** معاً لترشيح آدم موسى مديراً عاماً لســـــــــــــــــــودانير **

شرف الخرطوم قبل ايام الأخ ادم موسى قادماً من الامارات بعد نهاية مهامه كمدير اقليمي لشركة الخطوط الجوية السودانية وهو الموقع الذي نجح فيه الاخ ادم نجاحاً اذهل الاعداء قبل الاصدقاء واستطاع ادارة الشركة بحنكة وصبر يحسد عليه في ظل الظروف التي مرت وتمر بها الشركة.

والان وبعد المستجدات التي طرأت على وضع الشركة ومع دعوة رئيس الجمهورية لتولية القيادات الشابة مقاليد الامور في البلاد ارى ان يتم تعيين الاخ ادم مديرا عاما للشركة وهو اهل لذلك وله من الخبرة والتاهيل العلمي والاداري ما يجعله قادرا على ادارة اكبر شركة طيران بالاضافة لعلاقاته الواسعة داخليا وخارجيا .. وثقتي بلا حدود في ان توليه لهذا المنصب سيعود بالشركة الى ماضيها المشرق ..

ارجو من الاخوة دعم هذا الاتجاه ولو برفع هذا البوست ..



علماً ..

ثم علما ..

هذا البوست فتحته من تلقاء نفسي ودون مشاروة ادم نفسه ولا احد غيره والغرض منه اقالة عثرة الخطوط الجوية السودانية ووضع الامور في نصابها ..

أبصم .. أنا وروان وليان وجوان وأمهم وحبوبتهم وعماتم الاتنين!!

نبصم بقوة العصر التكسر الأصبع

Quote: نبصم بقوة العصر التكسر الأصبع

لك التحايا أمير .. وتقديري

Quote: أبصم .. أنا وروان وليان وجوان وأمهم وحبوبتهم وعماتم الاتنين!!

شكرا يا عمك ..

تحياتي

يا سلام على الراجل الجميل الراقي ادم موسى ..
الزول ده كتير على سودانير واللوفت هانزا ..
الزول ده يودوهو الأماراتية عدييييل ..
تخريمة :
غايتو كان بقى المدير أمانة مااا حظي ..جزمتو الكان بيتمرن بيها كورة في الأمارات جازفتها منو في تمرين قدامى لاعبي الهلال والمريخ إبان تواجدي في الإمارات الشهر الماضي :)

حبوبتي تسلم عليكم وتقول ليكم


الرجل المناسب في المكان المناسب

*** أنا شــخصيا أعــترض و بشــدة !!!




ــــــــــــــــــــــــــــــــــــــــــ
التعديل لأنى فتلت البوست ، فأعدته لمكانه

سبحان الله سودانير دى وين من شركات الطيران ؟؟؟

معتصم اخوى سلامات

Quote: سبحان الله سودانير دى وين من شركات الطيران ؟؟؟ معتصم اخوى سلامات

اختي انتصار ..

لو تولى ادم موسى ادارتها فستعود سيرتها الاولى ..

Quote: أنا شــــخصيا أعــتــرض و بشــــدة

لنزاهته
لإنضباطه
لفعاليته
لقدرته على إدارة التغيير
لشبكة علاقاته غير المحدودة
لسعية الدؤوب لإرضاء عملائه
لولائة لمؤسستة
لنظاميتة
للمؤسسية فى إدارته
لإناقته المـربكة
لاحترامه لنفسه و الآخرين .
ــــــــــــــــــــــــــــــــــــ
وجهة نظر موضوعية بحكم طبيعة عملى كمختص فى مجال تطوير الأداء المؤسسي ربطتنى به عدة تعاملات
آخرها سعيه لتطوير عمليات مكتب الخطوط فى أبوظبى إلا أن ظروف خارجة عن إرادته أعلمها حالت دون ذلك .

أقدر تماما أن هذا البوست فتح دون علمه
وقد يتسبب له فى مشكلات فى ظل عدم شفافية عهدناها بمجتمعاتنا .
لكنها شهادتى المهنية فى حق رجل وجدت طريقا للعلن شــاء هو أم أبى
ما كنت لأدلى بها لو لم أجدهذا البوسـت .
ـــــــــــــــــــــــــــــــــــــــــــــــــــــــــــــــــــــــــــــــــ
أما الجوانب الإنسانية والاجتماعية فاليحدث عنها آخرون هم أهل لها .

ادم كوز ومؤتمرجي واصلا ما دخل سودانير بمؤهلاته او كفأته
المدخل الاوحد له كان الانتماء للفئة الباغية الفاسدة المفسدة القاتلة الاقصائية
عليه سوف لن ارشحه
انتو يا الكيزان والمؤلفة قلوبهم
لو بتعملوا خير في هذا الشعب شوفو لينا
مليارات بتاع سوق الاوراق وبنك السودان
والمليارات الاخرى
نظام فيه كل طوبة فاسدة وتقول لي رشح

هو ترشيح المدير العام لسودانير بكون مفتوح لعامة الناس زي ترشيح رئيس الجمهورية ولا شنو مطروح في المنبر ؟!!!

Quote: هو ترشيح المدير العام لسودانير بكون مفتوح لعامة الناس زي ترشيح رئيس الجمهورية ولا شنو مطروح في المنبر ؟!!!

يا عمك قلنا نذكّر فان الذكرى تنفع المؤمنين ...


ولعلمك فان منبرنا هذا يتابعه اغلب من في يدهم القلم ..

[

Quote: انتو يا الكيزان والمؤلفة قلوبهم

*** نحن من ياتم يا ربي !!!

*** اللهم لا تجعل لنا نصيب من هذه أو تلكـ
ـــــــــــــــــــــــــــــــــ
وجهة نظرك محمد على لا تجد منا سوى التقدير

منتدى السودان الفكري- أبوظبي يكرم عضو المنتدى / ا...دير سودانير الخليج


منتدى السودان الفكري- أبوظبي يكرم عضو المنتدى / الأستاذ / آدم موسي: مدير سودانير الخليج
نعم من لا يعرفك يجهلك

*

Quote: نعم من لا يعرفك يجهلك

شكرا يا استاذ ..

لك خالص التحايا والتقدير والحب ..

Quote: ادم كوز ومؤتمرجي واصلا ما دخل سودانير بمؤهلاته او كفأته المدخل الاوحد له كان الانتماء للفئة الباغية الفاسدة المفسدة القاتلة الاقصائية عليه سوف لن ارشحه انتو يا الكيزان والمؤلفة قلوبهم لو بتعملوا خير في هذا الشعب شوفو لينا مليارات بتاع سوق الاوراق وبنك السودان والمليارات الاخرى نظام فيه كل طوبة فاسدة وتقول لي رشح

يا عمك انت الزول البيكتب باسمين ؟؟

يبقى رايك ما مهم سلبا او ايجابا ..

Quote: يا عمك انت الزول البيكتب باسمين ؟؟

إسمين شنو يا نيستا
أربعة !!!!!.......... المفتري بكتب بي اربعة اسماء

Quote: يبقى رايك ما مهم سلبا او ايجابا ..

ذمته عندنا لسسسسسسستك

Quote: لنزاهته لإنضباطه لفعاليته لقدرته على إدارة التغيير لشبكة علاقاته غير المحدودة لسعية الدؤوب لإرضاء عملائه لولائة لمؤسستة لنظاميتة للمؤسسية فى إدارته لإناقته المـربكة لاحترامه لنفسه و الآخرين .

شكرا الطيب الطيب

آدم موسي الرجل الخلوق

التقيته في مطار جون كنيدي لساعات وهو في طريق عودته الي الامارات عقب دورة دراسية عن الطيران

رجل كامل الدسم يعشق سودانير حد العشق








__________

علي مرغني ضروري تلفونك

[email protected]

مع إنـي محاربــة سودانير قرابـه الـ 20 عاماً ولا أنوي مصالحتها
ابدا ابدا ابدا ابدا ابدا ابدا او كما تقول " ايمان لندن في اعلان العدس " never never :)
ولكن أشهد لهذا الرجل بالتميز في الأدارة الحكيمة كما سمعت عنه في كثير من المجالس ..
وهو نموذج الإداري العملي المتعاون الذي ينزل للعامة حيث يكونوا ولا يجلس على كرسي عاجي
والتي تتمثل في تعاونه التام مع عامة عملاء سودانير دون تتميز
وهو الـ " مطلوب " و الـ " مفقود "
عند من يملكون زمام الامور في مجالات شتى في سوداننا الحبيب
يعتقدون ان المسؤول مكانه ابراج عاليه .......
أنا ارشح آدم موسى مديـراً عاماً للـ " سودان "

أخى العزيز معتصم مادام الترشيح جاء من طرفك ماعندنا فيهو شك وثنى عليه بعض ألأعزاء.

لا أعرف ألأخ/آدم موسى..ولكن سودانير تحتاج لرجل مواقف فى المرحلة القادمة لما تواجهه من من عثرات شتى..أهمها إعادة الثقة لدى العميل وهذا لايأتى إلأ بمقومات كبيرة أهما ألأنضباط فى الوقت ووجود طائرات رغم المحاربة ألأقتصادية.

