من أقوال مناضل كيبوردي إنضم للمؤتمر الوطني حديثاً!!

هذا البوست برعاية شركة الأمارات العربية المتحدة
للفول المعلب ، وهو تحت شعار :

صحن فول يجيبك

.......

صحن فول يوديك

وكدا!!!

لا يفوت على فطنة عزيزي القارئ ، وعزيزتي القارئة
المغزي من إختيار اللون الأخضر كخلفية لمحتويات
البوست وهو إشارة بديهية لرمز ((السقرة)).




وكدا!!!!

قول واحد ، وهذا القول تحت شعار :

نحييك ما بتحيينا ، نرضيك مره أرضينا
أحكم فينا بالدايرو ده ريدك وإنكتب لينا

القول هو :

Quote: المصيبة انو رب البيت الرقيص ذاتو ما مخلي لينا فيهو فرقة اما نضلات المرأة السودانية مشهود منذ القدم ملكات مملكة مروي ومرورا بمندي بت السلطان عجبنا ومهيرة وحتي اليوم التحية لنضال المرأة السودانية علي مر العصور ونهديك هذا اللحن الخالد للخالدة عائشة الفلاتية

أكيد لن يفوت على فطنة عزيزي القارئ ، وعزيزتي القارئة
إن أقوال المناضل الكيبوردي المقصودة هي أقواله قبل الإنضمام.


يعني معقولة تكون أقواله بعد الإنضمام؟

وييييييييييييييييييو!!

زمااان قلت ليكم يا مناضلين الكيبورد إنه :

النضال في خطر ، كل من هب ركب القطر!!!!

أبيتوا ما تسمعوا.

الحاجة المستغرب ليها ((إستغريب)) شديد جداً جداً إنه جميع
مناضلي الكيبورد وبلا إستثناء غضوا الطرف عن هذا المناضل
الكيبوردي الصابئ ولم يحركوا ساكناً.

وتيييييييييييييييييييييييب؟

والحاجة برضو المستغرب ليها ((إستغريب)) برضو شديد جداً جداً إنو في المنبر
ده الزول لو عايز ياكل ليه (سندوشتي) بتاع فول وقال بسم الله ساكت يطلعوا ليك
كوز وقرمبوز وباقي الهطل الإسفيري المعهود داك.

وتيييييييييييييييييييييييب؟

يا محمد
والله الزيو كتار بس شقي الحل بقع في القيد هاهاها

تذكرت عبيد الله بن جحش ..



ــــــــــ
سلام يامحمد

سلام يا فايز ومحبة،،،،،،

عمك القوق ده ما عرفتو والله ، عمل شنو؟
ما تقول برضو صحن فول لف راسه؟

ويييييييييييييييييييييييو!!!

Quote: يا محمد والله الزيو كتار بس شقي الحل بقع في القيد هاهاها

يا حبيب

طيب ياخي أصله وكت الزول راسو خفييييف لدرجة صحين فول
يجيبوا وتاني يوديهو ، عامل لينا صداع و((غااااااغااااااااااااااا))
ماله؟

ما يتجوغر بي فوله ويقش خشمه ولا من شاف ولا من دري ، الكواريك
والصياح لزومن شنو ليهم؟

هذا مع (خالص الود) يا حبيب.

ويييييييييييييييو!!!

حاولت وفكرت ونجمت كثيراً أتأمل (صحن فول مقلوب) عشان أجد تفسير مقبول
للصمت المريب لمناضلي الكيبورد عن هذه الردة الكيبوردية البينة عن عقيدة
النضال ومسيرته الخالدة والظافرة بإذنه أبداً ، فوجدت نفسي محاصراً بعدة تفسيرات .....

الواحد من شدة ما الموضوع ده (ظو) شجون والأفكار تنساب علي
من كل صوب وحدب بقيت ما قادر أمسك نفسي ، وماقادر أمسك
فكرة معينة وأسترسل فيها ، كلما تجي فكرة تطردها فكرة أخري ،
وهكذا ، غايتو الموضوع ده يا بقاني عبقري ، يا مسحلب.

(دماغي حتتفرتك يا قدعان).

وييييييييييييييييييييو!!!!!

