يا بابكر ياخ انا بعرف سودانيات و كنت بقراها لغاية ما توفي خالد الحاج عليه رحمة الله لكن امبارح لما كتبت في قوقل سودانيات جاني الرابط دا http://sudaniyat.org/ ولما فتحته لقيت الكلام دا "سنواصل قريبا" في صفحة سوداء ورجعت طلبت من دينا خالد انها تديني الرابط و هي ما جاوبت و وبعد داك انا مسحت مداخلتي!
ياخ انا ما كضاب والله العطيم!
Post: #2 Title: Re: يا بابكر عباس...... والله انا ما كضاب! Author: بدر الدين احمد موسى Date: 06-30-2011, 06:38 PM Parent: #1
قيقراوينا يا نحرير
خسمتك بالنبي تخت رابط البوست بتاعي دا في البوست دا
Post: #3 Title: Re: يا بابكر عباس...... والله انا ما كضاب! Author: قيقراوي Date: 06-30-2011, 10:34 PM Parent: #2
بدرنا العالي قدرو
Quote: يا بابكر ياخ انا بعرف سودانيات و كنت بقراها لغاية ما توفي خالد الحاج عليه رحمة الله لكن امبارح لما كتبت في قوقل سودانيات جاني الرابط دا http://sudaniyat.org/ ولما فتحته لقيت الكلام دا "سنواصل قريبا" في صفحة سوداء
بس الاسبلينغ بتاعك دا فيو ( i ) زيادة .. هي كدا : sudanyat.org
---------
يا معلم شنو كدا ما قنطرتني لبورداب سودانيز ديل كدا!؟ انت الرويعي - زميلك - دا ما عارفو بتاع هجايص!؟
كان تجيب ردي على افتئاتو دا ياخ!
بجيبوا براااي .. المافي شنو هو!؟ اسمع قبل كدا بهناك كانوا فتحوا ليك بوست تبشير - بابكر همسلف .. و بوست ترحيب - بدر الدين الكوز ما سمعت بيهن؟
Post: #4 Title: Re: يا بابكر عباس...... والله انا ما كضاب! Author: قيقراوي Date: 06-30-2011, 10:45 PM Parent: #3
Quote:
Quote: المشاركة الأصلية كتبت بواسطة بابكر عباس مشيت شفت و من هتا بعلن حيادي التام دي جد جد خطيرة و يمكن تكون أخطر من لنا جعفر ذاتها
الغريبة بدر الدين أحمد موسى قال ما سمع انو في منتدى إسمو: سودانيات صحي كلامك يا قيقا ناس أون لاين ديل كضابين جنس كضب!
حولاااااااا!!!؟
وين قاولتك يازول!؟
في ذمتك دي يا الرويعي اسي لو صدقت انت - اللسة ما جيت اون لاين - اها : كيف صدّقت كلام واحد من سودانيز اون لاين!؟
لوووووووووب ( او كما قالت )
لوووووووووول
يا بدر هو ما قال انت كضاب ياخ .. او اقلو، ما براك
Post: #5 Title: Re: يا بابكر عباس...... والله انا ما كضاب! Author: بدر الدين احمد موسى Date: 06-30-2011, 11:26 PM Parent: #4
قيقراوينا النحرير
كيفك?
Quote: اسمع قبل كدا بهناك كانوا فتحوا ليك بوست تبشير - بابكر همسلف .. و بوست ترحيب - بدر الدين الكوز ما سمعت بيهن؟
لا والله يا قيقراوي ما سمعت بيهن و لا شفتهن! ولا كلموني ذاتو! الغريبة قبل فترة قصيرة-امكن اسبوع او اسبوعين شفت الزهايمر المبكر بعمل ايه?-جاني رابط دعوة للانضمام لسودانيات-في الفيسبوك- وعملت كل اللازم وفي النهاية وصلوني لنفس الصفحة وتاني مليت البيانات وتاني جاتني نفس الصفحة فزهجت. والله ليهم التحية و التجلة والاحترام من رحبوا بي
تتخيل في سودانيزاونلاين دي لما جيت مافي زول قال لي لقدام ذاتو ! على الرغم انه فيهم ناس بعرفوني حق المعرفة و كيكي قريبي عديل اتخيل زول قال لي انت منو مافي?
Quote: يا بدر هو ما قال انت كضاب ياخ .. او اقلو، ما براك
يا قيقراوي هو اثبت عليهم كلهم الكضب بناء على "كضبتي" انا ياخ!