هناك شخصيات ذات كفاءة تستطيع أن تقوم ايضآ بهذا العمل نسأل الله ان يولى من يصلح الوطن والخطوط الجوية السودانية[/

Quote: أخى العزيز معتصم مادام الترشيح جاء من طرفك ماعندنا فيهو شك وثنى عليه بعض ألأعزاء. لا أعرف ألأخ/آدم موسى..ولكن سودانير تحتاج لرجل مواقف فى المرحلة القادمة لما تواجهه من من عثرات شتى..أهمها إعادة الثقة لدى العميل وهذا لايأتى إلأ بمقومات كبيرة أهما ألأنضباط فى الوقت ووجود طائرات رغم المحاربة ألأقتصادية. هناك شخصيات ذات كفاءة تستطيع أن تقوم ايضآ بهذا العمل نسأل الله ان يولى من يصلح الوطن والخطوط الجوية السودانية[/

شكرا استاذ اسماعيل

لك الود

Quote: الغرض منه اقالة عثرة الخطوط الجوية السودانية ووضع الامور في نصابها ..

و دى ما بتتحقق الا بواسطة مدير اجنبى على غرار الاماراتية و غيرها من الشركات التى و صلت الى مصاف العالمية مع احترامنا لترشيحك للرجل

Quote: مع إنـي محاربــة سودانير قرابـه الـ 20 عاماً ولا أنوي مصالحتها ابدا ابدا ابدا ابدا ابدا ابدا او كما تقول " ايمان لندن في اعلان العدس " never never :) ولكن أشهد لهذا الرجل بالتميز في الأدارة الحكيمة كما سمعت عنه في كثير من المجالس .. وهو نموذج الإداري العملي المتعاون الذي ينزل للعامة حيث يكونوا ولا يجلس على كرسي عاجي والتي تتمثل في تعاونه التام مع عامة عملاء سودانير دون تتميز وهو الـ " مطلوب " و الـ " مفقود " عند من يملكون زمام الامور في مجالات شتى في سوداننا الحبيب يعتقدون ان المسؤول مكانه ابراج عاليه ....... أنا ارشح آدم موسى مديـراً عاماً للـ " سودان

تحياتي وتقديري امتثال ...

Quote: آدم موسي الرجل الخلوق التقيته في مطار جون كنيدي لساعات وهو في طريق عودته الي الامارات عقب دورة دراسية عن الطيران رجل كامل الدسم يعشق سودانير حد العشق

شكرا ابراهيم عدلان ..

لك تقديري

Quote: الاخ معتصم وضيوفه سلامات يهمني ان اتعرف على انجازات الرجل.. فهي تفيدني في اكمال تحقيق بدأته عن سودانير وماذا يدور فيها... وصراحة سمعت راي مخالف في الحتة دي لذلك ياريت تذكر لي انجازات الرجل في مجال سودانير... بعيدا عن العواطف والاجتماعيات ... يعني فيما يلي سودانير كشركة ناقلة جوا ومستوى الخدمات التي كانت توفرها الشركة في محطته لك تقديري

الأخ علي ميرغني ..

تحياتي

يكفيه انجازا حفاظه على مكاتب الشركة مفتوحة حتى الان ..

Quote: حبوبتي تسلم عليكم وتقول ليكم الرجل المناسب في المكان المناسب

الرجل المناسب في المكان المناسب

Quote: يا سلام على الراجل الجميل الراقي ادم موسى .. الزول ده كتير على سودانير واللوفت هانزا .. الزول ده يودوهو الأماراتية عدييييل .. تخريمة : غايتو كان بقى المدير أمانة مااا حظي ..جزمتو الكان بيتمرن بيها كورة في الأمارات جازفتها منو في تمرين قدامى لاعبي الهلال والمريخ إبان تواجدي في الإمارات الشهر الماضي :)

عمر ( الفاروغ)

رجع الجزمة

Re: ** معاً لترشيح آدم موسى مديراً عاماً لســـــــــــــــــــودانير

سلام أبو نون ...

Quote: هو ترشيح المدير العام لسودانير بكون مفتوح لعامة الناس زي ترشيح رئيس الجمهورية ولا شنو مطروح في المنبر ؟!!!

أثني بشدة ..

رغم يقيني التام ان ترشيحك للأستاذ أدم موسى لإدارة سودانير مثله مثل ترشيح تراجي مصطفى لجورج بوك سفيرا لجنوب السودان بشماله ..!

فوق فوق

شايفك بقيت تستخدم نجوم شوية شوية
بالنسبة للسيد المدير سودانير ما مكانه
نتمني له التوفيق في أي مكان يتمني أن يكون فيه

الكافيار .. الكافيار ..

اووووه ادم موسي والذي لا يعرفه أكيد
سوف يقول عنه كذا و كذا ولكن حسب معرفتنا به
ووجهة نظرنا المتواضعه انه رجل من عمله ناااادره
وسوداني كامل الدسم ... ويستحق ان يكون رئيس
جمهورية السودان ونتشرف و يتشرف به اكيد كل
سوداني محب للأخلاق و الجمال والابداع  

ومدير الطيران المدني كمان .....

اؤيدك بشده اخي معتصم

Quote: ** معاً لترشيح آدم موسى مديراً عاماً لســـــــــــــــــــودانير *

معتصـم
مساء الـخيـر

أُثنّـي
وترشيـح جـميل من مرّيـخابـي كبيـر لـهلالابـي أكبـر






تـحاياي

الاخ معتصم
تحياتي

زوالك دا ما عندو خبرة في المويه أو الكهرباء مثلا دي ح تكون محتاجة مديرين قريب جدا وكمان لو عارف مداخل السوق في قصة السكر والاسمنت ح يكون رهيب وفرصتو أكبر من سودان طير في قيادات قطاعات كثيرةتبحث عن خبراء
لك ودي

يستاهل يكون رئيس للسودان

خلي مدير لسودانير

زول زوق وبحترم الناس ويسهر لخدمتهم متواضع ودود

الأخ/ معتصم

تحياتي

من حيث المبدا،

Quote: معاً لترشيح آدم موسى مديراً عاماً لســـــــــــــــــــودانير

بس يا معتصم عندي سؤال:

سودانير دي يت منو؟

بصراحة سافرت بها كثيرا، وعانيت منها الأكثر، خاصة لمن يقولوا ليك بعد ساعات إنتظار بالمطار، طيارة نيالا إتلغت.

لمن براي كده آمنت وقلت دي شركة ما عندها سيد ولا بت فاقده أبوها، ودخول مكاتبها يخليك تتنرفز فما بالك بركوب

طياراتها الخردة، وآدم هذا لا نعرفه، فإن كان من قدامي موظفي المنحوسة هذه، قطعا قد أصابه رايش من لعناتنا.....

Quote: معاً لترشيح آدم موسى مديراً عاماً لســـــــــــــــــــودانيرر

نبصم ونويد ونطالب بتعيينه مديرا عام

ادم موسى سوداني جد... سلام عليه
(على قول اغنية عقد الجلاد)
وان شاء الله يوم شكره ما يجي





ــــــــــــــــــــــــــــــــــــ
معتصم إزييييييييييك

سلام الأخ معتصم تحية لك ولزوارك الكرام

وشكرا للترشيح الذي صادف اهله

الأخ آمدم موسى عرفته واسرتي قبل اكثر من 5 اعوام
إلتقيناه في ابو ظبي ايام زيارة قناة النيل الأزرق لأبوظبي
كنت من ضمن الإخوة والأخوات المشاركين حينها في مسقط ..
وكانت سودانير هي الراعي والمتكفل بتذاكر سفر طاقم القناة من السودان
رجل خلوق إبن بلد أصيل كريم مضياف
رغم إنها ساعات لكن لم ولن ننسى اسرتي وانا وكل الحضور آنذاك همة هذا الرجل الوقور الهادي الطباع سريع الحركة في خدمة الغير
عرفت من زميلاتي من قناة النيل وبعض الصحفيات المشاركات في هذا المنتدى , أن تخلف عفشهم ولم يصل معهم من السودان.
لم يهدأ له بال وكان متابع طوال اليوم بالهاتف وغيره ,,
همس لي زوجي الفاتح الجنيد الذي كان جلوسا معه طيلة مدة الحفل
همس لي قائلا , هذا الرجل محترم لأبعد الحدود يحترم مهنته ويقدر كل من اتى طالبا المساعدة بي طولة بال يحسد عليها
إنه فعلا يستحق ان يكون مديرا لسودانير التي ارهقته اكثر من يستفيد منها , ولو حصل هذا سوف يكون عبء كبير عليه ولكن الرجل اهل له
وتكليف اكثر من إنه تشريف,, وسودانير هى التي تحتاجه ويحتاجه ابناء بلده لرفعتها,
شكرا اخي معتصم والتحية عبرك للأخ الفاضل آدم موسى مثنى وثلاث ورباع وإلى ما لانهاية ,,