سلامات يا محمد
بتقصد بتاع نضالات المرأة وانا لا احب من يهين المرأة وفي ذلك السياق بشتم الكوزات
ولا ياتو؟

Quote: عمك القوق ده ما عرفتو والله ، عمل شنو؟ ما تقول برضو صحن فول لف راسه؟

قزازة سنة لتسند الزقني

سلامات يامناضل !!!
__
 لكن ما أقوال بالجد

Quote: سلامات يا محمد بتقصد بتاع نضالات المرأة وانا لا احب من يهين المرأة وفي ذلك السياق بشتم الكوزات ولا ياتو؟

اوووووو ، سلام يا دكتورة،،،،

هو كمان عندو ((باع)) في نضالات المرأة والشتائم وكده؟ والله
إنا كنت قايل الموضوع ده (ظو) شجون بس ، لكن الواضح إنو
(ظاط الشجون) ظااااطو.

بالله إتحفينا بأقواله ، لأني هسه ماقادر أمسك لي فكرة واحدة
وإسترسل فيها ، الموضوع ده حيجنني قبل يومي.

الله يستر علينا بس!!!

حبوبتي* الله يرحمها ويرحم موتى المسلمين كانت بتقول في دعاها بالرطانة (ياربي إب سنيجي نسأني ) يعني يارب شيلني وانا كويسة كده وماتبهدلني ....لذلك اصبح من ادعيتي المحافظ عليها ..




ـــــــــــــــــــ
* حبوبة حقيقية مازي حبوبة غريبة

"البينة" على من إدعى يا محمّد ؛)
___
بيِّنة من بيّن والمنسوب إليه بيناوي ؛)

Quote: قزازة سنة لتسند الزقني

آآآآآآآآآآآآآآآآآآآآآآآآآآآآآ!!!! بالله؟

طيب ما تقول كده من الصباح ياخي!!


ويييييييييييييييييييو!!!

Quote: سلامات يامناضل !!! __ لكن ما أقوال بالجد

يا سلام عليك يا حيدروني ياخ،،،،

عارف إنت أكثر زول فاهمني ، يعني قدر ما حاولت ألقى لي زول
يقول لي يا مناضل أبت كلو كلو بت الكـــــــــــلب.



لكن الحمدلله ، الصبر جاب نتيجة!!!

وييييييييييييييييييو!!!!

Quote: حبوبتي* الله يرحمها ويرحم موتى المسلمين كانت بتقول في دعاها بالرطانة (ياربي إب سنيجي نسأني ) يعني يارب شيلني وانا كويسة كده وماتبهدلني ....لذلك اصبح من ادعيتي المحافظ عليها .. ـــــــــــــــــــ * حبوبة حقيقية مازي حبوبة غريبة

الله يرحمها ويغفر ليها ، كلام مليان والله ، بالله أشملنا معاك في الدعاء ده عساها تجد ساعة إجابة!!!!!

Quote: "البينة" على من إدعى يا محمّد ؛) ___ بيِّنة من بيّن والمنسوب إليه بيناوي ؛)

وما أصله حق الريدة (بين)!!!!

إنت صحن الفول كله بي كم يعني يا ياسر؟

تم الكلام للآخر يا ياسر : واليمين على من أنكر!!!

كنت عايز أقول حاجة ونسيتها هسه ، أخ خ خ خ خ خ خ!!!


أووووو ، إتذكرت ، كنت بتكلم عن الصمت المريب لمناضلي
الكيبورد والتفسيرات التي إنهالت من كل صوب وحدب.......

يا مثبت الدين والعقل يارب.

Quote: بيِّنة من بيّن والمنسوب إليه بيناوي ؛)

ديشاااااااااااااك
مرة كتبها بيناوي الي بيان
ولا شنو؟

أقول ليكم حاجة؟ موضوع التفسيرات ده هسه إنسوهو شوية
(غايتو يا مناضلين الكيبورد مبيضة ليكم في قفص الليلة
من شدة ما الموضوع ظو شجون ما عايز إشتغل بيكم كلو
كلو).

نرجع لي موضوعنا بتاع الأقوال :

قول إتنين ، كمان جابت ليها حمرنة وكلتمة وخرطمة وشيطنة وجنية برضو :

Quote: شفت كيف ....؟ يعني عادي زي الزبادي حمار كلتوم يكون ماشي في امان الله فجأة تجي طيارة وللا صاروخ زي قطعة الشيطان (علي قول خالتي خديجة ) يجيب اجلو ودمو يروح هدر لانها طيارة الجن دي متل جات متل ماراحت ودقي يامزيكا

Quote: ديشاااااااااااااك مرة كتبها بيناوي الي بيان ولا شنو؟

شنو.