هههههههه يا قيقراوي يعني ان عملت عملية قريب الشيخ مصطفى اللمين و نقطتها ههههه لكن سودانييات تكتب بالطريقة بتاعتي "sudaniyat" لكن الطريقة بتاعتهم "sudanyat" مفروض تتنطق سودانيات
شكرا يا وريف
Post: #6 Title: Re: يا بابكر عباس...... والله انا ما كضاب! Author: بدر الدين احمد موسى Date: 07-01-2011, 05:36 AM Parent: #5
Quote: أخونا بدر الدين أحمد موسى فتح ليهو بوست في أون لاين بعنوان: "أنا ما كضاب يا بابكر عباس"
كدي خليني يا بدر الدين أشرح ليك ليش أنا قلت كدا: في أول مايو الفات ظهر إسمك أسفل صفحة منتدى الحوار كعضو جديد بالمنتدى
قمت أنا كزول معرفة قديمة عملت ليك بوست ترحيب كبير في المنتدى الخاص بالأعضاء و قلت في مداخلته الأولى:
اقتباس: بدر الدين أحمد موسى شمباتي أصيل و ود دفعتي، كنا دفعة واحدة بشمبات، أنا كنت بالبطري و هو بكلية الزراعة قسم الإنتاج الحيواني، قبل سنة طلبت من المرحوم خالد الحاج دعوة بدر الدين للإنضمام لسودانيات، الحمد لله الزول دا جا بكرعينو براهو. حسب متابعتي لمنتدى الحوار بسودانيزاونلابن، بدر الدين أحمد موسى من المحاورين الممتازين. لو داير تشوف ليك زول متطور في الدنيا دي، أقع بدر الدين دا
التوقيع لزوم عدم الإلتباس لبدر الدين: أبوبكر البطري صاحب خالد أب دقن بابكر عباس
بابكر عباس
كيفك ياخ? واحوالك?
شغلنا دا بقى مناقشات انتربورد
يا بابكر ياني بدرالدين دفعتك ياخ! وشكرا على الترحيب و الكلام الجميل لكن يمكن يكون الزول داك زول تاني اسمه بدرالدين احمد موسى. ياخ زمان في الابتدائي انا كنت بفتخر اني الوحيد في المدرسة باسم بدرالدين, لما مشينا العام بقى معاي في نفس الفصل واحد تاني اسمه بدرالدين محمد احمد عيسى وما فرقونا الا باللون-هو حلبي! في الجامعة سنة البرليم, يوم كنت قاعد في مكتبة المين في قسم الاقتصاد تحت, وقصادي كان في واحد من العلوم وكان بقرا في كيمياء عضوية في دفتر زي دفاتركم الكبيرة ديك-انتو كنتو بتباصو كيف?- المهم قام طلع بريك و انا شفت في الدفتر انه اسمه بدرالدين قمت من محلي و قريت اسمه, انقر اسمه ما كان بدرالدين احمد موسى? حيرني عديل! في النت لقيت ليك بدرالدين دا هبطرش شئ بدرالدين اسحق و شئ بدرالدين شنا و شئ بدرالدين الامير و ولقيت ليك حتى في ناس ابواتهم اسمهم بدرالدين! ياخ فشلوا لي فرحتي باسمي ذاتو!
وينك? ووين ابو دقن?
ياخ في قروب بتاع شمباتة اسمه "دفعة" هم ورانا شوية لكن بذكرونا بشمبات الجميلة تعال بهناك ياخ
--
Post: #7 Title: Re: يا بابكر عباس...... والله انا ما كضاب! Author: قيقراوي Date: 07-01-2011, 09:15 AM Parent: #6
Quote: بابكر عباس
كيفك ياخ? واحوالك?
شغلنا دا بقى مناقشات انتربورد
طيب بل عزومة المراكبية دي :
Quote: ياخ في قروب بتاع شمباتة اسمه "دفعة" هم ورانا شوية لكن بذكرونا بشمبات الجميلة تعال بهناك ياخ
طيب ما تطلب ليهو باسوورد هنا دا محل الناس الكضابين دا ..
المافي شنو!؟
و ياهو دا شوفتوهو .. هو جاااااهز ...