قامته اسمي من سودانير
وهو اهل لاكثر من هذا المنصب وربما يتولي المنصب لكن في ظل هذه الدولة التي يتحدث اهلها الان
لمحاربة الفساد بعد ان فعلوا ما يعجز عنه مقاول للتخريب يصعب علي الانسان ذو الاخلاق ادم موسي ان يصلح هذا الفساد

لكن الدعوة جميلة من معتصم
والاجمل ادم

سلام له ولاسرته وحمد لله علي سلامة عودته

اتمني ان تستوعبه شركات تقدر جهده وتعطيه اكثر مما يعطي لهذه المهنة الجميلة

وادم له ابداعات اخري وله نجاحات في مجال الفلكلور والانثربولوجي


والرياضة والفنون ففي اي رئاسة يبدع ويشرف ما تبقي من وطن

Quote: نتمني له التوفيق في أي مكان يتمني أن يكون فيه

Quote: أثني بشدة

Quote: فوق فوق

Quote: انه رجل من عمله ناااادره وسوداني كامل الدسم ... ويستحق ان يكون رئيس جمهورية السودان ونتشرف و يتشرف به اكيد كل سوداني محب للأخلاق و الجمال والابداع

Quote: ومدير الطيران المدني كمان ..... اؤيدك بشده اخي معتصم

Quote: زول زوق وبحترم الناس ويسهر لخدمتهم متواضع ودود

Quote: نبصم ونويد ونطالب بتعيينه مديرا عام

Quote: ادم موسى سوداني جد... سلام عليه (على قول اغنية عقد الجلاد) وان شاء الله يوم شكره ما يجي

Quote: إنه فعلا يستحق ان يكون مديرا لسودانير التي ارهقته اكثر من يستفيد منها , ولو حصل هذا سوف يكون عبء كبير عليه ولكن الرجل اهل له وتكليف اكثر من إنه تشريف,, وسودانير هى التي تحتاجه ويحتاجه ابناء بلده لرفعتها,

Quote: قامته اسمي من سودانير

كفاية ولا ازيدك يا علي ميرغني .. ؟؟

هذه بعض شهادات من اخوة واخوات من مختلف الاتجاهات السياسية ومن مختلف الشرائح الاجتماعية ومن الصعب ان يتفقوا على شخص ان لم يكن هذا الشخص بمواصفات نادرة في زماننا هذا .. وكما قلت في بداية البوست انني لم اخبر ادم بهذا البوست ولم تربطني به الا صلة هذا المنبر ثم صلات السودانيين ( السودانيين) وعاداتهم الاصيلة التي يحافظ عليها قلة يقف على راسهم هذا الانسان المتواضع .. لم تربطني به مصلحة شخصية ابداً وانما اعمال وجهود تصب في شرايين هذا الوطن العزيز ورفعته وابنائه وبناته .. ويكفينا فخرا اختلافنا الشديد في الميول الرياضي الا اننا نلتقي في اشياء اسمى .

[QUOT

غايتو يا معتصم وناس المنبر العام قنطرتوا الراجل

يعني قريب يا مدير عام يا الصالح العام

رغم عدم معرفتي به لكن من تعددالشهادات الطيبة في حقه نتمني له التوفيق في قادم أيامه

أما ترشيحه لمنصب المدير العام فأعتذر عن ذلك في وجود بلدياتنا المدير الحالي (:

Quote: بالمناسبة رجعت الى البوست الخاص بحفل وداع وتكريم الرجل.. ولاحظت ان الحضور كان بسيط شديد وربما اقرب للحفلة الدكاكينية... لاحظ تكرار ذات الشخصيات

تحياتي علي ميرغني ..

ما علاقة العبارات اعلاه بمضمون البوست او مضمون تحقيقك الذي تجريه ..

لم ار الحفلة ولا صورها وانما عدت اليها بعد تعليقك ووجدت ان منظميها اصحاب منتدى فكري وبالتالي لابد ان يكونوا قليلي العدد .. علما بان هنالك احتفالات اخرى اقيمت تكريما للرجل ( وحضورها لم يكن بسيط شديد ) ..


بقية حديثك اغلبه ( قالوا ) .. ( قال ) .. ( سمعت ) .. لذلك لا يستحق الرد عليه ..

الأستاذ / آدم موسى من الوقوف - الثاني من اليمين

منتدى السودان الفكري - أبو ظبي (4)

شكر وعرفان لعضو المنتدى للأستاذ / آدم موسى محمد أحمد
مدير الخطوط الجوية السودانية في منطقة الخليج
عند وداعه

نأمل بالكلمات أن نرد بعض الخير لصاحبه :
ربما تكن شهادتي مجروحة ، فأول يوم ألتقية كنت ضيفاً على مائدته في البيت بأبو ظبي ترحيباً بمقدم البروفيسور عالم الفلكلور " محمد المهدي بُشرى " في زيارة خاطفة لأبو ظبي . وكنت ضيفاً وأصرّ أن أكون ضيفه ، وبدأت الحكاية :
ولكنه الشهم الذي تخيرته الأم السودانية الحنون ، واختار الزمان لمولده أكثر الأزمان تعقيداً . يصغرنا كثيراً . له من رجاحة العقل والعلم الاجتماعي ، وعلوم الدين واللغة والفلكلور والثقافة العامة ، ما ميزّ المنصب الذي تقلده كفاحاً ، فوافق شنٌ طبقه . فإدارة الخطوط الجوية السودانية بالتعقيد الذي مرت به في تاريخها ، وتقلب مالكيها ، حتى كادت أن تخرج ملكيتها من سلطة الدولة ، وتأرجحت في كف قابضة وأخرى باسطة . نأمل أن تكون إلى الأفضل .
في ظل كل ذلك كان " آدم موسى " هو النجم الذي بإدارته تحولت الخطوط الجوية السودانية في منطقة الخليج إلى نقطة مُضيئة في تاريخ الخطوط الوطنية الناقلة .
كان ولم يزل الوجه الصبوح الذي يلقاك باسماً ، في زمانٍ تتكدر الأنفس من كثرة الأحمال الاجتماعية والمالية من أسرٍ ممتدة ومن علائق متداخلة ، ومن إرث سوداني جعل الكثيرين يعانون أكثر في المهاجر من ضيق ذات اليد ، فكانت الخطوط الجوية السودانية كناقل وطني هو سبيلهم عند " الفزعة " واختار الزمان لصاحب "الفزعة " أن يكون الأستاذ / آدم موسى محمد أحمد .
لقد تفضل و له كل الشكر والتقدير وقدم محاضرة قبل أعوام في منتدى السودان الفكري عن" طقس العبور عند الشُلك " فقدم المنتدى ليكون أداه تنوع ثقافي قبل أن تأتي الجفوة التي أدت بدعاة الانفصال أن يتقدموا ضد وحدة الوطن . وكانت محاضرته غنية بالمعرفة الدقيقة بالحياة لاسيما وكانت بيده عدة الباحث التي أسهم بها خلال عمله في مناطق الجنوب أن يكون أكثر من رفيق للقادة العشائريين في مناطق الجنوب المختلفة . لديه الآن في مخزونه أكثر من أربعين كاسيت سماعي تسجيلي خاص بتراث أهلنا في الجنوب .
كان" الأستاذ / آدم موسى محمد أحمد" ولم يزل هو الذراع الثقافية والاجتماعية والرياضية في مدينة أبو ظبي . اجتمع على محبته الجميع ، فكان ابنا من أبناء السودان البررة ، الذين يقدمون ولا ينتظرون يوم شُكرهم .
إن سألت عن كرم السودانيين ، فهو من أصحاب هذا الإرث ويده خضراء من أعمال الخير ، يكفي أن تكون سودانياً فحسب ، فمسكنه هو بيتك . تستريح نفسك بجواره ، أو بجوار أسرته وملكة بيته سيدة الدار. لا يخلو مسكنه من الأضياف وأسرهم . لطف ودماثة خلق ، وعفة يد ولسان وعفاف ، كأنه الوجه الذي خرج علينا من أساطير السودان القديمة التي تتناقلها الأجيال .