لسه ياما في الجراب يا حاوي.

ويييييييييييييييييييييو!!!

ولد ده ، كمان جابت ليها : دقي يا مزيكا.

ويييييييييييييييييو!!!

Quote: تري ما هو الذنب الذي اغترفته تلك المسكينة وما الذنب الذي يغترفنه الالاف من من امثالها سوي انهن ليس لهن ( ضهر ) اما ان عن الجريم التي يدينونهن بها فهنالك المئات من ذوات ( الضهر ) اللاتي يغترفنها بكرة وعشية و ليس هناك من يقول لهن ( تلت التلاتة كم )

أسمعوا :

إنتو تلت التلاتة بقى كم بالتقريب كده؟

والله الكلام دي قريبات جبناه معرضوات اسع قدر ما كوستو ما لقيتو

بيناي دا زول عصابي
شوف اي حزب جربو بس فضل ليه يدخل جمعية ام المؤمنات للكرشي واشغال الابرة

انا عندي وجهة نظر في الزول البينضم لحزب لا ديني ثم علماني ثم طاااااخ يبقى كوز

دا كلو في بحر سنتين


بخيت وسعيد على الكيزان

اما عن هبوط المنضالين ورفع الطناش
بس لانهم خجلانين في بحر 3 سنوات انضم معارضين للكيزان ولكن لم نجد اي كوز انضم للمعارضين
خطابهم البطال ما جذاب يا محمد

Quote: والله الكلام دي قريبات جبناه معرضوات اسع قدر ما كوستو ما لقيتو بيناي دا زول عصابي شوف اي حزب جربو بس فضل ليه يدخل جمعية ام المؤمنات للكرشي واشغال الابرة انا عندي وجهة نظر في الزول البينضم لحزب لا ديني ثم علماني ثم طاااااخ يبقى كوز دا كلو في بحر سنتين بخيت وسعيد على الكيزان

دي حالة إنسان يعاني من مشكلة توفير لقمة العيش ليس إلا ، لأنه
من الغريب جداً تشن هجوم عنيف وشرس على من له قناعة بتنظيم معين
وفجأة كده تنضم لذلك التنظيم وبكل بجاحة تتكلم عن حرية الإعتقاد.

ده نوع من المرض.

Quote: اما عن هبوط المنضالين ورفع الطناش بس لانهم خجلانين في بحر 3 سنوات انضم معارضين للكيزان ولكن لم نجد اي كوز انضم للمعارضين خطابهم البطال ما جذاب يا محمد

هههههه.

مناضلو الكيبورد ديل في الموضوع ده بالذات موقفهم يثير
الرثاء والإشمئزاز ، أما عن تفسير ذلك الصمت فده موضوع
بجيهو لي قدام في البوست ده.

سلام لصاحب البوست وضيوفه

ان كان المعني هو صديقي قيل وبعد انضمامه بيناوي

فهو لن ولم ينكر تاريخه وان تغيرت قناعاته


وطبعا هو متدرب علي اركان النقاش مع الشيوعين والحقانين واليبراليين



وهو حاليا في دورة تدربية تنظيمية في المؤتمر الوطني


فضلا عن رباطابيته الظاهرة


فترقبوه قريبا في الحوش

الأخ محمد عبد المطلب

اذا كنت تقصد الاخ ياسر بيناوي فنحن قد قلناها له بالصوت العالي ان ما مارسه يشكل وصمة في جبينه وطعنة لكل تاريخه النضالي ولا يعيب احدا غيره؛ اذ لا يمكن ان يتحول الانسان من النقيض الى النقيض في رمشة عين؛ ولن تحل هنا الاقوال عن فشل المعارضة او سؤئها؛ والتي نوافقه في الكثير منها ولكننا لا نذهب بسببها الى الطاغوت بل نحاول ان نخلق البديل؛ فالانسان لا يهرب من الرمضاء الى النار .

