافع أو شافعة تجي تبشر ليو طوالي يقبل على الفرقة ويعمل فيها مجنون ..!!

غايتو انا ماعارف لكن اهلنا قالو (البيرقص مابيغطي دقنو)
يعني كمان ال بيغني (مايعمل ساتر لجبهته)
النقطة من زمان موجوده لكن كونها تجي من هاجر كباشي باعتبارها
صاحبة الحفل وشكرالله جاي مجاملة .. تبقي المسألة صعبة..
نازر ياصديقي انا عندي اقتراح جميل جداً بيحل المشاكل الزي دي
وبيمنع الاحراج ... كل فنان يضيف للفرقة فرد جديد .. يعني بتاع كمنجة
وجتارست .. وواحد بتاع ايقاع (ايقاعي) ..الخ يكون في واحد (جبهجي)
ماتفهموني غلط ..(الجبهجي) ده مهمتو الناس تخت ليهو النقطة في جبهتو
(العريضة) بدل الفنان ... وتبقي وظيفة جديدة الناس تاكل منها عيش
واي صاحب (جبهة) او (صلعة) يكون عندو مصدر دخل تاني .. ويكون جزء مهم
من اجزاء الجسم بقى عندو شغلة ...
ياخ النقطة دي في ناس( بيحشروها) للفنانات في حنانم زاتو ....
والله يانازر اخير منها صصصصججج وبجنيه بس وكمان فيهو مادة لاصقة
من (الفم) ... طبعاً مابقدر اقول (بزاق) عشان القرف وكده .
____
نازر اوع يكون صاحبك الفنان ساقك معاهو عشان تشتغل (جبهجي)

هههههههههههه كيفك يا جمال ..

Quote: ..الخ يكون في واحد (جبهجي) ماتفهموني غلط ..(الجبهجي) ده مهمتو الناس تخت ليهو النقطة في جبهتو (العريضة) بدل الفنان ... وتبقي وظيفة جديدة الناس تاكل منها عيش واي صاحب (جبهة) او (صلعة) يكون عندو مصدر دخل تاني .. ويكون جزء مهم من اجزاء الجسم بقى عندو شغلة ...

غايتو بي إسمو دا ووظيفتو دي اكيد بيكون الفنان دقس لمن يجو يتحاسبوا ..

Quote: ياخ النقطة دي في ناس( بيحشروها) للفنانات في حنانم زاتو ....

نسأل الله السلامة .. الكلام دا كان زمان يا جمال هسي الناس قصدها شريف والشغلة دي بقت مافي لكن يقال في في بعض الدول الأفريقية حوالينا البتحب الغنا بتاعنا دا والناس هناك لا من شاف لا من درى..

Quote: والله يانازر اخير منها صصصصججج وبجنيه بس وكمان فيهو مادة لاصقة من (الفم) ...

يا خي الخمسة جنيهات لمن عملت صجججججج دي كان من الصوت واضح إنو كان فيها مادة ملينة أو مسهلة ..

Quote: نازر اوع يكون صاحبك الفنان ساقك معاهو عشان تشتغل (جبهجي)

وييييييييين يا مان .. ساقوني عشان اشتغل بودي قارد وكدة ..!

ناذر

Quote: لكن يقال في في بعض الدول الأفريقية حوالينا البتحب الغنا بتاعنا دا والناس هناك لا من شاف لا من درى..

شايفك عامل ساتر زي صحبك الفنان

الشريف مبسوط مني الخ....الخ
وكاااااااااااااااااااكـ

تحياتي أخ هارون دياب

يا زول إت مالك بدور تجيب لينا الهوا
الكلام هنا حول نقطة السوداني ما حقة النجيري داك
وبعدين ناذر بتكلم عن نقطة بالجنية البتسوي صصصصجججججججج
وجي غير نقطة أب صلعة

بحيراوي

هرون سلام ..

Quote: شايفك عامل ساتر زي صحبك الفنان الشريف مبسوط مني الخ....الخ وكاااااااااااااااااااكـ

ياتو شريف دا وميبسوط منك لييه ؟؟!

ما فاهم كلامك ..!!

البحيراوي سلام ..

Quote: الكلام هنا حول نقطة السوداني ما حقة النجيري داك وبعدين ناذر بتكلم عن نقطة بالجنية البتسوي صصصصجججججججج وجي غير نقطة أب صلعة

اي عليك الله وريهو .. هرون دياب دا لمن يقوم يلخبط مرات بيلخبط لينا أفكارنا زاتا ..!!

خليهو من حنانا القالو جمال الصادق ..!!

Quote: وهو الأمر الذي انطبق على الفنانة ندي القلعة أثناء مشاركتها في فعاليات (اماسى أم در الموسيقية) حين بدت علي محياها علامات الغضب الشديد بعد إن رمي عليها احد الحاضرين حزمة من الأوراق المالية،

نظام الموضوع دة جديد عليها ولا شنو؟؟

بعدين هاجر كباشى ماليها حق والله
وحركتها بايخة شديد
واى زول فى مكان شكرالله مفروض يتصرف نفس التصرف
وانا من وجهة نظرى شايف الموضوع فيهو اهانة اكتر من انو تكون قصة اعجاب وكدة

سلامات عوافي


يعني خلاص غضبتو النقطه !! دا تراث قددددديم ولسه منتشر !!
والا خاف الجرائد تكتب عنو زي ناس نيجيريا :(^&^):


اريتني كنت حاضر عيد الميلاد دا عشان الز ليه شافع يدو اكبر من حجمو وينقط ليه بي بي كف كاررررب .. ودا قصاد اغنية ......... فكني .... فكني !!

النقطه ما هي الا تعبير بالاعجاب الشديد

ولا فرق بينها وبين التبشير بالايدي

ولكن وضعها في جبين او جبهة المعني هي الاهانه والعباطه

خصوصا لو كانت النقطه في مناسبة اجتماعيه

Quote: اريتني كنت حاضر عيد الميلاد دا عشان الز ليه شافع يدو اكبر من حجمو وينقط ليه بي بي كف كاررررب .. ودا قصاد اغنية ......... فكني .... فكني !!

المشكلة إنو ما (يفكو)!!

بوست يترفع بعد شهرين ؟!!! نقطة دي ولا نقطتين ..؟!!!!

فكّاهو ؟

هو شكر الله دة فنان!!!