نعلم أن المناصب لا تدوم لأحد ، وليست حكراً لأحد ، لكن لِمَ هذه الغلظة والجفوة فيمن لا يستحق إلا التكريم والشكر ، والذي أكد وجود أمثاله أن العمل العام لم يزل في بطنه رجاء خير ، وعرفنا ذلك بوجوده بيننا .
ألف تحية للنبيل" آدم موسى محمد أحمد " الذي أعطته القلوب ما لا أحد يستطيع أن يهبه ، فقد كان نصير كثير من المعسِرين ، وكان هو وفق صلاحيات وظيفته يقدم الممكن بكثير من الود والتواضع ، أو كما يقول الراحل الطيب محمد الطيب عن خصال " الشيخ فرح ود تكتوك ): هو ( حلاّل المشبوك )

دُمت سيدي زخراً لوطنك ،
ولأسرة أنجبت أمثالك ، وقد جاء يوم شكرك بعكس الذي عهدنا في التراث ، ليقدمك المولى إلى الأفضل بما تستحق من كفاءة واقتدار ، وأن يهبك بقدر الخير الذي أمددته وقدمته الخطوط الجوية السودانية بكامل مستخدميها وأنت واسطة عقدهم . وأن ينير المولى طريقك ، وأن يبدلك بالذي هو خير .
وبهذا وإنابة عن " منتدى السودان الفكري " نتقدم بالوفاء والعرفان لمشاركة الأستاذ " آدم موسى محمد أحمد "الحية في رفد الثقافة في وسط الجالية السودانية بأبوظبي ، ونحيي مشاركة الخطوط الجوية السودانية في كل منشط اجتماعي وثقافي ورياضي وإنساني خدمة للجالية السودانية في كل الخليج وخدمة للوطن .

*

غايتو يا أدم موسى بعدك الفريق أصبح خلا

غايتو ضد ترشيحكم دا أدم موسى اكفا من انو يكون مدير سودنير

نرشحه يجينا سفيييييييير عديل في الامارات تاني

Quote: لنزاهته لإنضباطه لفعاليته لقدرته على إدارة التغيير لشبكة علاقاته غير المحدودة لسعية الدؤوب لإرضاء عملائه لولائة لمؤسستة لنظاميتة للمؤسسية فى إدارته لإناقته المـربكة لاحترامه لنفسه و الآخرين

يا نسته ياخ خلي الراجل

يمشي بورتسودان يتجدع شوية

او كمان جوبا


مايكون بوستيك ده لفت نظر يوديهو الخور

الاخ معتصم وضيوفه الكرام سلام من الله عليكم وبعد
ادم موسي اخ كريم وقامة سامقة لمن لا يعرفه ويكفيه فخرا ان احافل به الاستاذ الشاعر الكبير محجوب شريف في بيت الفنون
تكريما من منظمة رد الجميل التي تحتفل وتقدر كل جميل وتعرف للرجال اقدارها ..
ادم موسي رياضي مطبوع فقد كان عضو في الاتحاد السوداني لكرة القدم سنوات عدة ..

Quote: معتصم يا اخوي انا كل الطلبتو معلومات زيادة عن الرجل .. فانا لا اعرفه ولم اتشرف بمعرفته لكنه يدخل ضمن نطاق تحقيق اعمل فيه

واقول للاستاذ علي ميرغني الما بتعرفوا اكيد بتجهلوا !! يلا طالما هو يدخل في نطلق تحقيقك ذكرت لك المعلومات اعلاه لعلها افيدك في شئ مما تحقق فيه ,,

Quote: المهم تلقيت معلمومات من مصادر داخل سودانير ارجعت كل الحاصل في سودانير الى سياسة التميكن وانها اصبحت ملاذ لكل منسوبي المؤتمر الوطني بدون مؤهلات متخصصة ... والرجل كان واحد من الأمثلة التي ضربوها .. وقالوا .. وبالمناسبة هم من الحركة الاسلامية ولم ينضموا لاي حزب بعد المفاصلة لا شعبي ولا وطني... هم قالوا ان الرجل كان البودي قارد بتاع شيخ الترابي ومن ثم ادخل الى سودانير حيث عمل فترة مديرا لمحطات بالجنوب ومن ثم انتقل مباشرة الى العمل بالخليج ....متخطيا من هم اسبق منه في العمل واحق بالمنصب.....

الحديث عن منسوبي المؤتمر الوطني لايخص اخونا ادم موسي من قريب او بعيد ويمكنك ان تسال مرة اخري مصدرك هذا !!!والحديث عن المؤهلات يدل علي انك تتخدث عن شخص اخر وفعلا يا علي ميرغني انت لاتعرف ادم موسي صدقا وعدلا ..وحديثك عن البودي قارد للترابي فهو كذب صريح ولا شئ اقوله لك في هذا الامر ,,
وهل يا علي الانتقال من الحنوب الي الخليج عيب ام هو الصواب دائما تنقل من مناطق الشدة الي الخارج وانت سيد العارفين !!

Quote: كمان يأخذون عليه بقاؤه بالخليج لمدة سبعة سنوات على الرغم من ان قوانين الشركة تحدد الفترة بثلاثة سنوات فقط..

وهل مكت ادم سبع سنوات ؟؟ ام ان حساب السنين قد تغير فصارت الخمس سنوات سبعة ؟؟!! وهل تعلم يا علي ميرغني ان شركة عارف طلبت بعد شراؤها عدم تنفيذ اي تنقلات في سودانير مما جعل اخونا ادم يبلغ خمس سنوات لا ثلاثة ..

Quote: ادارة سودانير اعتبرت ان الرجل مثال للمدير الاقليمي...

الكلام ده في بيان ولا قطع اخدر يا علي ميرغني ؟؟

Quote: ولا استطيع ان اقول في الرجل ما لا اعرفه خاصة بعد كل هذه الاشادات التي لاحظت ان بعضها من خارج حوش المؤتمر الوطني

خليت شنو يا علي كنت ناوي تقولوا ؟؟ انت قلت في الرجل مالم يقله مالك في الخمر !!

الأخ علي ميرغني تحياتي وأحترامي

Quote: بالمناسبة رجعت الى البوست الخاص بحفل وداع وتكريم الرجل.. ولاحظت ان الحضور كان بسيط شديد وربما اقرب للحفلة الدكاكينية... لاحظ تكرار ذات الشخصيات[/ QUOTE] شاءات الظروف ان اكون ضمن حضور تكريم ادم موسى بأبوظبي وأشهد أنني لم اشاهد شخص كرم كما كرم ادم موسى فقد حضرت نهاية التكريم بالنادي السوداني وكنت ضمن الحضور الذين ضاقت بيهم اكبر صالة في فندق كاسلز في قلب ابوظبي والملفت المميز لهذا الحضور هو التباين بينهم ففيهم الرعاه والعمال والمهندسين والاطباء والمستشارين والطلاب وكل فئات المجمتمع يجمعهم معرفة وصداقة بي أدم موسى وكالعادة ادم موسى هو الشخص المكرم يقوم بنفسه بتفقد الضيوف والاحتفاء بهم في مقاعدهم وهذا هو ادم موسى فقد كان المدير الاقليمي الذي يتفقد الركاب في مقاعدهم ويطمئن عليهم ولكن مع الأسف لم يكن هناك حضور من البورداب سوى الأخ الطيب عثمان يوسف وشخصي وذلك لظروف البورداب

---

Post: #61 Title: Re: ** معاً لترشيح آدم موسى مديراً عاماً لســـــــــــــــــــودانير * Author: على ميرغني Date: 06-20-2011, 10:32 AM Parent: #59 ا

---

Post: #64 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-20-2011, 11:08 AM Parent: #61 الأخ المحترم علي ميرغني .. يمكننا أن نروج لأحاديث كثيرة ( مغلوطة ) عن الناس ثم ننسبها بكل بساطة لأي مصدر في (سودانير) او (سوداتل) أو (المؤتمر الوطني)او ( اتحاد الصحفيين ) ... الخ ... وقد يصدقها البعض .. وتمشي بين الناس الى ان يثبت العكس واغلب الناس باتوا لا ينتظرون التثبت والتحقق فيأخذونها حقيقة مثبتة ويصدرون أحكامهم على الناس .. وكما قلت لك فان حديثك كله وباعترافك لا يعتمد على حقيقة وانما اقاويل و ( قوالات ) لذلك اربأ بنفسي عن الرد عليها او تفنيدها كما قال شيخ العوض و ( البقية ) ..