وبهذه المناسبة اقول ان اطلاق لقب كوز وعميل وامنجي على الناس دون اثبات هو جريمة وممارسة مضرة ؛ وقد كنت كتبت هذا البوست عن هذه الممارسة الجائرة :

تقدميين ورجعيين؛ كيزان وشيوعيين

لك التحية

Quote: سلام لصاحب البوست وضيوفه وهو حاليا في دورة تدربية تنظيمية في المؤتمر الوطني

عشان يطلع شنو مثلاً؟

Quote: الأخ محمد عبد المطلب اذا كنت تقصد الاخ ياسر بيناوي فنحن قد قلناها له بالصوت العالي ان ما مارسه يشكل وصمة في جبينه وطعنة لكل تاريخه النضالي لك التحية

الأخ عادل،،،،،

أنا لا أراه سوى متسلق كغيره من المتسلقين والنفعيين ، يلهث خلف لقمة العيش أينما وجدها
طعمها.


شكراً على التحايا.

.

Quote: أنا لا أراه سوى متسلق كغيره من المتسلقين والنفعيين ، يلهث خلف لقمة العيش أينما وجدها طعمها.

سلام وتحايا

وان شاء الله وجد ضالته؟!!!

الاخ محمد عبد المطلب تحياتى
لم ارى شخصا مثلك يريد معاقبة الجماعة بسلوك فرد
ولا ارى اى معنى لتشمل المعارضة او (مناضلى الكيبورد) كما تسميها انت بتصرف فرد
كما هناك شخص تغيرت قناعاته وتحول الى الضد فهناك الاف بل ملايين صامدين عند المبدأ
ماذا تنقص المعارضة اذا انسحب منها عشرون بيناوى ؟؟
وماذا يستفيد المؤتمر الوطنى لو انضم لها مثلهم الف ؟؟
العكس يجب ان تكون المعارضة فخورة عندما يتساقط امثاله
ويجب ان يخجل المؤتمر الوطنى عندما يكون مهوى للهابطين
لم اجد اى معنى او اى فهم لمحاولتك شمل المناضلين جميعهم بتصرف فرد غير انك تضع السم فى الدسم
من يستحق النقد والتذكير وتناول تناقضاته هو الفرد الذى تحول وليس المعارضة الصامدة ..

اما لفظة مناضلى الكيبورد فهى لفظة قبيحة ومحاولة رخصية للتقليل من مساهمات البعض فكريا وثقافيا
وهو سلوك يتبعه النظام القذر فى محاولة لكبح جماح الاقلام الحرة التى تفضح سلوكها ...
تحياتى

الأخ محمد عبد المطلب تحياتي

ليس غريباً أن يغير الرجل قناعاته كاملاً فالقلوب بين أصبعين من أصابع الرحمن يقلبها كيف يشاء

وليس غريباً أن يقاتل الرجل بشراسه من خندق قناعاته ويتحول عن تلك القناعات للنقيض ويصبح بذات الشراسه والعبره بالخواتيم

ودونك

أحمد سليمان المحامي وسبدرات ...وآخرهم بيناوي ...باركا طال عمرك

Quote: سلام وتحايا وان شاء الله وجد ضالته؟!!!

سلام ومحبة،،،،،

عايز زمن عشان يلقاها ، مافي حاجة بالساهل.

Quote: الاخ محمد عبد المطلب تحياتى لم ارى شخصا مثلك يريد معاقبة الجماعة بسلوك فرد ولا ارى اى معنى لتشمل المعارضة او (مناضلى الكيبورد) كما تسميها انت بتصرف فرد

الأخ هشام،،،

سلام ومحبة،،،،،

ليس بالضرورة أن تراني بالطريقة التي تود أن تراني بها ، فهذه وجهة نظرك أنت ولا تعنيني في شئ ، كما أن المواقف لا تتجزأ ، وما نراه في هذا المنبر من إزدواجية لا تخفى على أحد سبب قوي جداً لأن أتبنى وجهة نظري هذه ، فبهذا المنبر وليس غيره وبلا إستئناء كل مدعي النضال ( وإنت منهم ) يشنون هجوماً عنيفاً ويجرمون كل من قال كلمة لا تعجبهم (وردك هذا أبلغ مثال) ، ويتعاملون بطريقة أقل ما يقال عنها أنها طريقة عقيمة ومتخلفة ، وهي أن كل من لم يكن معنا فهو ضدنا ، وكل من لم يهاجم الإنقاذ (وفي بعض الأحيان ) كل من لم (يسب الدين) ويلعنه فهو ضدنا ، ويتبدل الموقف سريعاً حسب الشخص وحسب المناسبة وينطبق عليهم القول المعروف : "لكل حالة لبوس" ، لذلك كان لابد أن يكون الهجوم والحديث لكل مدعي النضال وسيظل هكذا رضيتم أم أبيتم ، وعلى المتضرر اللجوء للجهات التي يرى أنها ستزيل ضرره.