اطلب من بكري باسوورد ليهو .. مع انو هذا الاخير ما يستاهل كلو كلو لانو زول ما بعرف قدر الناس
و بالجد الموقع دا هو الكسبان لو رضى الشفيف* دا يتنازل و يجي يكتب مع كضابين ذيكم
يلا ارمي لي قدام في الشغلة دي و انا بحاول اقنعو ليكم و ح تشكروني خالص على اهدائكم شفافة قدر دا
--------
لووووووووب
شفيف يا عمك .. شفيف
ما وريف
Post: #8 Title: Re: يا بابكر عباس...... والله انا ما كضاب! Author: بدر الدين احمد موسى Date: 07-01-2011, 10:08 AM Parent: #7
قيقراوينا النحرير
كيف الكلام دا?
Quote: شفيف يا عمك .. شفيف
ما وريف
يا قيقراوي ياخ انت عارف اني انا من ناس اللغة العربية كلغة ثانية ياخ ما تعقدني
انا شايف الناس بتكتب وريف, كتبت وريف, ياخ غايتو يا الجلابة! حتى لما نعاونكم في لغتكم تدسو المحافير! الله في!!
يا قيقراوي ياخ انت عارف انه بكري ما بحب قصة يا بكري بالله باسوورد لفلان دي, وعلينا ان نحترم رايه لانه دا محلو, والله لو كنت بدفع اشتراكات كنت طلبت لبابكر عباس باسوورد, زول دفعة و تذكيتك زيادة فوق الخير, بس العين بصيرة و اليد قصيرة!
بعدين انا ذاتي مسجل بقلم رصاص, كمان اعمل فيه سيد بيت? قايل نفسك براك الزعلان من بكري? انا ذاتي لو ما دفروني ناس كتار, و عزيزين, ما كنت رجعت لكن عشان عين تكرم الف عين و لا شنو?
ما تزعل كتير اصله دا الدنيا حالها!
Post: #9 Title: Re: يا بابكر عباس...... والله انا ما كضاب! Author: قيقراوي Date: 07-01-2011, 10:37 AM Parent: #8
Quote: انا شايف الناس بتكتب وريف, كتبت وريف, ياخ غايتو يا الجلابة! حتى لما نعاونكم في لغتكم تدسو المحافير! الله في!!
لووووووووب
آي الناس العاديين عادي تلصق ليهم ( وريف ) ساي لكن دا بابكر عباس همسلف ياخ .. اتصلح معنانا بالله يا بدرنا
الورافة و الشفافة كلها خير لكن الفرق بينها فرق مقدار و نوع .. او حسب كمية ( الحنان )
اها بابكر دا من النوع ( الشفيف ) طوالي مادي يدو لـ ( الحنة ) في كل المواقف الفيها مشاعر انسانية عميقة
طوالي شابكنا ليك ( حننتني )
زول بالمواصفات دي تقول ليو ( وريف ) بس!؟ ويحك يا بدرنا فقد قللت من قدر الرجل
---------
بجيك لمفاهمات حول بكري كلامك القلتو فوق دا كلو عندي فيو نظر .. و تنظير ( ما منظراتي متأثر بالشيوعيين ساي.. و العهدة على الذات الليبرالية الانيقة العليا )
Post: #10 Title: Re: يا بابكر عباس...... والله انا ما كضاب! Author: صبري طه Date: 07-01-2011, 10:40 AM Parent: #8
Quote: قيقراوي كتب: يا معلم شنو كدا ما قنطرتني لبورداب سودانيز ديل كدا!؟
up
لحين دخول الأخ محمد عبدالماجد الصايم
ــــــــ والمافي شنو ؟!
ــــــــ
Post: #11 Title: Re: يا بابكر عباس...... والله انا ما كضاب! Author: قيقراوي Date: 07-01-2011, 11:37 AM Parent: #10
Quote: والمافي شنو ؟!
المافي عمك دا ..
Post: #12 Title: Re: يا بابكر عباس...... والله انا ما كضاب! Author: قيقراوي Date: 07-01-2011, 12:02 PM Parent: #11
كتبت البت التي لم تفارق سمرتها بعد :
Quote: نطالب باعادة تسجيل بدر الدين احمد موسى (الوريف) زميل بابكر عباس الرويعى (الشفيف)
والله لايضيع اجر العاملين
عرفت الفرق بين ( وريف ) و ( شفيف ) يا بدرنا!؟
------
كدي كشف هنا لمزيد من استشفاف الفروقات النوعية و المقدارية طيب :
- دا ما عارفو بتاع هجايص!؟
...