---

Post: #66 Title: Re: ** معاً لترشيح آدم موسى مديراً عاماً لســـــــــــــــــــودانير * Author: على ميرغني Date: 06-20-2011, 12:07 PM Parent: #64 [QUOTE

---

Post: #67 Title: Re: ** معاً لترشيح آدم موسى مديراً عاماً لســـــــــــــــــــودانير * Author: العوض المسلمي Date: 06-20-2011, 12:25 PM Parent: #61 Quote: قبل كل شئ اكرر مرة اخرى اني ذكرت بعض المعلومات التي تحصلت عليها من داخل سودنير نفسها... واعتقد انو ناقل الكفر ليس بكافر ... يعني انا زي زي قناة الجزيرة لمن تقول انو شارون قال القدس اسرائيلية... والله يا علي منطقك غريب وغريب جدا !! يازول شنو قناة الجزيرة والكلام الما في محله ده !! قناة الجزيرة كثيرون واعتقد انك منهم قالوا اسرائيلية فهل تقبل وصفك بشئ يشبه حديثك هذا ؟؟ كما انك زول صحفي وتقوم بتحقيقات صحفية وما اصعبها فكيف بك يكون مصدرك قالوا وسمعت ؟؟ الا تعلم ان من قوة الخبر قوة مصدره فكيف يكون مصدرك الاشاعة؟؟ .. Quote: ثانياً الحديث ليس عن مناطق شدة او رخاء الموضوع موضوع انو ف ناس اشتغلوا في سودانير اكثر من عشرين سنة وهم في انتظار فرصتهم في العمل بالمحطات الخارجية.. لكنن تفاجؤوا باختيار آخرون لم يكملوا نفس مدتهم في العمل بسودانير..... طبعا برضو دا ما كلامي انا .. وهل تعلم يا علي ان هناك ايضا مدراء اقليمين لاعلاقة لهم لا بالكيزان ولا المؤتمر الوطني سافروا لمحطات خارجية ولم يعودوا حتي الان للسودان ومازالوا في مهامهم !! ولا تنسي موضوع الكفاءة ولا دي كمان حاتشيلها من ادم موسي ..؟؟ Quote: بل اعلم ومن مدراء ادارات سودانير ان التنقلات كانت سارية على كل المحطات ولم يذكروا الذي قلت من صفات الصحفي الناجح يا علي انه لايكتفي بالاجالة بل يبحث عنها بطريقة اخري للسؤال نفسه ..حاول وستجد صدق كلامي .. Quote: .... اما حكاية قطع اخدر دي ولا ناشف... ببلعها مع كوز كوزين موية ... طالما المصدر لديك مفتوح وهو سودانير بكل طاقمها فالبلع مافيه مشكلة يا علي .. Quote: وحديثك عن البودي قارد للترابي فهو كذب صريح ولا شئ اقوله لك في هذا الامر ,, وهل يا علي الانتقال من الحنوب الي الخليج عيب ام هو الصواب دائما تنقل من مناطق الشدة الي الخارج وانت سيد العارفين !! يا علي انت تحدثت عن علاقة بين الترابي وادم موسي فكان هذا ردك : Quote: اولا هو ليس حديثي بل حديث موظف بسودانير .. عموما الحتة دي ممكن غيري وغيرك يؤكدا او ينفيها اها يا علي البينة علي من ادعي ,,انا بطالبك بالدليل او الاعتذار وتصحيح المعلومة .. مع التاكيد علي عدم صدقية معلومتك هذه ارفق لك رد الزميل موسي عيسي : Quote: - اولاً اؤكد صدقك في تعاطفك مع اخي و زميلي و بلدياتي ادم موسى و حسب معرفتي اللصيقة به منذ النشأة الاولى له و حتى دوخله للجامعة لم يكن يعرف للكيزان سبيلا بل كان النقيض لهم, و أفيدك إني قد سمعت طقه من قبل بمثل اتهامات الاخوان المتداخلين اعلاه و قمت بسؤاله و تحققت بعدم صحة تلك المعلومة و هذا التحقق مقنع لشخصك دون الاخرين, و لكن إن كان صفات الكيزان الذين أعرف اغلب خصالهم و أفعالهم بمجافتها للصواب و تزورهم للحقيقة, فإن شخص ادم موسى يختلف عنهم اختلافا كبيرا و لكن إن كانت صفات الكيزان بصفات و اخلاق اخي ادم موسى الذي اعرفه جيدا فليعلم الجميع و ليسجل التاريخ بأني كوز و مقدود كمان . 2- من حيث التنشأءة و المروءة فهو اهلا لذلك دون شك و لا يختلف عنده الانسان بانتماءه لحزب او قبيلة مهما كان و شهد له ذلك الاعداء قبل الاصدقاء . وتحياتي اخي علي ..

---

Post: #62 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عثمان رضوان Date: 06-20-2011, 10:45 AM Parent: #56

---

Post: #63 Title: Re: ** معاً لترشيح آدم موسى مديراً عاماً لســـــــــــــــــــودانير * Author: tmbis Date: 06-20-2011, 11:06 AM Parent: #62 مليون نعم لترشيح الاستاذ .. آدم موسى مديرا عاما لسودانير ولكل طيرانات الدنيا .. الاستاذ آدم رجل محترم ويحترم الجميع .. وزول عارف شغلو تمام وهذه صفات القائد .. ... شكرا يا معتصم .. ارشح بشده شديده .. Quote: ادم كوز ومؤتمرجي واصلا ما دخل سودانير بمؤهلاته او كفأته المدخل الاوحد له كان الانتماء للفئة الباغية الفاسدة المفسدة القاتلة الاقصائية عليه سوف لن ارشحه انتو يا الكيزان والمؤلفة قلوبهم لو بتعملوا خير في هذا الشعب شوفو لينا مليارات بتاع سوق الاوراق وبنك السودان والمليارات الاخرى نظام فيه كل طوبة فاسدة وتقول لي رشح يا ابو بـاب بنفسجي .. سوف لن ترشحـه ..؟ اهـا قول ما رشحتو .. يعني حسع دي تفتكر انو إنت معدود مع الناس بي اساميك الكتيرة دي ..؟ عالم تخاف ما تختشيش

---

Post: #65 Title: Re: ** معاً لترشيح آدم موسى مديراً عاماً لســـــــــــــــــــودانير * Author: موسي عيسي Date: 06-20-2011, 11:40 AM Parent: #62 الاخ معتصم لك التحية علي فتح البوست ثانيا انا فتحت بوست يوم الجمعة الماضى عن سلوك سودانير سبب إهانة شعب باكمله كما هو ادناه : http://تردي خدمات سودانير إهانة لشعب بأكمله !...نستطيع ان نغير ذلك ؟ اخي معتصم انا اتفق معك قلبا و قالبا بأن سودانير احد المكونات المهمة لدولة السودان المغتصبة المهمة التي أصابها خلل كبير كما باقي المكونات الاخري و لكن لخصوصية هذالصرح لاوحديته و اهميته القصوي و تاثيره المباشر في خدمة كثير من ابناء الشعب السوداني و ارتباطه بعلاقات شعب السودان بالخارج و انعكاسته تظهر مباشرة للغير لانها تتم خارج الوطن دعك عن داخله فقط لذا كان واجب علينا ان نسلط الضوء و بقوة علي هذاالمحفل الذي كان وطنيا اصبح غير ذلك لذا انادي هنا بأن يجب ان نعيد لهذا الصرح مكانته ليصبح كباقي الكيانات العالمية الأخري و إلا ان يندثر و يصبح كما باقي المشروعات والكيانات التي كانت مهمة في الماضي و اندثرت (مشروع الجزيرة مثالا ). و دعنا نتحاور في كيفية اصلاح هذا الصرح و امكانية ذلك بعدها سوف نحدد هل أن العلة في الاشخاص الذين يتولون ادارة هذا الصرح اما أشياء اخري و ان ناخذ بلجام الامور و ليست بقشرتها: 1- اولاً اؤكد صدقك في تعاطفك مع اخي و زميلي و بلدياتي ادم موسى و حسب معرفتي اللصيقة به منذ النشأة الاولى له و حتى دوخله للجامعة لم يكن يعرف للكيزان سبيلا بل كان النقيض لهم, و أفيدك إني قد سمعت طقه من قبل بمثل اتهامات الاخوان المتداخلين اعلاه و قمت بسؤاله و تحققت بعدم صحة تلك المعلومة و هذا التحقق مقنع لشخصي دون الاخرين, و لكن إن كان صفات الكيزان الذين أعرف اغلب خصالهم و أفعالهم بمجافتها للصواب و تزورهم للحقيقة, فإن شخص ادم موسى يختلف عنهم اختلافا كبيرا و لكن إن كانت صفات الكيزان بصفات و اخلاق اخي ادم موسى الذي اعرفه جيدا فليعلم الجميع و ليسجل التاريخ بأني كوز و مقدود كمان . 2- من حيث التنشأءة و المروءة فهو اهلا لذلك دون شك و لا يختلف عنده الانسان بانتماءه لحزب او قبيلة مهما كان و شهد له ذلك الاعداء قبل الاصدقاء . 3- ثالثا من حيث الكفاءة الاقربون اولي بالمعروف . و لكن بيت القصيد هل بترشيح السيد ادم موسى سوف تحل مشاكل سودانير المستعصية في ظل بقاء باقي المكونات كما هي ؟؟ بالتأكيدالإجابة لا و ألف لا !!!! لكن دوعونا كما اسلفت في التفكير في كيفية المساهمة في معالجة سودانير ؟؟؟؟

---

Post: #68 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-20-2011, 12:54 PM Parent: #65 Quote: الاخ معتصم ...... معليش شكلي غلطت يا في حقك يافي حق نفسي ... بل غلطت في حق رجل يستحق الوفاء والتقدير بدلا عن الغلط في حقه .. وغلطت انا قبلك في ان فتحت لك بابا تكيل عبره الاتهامات للرجل دون دليل. عموما ان خرجت من البوست او عدت اليه فلن يغير ذلك في الرجل شيئا .. وفي مجال عملنا هناك حقيقة ان الذهب كلما عرضته للنار يصير اكثر نقاء وتتساقط منه الشوائب الاخرى التي تتعلق به وتصبح هباء منثورا ورمادا تاخذه الريح وترمي به في الارض ويدوسه الناس بارجلهم ويبقى الذهب خالصاًواذا طرقناه او نقشناه بعد ذلك ازداد لمعاناً وبريقاً.. وليعذرنا الذهب ان عرضناه للنار وما اردنا الا تجليته ليعرف الناس قيمته ويفرزونه عن بقية المعادن ..