هذا مع تحياتي.

Quote: لم اجد اى معنى او اى فهم لمحاولتك شمل المناضلين جميعهم بتصرف فرد غير انك تضع السم فى الدسم من يستحق النقد والتذكير وتناول تناقضاته هو الفرد الذى تحول وليس المعارضة الصامدة

الرد على هذه الجزئية تجدها في ردي أعلاه ولا حاجة لي لتكراره.

Quote: اما لفظة مناضلى الكيبورد فهى لفظة قبيحة ومحاولة رخصية للتقليل من مساهمات البعض فكريا وثقافيا وهو سلوك يتبعه النظام القذر فى محاولة لكبح جماح الاقلام الحرة التى تفضح سلوكها ... تحياتى

كلامك أعلاه هو أقوى حجة وأمضى دليلاً على ما ذكرته لك في مداخلتي الأولى ، أي مساهمة فكرية؟ وأي مساهمة ثقافية تتحدث عنها؟ هل تعيش أنت في سوداننا هذا؟ هل تتحدث على لسان الشارع السوداني الذي لا يعرف أثراً لهذه المعارضة المزعومة؟ هل تتحدث عن معارضة يلهث رموزها خلف الإنقاذ يتوددون لها ويستجدونها ويسألونها إلحافاً أعطوها أو منعوها؟

يا أخي،،،،

ما تسميه أنت معارضة قد تجاوزها الزمن وأصبحت جثة هامدة لا حراك فيها ، أصبحت لا تلبي أحلام وأشواق وتطلعات الشارع السوداني ، أصحت جسماً غريباً ونصلاً في خاصرة الشعب السوداني منعته النوم وراحة البال.

في رأي أن لفظة مناضلي الكيبورد هي لفظة - ليست فقط مناسبة وتليق بهم فحسب - ولكن أراها لم تفي الوصف حقه ، ولم تفي بما يدور في مخيلة الشارع السوداني عنهم ، فقد تقاصرت الحروف والمفردة ولكنه جهد المقل ، حاولت جهدي أن أجد العبارة المناسبة فلم أجد فكانت هذه المفردة البسيطة التي لم تفي بالوصف بعد.




أتسمي أهل الكهف معارضة؟

مالكم كيف تحكمون؟

هذا مع تحياتي.

Quote: الأخ محمد عبد المطلب تحياتي ليس غريباً أن يغير الرجل قناعاته كاملاً فالقلوب بين أصبعين من أصابع الرحمن يقلبها كيف يشاء وليس غريباً أن يقاتل الرجل بشراسه من خندق قناعاته ويتحول عن تلك القناعات للنقيض ويصبح بذات الشراسه والعبره بالخواتيم ودونك

الأخ أمير فتحي،،،

سلام ومحبة،،،،،

كلام جميل ، ما قلنا شئ ، لكن كمان يا أخوي الزول ما يمسك ليهو في كلام ويطلع ده حرامي وده كوز وده جن أحمر ويهاجم الناس في قناعاتها وبعد شويتين يمشي لي نفس الناس الطلعهم حرامية ديل عشان بعد شوية يجي تاااني ينط للناس في رقبتهم ويطلعهم ما بفهموا وإنه هو الوحيد البفهم.

يعني بالرندوك كده :

أصلوا الزول ده وكت رويسه ده خفيييف كده ، اللياكل أكلو والليقش خشمه ويمسكه عليه ، وما يملانا فقر.

ناقصين نحن؟

Quote: ودونك أحمد سليمان المحامي وسبدرات ...وآخرهم بيناوي ...باركا طال عمرك

يا أمير،،،

ياخي ديل على الأقل قبل ما يتحولوا عن قناعاتهم كانوا بيحترموا المخالفين ليهم في الفكرة والإتجاه ، يعني مستوى من التفكير عالي جداً وهاديهم في ذلك القول المأثور :

((أحبب حبيبك هوناً ما ، عسى أن يكون بغيضك يوماً ما ، وأبغض بغيضك هوناً ما , عسى أن يكون حبيبك يوماً ما))

زولك ده شايت ضفاري ساكت ، وماشي مع الموجة ، وكان عامل نفسه مع المعارضة اللامه العقرب والدبيب دي!!!

Quote: ما تسميه أنت معارضة قد تجاوزها الزمن وأصبحت جثة هامدة لا حراك فيها ، أصبحت لا تلبي أحلام وأشواق وتطلعات الشارع السوداني ، أصحت جسماً غريباً ونصلاً في خاصرة الشعب السوداني منعته النوم وراحة البال. في رأي أن لفظة مناضلي الكيبورد هي لفظة - ليست فقط مناسبة وتليق بهم فحسب - ولكن أراها لم تفي الوصف حقه ، ولم تفي بما يدور في مخيلة الشارع السوداني عنهم ، فقد تقاصرت الحروف والمفردة ولكنه جهد المقل ، حاولت جهدي أن أجد العبارة المناسبة فلم أجد فكانت هذه المفردة البسيطة التي لم تفي بالوصف بعد.

يا استاذ براحــة على الشباب ...
هذا وسع المعارضـة من وين يجيبو ليك كسب اكبر من ذلك
حال احزاب المعارضة
قيادات المعارضة
طرح المعارضة
معارضة تقود التغييــر بــ ( ولــع شمعة ) هو الشمع ذاتو فى بعض مناطق السودان لم يسمع بـه احد



_______

المصطلحات المنبريــة منها ما جاء رداً للفعل ( مجاهدى الكيبورد )

Quote: مرحبــا بك فى الكيان الجامــع المؤتمر الوطنــى ....

Quote: كدي يا بدر الدين خدمة لو سمحت ممكن تراجع في غواصاتكم يمكن يوكن في واحد منتحل شخصيتي ويخمخم في القريشات بي اسمي عليك الله لو لقيتو خليهو يلمني في نصهن بس المال تلتو ولا كتلتو ههههههههه خالص الود

دي ويييييييييييييو كبيرة شديد والله!!!!

ويييييييييييييييييييييييييييييييييييييييييييييييو!!!

Quote: العار العار لنظام قهر النساء

وااااااااااااااااااااااو!!!

Quote: صحن فول يجيبك ....... صحن فول يوديك

انت قاصد انو الحزب البيعمل من أجل ربط قيم السماء بالأرض (راشي) والزول دا مرتشي وللا كيف ؟؟

Quote: انت قاصد انو الحزب البيعمل من أجل ربط قيم السماء بالأرض (راشي) والزول دا مرتشي وللا كيف ؟؟

صحن الفول فيه شئ يحير يغير إتجاه الزول ، ده المقصود!!!!

Quote: انا مناضل كي بورد .......

Quote: واتشرف بذلك

Quote: انا مناضل كي بورد ...

Quote: واذا كان البعض يري ان فضح الظلم والكتابة من اجل المسحوقين واحترامي لذاتي وانا اقول الحق عار فمرحبا بالعار والسبة

العار العار , الكيمياء شطة , والفيزياء ناااااار!!!!!!

أنا طول عمري بحب المشمش , دلوقتي بموووووت في المنقة , يا منقاااااااااا يا منقااااااااااااااااااا.

وبرضو بمووت في الشعارات (((البراااااغة))).

Quote: اميييييييييييييييييييييييييييييييييييييييين واذا التضامن الانساني والوقوف مع المظلومين ضد الوحشية نضالا اسفيريا فليشهد التأريخ بأني مناضل اسفيري ليهو ضل خالص الود

قاليك فليشهد التاريخ!!!

ولد ده.

Quote: سحقا لكل من يحاول الدفاع عن هؤلاء المجرمين خالص الود

إخخخخخخخخخ.

Quote: . ما دي المصيبة والمصيبة انو بعد الحاصل دا برضو بنلقي ناس بيدافعو عنهم دون حياء خالص الود

وجع في قلب إسرائيل.

وييييييييييييو لكن!!!