---

Post: #69 Title: Re: ** معاً لترشيح آدم موسى مديراً عاماً لســـــــــــــــــــودانير * Author: على ميرغني Date: 06-20-2011, 01:15 PM Parent: #68

---

Post: #72 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-20-2011, 01:57 PM Parent: #69 Quote: الاخ معتصم الوصية في الذمة جهات داخل سودانير تابعت البوست دا وصيتهم الاولى اولا البوست بتاعك دا قد يكون اصاب الرجل في مقتل بعد ان شعر الكبار في سودانير بانو ربما يطيح بهم الوصية التانية من تابعو البوست دا طلبوا مني اقول ليك انو الادلة الطالبت بيها ح تصلك في اي ميلك..... يعني كلها دقائق فتك بعافية اخي المحترم .. أعلم ان منبرنا هذا متابع من عدة جهات داخلية وخارجية في سودانير او غيرها وتتفاوت مستوياتها وحدثني من اثق في حديثه قبل شهور عن ان اغلب المسؤولين في الحكومة يتابعون ما يكتب هنا وعندما فتحت هذا البوست كنت اعلم ذلك .. وكنت اعلم ايضا مآلات الموضوع الذي فتحته .. وكله لا يضير الرجل شيئا ان بقي في سودانير وصار مديرها كان خيرا لها وللسودان .. وان غادرها كان خير له .. ومن قال لك انني طالبت بأدلة ؟ وهل هناك اتهام أصلاً ؟؟ وجميع ما سطرته موجود في اعلى البوست وليس من عادتي تعديل كتاباتي في المنبر يمكنك ايراد الكلام الذي طالبت فيه بادلة ان وجد .. !! وادناه تجد ايميلاتي ان لم تكن لديك واعتقد ان احدها بالبروفايل ومنشور في اماكن عديدة ومعها ارقام تلفوناتي داخل السودان وخارجه .. وع انك قلت ستصلني (أدلة ) في ايميلاتي بعد دقائق فقد مرت نصف ساعة وايميلاتي لم تتشرف بعد باي رسالة جديدة ولو في البريد الغير مرغوب فيه .. وأعدك .. أعدك وأعدهم بأن أنشر اي شئ يصلني طالما عجزت انت عن ذلك وعجزوا هم .. [email protected] [email protected] [email protected]

---

Post: #75 Title: Re: ** معاً لترشيح آدم موسى مديراً عاماً لســـــــــــــــــــودانير * Author: على ميرغني Date: 06-20-2011, 03:22 PM Parent: #72 [

---

Post: #70 Title: Re: ** معاً لترشيح آدم موسى مديراً عاماً لســـــــــــــــــــودانير * Author: ناصر احمد الامين Date: 06-20-2011, 01:28 PM Parent: #65 ابصم و بالعشره ... بدون كلام

---

Post: #71 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عبد الله كسلا Date: 06-20-2011, 01:47 PM Parent: #70 Quote: وفي مجال عملنا هناك حقيقة ان الذهب كلما عرضته للنار يصير اكثر نقاء وتتساقط منه الشوائب الاخرى التي تتعلق به وتصبح هباء منثورا ورمادا تاخذه الريح وترمي به في الارض ويدوسه الناس بارجلهم ويبقى الذهب خالصاًواذا طرقناه او نقشناه بعد ذلك ازداد لمعاناً وبريقاً.. وليعذرنا الذهب ان عرضناه للنار وما اردنا الا تجليته ليعرف الناس قيمته ويفرزونه عن بقية المعادن .. والله يا معتصم كلامك ده عجبني بالحيل .. وما تندم على فتح البوست بعد كلامك ده .. وأرجع شوف المؤيدين لفكرة ترشيحك لآدم موسى كم واحد .. آدم موسى رجل .. والرجال قليل فعلاً في الزمن ده .. هو التواضع، والشهامة، والنخوة، والكرم الحاتمي .. وإثار الآخرين على النفس .. و و و شكراً ليك يا معتصم .. إنت فعلاً أصيل .. وآدم موسى يستاهل كل خير ..

---

Post: #73 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عبدالعزيز حسين عبدالرحيم Date: 06-20-2011, 02:05 PM Parent: #70 Quote: دم كوز ومؤتمرجي واصلا ما دخل سودانير بمؤهلاته او كفأته لو في المؤتمر الوطني في 10 زي ادم موسى دا يعلم الله كنا نكون اعظم شعب واعظم حكومة مرت على التاريخ بعدين يا شبح Quote: نظام فيه كل طوبة فاسدة وتقول لي رشح أنت زاتك القال ليك رشح منو الترشيح مطلوب من الناس المعروفة وبتفتخر بي نفسه وبتظهر عيان وبتتواصل مع بعضها وتعرف بعضها وديل ادم موسى كان بسعى ليهم بي نفسه ما طالب منهم شكر ولا داخرهم لي يوم مواصلة راجالة وخوه وانسانية ووطنية وواجب وتراحم بين عباد الله جمعهم وطن واتسموا سودانين بس أدم موسى قامة ورجل كامل فخر مكان ما يكون يلم الناس بي مودة وطيبة تلقاه مع الحركة الشعبية والكيزان والشيوعيين والانصار والختمية والصوفية والسلفيين هياب محبوب في مطار ابوظبي يسعى الناس لتحيته من السعاه والعمال حتى الضباط ومدراء المطار والموظفين معروف للكن وكلهم يثنو عليه يسعى بي الناس لخدمتهم وراحتهم ، أدم موسى المدير الاقليمي أول موظف بدخل المكتب واخر واحد بطلع ويتابع تفاصيل الرحلات بنفسه ويتأكد ويتواصل مع الناس بي نفسه ويسعى لحل المشاكل وكل ايقظ في الليالي وسهر لحل مشاكل الناس وتسهيل امورهم اتنين ابوظبي اتيمت بعدهم جنابو الصادق بنته وهسع ادم موسى ادم موسى زميل البورد راجع كل كتاباته وشوفه كان غلط على زول ولا انحاز لي جانب ولا كذب ولا قذف ولا اساء ولا هرطق ولا اتبوبر .... بكتب بكل لطف وذوق وادب ياهو دا أدم موسى العرفناه رجل نكر نفسه وتجرد من ذاته لخدمة الناس يكون كوز يكون حركة شعبية رجل عرفناه بالطيب وفارقناه بالطيب واحبيناه واحبانا انت منو غير زول نكر نفسه من الخوف والجبن لأذية الناس والافتراء والتجني عليهم ... داك ادم موسى أنت منو ؟

---

Post: #74 Title: Re: ** معاً لترشيح آدم موسى مديراً عاماً لســـــــــــــــــــودانير * Author: EMU إيمو Date: 06-20-2011, 02:51 PM Parent: #73 كم عدد الطائرات التي تمتلكها سودانير؟ هل لسودانير صفحة نشطة على النت؟

---

Post: #76 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-21-2011, 05:33 AM Parent: #74 Quote: يعني كلها دقائق مرت دقائق وساعات وأيام..ولا زلت منتظراً .. Quote: يا معتصم الكلام لمن يصفيهو بانو اقاويل يعني تشكيك في مصداقيتو ... وزي ما قلت ليك الوصيتين من ناس سودانير... فاذا وصلتك ادلتهم الحمد لله، ولو ما وصلت انتظرهم شوية كمان... ما اظنك قاعد في الشمس او في عداد بالزمن يصفيهو يعني شنو..؟؟ الشمس اشرقت وغابت ثم اشرقت وغابت واصبحنا واصبح الملك لله ..

---

Post: #77 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Faisal Elrasheed Date: 06-21-2011, 06:41 AM Parent: #76 معتصم سلامات ... الموضوع هام للغايه .. لو امكن السيره الذاتيه للرجل .. المقام مقام امكانات ومؤهلات رفد البوست بالسيره الذاتيه ومؤهلات الرجل هي لقطع الطريق امام الذين يدعون ضعف امكاناته ... او فتح الطريق امامهم .. كن بخير دوما ..

---

Post: #78 Title: Re: ** معاً لترشيح آدم موسى مديراً عاماً لســـــــــــــــــــودانير * Author: ناصر احمد الامين Date: 06-21-2011, 06:48 AM Parent: #76 ادم موسي رجل كامل الدسم و خالي من الكوليسترول في نفس الوقت ادي الرجل مهمته كاملة و كان فيها من الزاهدين، و أكال المكيال ضعفي عطاء يحق لنا ان نحتفي به ونسعد ان رأينا مسؤلا يترك سيرة حسنة و انطباع جيد لدي الجميع. و بالفعل فقدناه. __________________ و هكذا نحن يا سودانيين ... دا كوز و دا شيوعي و دا شيطان و الوطن مغيب.

---

Post: #79 Title: Re: ** معاً لترشيح آدم موسى مديراً عاماً لســـــــــــــــــــودانير * Author: منال Date: 06-21-2011, 08:11 AM Parent: #78 **** up ****

---

Post: #80 Title: Re: ** معاً لترشيح آدم موسى مديراً عاماً لســـــــــــــــــــودانير * Author: MOHAMMED ELSHEIKH Date: 06-21-2011, 12:30 PM Parent: #79 غايتو يا نستا الزول دا اجمعو عليه كيزان ومعارضين ومافي حد قال فيهو غير السمح اتوقع ان يكون زول كويس بس الترشيح لهكذا مناصب وفي هذا العهد يتطلب مؤهلات خاصة!!! ليس من ضمنها الكفاءة والأمانة

---

Post: #81 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Gaafar Ismail Date: 06-21-2011, 02:22 PM Parent: #80 أخي الحبيب معتصم الأستاذ آدم أهل لهذا المنصب وزيادة يشرف أي موقع يعمل فيه لخلقه الرفيع وخبرته الثرة تحياتي ومودتي

---

Post: #82 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Magdi Ahmed Elsheikh Date: 06-21-2011, 06:24 PM Parent: #81 الاخ معتصم تحياتي الاخ ادم موسي غني عن التعريف..... واتمني له التوفيق والسداد في كل خطوة ... ودعمنا التام لكل من يخدم الوطن ويرفع اسمه... والاخ ادم احدهم...!

---

Post: #83 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عبد الله كسلا Date: 06-22-2011, 06:35 AM Parent: #82 حفل الأستاذ الموسيقار محمد الأمين في أبو ظبي .. وكانت سودانير في عهد آدم موسى هي الراعي الرئيسي للحفل .. وهذا قيضٌ من فيض .. من نشاطات وإهتمامات آدم موسى الإجتماعية .. وتواصله ومساهماته المختلفة مع أبناء الجالية السودانية في كافة أنحاء دولة الإمارات العربية المتحدة .. آدم موسى في الحفل المذكور ..

---

Post: #84 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عبد الله كسلا Date: 06-22-2011, 06:43 AM Parent: #83 آدم موسى بالنادي السوداني في دبي مع مجموعةٍ من البورداب إبان زيارة حبيب الكل أبو ساندرا للإمارات .. ويظهر في الصورالوقوف من اليمين: القرضابي، طارق الكوتش، الزنجي، حمودة، ونصر الدين البشير والجلوس من اليمين: عصام أحمد، خالد درق، أبو ساندرا، عبدالكريم (الماكيكي)، ثم آدم موسى

---

Post: #85 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Faisal Elrasheed Date: 06-22-2011, 06:55 AM Parent: #84 Quote: المقام مقام امكانات ومؤهلات رفد البوست بالسيره الذاتيه ومؤهلات الرجل هي لقطع الطريق امام الذين يدعون ضعف امكاناته ... او فتح الطريق امامهم .. ال CV يا ناس وين ؟؟

---

Post: #86 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-22-2011, 06:08 PM Parent: #85 الأخ الاستاذ / علي ميرغني .. سحبك لمداخلاتك لا يعني انني تخليت مطالبتك بمستندات ( ناس ) سودانير الذين قالوا انهم سيرسلونها لي عبر بريدي الالكتروني وها نحن نودع اليوم الرابع منذ وعدهم بارسالها .. الاخ فيصل الرشيد (in name) ياخ انت وين ؟؟؟ سنرفد البوست بالسيرة الذاتية اذا وافق صاحبها .. الاحباب الكرام الذين مروا بالبوست لكم حبي وتقديري ..

---

Post: #87 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-25-2011, 03:11 PM Parent: #86 معاً لترشيح آدم موسى مديراً عاماً لســـــــــــــــــــودانير

---

Post: #88 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Abd-Elrhman sorkati Date: 06-25-2011, 03:23 PM Parent: #86 أخي معتصم لك كل التقدير والمحبة عن نفسي لا أعرف الشخصية التي تتحدث عنها ولكن يبدو من حديثك عنه وحديث كثير من الزملاء انه شخص محترم ومتفاني وشخص محبوب وعملي ويتمتع بصفات ممتازة ،،،،، لذا أرجو منك إن كنت تحبه ةتتمني له الخير ان تدعو له الله ان يوفقه في مكان آخر غير هذه السودانيير لانها شركة عبارة عن عصابة وهي شركة منهارة لا محالة وكلها غلط في غلط أتعس شيء في السودان هو سودانيير حيث لا إحترام ولا تقدير للناس ولا إنضباط في العمل ولا مهنية ،،،، هي بإختصار شركة يجب أن تمحي من علي الوجود ،،،، لذلك اتمني ان يجد الاخ الذي ترشحه لنيل منصب المدير أن يوفق في مرفق آخر يخدم منه شعبه ،،،،، ولك كل الاحترام سودانير دي مهزلة تمشي علي ( عجلات ) خالص إحترامي

---

Post: #89 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-27-2011, 10:46 AM Parent: #88 ولازلنا في انتظار ( ناس) سودانير الذين قال عنهم علي ميرغني .. وفي انتظار علي ميرغني نفسه .. وقد قلّبنا ساعة الرمل الاف المرات ولم يأت أحد !!

---

Post: #90 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Faisal Elrasheed Date: 06-27-2011, 10:52 AM Parent: #89 Quote: الاخ فيصل الرشيد (in name) ياخ انت وين ؟؟؟ موجود يا معتصم.. ما بين هنا وهناك ... المهم اخبارك واحوالك .. ـــــــــــــــــــــــــــــــــــــ ويا ريت يوافق السيد ادم موسي علي نشر سيرته الذاتيه حتي يكون النقاش موضوعي .. السيره الذاتيه تقطع الطريق امام الرافضين او تفتح الطريق .. مودتي التي تعرف ..

---

Post: #91 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-27-2011, 11:00 AM Parent: #90 فيصااااال الروشيد ... ( حليلك يا وهبة ) .. طبعا يا حبيبنا ادم موسى غني التعريف في جميع الاوساط السياسية والرياضية والاجتماعية .. واضافة الى ذلك فهو رافض لموضوع البوست من اساسه .. انتظر اتصالك .. 0123022250 0912209259

---

Post: #92 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عادل فضل المولى Date: 06-27-2011, 12:40 PM Parent: #91 ادارة مؤسسات الدولة العامة او الخاصة ليس عملاً طوعيا ً حتى يدخل العامة في ترشيح شاغلي اجهزتها التنفيذية وانطباعنا الجيد عن الناس لا يمنحنا الحق في الجزم بأهليتهم لمثل هذه المناصب هناك آليات محددة تحكم عملية اختيار شاغلي الوظائف العليا في المؤسسات - وفي بعضها لا يؤخذ حتى براي الجمعية العمومية! ومن المؤكد ان طرح الموضوع هنا لن يؤخذ على محمل النوايا الطيبة عند البعض في سودانير ولما تكلف صاحب البوست المشقة والعنت والشرح لتبرئة وجهة نظره ولما كان Quote: ادم موسى غني التعريف في جميع الاوساط السياسية والرياضية والاجتماعية فإني أثني ترشيحه في ان يكون رئيساً لنادي الهلال في الدورة القادمة

---

Post: #93 Title: Re: ** معاً لترشيح آدم موسى مديراً عاماً لســـــــــــــــــــودانير * Author: ناذر محمد الخليفة Date: 06-27-2011, 04:26 PM Parent: #92 !!! Quote: فإني أثني ترشيحه في ان يكون رئيساً لنادي الهلال في الدورة القادمة عدولة .. المساخة ما عندك لكن ....!!

---

Post: #94 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Tragie Mustafa Date: 06-27-2011, 05:08 PM Parent: #93 محبة الناس اكبر شهادة بحق الرجل. للذين يدعون بانهم يرغبون في مؤهلات. لم ارغب في التداخل حتى لا نغطس حجر الرجل.(ههههههههههه)! لم اعرفه الا من خلال هذا المنبر. كلام رغيم يبدو انه تسريبات حقيقه: Quote: يا نسته ياخ خلي الراجل يمشي بورتسودان يتجدع شوية او كمان جوبا مايكون بوستيك ده لفت نظر يوديهو الخور اذا كانت هذه هي الخيارات الانقاذيه كما يبدو فعليك بجوبا يا اخي آدم موسى فلا علاقه بينها وبين بورتسودان من ناحية الطقس وبعد اتشويت سنين برطوبة وشمس الامارات من حقك تتجدع في طقس استوائي معتدل. وكذلك كونك عملت سابقا بمكتب جوبا كما قيل عنك هنا فانا اعتقد لك صداقات موده تنجح في ان تكون سفيرا غير مفوض لقطرنا البائس. امثال آدم موسى سيظلون سفراء شعبين مفوضين من قبل الشعب فامسك عنصريتك عليك يا علي ميرغني. فاني اعرف دوافع الجلابي واشمها جيدا يغيظ امثالك جدا ان يتفوق احد ابناء الهامش بلا سند قبلي ولا عشائري وانما بمؤهلاته العاديه. يا بختك يا آدم موسى بهذه المحبه الشعبيه. ربنا يسترك دنيا وآخره. ومن قالوا عنه انه كوز لو كوز ونضيف احسن لينا من معارض فاسد وعرقي واستعلائي ونعرف منهم الكثيرين.