Quote: المرة الجاية اكيد ح افوز بشرط عدم الخج هاك الخجيجة الصغيرونة دي في واحد من مراكز الدائرة حقتنا الي هو مركز كبنة الجماعة خجتم ابت تظبط كلو كلو وظهرت النتييجة كالاتي عدد المصوتين 993 في منصب الريئس حاز رمز الشجرة علي 1104 وفي الدائرة القومية حاز البرجوب رمز الشجرة علي 1143 خالص الود

خج شديد!!

Quote: اما عن هبوط المنضالين ورفع الطناش بس لانهم خجلانين في بحر 3 سنوات انضم معارضين للكيزان ولكن لم نجد اي كوز انضم للمعارضين خطابهم البطال ما جذاب يا محمد

قر قر قر
معارضين اتنين عديل كدا انضموا للكيزان!؟
يا للهول!!

يا معارضين راجين ايه ما تقوموا ترواحوا!؟

يا دكتورة دا كلام ساكت .. لا يقول أي شئ

سو وت!؟

لا ديل زادوا لا ديلاك نقصوا
و لا ( الحق ) بثقل بعدد مؤيديه .. و لّ شنو؟
عدد المسلمين بشكل خمس سكان العالم .. هل نحن على باطل لانو اربعة اخماس ما معانا؟ .. و بس لاننا شوية؟
و وينو الخطاب الجاذب الساق ليهو اتنين .. و في تلاتة سنوات بس!؟
ورونا دربو بالله امكن نحن ذاتنا ننجذب ... المافي شنو!؟

من ناحية تانية ( حق ) ياسر بيناوي او اياً كان غيرو انو ينتمي لما يعتقد .. و و الله ديا ما سبب انو زول يغير موقفو منو ابداً - على الاقل لي انا - لكن الما ممكن يغتفر ابداً الخداع و الكذب ..


الزي ادناه يسموهو شنو؟




!!؟؟

على كلٍ ربنا يوفقو فيما اختار لنفسه
و هو مؤتمن عليها و سيكافأ بما اغترفت يداه خيراً و شراً .. و ربنا يقدرو على ما اختار



سلام و احترام للجميع

Quote: عندي عما لي قلت ليهو نكتتك دي قال لي ياود انت بليد البشير حيجر الخمسين حيجرها قلت ليهو ليه قال لي لانو سارق الجواكر من 89 خالص الود

المناضل الكيبوردي السابق في واحدة من تجلياته , النكتة
دي بالذات بتخلي الزول يفطس على روحه من الضحك.

كه كه كه كه كه كه كه!

جواكر يعني شنو؟

Quote: : هل ستصوت للرئيس البشير ام لغيره, ( نعم/ لا ) , ( مهم :: لأخذ احصائية من أعضاء المنبر ).

Quote: لااااااااااااااا طبعــــــــــــــــــــــــــــــا

شفييييييييييييييييييييييييييييياااااااراااااقيل!!!!

Quote: ولد "قانون أمن حزب المؤتمر الوطني" عارياً من أي غطاء

Quote: ان اوان الانتفاضة خالص الود

يعني زي الساعة كم مثلاً؟

Quote: الخم والصر ....... قانون الامن الوطني اجازوهو

Quote: يللا يا المتكلين علي الحيطة المايلة الاسمها الحركة الشعبية خموا وصروا قلنا ليكم دايرنها انتفاضة شعبييييييييييييييييية وبس اما مسألة الانتخابات بعد كدة انسوها خالص قصر النضم الداير الانتفاضة الشعبية حبابو الف والماداير حنتعامل معاهو زيو وزي المؤتمر والحركة انتهي

في الليلة (ديك) لا هان علي أرضى وأسامحك

*****

ولا هان علي أعتب عليك

*****
شلت الجراح والإبتسامه وكل حرمان اليتامى

****
جيت أهنيك وأصافحك , جيت أقول مبروك عليك

*****

وفي الليلة (ديك)
!!!