---

Post: #95 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عادل فضل المولى Date: 06-27-2011, 06:31 PM Parent: #93 Quote: عدولة .. المساخة ما عندك لكن ....!! ناذر بطّل الحسادة وادعم الترشيح الزول دا بنفع الهلال

---

Post: #96 Title: Re: ** معاً لترشيح آدم موسى مديراً عاماً لســـــــــــــــــــودانير * Author: بلدى يا حبوب Date: 06-27-2011, 06:46 PM Parent: #95 الاخ / معتصم صدقنى فى هذا الزمن الردى لا يمكن لانسان مهما كان يملك من مؤهلات وخبرات وكل جميل نعت به الرجل ان يغير سياسة النظام ولا يمكن لمرشحك ان يتولى المنصب (مدير سودانير) ان لم يكن من زمرة النظام أو من المتواليين او من احزاب الفكة او من المطبلين لهم . فأن تولى المنصب فيعنى هذا اما ان يكون منظم ولندع هذا للايام او عليه باحضار عقد عمل يسهل له العوده مع صدور اول قرار بفصله فى حالة عدم ارتداءه العبائة الانقاذية احى فيك الشعور السودانى الجميل واكيد انت من سودانى الشتات وليس من سودانى الداخل والذى لا يهمهم ان اتى احمد او حاج احمد فقبل سودانير اين السكة حديد واين مشروع الجزيرة واين التعليم الجامعى واين ووووووو تحياتى

---

Post: #97 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عادل فضل المولى Date: 06-29-2011, 09:15 AM Parent: #96 Quote: الاخ / معتصم صدقنى فى هذا الزمن الردى لا يمكن لانسان مهما كان يملك من مؤهلات وخبرات وكل جميل نعت به الرجل ان يغير سياسة النظام ولا يمكن لمرشحك ان يتولى المنصب (مدير سودانير) ان لم يكن من زمرة النظام أو من المتواليين او من احزاب الفكة او من المطبلين لهم . فأن تولى المنصب فيعنى هذا اما ان يكون منظم ولندع هذا للايام او عليه باحضار عقد عمل يسهل له العوده مع صدور اول قرار بفصله فى حالة عدم ارتداءه العبائة الانقاذية احى فيك الشعور السودانى الجميل واكيد انت من سودانى الشتات وليس من سودانى الداخل والذى لا يهمهم ان اتى احمد او حاج احمد فقبل سودانير اين السكة حديد واين مشروع الجزيرة واين التعليم الجامعى واين ووووووو يا حبوب وانت في طريقك للمواصلات اغشى عمارة الدهب وقول ليهم عايز نيستا حيقولوا ليك الجرام بي 140 ركز معانا شوية! المغتربة منال

---

Post: #98 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-29-2011, 12:02 PM Parent: #97 الأخوة الكرام الذين مروا بالبوست قراءة أو إضافة لكم ودي وتقديري .. الأخ علي ميرغني .. لا زلنا ننتظر ( إعتذارك الواضح والصريح ) .. ثم الوثائق المزعومة .. علماً بانني احتفظ بنسخة من البوست كاملا قبل سحب مداخلاتك ..

---

Post: #99 Title: Re: ** معاً لترشيح آدم موسى مديراً عاماً لســـــــــــــــــــودانير * Author: Tragie Mustafa Date: 06-29-2011, 02:23 PM Parent: #98 الفاضل معتصم شوف زولنا ونفاقه قال شنو؟؟؟ Re: بالغتي يا تراجي Quote: بعدين مش الموضوع دا ياخي انا اثني واثمن هذا الترشيح طيب وقت انت بصمته وبلعته مداخلاتك ومسحتها اها....تراجي كبش الفداء دي لمتين تتشعبطوا في رقبتها؟؟!!

---

Post: #100 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-29-2011, 03:16 PM Parent: #99 Quote: طيب وقت انت بصمته وبلعته مداخلاتك ومسحتها اها....تراجي كبش الفداء دي لمتين تتشعبطوا في رقبتها؟؟!!

---

Post: #101 Title: Re: ** معاً لترشيح آدم موسى مديراً عاماً لســـــــــــــــــــودانير * Author: زهير الزناتي Date: 06-29-2011, 03:51 PM Parent: #100 يا معتصم سلامات .... والله بوستيك ده شرك عديل كده ... الزول قدر ما حاول ما يخش غلبه ... علي العموم آدم موسي لمن لا يعرفه فهو انسان كامل الدسم ... لا تملك الا وان تحترمه مهما كان خلافك معه ... من الناس الجديرة بالاحترام ... تعاملت معه علي المستوي الشخصي فوجدته شخص من شاكلة الذين اذا وضعوا في الجرح يبرا ... لا اريد ان اعدد جمائل آدم موسي فهو بكل تاكيد يرفض ذلك ... ولكني اشهد له بمساهمات انسانية عن طريقي تضعه في مصاف الاولياء ولا اريد ان اقول الانبياء حتي لا يحدث لي ما حدث لعثمان ميرغني طرف التيار .... اجزم ان آدم موسي ليس بمؤتمر وطني ولا يحزنون وانا علي ثقة من هذه الشهادة فالراجل كل مواقفه وطنية ... واذا ما قال احدهم بانه غواصة فهو لا يعرف التغويص ولا يعرف آدم موسي ولا يعرف المؤتمر الوطني ... اتمني ان اراه في اعلي الوظائف والمراتب المهنية ... وبكل صراحة آدم موسي كتير علي سودانير ... وشكراً يا معتصم علي هذه الخيط لنعطي الرجل بعض من الشكر لافضاله الكثيرة ....

---

Post: #102 Title: Re: ** معاً لترشيح آدم موسى مديراً عاماً لســـــــــــــــــــودانير * Author: معتصم محمد صالح Date: 06-29-2011, 04:00 PM Parent: #101 الرجل الأصيل زهير الزناتي .. لك تحياتي .. ولا يعرف قدر الرجال الا الرجال

---

Post: #103 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عبدالله الشقليني Date: 06-29-2011, 04:58 PM Parent: #102 رفقتنا في حفل عشاء دعانا له الدكتور إسماعيل الفحيل احتفاء بزواج الأستاذ / آدم موسى قبل ثلاث سنوات عندما تم طرح الملف لم يكن في ذهني أن نرشح الأستاذ / آدم موسى محمد أحمد لإدارة سودانير ، ولكن سرنا ونتمنى أن يتبوأ أعلى المناصب لما تعوده من أن يكون في أن يصبح من أهل العمل العام المبدعين . وأهم صفات من يتقدمون للعمل العام الجماهيري هو القدرة على معرفة البهار الهلامي الساحر ، في أن يجبرك أن تصبح صديقه ، حتى لتظن أنه صديقك وحدك ، لتكتشف أنه لم ينتزع محبتك من كهوفها المظلمة ، بل هي سليقته ، وإرث السودانيين المبصرين بعيون الفرح والفأل لكل من يعرف . عندما كان يقدم البروفيسور محمد المهدي بشرى والدكتور إسماعيل الفحيل في ندوة عن الراحل " الطيب محمد الطيب " إذ كانا من الذين عملوا معه توثيقاً وزمالة عمل في مصلحة الثقافة وفي معهد الدراسات الأفريقية وصداقة امتدت كل العمل ، ولكن الأستاذ / آدم محمد أحمد أتحفنا بحديثه عن الراحل ، وعرفنا أنه كانت بينه وبين الطيب محمد الطيب كثير من الروابط ، خاصة تخصصه في علم الفلكلور . الحديث عنه لا ينتهي ، وفقدنا له في دولة الإمارات لن تعوضه البدائل . كان رياضياً مطبوعاً ، وصاحب ثقافة مؤسسية ، يقدم مداخلاته بكل تواضع ، وبكثيف المعرفة بما يضيف لكل من يستمع له جديداً .

---

Post: #104 Title: Re: ** معاً لترشيح آدم موسى مديراً عاماً لســـــــــــــــــــودانير * Author: ناذر محمد الخليفة Date: 06-29-2011, 04:59 PM Parent: #102 Quote: ركز معانا شوية! المغتربة منال

---

Post: #105 Title: Re: ** معاً لترشيح آدم موسى مديراً عاماً لســـــــــــــــــــودانير * Author: عادل فضل المولى Date: 06-30-2011, 01:11 PM Parent: #104 يا ناذر يعني هي من سودانيي الداخل..؟