وييييييييييييييييييييييييو

Quote: لم يكن عمر البشير يوما دولة يارجاء ولا يصلح من قتل الشرفاء من الطلاب من شرد الالاف من العمال من جوع ومن افقر ولكن ازفة ساعة الحساب خالص الود

يعني زي الساعة كم كده مثلاً؟؟

Quote: نعم لا لقتل الابرياء وايضا لا لاستفذاذهم كما حصل مع ضحايا الامس عندما قام ضابط الشرطة بصفع احدهم فما كان منهم الا ان اشتبكوا مع الشرطة ونطالب بالسماح لهم بمزاولة مهنه التنقيب برسوم رمزية تخصص لتمنية المنطقة خالص الود

وكدا!!!!

Quote: : ديل ارازل .... خانو كل اعراف بلادك (Re: ياسر بيناوي)

Quote: ولكن ماعاد يجدي الخوف وان ماحدث بالتأكيد مافي أسوأ منو لذا وجب الموت أو ذهابهم الي الجحيم مع القصا

الموت الوااااحد ده يا مناضل يا كيبوردي؟؟

قال ليك : لذا وجب الموت!!!!!

أها : أوعى تكون مت بس؟

وييييييييييييييييييو!!!!

Quote: لذا وجب الموت أو ذهابهم الي الجحيم مع القصاص

الحتة الأخيرة دي ما وقعت لي : كيف يعني ذهاب إلى الجحيم مع القصاص!!!

يعني بعد يخشوا للجحيم يقوموا يقتصوا منهم , كيف يعني؟

ما فهمتها والله!!!

لكن عندي إحساس إنك عصرت عليهم شديد بالكلام ده يا معلم!!!


لكن على كل حال بمشيها ليك بي مزاجي!!!!

Quote: والله يا مها الناس ديل ما بيشبهونا كلو كلو خالص الود

والما لقى شبهه , الله قبحه!!!

لاحظ معاي لي : كلو كلو دي!!!

وجع في قلب إسرائيل!!!

Quote: : ديل ارازل .... خانو كل اعراف بلادك

السؤال الجاي ده سؤال جاااادي والله :

إنتو أرازل بكبتوها كده : أرازل؟ ولا كده : أراذل.

قسماً بالله في المنبر ده راسي لف ظاططوا , والله بقيت مرات بشك زوجة بكتبوها كده : زوجه؟ ولا كده : ذوجة؟

بالجد الكلمة دي بكتبوها كيف؟

الحاجة المغلغلاني أكتر الناس البكتبوا نعي كده : في زمة الله , ما عارف دي شتيمة ولا شنو؟

(لغد غلنا الررررررروب)!!!!

مشيت إلى سئ الذكر قوقل فوجدت الآتي :

http://www.google.com/search?aq=f&sourceid=ch...B1%D8%A7%D8%B0%D9%84

إتعقد إنه آن الآوان إنه زوجة تتكتب كده : ظوجا!!!!


ويييييييييييييييييو!!!!

Quote: ماذا تنقص المعارضة اذا انسحب منها عشرون بيناوى ؟؟ وماذا يستفيد المؤتمر الوطنى لو انضم لها مثلهم الف ؟؟ العكس يجب ان تكون المعارضة فخورة عندما يتساقط امثاله ويجب ان يخجل المؤتمر الوطنى عندما يكون مهوى للهابطين

TRUE

نواصل مع قصة ((الظوجاط )) دي والمناضل الكيبوردي المرتد.......................

Quote: ماشايف ايي جريمة كيف .....؟ طيب سلمنا انو فعلا الشرطي ما عندو ذنب ( طيب ما عندو نخوة برضو ) وبينفذ في القانون ياخي (.طـــــــــز.) في ايي قانون يكون تنفيذه بهذه الصورة البشعة وحتي لوكانت الجريمة اخلاقية لا اظن ان هناك قانون سماويا كان ام بشري يتم تنفيذة بهذة الغجرية والا ف(طـــــز.) فيه ايضا وانا كانت هذه المسكينة قد مارست الزنا وتم اثبات ذلك بالاربعة شهود الشرعيين ولي عودة خالص الود

Quote: لا اظن ان الشريعة تقول بتنفيذ العقوبة بهذة الحيوانية والا ف(.طـز.) في الشريعة ان قالت ذلك

ياااااا راااااااقيل!!!

أوووووول كلام غير كده يا بيه.

طــــــــــــــز , حتة واحدة كده؟ وفي مين؟ في الشريعة!!!

وحشة أوي يا عم , سدأني وحشة خالص!!!!!

حتروح من ربونا فين؟؟

وتيييييييييييييييب؟